Te Mwananga Inanon te Wiiki ae Tabu

N Tabatin te Banni, a kamaura Iesu Kristo aomata ngke E roko i Ierutarem. A takaruaea “Otanna” ao ni bukamaruia. Otanna bon te taetae n Ebera are nanona bwa “ti butiiko kamaiura.”

N ana Kabanea ni Katairiki, e teboki waeia ana reirei Iesu. E katea te banna ni katooto ibukira bwa tina iria.

N te Onaroka are Ketetemwane, e tataro Iesu Kristo nakon Tamana are i Karawa ao ni korakai ibukin ara bure. E korakai ni mate ibukin ara bure.

E titiraki Iotebwa mai Arimataia ngkana e kona n anaa rabwatan Iesu Kristo imwiin matena. E kaburea ana ruanimate ae boou Iotebwa bwa e aonga ni wene raoi ma te rau Iesu.

Maria Mwaketara bon te moan tia kakoaua ibukin Mangautin te Tia Kamaiu. E biri nakoia Abotoro ao ni kaongoia te rongorongo ae kakukurei!

Imwiin matena, e kawaria “ana nanai n tiibu” Iesu ni kabuta te aonaba. Teuana te tabo ae kawaria bon te Aono n Amerika. A noora ikoakin baina ma waena ao n ataia bwa bon Ngaia te Tia Kamaiu are e a mangauti.