“Wasea na iTukutuku Vinaka,” iTokani, Maji 2026, 36–37.

Wasea na iTukutuku Vinaka

Mai vei Kelvin Njenga

E dua na italanoa dina mai Kenya.

iVakaraitaki ni veivunimaqo, vale delavuvu drauniniu, kei na dua na marama e solia tiko vua e dua na gonetagane lailai e dua na peleti vakalomavinaka

Dua na Sigatabu ramase ni Siganimate, a yadra vakamataka lailai o Ryan ka cici yani ki valenikuro. A rawa ni boica na niu kei na gacagaca ni kakana ni mahamri se qai cakava o Na. A tovolea o Ryan e dua na tiki ni keke katakata malumu muatolu. “Tinaqu! E Siganimate!. E rawa beka ni da sarava na iyaloyalo kei Jisu nikua?” a taroga ena matadredredre levu.

A raici koya o Na ka matadredredre. “Io!”

A cici e tuba na taci Ryan lailai, o Liam, ni rau sa dabe o Na kei Ryan me rau sara iyaloyalo.

iVakaraitaki ni rau dabe vata na marama kei na gonetagane ka sara TV

Rau a saravi Jisu Karisito ni vakayacora na cakamana ka qaravi ira na tamata. Ia ni ra sa vakamavoataki Jisu na tamata, sa tonawanawa na matai Ryan.

“Na, na cava era cakava kina na ka oqori vei Jisu?” a taroga ena rarawa.

“A digitaka o koya me vakararawataki ena vukuda,” e kaya o Na. “E lomani keda vakalevu sara o koya, Ryan. A mate o koya me rawa ni da bula tale. ”

Ni sa vakaraitaki ena iyaloyalo na Tucaketale nei Jisu Karisito, a matadredredre o Ryan. “Raica, Na! Sa bula tale o koya! ”

“E donu qori,” a kaya o Na. “Sa tucaketale o Koya! Me vaka ga a kaya na agilosi ena iVolatabu.”

E muri, a gole e tautuba o Ryan me laki qito. A raici Liam ni qitora tiko eso na kau ena ruku ni vunimaqo.

iVakaraitaki ni gonetagane e taubale yani vei gonetagane lailai, ka dabe tiko ena ruku ni dua na vunimaqo

“Liam! Au vinakata meu tukuna vei iko e dua na italanoa vinaka, ”e kaya o Ryan.

A wawa tu o Liam ni dabe sobu ena ruku ni vunimaqo o Ryan. “E baleti ira beka na motoka?”

“Sega. E vinaka cake sara!” A kaya o Ryan. “E sa baleti Jisu A mate o koya, ia a qai bula tale mai.”

“E dina?” A taroga o Liam.

“Io! A kaya e dua na agilosi, ‘Sa sega eke ko koya, sa tucake tale!’ Sa kena ibalebale oqo ni da rawa ni bula tale. ”

“Wow!” A kaya o Liam. “Sa kaukauwa dina o Jisu.”

A deguvacu o Ryan. A vakasamataka na levu ni nona lomani koya o Jisu Karisito. E vakasinaiti ka marau kina na yalona. E a wasea na itukutuku vinaka vei iratou na nona matavuvale, ka sa vakavuna me ka talei sara na nona Siganimate.

E rua na gonetagane e rau dabe tiko ena ruku ni dua na vunimaqo