Siganimate ena Veiyasai Vuravura

Eke, na yaloka ni Siganimate era boro damudamu me vaka na dra i Jisu Karisito. Ena Siganimate, era kaya na tamata, “Sa tucake tale mai na mate na Karisito! Sa Kalougata na Tucaketale i Karisito!” Era sa qai voroka vata na kedra yaloka.

E vuqa na tamata era daramaka na vulavula ena Sigatabu ni Siganimate me marautaki kina na Tucaketale nei Jisu Karisito kei na qaqa mai na mate.

Ena gauna ni Siganimate, era dau ubia na gaunisala na tamata ena ibe vavaku duirokaroka e caka mai na ivarovaro ni kau kei na senikau. Na ibe vakavalagi oqo era caka matau ka totoka na kena iwalewale. Eso e tiko kina na iyaloyalo ni iVakabula.

Na Vakaraubuka Vinaka sa ikoya e dua na “vakacagicagi vakanomodi” kei na kena vakatabui vakalawa na mamaue rogolevu kei na veika ni soqo raraba. Oqo e rawa kina vei ira na tamata mera se tiko vakadua ka dau vakananuma na veika sa cakava vei ira o Jisu Karisito.

E vuqa na matavuvale era dau vakarautaka na magiti ni 12 na veimataqali kakana ena Lotulevu se Vakaraubuka ni bera na Siganimate. Na kana oqo e matataka na iOtioti ni Kana Vata i Jisu Karisito kei iratou na iApositolo Le Tinikarua.

Ena Sigatabu ni Curu Vakatui, era sa talia na tamata na drauni niu ki na kena icakacaka totoka. Oqo ena vukei ira mera nanuma tiko na sala era a kidavaki Jisu Karisito kina o ira na tamata mai Jerusalemi ena drauni niu ena macawa Tabu.