iLakolako ena Macawa Tabu

Ena Sigatabu ni Curu Vakatui, era a kidavaki Jisu Karisito na tamata ena Nona lako mai ki Jerusalemi. Era kailavaka na “Osana” me ra marautaka. Na Osana e vosa vaka-Iperiu ni “yalovinaka ni vakabulai keimami.”

Ena bogi ni iOtioti ni Kana Vata, a vuya o Jisu na yavadratou na Nona tisaipeli. A cakava o Koya e dua na ivakaraitaki ni veiqaravi yalomalumalumu me da muria.

Ena Were o Kecisemani, a masu o Jisu Karisito ka vakila na nodra mosi kei na leqa ni tamata yadua. E a vakararawataki ena vuku ni noda ivalavala ca.

A kerea o Josefa mai Arimacea ke rawa ni laki maroroya na yagoi Jisu Karisito ni sa mate tu. A solia o Josefa na nona ibulubulu vou vei Jisu me laki vakatikori ena dua na vanua vinaka ni vakacegu.

A isevu ni nona raica na iVakabula o Meri Makitala ni oti nona Tucaketale. A cici yani me laki tukuna vei iratou na iApositolo na itukutuku vinaka!

Ni sa mate, a sikova o Jisu Karisito na Nona sipi tale eso” e veiyasai vuravura. E dua na vanua a veisiko kina o Koya sai koya o Amerika. Era a tara na mavoa e Ligana kei na yavana ka kila ni o Koya na iVakabula sa tucaketale.