Cakacakaniliga ni Siganimate

Ena vuqa na veiyasai vuravura, na tulipi eso na imatai ni senikau mera se ena vulaitubutubu. Ena vuku ni ka oqo, era sa ivakatakarakara ni sucu vou ka rawa ni vakananuma vei keda na solibula i Jisu Karisito. Nida ivalavala ca, e rawa nida veivutuni ka sucu tale vakayalo!

1. Lobika veimamana tiki ni pepa sikuea me tolu na yasana.

2. Ena yasana balavu e ra, lobika e cake na tutuna dodonu, raica me kakua ni sivia na tikina e cake.

3. Lobika na yasana imawi ena sala vata ga me karua ni ikalawa.

4. Vukica na nomu pepa. Na tikina e rua na muana e udu tiko e tuba e dodonu me tiko e cake.

5. Lobika sobu ga na muana e cake ni tututolu ena yasana yadua.

6. Vukica na nomu pepa mo raica tale kina na nomu tulipi! Qai vakabira kina dua na tikinipepa.

Me caka na tolona, kotiva na pepa drokadroka, raica na drauna e tautuba me dregata, se droinitaka ga na nomu!

O kila beka ni yaloka e rawa ni vakananuma vei keda na bula vou? Cakava na gacagaca ni salad yaloka oqo me vukei iko mo nanuma na Tucaketale nei Jisu Karisito!

1. Ena nona veivuke e dua na qase cake, vakasaqara e 6–8 na yaloka me 10 na miniti.

2. Me batabata mada na yaloka, vocia ka musuka vakamatailailai.

3. Ena dua na bilo levu, veiwakitaka na yaloka sa musu tu kei na 1 na sevuni levu ni mustard kei na 1/4 na bilo mayonnaise. Vakamiraki vata kei na masima, pepper, kei na paprika ka veiwakitaka tale.

4. Vakamiraka kina madrai se bisikete kamica ka marautaka!