15,100 ao i Aona

Ngke e a koro waniua au ririki, I a tau n karaoa oin au akaunti n te FamilySearch! I nakonnano n te moantai, ma a reiakinai au karo ao tariu ma mwaneu aron te intekiti ao karaoan kain au utu bwa I aonga n buokiia au bakatibu. Imwiin anne, I aki manga nakonnano. I namakina te boutokaaki ao te tauraoi.

Imwiina I namakina anaakin nanou bwa N na riki bwa te tia rinanon rongorongon te utu n ai aroia au karo ao tariu ma mwaneu. I rinea anne bwa teuana ibuakon au kouru ibukin aia burokuraem Ataei ao Kairake. Ni kakoroa nanon te kouru aei, I riai ni karaoa te intekiti ae tauaki mwiina ae 1,000 mwaitina.

N tabetai ao I rootaki. Ma a kakauringai au karo bwa I aki kona ni karaoia ni kabane i nanon teuana te bong. Ngaia are, I riai ni katuru ao ni karaoa ti teniua te mwaiti ae tauaki mwiina n teuana te bong, ao i mwaain teuana te ririki ao e na koro nanon au kouru. A taku bwa ngkana I taonaki n te kangaanga n oota n taian tamnei, a na buokai.

I tataro nakon Tamara are i Karawa bwa E aonga ni kona ni buokai ni kakoroa nanon au kouru. I namakina ae tamaroa imwiin au tataro.

I aki bwarannano ao I reitanako te intekiti n te bong teuana imwiin te bong teuana. Imwiin teuana te ririki, I mwain ae koro ruaia au ririki, I a tia ni karaoa te intekiti ae raka i aon 1,000 te rekooti ao n anganaki nneu ae te tia manga rinanon te intekiti. I bon rangi ni kukurei!

Ngkai ao I nanako n taainako ma au karo nakon te Trujillo Peru Tembora. I buoka kaotinakon kaati n otenanti, I koreia, ao n anga nakoia utu n tatabeua nako bwa a aonga ni kona ni karaoa taian otenanti ngkana I tataninga n ana onaroka te tembora. N tai ae kaan ao N na kona n rin ni karaoa te bwabetito.

Ai 10 au ririki ngkai ao I a tia ni karaoa te intekiti ae tauaki mwiina ae riaon 15,100 mwaitina! I rangi ni kukurei n reitinako n kakora au koru bwa N na kona n riki n ai aron Iesu Kristo.

Kamataata n te tamnei iroun Parker Nielsen