“Ana Rinerine Logan i aon te Kabwianibwai,” Te Rao, Nobembwa 2025, 8–9.
Ana Rinerine Logan i aon te Kabwianibwai
“Ko tauraoi n ongeaba nakon te tua ni kabwakaan te kabwianibwai?” E titiraki Tinana.
Te karaki ae koaua man te USA.
Ngke nimaua ana ririki Logan, e taku n ana iango bwa bon te iango ae buakaka te kabwianibwai!
N tain te bootaki n utu n mwengaia n te tairiki, e katokaa te 10 n taraa tinana i aon te taibora. “Ti na karaoia bwa aongkoa ko karekea 10 te taraa.”
E wingare Logan. “NGAIA!”
Te kabwianibwai bon 10 te katebubua. Ngaia are ko na riai n anga teuana te taraa nakon ana Ekaretia te Uea.” E anaa teuana te taraa mai buakon ake nikirana.
E mata n un Logan. “Ti na anganako teuana te taraa? Ma I tangiria ni kawakinna ni kabane au mwane!”
E taku tinana, “Tao ko na namakina ae okoro ngkana ko a ikawai riki,”. “E kakabwaiaiara Tamara are i Karawa ma bwaai ni kabane. Kabwakaan te kabwianibwai bon te anga teuana ae ti kaotia nakon te Atua bwa ti tangiria ao ti karabwarabwa ibukin Ana kakabwaia.“
Ngke onoua ana ririki Logan, a reireinna ana tia reirei n te Moanrinan bwa e kabonganaaki te kabwianibwai ni katei taian tembora. E tatangira taian tembora Logan. Tao kabwakaan te kabwianibwai bon te iango ae tamaroa irouia tabeman aomata. Ma tiaki nakoina.
Ngke itiua ana ririki Logan, e nooria bwa a wiingare aomata ngkana a anga aia tinaniku ni kabwianibwai nakon te bitiobi. E kona ni bon kakukureiko ngkana ko anganako am mwane?
Ngke ai waniua ana ririki, e titirakinna tinana, “Logan, bukin tera ngkai ko rineia bwa ko na bwabetitoaki?”
E rangi ni bebete te titiraki anne! “Ni kawakina taian tua ao n iriira Iesu Kristo,” e taku Logan.
“Ma ko a tauraoi n ongeaba nakon te tua ni kabwakaan te kabwianibwai?” E titiraki Tinana. “E bon nakoim.”
E rawawata nanon Logan. E aki rangi ni bebete te titiraki anne. E bon teimatoa n rawa n anganako ana mwane. Ma e bon tangiria ni kawakina taian tua. E iangoa taian tembora ao aomata ake a wiwingare ake a kakabwakaa aia kabwianibwai. I mwiina E ikerake ao n taku, “Eng.”
“Anne bon te rinerine ae na tamaroa!” E taku Tinana.
E namakina ae raoroi riki Logan. “I ataia bwa e kakaawaki riki kawakinan taian tua nakon kawakinan am mwane ni kabane.”
N te Tabati, ngke e anga ana moan tinaniku ni kabwianibwai nakon te bitiobi, e kunea irouna Logan bwa e wingare. E namakina te kukurei! E teimatoa n aki oota ni bwaai ni kabane ibukin taekan te kabwianibwai. Ma e tangira te Atua, ao e ataia bwa e na kakabwaiaaki iroun te Atua ibukin kawakinakin taian tua.
Kamataataan te tamnei iroun Shawna J. C. Tenney