“Taekan Au Euangkerio,” Te Rao, Nobembwa 2025, 10.

Au Taeka man te Euangkerio

Tarai taeka ma mwakoro n taeka aikai i nanon te rongorongo aei man Te Rao!

Kabwianibwai

Korobannan te tembora ao mwaane man aaba aika a kakaokoro

Kabwakaan kabwianibwai bon kaokan teuana te katebwiina (10 te katebubua) nakon Tamara are i Karawa ao Ana Ekaretia man te mwane are ti karekea. Kabwianibwai a buoka katean taian tembora ao auti n taromauri ao n boutokai nako ana mwakuri te Ekaretia. Ngkana ti kabwakai kabwianibwai, e kakabwaiaiara Tamara are i Karawa n aanga aika a mwaiti!

Bakatibu

Korobannan ana kanikina te FamilySearch n tamnein te kateiriki ae tamaroa

Ara bakatibu bon aomata n ara utu ake a maeka ngkoangkoa, n ai aroia ara tibumwamwanu. Ara bakatibu bon kaain rongorongon ara utu aika a kakaawaki. Ti kona n reiakina taekaia, ururingiia, ao ni karaoi mwakuri n tembora ibukiia bwa ti aonga ni kona n ikotaki ibukin te tai ae akea tokina.

Intekiting

Intekiti bon te kawai ae ti kona iai ni buokiia tabeman ni kuneia aia bakatibu! Ti taibini taian ara man tauan mwiin aara nakon te kaombiuta bwa a aonga ni kona aomata n ukoria ibukiia kaain aia utu ao ni kunei rekooti ibukin maiuia. E ibuobuoki aio ma rongorongon te utu ao mwakuri n tembora bwa aonga ni kona ni kabaeaki ni ikotaki ibukin te tai ae akea tokina. A kona naba ataei ni ibuobuoki n te intekiti.!

Tiringaki

Te tiringaki e riki ngkana e mate temanna ibukin te bwai ae a kakoaua iai. Iotebwa Timiti ao tarina ae Hyrum bon taan mate ni maretire ibukina bwa a tiringaki ibukin aia kakoaua, maiuakina, ao n reireia ana euangkerio Iesu Kristo ae kaokaki.