Kawaran te Tibu te Unimwaane ae te Uea

E raraa mataniwiin te booti Gift and n matakuakina kamimiin te ran are e tebetebe nako rarikin te booti. E kanakoa baina rikaaki nakon taian nao, bururun naao aika a tebetebe nakon baina. Aio bon te mwananga ae mamate nanona iai. Ngaia ma ana utu bon iaon kawaia nakon ana kaawa tibuna te unimwaane, ao ni katoa te tai, e kaaniaki riki nakon te aonaaba ae akea kaaina man otinako man te kaawa are e kitanna imwiina.

N te kaawa, ao Gift e ririaki kanga ai aroia kaain te kaawa. Ngaia temanna ibuakoia mirion aomata. E taraa n tamaroa namakinan anne n tabetai—n bon ngaia irouna, n akean temanna bwa e na rangi n tabeakinna bwa tera ae rineia bwa e na bwainna ke ni karaoia. Ma e rangi ni kaokoro anne n ana kaawa tibuna te unimwaane. Ikekei, e rangi n kakaawa man okoro Gift. Ngaia bon te natinuea te aine—tibun te uea te mwaane ngaia.

Imwiin uoua te aoa, e a bae te booti n te uaabu. Ananaun te mwananga e bon teimatoa naba n raroa; onoua te aoa kaeana n te bwati. E ataia bwa e na bon kua, ma n te tai ae tawe e na manga roko irarikin tibuna te unimwaane. Anne ae rangi ni boongana.

Bon te toka n te bwati ae kamwengabuaka n te kawai ae aki raoiroi. E kabanea ana tai Gift n tatara tein taian nang are e nooria man te wintoo ao n matakuakina te aba ae rangi n tamaroa n tain butin te bwati. E a moanna n bung taai ngke e a roko te bwati n ana tabo n tei. N tokina! Tibu te unimwaane! E kibanako man te bwati Gift ao e biri nakon te auti.

E kakaea iai Tibuna te Unimwaane. E ukora nanon te kaotinako i tinaniku, ike e kawakina iai te kooti tinana ngke te ataei ngaia. E kakae i nanon taian ruu ni matu, ike n te tairiki e kakainii wintoo n totokoa rinin taian maninara. E kakae i tinanikun te auti, te tabo are e bwabwaina iai kunikai n uea—tikaabu aika a toka mataia ma te bau ni uea te beebwa—ngkana e kaea te bootaki ni kauntira n te kaawa.

Ikekei, e noora iai Tibuna te Unimwaane ae karaua n tekateka n rau i aon te kaintekateka, n taraa aia onaroka. E matangare Gift.

“Tibuur!” e wewete.

E tei Tibuna te Unimwaane ao n arora baina ni katangaina. “Tibu ae ko tangiraki,” e wirikiriki tibuna ao e konna ni baina. “Tekateka ao motirawa teutana ma ngai.”

“I rang mitiniko,” e taetae Gift.

“I rangi ni mitiniko riki. I kukurei bwa ko a roko ikai.” E aki taetae teutana Tibuna te Unimwaane ao imwiina e titiraki, “Ko ataia bwa kakaawakira te onaroka aio?”

E ioioa atuna Gift.

E kotea te aroka are i moaia Tibuna te Unimwaane. “Aio bon arokan te utu,” e taku. E nooria Gift bwa e a taraa n aroka ni kawai ao ni matoatoa.

“Iai araia ara bakatibu i aon buroan aontano ni katobibia te aroka. Ti riai n taainako n ururingiia ara utu.”

E aki kinai ni kabane ara ake i aon te taera i nano Gift. E na kanga n ururinga temanna ae aki kinaa? “Tuangai taekaia, Tibu” e taku Gift.

E wareki ara teuana imwiin teuana Tibuna te Unimwaane ao n karakina rongorongoia ana bakatibu. Ngke e taetae, e nooria Gift bwa n anga tabeua, iai naba taian karaki ae kaeti bukina. E mwaiti bwaai ae titebo ma aika irouna ma kaain ana utu aikai ae tuai man nooria ke ni kaitiboaki ma ngaiia.

N te tai anne, e oota n te bwai ae kakaawaki Gift. Tiaki ti naao ao te aba ae karekea namakinan te kainaomataaki iai ikai. Bon te reitaki n ana utu are e namakinna n te kawa aei ma Tibuna te Unimwaane.

E karakini karaki Tibu te unimwaane ni karokoa ae a mwaing itoi mai karawa.

N tokina, e ikerake tibuna. “Ti a riai n rin n te auti.”

“Teutana riki te tai,” E taetae Gift.

E nakonako nakon te aroka Gift ao n ringa rabwatana ni karaurau. Imwiina e taraa taerana i aontano, n uringa karakinaia ana bakatibu temanna i mwiin temanna. N te bong teuana, e na nakon te tembora ao ni karaoi otenanti aika a tabu ibukiia. Bwa ibukiia, e mena ngaia n te aonaaba aei. E na karaoa tibwangana n kaoka te bwaintangira are a tia n anganna.

E kanakoa baina Tibuna te unimwaane nakoina, ao e taua Gift. Ma matana nakon arokan te utu te kabanea n tai, E rinnako Gift, ike a tataninga iai ana utu bwa a na kamauria.

Kauka te PDF

Kamataata n te tamnei iroun Audrey Day