“Ingainga nakon Aia Burokuraem Kairake,” Te Rao, Nobembwa 2025, 38–39.
Ingainga Nakon Aia Burokuraem Kairake
Kitanan te Moanrinan n koron 12 te ririki e kona ni kamaroaa ke ni bon kanokawaki. Tikiraoina, bwa a mwaiti bwaai aika a kakukurei ngkana e koro 12 ao ko raoniia kaain am kiraati n Ataeinnaine ke kooram n te Nakoanibonga ae te Aaron! Aikai tabeua.
1
Te Tembora
Ko kona ni kaitibo ma am bitiobi ni karekea te kariaia n rin te tembora ao ni karaoa taian bwabetito ibukiia maate i nanon te tembora!
2
Mwakuri ao Bwaai aika Riki
A na mwaiti waaki ni kakukurei nakoimi ma te kurubu n Ataeinnaine ao Nakoanibonga ae te Aaron. Ko kona naba n nakon te kambing irouia kairake n karekea te kukurei ma tabeman n ami tai n reiakina taekan Iesu Kristo ao Ana euangkerio!
3
Beku n te Ekaretia
Ko kona ni weteaki bwa ko na beku n te kiraati n te beretitentii n te kooram. E na reke naba taai n reiakiniia kaain am kiraati, buobuoki ni bairei waaki ni kakukurei, ao ni beku n anga tabeua!
4
Maungatabu n Tieminarii ao IKK
N te ririki are e koro 14 am ririki, ko kona n moana kaeakin tieminarii n reiakina riki taekan Iesu Kristo ao Ana euangkerio ae a tia ni kaokaki. Ko kona n kaea taian maungatabu IKK (Ibukin Kakorakoraia Kairake) ma tabeman kairake ake a tangiria n iriira Iesu Kristo.
5
Kanoana ae Boou i BUKIM!
-
Ma aia ibuobuoki am karo, kariniko nakon Ibukin Kakorakoraia Kairake maekatiin n ana webutiaite te Ekaretia.
-
Tuangiia am karo ibukin karuoan te Gospel Living App. Iai iango i nanona aika a kakukurei n reiakina ao n karaoi kouru ibukiia Ataei ao aia Burokuraem Kairake.
-
Kamatebwaia Ibukin Kakorakoraia Kairake: Te Kairi ibukin Karaoan Rinerine. E koreaki te boki ae uarereke aei ibukin buokam n iriira Iesu Kristo.
-
Ngke ma am utu kam kona ni kunei karaki aika a kaunga te nano, katangtang, katanoata, ao tabeua riki i aon te Strive to Be n akaunti n te social media.