Erūtto n̄an Būraimere?

“Ruwainene n̄an Būraimere!” Sister Agbor, Ritōl eo an Gift ilo Būraimere, ear jutak im̧aan ruum̧ eo. “Rainin jenaaj ekkatak al ne ‘Love One Another.’”

Al eo ear jinoe, im ajiri ro redrik rekar pojak in al. Ak Gift ear jeļā al eo. Ekar al kake jibukwi allen! Ekar jab kōņaan al kake rainin.

Gift ear m̧ōk kake Būraimere. Eaar rūttoļo̧k, aetokļo̧k, im kilepļo̧k jān aolep ajiri ro jet. Ajiri ro m̧ōttan ilo m̧ōn jar eo rekar aolep pād ippen Jiron̄ ro. M̧ōttan tok juon iiō bwe en maron̄ etal n̄an kilaaj eo an jiron̄ ro im m̧akūtkūt ko aer.

Ilo an kar aolep al, Gift ekar ikōn̄. Ekar in̄ūrn̄ūr kake jet iaan naan ko ilo al ko, ak ear poub in kōļmenļo̧kjen.

Innem ekar wōr juon an ļōmņak. Bolen n̄e enaaj kōnaan ippen bishop eo, enaaj m̧akaj an kōtļo̧ke n̄an ippen Jiron̄ ro bwe en pād ippen ro m̧ōttan.

Gift ekar lo Bishop Achombi ālkin jar. “Iakwe, Bishop,” ekar ba. Āinwōt Ijjab en̄jake ke n̄aij aikuj ped. ilo Būraimere. Ikilepļo̧k im rūttoļo̧k jān aolep ajiri ro. Imaron̄ ke jino etal n̄an ippen Jiron̄ ro?”

Bishop Achombi ear ettōn̄ dikdik. Ijeļā em̧m̧akit n̄an ippen Jiron̄ ro elukun kalimomo,” ear ba. “Ak komaron̄ jino etal wōt n̄e ejejjōt 12 am̧ iiō. Joļo̧k aō bōd.”

Gift ekar reilaļļo̧k n̄an juuj ko an. “Eokwe.”

“Būraimere elukkun jeram̧m̧an kake eok,,” bishop eo ear ba. “Ij ļōm̧ņak bwe ajiri jidik ro relukun ļap aer kalimjōk eok. Komaron̄ kōm̧m̧an eļap oktak n̄an er.”

Ilo aolepān raan eo, Gift ekar nana an mour. Juon iiō ellukkun aetok n̄an ajimakeke ilo Būraimere.

Ak Gift ear lukkun kōļmenļo̧kjeņ kake ta eo Bishop Achombi ear ba. Lukkun ke m̧ool ke ajiri jidik ro rej reiļok n̄an e?? Ekar jab kile menin.

Wiik eo tok juon, Gift ekar jeaļ im iakwe ro m̧ōttan ke rekar etetal ļo̧k n̄an ruum̧ eo an Jiron̄ ro. Ear bōk kūtwōn im etal n̄an kūlaaj eo an Būraimere.

“Gift,” Sister Agbor ear ba, kwoj ke m̧ōņōņō in naaj jipan̄ eō katakin al eo an wiik in?”

“Um, em̧m̧an,” Gift ear ba. “Al ta eo jej ekkatak?”

“‘N̄a Nejin Anij!,’” Sister Agbor ear ba. “Kom̧m̧ool kōn am̧ jipan̄! Ij ļōm̧ņak ajiri ro renej limo ilo aer ekkatak jān kwe.”

Ke ekar jino iien al, Gift ear jutak im̧aan ruum̧ eo. “Rainin inaaj katakin kom̧ juon iaan al ko rem̧m̧antata ippa,” ekar ba. Ekar katakin ajiri ro naan ko. Innem ekar al kake al eo ippaer er. Ke rej al, Gift ekar en̄jaake okmāņāāņ im m̧ōņōņō itulowa. Ekar jeļā bwe ekar en̄jaake Jetōb Kwojarjar.

Ejjab to, kūlaaj eo an Būraimere ekar epaak an jem̧ļo̧k! Ālkin jar in ikkilōk eo, Gift ear jino etetal ļo̧k n̄an hall eo. Ekar kōņaan pukot ro m̧ōttan ālkin aer kar pād ilo kilaaj eo an Jiron̄ ro im ba iakwe.

Ak juon iaan leddik jidik ro ekkar kabōjrake. “Kom̧m̧ooltata kōn am̧ al ippem! Ekar bo̧kwōj Gift. “Ikōņaan bwe in āinwōt kwe n̄e irūtto.”

Gift ekar ettōn̄dikdik. Ekar kijerjer wōt in etal n̄an ippen Jiron̄ ro, im kar kōjatdikdik bwe iiō eo ej itok enaaj m̧ōkaj. Ako ekar jeļā bwe ej maron̄ wōt ekkatak im kōm̧m̧ane men ko rem̧m̧an ilo Būraimere.

Im bolen Bishop Achombi ekar jim̧we. Emaron̄ kōm̧m̧an oktak.

Kōmeļeļe ko jān Simini Blocker