Bok in Jin̄a Tampeļ Eo Aō

Iakwe!

Eta in Brayden, im ij jokwe ilo Utah, USA.

Ij illen kwaļok n̄an eok kōn juon aō kōttōpar ke iar 10 iiō detta.

Eaar jino ilo juon tūreep jekkar loļok būbū im jim̧m̧a. Ritto ro jibū im jim̧m̧aō ear wōr aer bok in tampeļ ko ilo ettōņaak eo aero, im em̧m̧an ippa kalimjek pija ko ie. Ikar kāālet bwe in kar kōm̧m̧ane juon aō make bok in tampeļ. Iar kōm̧m̧ane juon aō kōttōpar etto kitien n̄an jin̄aik aolep tampeļ ko.

Iaar kālet n̄an jin̄aik tampeļ eo aō jinointata. Iar kotak juon pinjeļ , pukot juon pija ilo online, im jin̄aikiaļ eo. George, Utah, USA. Tokālik iar jin̄aik Logan Utah tampeļ im Manti Utah tampeļ. Jinō ear letok juon ļōm̧ņak n̄an kōjerbal juon bok in jin̄a eo ekilepļok n̄an tampeļ ko aō. Kiō, juon im jimettan iiō tok ālik, ipād ilo tampeļ nam̧ba 81, Reno Nevada tampeļ eo. Mōttanwōt 105 tampeļ ko n̄an jin̄aiki.

Ewōr iien ij kōņaan bōjrak jān aō jin̄a tampeļ. N̄e ej waļok eindrein, ikōn jar im kajjitōk ippen Jemed Ilan̄n̄an jipan̄ eō ilo men ko reppen.

Men eo em̧m̧an kōn kōtōpar in ej wāwein an kar jipan̄ ladrik ro jilu jatū iakwe eļapļo̧k tampeļ eo. Ļaddik eo jatū Kade ej jin̄aik tampeļ ko ekōņaan loļo̧k juon raan, im ladrik ro jet jeū im jatū rej JIn̄aik tampeļ ko n̄an rikaki im ro m̧ōttaer.

Kōtōpar eo aō ear bareinwōt jipan̄ eō lo bar jet men ko eitok limoūkaki. Em̧m̧an ippa design. Iar jino kōm̧m̧an 3D pijan tampeļ ko summer eo ļo̧k, im ij tōmak bwe imaron̄ erom̧ juon architect n̄e irūttoļo̧k.

Kōtōpar in ear jipan̄ eō epaakeļo̧k Jemedwōj Ilan̄ im Jisōs Kraist. Jabdewōt iien ij jin̄a tampeļ, ij en̄jake Jetōb Kwojarjar. Ijeļā bwe tampeļ ko rej im̧woko m̧ōn Anij. Raan ko lak, imaron̄ in kar dreļo̧n̄e Payson Utah Tampeļ eo im bar ko jet. Ij en̄jake an Jetōb kajoor ilo aō kōm̧m̧ane jerbal in peptaij ko.

Jabdewōt iien ij lo juon tampeļ, ej jipan̄ eō kajoorļo̧k n̄an kōm̧m̧ane ta eo ejim̧we.

Jin̄a ko jān Brayden B.