“Kein Jipan̄ ko n̄an Tūrep eo Am̧ Jinointata n̄an Tampeļ,” Jera, Nobōm̧ba 2024, 38–39.

Kein Jipan̄ ko n̄an Tūrep eo Am̧ Jinointata n̄an Tampeļ

Ilo tampeļ eo, komaron̄ peptaij im kapen armej ro raar mej ilo aer kar jab peptaij. Armej rein renaaj maron̄ kōm̧m̧an bujen ko ippen Anij im bōk kōjeram̧m̧an ko An, āinwōt kwe ke kwar peptaij im bōk kapen eo.

Ta ko n̄an Boktļok

Nuknuk in jar ko (kōņaki n̄an tampeļeo )
Peba in Mālim n̄an Deļo̧n̄e Tampeļ.
Kuum̧ in bar im kōm̧m̧an bar (eļan̄e menin aikuij)
Etan baam̧le ko printi tok jān FamilySearch app ak website (optional)

Ta eo n̄an Kōm̧m̧ane

1. Deļo̧n̄e Tampeļ eo

Kwaļok peba in mālim eo am̧ n̄an deļo̧n̄e tampeļ ilo tebōļ eo m̧aan. Innem komaron̄ etal n̄an jikin peptaij eo. Juon rijerbal in tampeļ enaaj lewaj nuknuk in lowa mouj, jito̧kin ko, im juon nuknuk in peptaij.

2. Jāniji Nuknuk ko Am̧

Ilo jikin jānij eo, jānij n̄an nuknuk ko rekar liwaj n̄an eok. Likit men ko m̧weiem̧ n̄an lowaan juon locker ejeļo̧k kobban. Innem lock e locker eo im likūt key eo ilo nuknuk eo am̧ N̄e aetok bōram̧, dāpiji kōn juon kein kōm̧m̧an bar. Dāpij wōt āt ko etan baam̧le eo am̧ iem̧ōj printi ippam̧.

3. Kōttar wōt ilo Kautiej

Ilo am̧ kōttar iien eo am̧ n̄an peptaij, komaron̄ riiti jeje ko rekwojarjar, jar, ak ļōm̧ņak. Komaron̄ bar ļōm̧ņak kōn armej ro konaaj peptaij kake er.

Leddik eo ej kōm̧m̧an peptaij ko ilo tampeļ

4. Bōk Koņaam̧ ilo Peptaij ko an Tampeļ

Elan̄e ej iien eo am̧, lelo̧k etan baam̧le eo am̧ n̄an armej eo ilo tebōļ eo. Elļan̄e ejjeļo̧k āt ko ippam̧, renaaj kōjerbal āt ko ilo tampeļ. Kejparok am̧ etetal ļo̧k n̄an jikin peptaij eo, ijo juon rikabwijōr priesthood eo enaaj peptaij eok kōn kajojo armej. Kemeemej in kwallaļļo̧k bukwe in neem im kiil bo̧tim̧ ilo an door laļļo̧k eok n̄an ilowaan dren eo.

Laddik ro rej nuknuk in jar, leddik eo ej bōk kapen.

5. Bar Jānij N̄an Nuknuk Ko Am̧

Ālkin am̧ dedeļo̧k, juon armej enaaj lewaj juon to̧o̧l. Ilo ruum̧ in jānij eo, komaron̄ tutu make iaam̧, jānij n̄an nuknuk ko am̧ rem̧ōrā, im kōm̧m̧ane bōram̧. Kememej in likit nuknuk tutu ko am̧ ilowaan nien nuknuk eo im likit key eo an locker eo ilo lock eo.

6. Bōk Koņaam̧ ilo Kapen ko

Āliktata, ewōr juon eo enaaj tōl eok n̄an juon ruum̧ eo ijo konaaj bōk kapen n̄an ro kwaar peptaij kake er.

Jet tampeļ remaron̄ oktakļo̧k jekjekin aer kōm̧m̧ane jet men. Ak jekdoon ta, enaaj lōn̄ ro im renaaj jipan̄ eok ilo aolep m̧akitkit ko kajojo. Kememej, tampeļ eo ej m̧weo im̧ōn Irooj, im E ej m̧ōņōņō am̧ pād ie.