Kakeememej ko an Kweilo̧k eo

Limm̧akaak ko im Bujen ko

Būreejtōn Oaks ekar kōnono kōn juon ļaddik im jemān rekkar katelo̧k limm̧akaak. Ļaddik eo ekar kajjitōk eļan̄n̄e remaron̄ m̧wijit to in limm̧akaak eo bwe en utiejļo̧k an kelo̧k. Eo jemān ekar kemeļeļeik bwe n̄ere m̧wijit to eo enaaj kōm̧m̧an bwe en wōtlo̧k limm̧akaak eo. To eo ej āinwōt bujen ko me ej likwōj kōj n̄an Jemedwōj Ilan̄ im Jisōs Kraist. Kejparok bujen ko ad ej jipan̄ kōj epaakeļo̧k er?

Menin ej katakin eō:

Wūntō Kūlaaj eo Etab

Elder Uchtdorf ekar peptaij 75 iiō ko remootļo̧k! Naan in kam̧ool eo an ekar ijjino ke ekar juon ļaddik ilo Germany. Ej maron̄ wōt keememej en̄jake ko rekwojarjar an ilo an reilikļo̧k n̄an juon wūntō kūlaaj eo etab kōn Jisōs Kraist ilo m̧ōn jar eo. Jetōb eo ekar kwaļo̧k kam̧ool n̄an kōļmenļo̧kjeņ eo an im būruōn bwe Jisōs Kraist ej Rilo̧mo̧o̧r an laļin.

Menin ej katakin eō:

Pedped wōt ilo Jisōs

Elder Egbo ekar ba kōn tiim in ikkure soccer eo an em̧m̧aan ro jān Nigeria ilo kar ikkure ko an Olympic ilo 1996 eo. Ekar jab kanooj lōn̄ aer jāān ak kaminene em̧m̧an tata. Ak rekar pedped ioon kōtōpar eo aer, kajejtokjān aolep menin kammad ko, im kar wiini gold! N̄e jej kajejtokjān menin kapo ko an laļ in im mije Jisōs Kraist, jenaaj barāinwōt lo jeraam̧m̧an.

Menin ej katakin eō:

Kajjitōk Kajjitōk ko

Sister Browning ekar ba bwe m̧ae kar 1992 eo, scientist ro rekar ļōmņak Pluto ej pād ilo jem̧ļo̧kin solar system eo. Ak scientist ro rekar wōnm̧aanļo̧k wōt im katak im kajjitōk kajjitōk ko. Kiiō jejeļā bwe ekanooj lōn̄ļo̧k men ko n̄an loi reļļapļok jān Pluto! N̄e ej lōn̄ ad kajjitōk, jemaron̄ oktak n̄an Jemedwōj Ilan̄. Kajjitōk ko rem̧ool an gospel eo remaron̄ jipan̄ kōj katak im eddōkļo̧k.

Menin ej katakin eō: