Pagsunod kay Jesus sa Cape Verde

Edad: 11

Mula sa: Santiago Island, Cape Verde

Wika: Portuges

Mga mithiin at pangarap: Makasal sa templo at magkaroon ng sarili niyang pamilya

Pamilya: Raissa, Inay, Itay, at dalawang ate

Noong siya ay limang taong gulang, naghahanap ng simbahan si Raissa at ang kanyang pamilya. Sa unang pagkakataon na nagpunta sila sa Ang Simbahan ni Jesucristo ng mga Banal sa mga Huling Araw, pakiramdam nila ay kabilang sila roon. Nagustuhan ni Raissa ang Primary. Nabinyagan ang kanyang pamilya. At gustung-gusto ni Raissa na may home evening bawat linggo.

Noong anim na taong gulang si Raissa, siya at ang kanyang pamilya ay ibinuklod sa Recife Brazil Temple.

Kamakailan ay nagpunta si Raissa sa open house para sa Praia Cape Verde Temple. “Ginawa ko ang mahahalagang bagay para makapaghanda sa pagpunta sa templo, tulad ng pagdarasal, pagsisimba, pag-aaral ng mga banal na kasulatan, at pag-aaral ng ebanghelyo,” sabi niya.

Matapos ilaan ang templo, nakagawa siya ng mga binyag para sa kanyang mga ninuno na namatay nang hindi nalalaman ang ebanghelyo. “Maganda ang templo,” sabi niya.

Lugar: Ang gusali ng Simbahan

Banal na Kasulatan: 1 Nephi 3:7

Prutas o gulay: Ubas

Kulay: Lila

Subject sa paaralan: Math

Mga larawang-guhit ni Melissa Manwill