West Grove

Makikita sa West Grove ang magkakahilerang puno sa ibaba lamang ng burol mula sa Nauvoo Temple. Isa ito sa ilang pinagpupulungan ng mga Banal sa mga Huling Araw kapag nagtitipon sa labas noong 1840s para sama-samang sumamba. Sa mapayapang lugar na ito, itinuro ni Joseph Smith at ng iba pang mga lider ng Simbahan sa mga tagapakinig ang mga katotohanan ng ipinanumbalik na ebanghelyo ni Jesucristo.

Ang mga tala sa kasaysayan ay tumutukoy sa hindi bababa sa dalawang kakahuyan o magkakahilerang puno malapit sa Nauvoo Temple. Ang isa ay nasa silangang bahagi mismo ng kinatatayuan ng gusali, at ang isa pa ay nasa kanluran. Karaniwang inilalarawan lamang sa mga katitikan ng pulong ang lokasyon bilang “the stand [magkakahelerang puno]” o ang “the grove” [ang kakahuyan],” kaya ngayon ay hindi matiyak kung aling mga mensahe ang ibinigay sa kung aling lokasyon. Sa mga sumunod na taon mula noong 1846, pinutol ang mga puno para gawing mga panggatong at tabla. Noong 2015, ang mga puno sa Kanluran ng templo ay muling itinanim bilang pandagdag sa muling itinayong templo. Magsisilaki ng mga ito sa taong 2039, ang ^ika200 anibersaryo ng pagkakatatag ng Nauvoo.

Noong 1840s, inasahan ng mga Banal sa mga Huling Araw na gagamitin ang Nauvoo Temple para sa lingguhang pagsamba, burol, at iba pang mga pulong panrelihiyon, tulad ng ginawa nila noon sa Kirtland, Ohio. Habang itinatayo ang templo, nagpulong sila sa mga tahanan, pampublikong gusali, o sa labas sa lilim ng mga puno. Isang di-malilimutang mensahe ang ibinigay sa West Grove noong Agosto 31, 1842, sa isang pulong ng Nauvoo Female Relief Society. Sa pagkakataong iyon, ipinaliwanag ni Joseph Smith sa kababaihan ng Simbahan na nakatanggap siya ng ilang bagong kaalaman sa pamamagitan ng paghahayag tungkol sa proxy baptism para sa mga yumaong ninuno. Pagkaraan ng ilang araw, isinulat [ng propeta] ang mga paghahayag para sa buong Simbahan.

Ano ang Aasahan

Ang West Grove ay kasalukuyang hindi tumatanggap ng mga bisita. Maaari itong makita mula sa Edward and Ann Hunter Home na may isang interpretive sign. Maaari din itong makita mula sa malayo kapag nagmamaneho pababa sa Mulholland Street.