Iloa Nofoaga Faasolopito o Ohaio
Iloa atili e uiga i le talafaasolopito o Le Ekalesia a Iesu Keriso o le Au Paia o Aso e Gata Ai i Ohaio
O Katelani Faasolopito sa avea ma laumua o le Ekalesia mai le 1831 i le 1838. O iina, na maua ai e Iosefa Samita le tele o faaaliga, na taitai atu ai i le tuputupu ae tele i le Ekalesia ma le fausiaina o le Malumalu o Katelani.
Malumalu Faasolopito
O le Malumalu o Katelani sa o se nofoaga paia o tapuaiga ma aoaoga mo le Au Paia o Aso e Gata Ai i Katelani i le faaiuga o le vaitau o le 1830.
Nofoaga Faasolopito
O Katelani Faasolopito o loo i ai le tele o fale faasolopito o loo aoao mai ai e uiga i aafiaga o le Au Paia o loo nonofo i lenei tamai taulaga i Ohaio.
Aoao e Uiga i Nofoaga Faasolopito i Ohaio
O le tele o mea autu na tutupu i le talafaasolopito o Le Ekalesia a Iesu Keriso o le Au Paia o Aso e Gata Ai na tutupu a o nonofo le Au Paia i Ohaio. O nei nofoaga o loo faamatala ai se tala o le faatuatua, finafinau, ma le faamoemoe e oo lava i le feagai ai ma feeseeseaiga ma tofotofoga. Ua faasaoina mo tagata asiasi ina ia fiafia ai e le gata i maimoaga faale tagata lava ia, aemaise foi maimoaga faaeletonika.
Sa amata lemu taumafaiga a le Au Paia e fausia se maota o le Alii i Katelani, ae a o ositaulaga le Au Paia ina ia ausia lenei poloaiga mai le Alii, sa latou mauaina se faaeega paia faavavega o le mana a o Ia taliaina la latou taulaga.
A o faaauau pea ona tuputupu ae le Ekalesia i Katelani, o le tele o faaaliga na taitai atu ai i le fatuina o tofi o le perisitua ma maota o loo faaaogaina pea i le Ekalesia i aso nei. O nei suiga na fesoasoani e faatulaga ai taumafaiga faafaifeautalai ma saunia ai le Au Paia mo le Malumalu o Katelani.
I lona taimi i Ohaio, na maua ai e Iosefa le tele o faaaliga na suia ai talitonuga o le Au Paia o Aso e Gata Ai, faamautuina ai aoaoga faavae, ma faatuina ai faatulagaga faaleautaitai o le Ekalesia lea o loo faaauau pea ona faamatala ai le Ekalesia i aso nei.
Fale o Iosefa ma Ema
Aoao atili e uiga i nofoaga sa nonofo ai Iosefa ma Ema Samita a o i ai i matusasae o Ohaio.