Faatomuaga i Nofoaga Faasolopito o Ohaio
O Katelani Faasolopito sa avea ma ofisa tutotonu o le Ekalesia mai le 1831 i le 1838. O iina, na maua ai e Iosefa Samita le tele o faaaliga, lea na taitai atu i le tuputupua’e tele o le Ekalesia ma le fausia o le Malumalu o Katelani.
“O lenei, ina ua uma ona faia molimau e tele e uiga ia te ia, o le molimau tupito mulimuli lenei i mau uma lava, ma te faia ia te ia: O loo soifua o ia! Aua sa ma vaai ia te ia, i le lima taumatau lava o le Atua, ma sa ma faalogo i le leo o molimau mai o ia o le Toatasi na Fanaua e le Tamā—e faapea e mai ia te ia, ma ala mai ia te ia, ma o ia, ua i ai lalolagi ma na foafoaina, ma o e ua nonofo ai o atalii ma afafine fanauina i le Atua.”
Fale ma le faleoloa o Whitney i Katelani, Ohaio.
Katelani Faasolopito
O Katelani Faasolopito o loo tu i Ohaio matuaisasae, e tusa ma le 20 maila (32 km) i sasa’e o Cleveland.
Ia Tesema 1830, na maua ai e Iosefa Samita—a o nofo ai i leFale o Uitimera i Feiete, Niu Ioka —se faaaliga na poloaiina ai le Au Paia e “faapotopoto faatasi i Ohaio” (Mataupu Faavae ma Feagaiga 37:3 ).
I se faaaliga lona lua, na faamalamalama mai ai e le Alii ua Ia finagalo e “faapotopoto … se nuu amiotonu” ma folafola atu i le Au Paia e faapea, i Ohaio o le a Ia “tuu atu ai ia te outou la’u tulafono; ma o iina o le a faaeeina ai outou i le mana mai luga” (Mataupu Faavae ma Feagaiga 38:31–32 ).
Ia Fepuari 1831, na alu ai se malaga e toeitiiti 280 maila a Iosefa Samita ma Ema— o le taimi lea ua nai masina lona maitaga— i luga o auala aisa mai Feiete i Katelani. I Katelani, sa maua ai e Iosefa se vaega toaitiiti ae faatupulaia o tagata liliu naunautai. E lei leva, ae faapotopoto atu foi ni Au Paia faaopoopo mai paranesi i Manchester, Feiete; ma Colesville, Niu Ioka, i le eria o Katelani.
Ia Tesema 1830, na maua ai e Iosefa Samita—a o nofo ai i le
I se faaaliga lona lua, na faamalamalama mai ai e le Alii ua Ia finagalo e “faapotopoto … se nuu amiotonu” ma folafola atu i le Au Paia e faapea, i Ohaio o le a Ia “tuu atu ai ia te outou la’u tulafono; ma o iina o le a faaeeina ai outou i le mana mai luga” (
Ia Fepuari 1831, na alu ai se malaga e toeitiiti 280 maila a Iosefa Samita ma Ema— o le taimi lea ua nai masina lona maitaga— i luga o auala aisa mai Feiete i Katelani. I Katelani, sa maua ai e Iosefa se vaega toaitiiti ae faatupulaia o tagata liliu naunautai. E lei leva, ae faapotopoto atu foi ni Au Paia faaopoopo mai paranesi i Manchester, Feiete; ma Colesville, Niu Ioka, i le eria o Katelani.
Fale o Ioane Ioanesone i Hairama, Ohaio
Fale o Ioane ma Elsa Ioanesone
Mai ia Setema 1831 ia Setema 1832, sa nonofo ai Iosefa ma Ema Samita i le fale o Ioane ma Elsa Ioanesone, o tagata liliu mai mauoloa sa i ai se faatoaga tele ma manuia i Hairama, Ohaio, pe tusa ma le 40 maila (64km) i saute o Katelani.
A o nofo ai i le fale lea, sa faaauau ai e Iosefa Samita ona galue i lana iloiloga musuia o le Tusi Paia—o se uunaiga mo se aofaiga tele o faaaliga. Ia Novema 1831, a o faia se konafesi a toeaiina o le Ekalesia, sa faia ai se faaiuga e lomia se tuufaatasiga o faaaliga a Iosefa Samita, lea na ta’ua mulimuli ane o leMataupu Faavae ma Feagaiga .
Mulimuli ane, a o faaliliuina le tusi a Ioane, na maua ai e Iosefa Samita ma Sini Rikitone se faaaliga na ta’ua i lea taimi “o le Faaaliga Vaaia ,” lea na toefuataiina mai ai le malamalama o tikeri o mamalu e tolu e mafai ona maua i le Toetutu (tagai Mataupu Faavae ma Feagaiga 76 ).
A o nofo ai i le fale lea, sa faaauau ai e Iosefa Samita ona galue i lana iloiloga musuia o le Tusi Paia—o se uunaiga mo se aofaiga tele o faaaliga. Ia Novema 1831, a o faia se konafesi a toeaiina o le Ekalesia, sa faia ai se faaiuga e lomia se tuufaatasiga o faaaliga a Iosefa Samita, lea na ta’ua mulimuli ane o le
Mulimuli ane, a o faaliliuina le tusi a Ioane, na maua ai e Iosefa Samita ma Sini Rikitone se faaaliga na ta’ua i lea taimi “
O le Malumalu o Katelani e pei ona iloa mai i le Maota o Iosefa ma Ema Samita.
I le fitu tausaga lea na avea ai matuisasa’e o Ohaio ma laumua o le Ekalesia, na feagai ai le Ekalesia ma se tuputupua’e, fatufatuga, ma ni suiga se tele.
A o tuputupua’e Iosefa Samita i lana matafaioi o se taitai o le Ekalesia, o faaaliga na ia mauaina sa mamanuina ai, faaleleia ai, ma faalautele atu ai le Toefuataiga o le talalelei.
O faaaliga i le piriota lea sa toefuatai mai ai le malamalama ma faatinoga ia na tumau le avea pea ma tulagaese o talitonuga ma faatinoga a le Au Paia o Aso e Gata Ai. Na latou faailoa mai tofi fou o le perisitua, fatuina le tele o vaega tau pulega o le Ekalesia i aso nei, ma lauiloa mai le amataga o sauniga o le malumalu.
I Katelani, sa fausia ai e le Au Paia se alalafaga manuia sa faaogatotonuina i le fausiaina o le “Maota o le Alii”: o le malumalu i luga o le tumutumu o le mapuepue.
I le asō, o tagata asiasi atu i Katelani Faasolopito ma le Fale o Ioane ma Elsa Ioanesone e mafai ona suesueina, e le tagata lava ia po o le faaeletonika, ia nofoaga sa nonofo ai Iosefa Samita ma ana uso a Au Paia, lea sa o latou aoaoina ai upumoni ao toefuatai mai i le perofeta a le Alii, ma le auala na latou tali atu ai i le faatuatua, filiga, ma le tutumau.
I nei nofoaga, ua mafai ai ona tatou vaai i auala na maua ai faaaliga ma le auala e mafai ona faamanuiaina ai o tatou olaga i le mulimuli i taitaiga a perofeta. O nei nofoaga ma tala e mafai ona musuia ai tagata e faamalosia o latou lava faatuatua ia Iesu Keriso, osia ma tausia feagaiga ma le Atua, faasoa atu le talalelei a Iesu Keriso i isi, ma atiina ae nuu o loo latou nonofo ai.
A o tuputupua’e Iosefa Samita i lana matafaioi o se taitai o le Ekalesia, o faaaliga na ia mauaina sa mamanuina ai, faaleleia ai, ma faalautele atu ai le Toefuataiga o le talalelei.
O faaaliga i le piriota lea sa toefuatai mai ai le malamalama ma faatinoga ia na tumau le avea pea ma tulagaese o talitonuga ma faatinoga a le Au Paia o Aso e Gata Ai. Na latou faailoa mai tofi fou o le perisitua, fatuina le tele o vaega tau pulega o le Ekalesia i aso nei, ma lauiloa mai le amataga o sauniga o le malumalu.
I Katelani, sa fausia ai e le Au Paia se alalafaga manuia sa faaogatotonuina i le fausiaina o le “Maota o le Alii”: o le malumalu i luga o le tumutumu o le mapuepue.
I le asō, o tagata asiasi atu i Katelani Faasolopito ma le Fale o Ioane ma Elsa Ioanesone e mafai ona suesueina, e le tagata lava ia po o le faaeletonika, ia nofoaga sa nonofo ai Iosefa Samita ma ana uso a Au Paia, lea sa o latou aoaoina ai upumoni ao toefuatai mai i le perofeta a le Alii, ma le auala na latou tali atu ai i le faatuatua, filiga, ma le tutumau.
I nei nofoaga, ua mafai ai ona tatou vaai i auala na maua ai faaaliga ma le auala e mafai ona faamanuiaina ai o tatou olaga i le mulimuli i taitaiga a perofeta. O nei nofoaga ma tala e mafai ona musuia ai tagata e faamalosia o latou lava faatuatua ia Iesu Keriso, osia ma tausia feagaiga ma le Atua, faasoa atu le talalelei a Iesu Keriso i isi, ma atiina ae nuu o loo latou nonofo ai.