O Nofoaga Faasolopito o Ohaio

Iloa Nofoaga Faasolopito o Ohaio

O nofoaga faasolopito o Ohaio ua ofoina mai ai le tele o avanoa mo le aoaoina ma musumusuga. Pe o e asiasi patino pe i luga o upega tafa’ilagi, matou te valaaulia oe e vailiili fale faasolopito, ia iloa ni tala fou, ma fesootai i le tuanai.

Talafaasolopito o le Au Paia i Ohaio

iloa atili e uiga i le talafaasolopito O Le Ekalesia a Iesu Keriso o le Au Paia o Aso e Gata Ai i Ohaio atoa.

Malumalu o Katelani

Aoao atili e uiga i le mea na faaali atu ai Iesu Keriso ia Iosefa Samita ma Oliva Kaotui ma taliaina le osigataulaga a le Au Paia e fausia ai se malumalu.

Fale o John ma Elsa Johnson

Aoao atili e uiga i le nofoaga na tuuina mai ai e le Atua se faaaliga lea na lauiloa “O Le Faaaliga Vaaia” ia Iosefa Samita ma Sini Rikitone.

E Uiga i Nofoaga Faasolopito o Ohaio

O nofoaga faasolopito i Ohaio ua mafai ai e tagata asiasi ona iloa le taimi ua tuanai ma aoao ai pe na faapefea e uluai tagata o Le Ekalesia a Iesu Keriso o le Au Paia o Aso e Gata Ai ona soifua ma tapuai. I le 1831, e ala i faaaliga, na avea ai Katelani ma nofoaga e faapotopoto ai le Au Paia i le itiiti ifo ma le tasi le tausaga talu ona faatulagaina le Ekalesia. O iinei na faaalia mai ai ni atinaega taua faaleaoaoga faavae autu ia na mamanuina ai talitonuga o le Au Paia mo augatupulaga, na fausia ma faapaiaina ai le uluai Maota o le Alii, ma na tuuina atu ai ki taua o le perisitua i le Perofeta e faatino ai le misiona a le ekalesia i aso e gata ai. E ui ina sa tatau ona tuua e le Au Paia ia Katelani i lalo o faamata’uga o vesiga ma toe amata ai i Misuri, o faavae na faataatitia iinei ua faaauau pea ona aafia ai le Ekalesia i aso nei. E ala mai fale na toefuatai ma toefausia, tatou te manatua ai tala e uiga i na tagata faatuatua o e sa fesoasoani e atinae le Ekalesia i na tausaga popofou.