Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Miomana hiditra ny tempoly amim-pahamendrehana: Ny Fahazoan-dalana hidirana ny tempoly

“Miomana hiditra ny tempoly amim-pahamendrehana: Ny fahazoan-dalana hidirana ny tempoly”, Testamenta Taloha: Boky torolalana ho an’ny mpampianatra seminera (2026)

“Miomana hiditra ny tempoly amim-pahamendrehana: Ny fahazoan-dalana hidirana ny tempoly”, Testamenta Taloha: Boky torolalana ho an’ny mpampianatra seminera

Fiomanana ho any amin’ny tempoly: Lesona 203

Miomana hiditra ny tempoly amim-pahamendrehana

Ny fahazoan-dalana hidirana ny Tempoly

Youth entering Louisville Kentucky Temple with Family History Cards

Tao anatin’ny taona vitsivitsy vao tsy ela ny Tompo no nanafaingana ny fanorenana tempoly manerana izao tontolo izao. Ankehitriny mihoatra noho ny teo aloha dia manana fahafahana lehibe kokoa hiditra ny tranony masina ireo mpikamban’ny Fiangonany rehefa vonona sy mendrika ny hanao izany izy ireo. Ity lesona ity dia manampy ny mpianatra hisaintsaina ny fahamendrehany hiditra ny tempoly masin’ny Ray any An-danitra sy i Jesoa Kristy.

Fanomanana ny mpianatra: Mba hanampiana ny mpianatra hiomana hianatra misimisy kokoa momba ireo fitsipika napetraky ny Tompo mba hidirana ny tempoly dia asao izy ireo hamaky ireo fanontaniana momba ny fahazoan-dalana hidirana ny tempoly izay hita ao amin’ny tovana ho an’ny Ho zatovo mahery: Torolalana amin’ny fanaovana safidy [2022]. Asao izy ireo ho tonga ao an-dakilasy miaraka amin’izay fanontaniana mety ananany momba ireo fitsipika ireo.

Sahanasa fianarana azo atao

Mendrika ho an’ny Tompo

Mba hanampiana ny mpianatra hieritreritra ireo fenitry ny Tompo hidirana ny tranony dia azonao atao ny manasa azy ireo hieritreritra ny valinteniny amin’ny iray na maromaro amin’ireto toe-javatra manaraka ireto:

Iza no mendrika aminao mba:
- Hanatanteraka fandakam-baolina manan-danja? Nahoana?
- Hanampy anao hianatra amin’ny fitsapam-pahaizana iray ho avy? Nahoana?
- Hihira samirery? Nahoana?
- Hanoro lalana anao? Nahoana?

Ny Loholona Ronald A. Rasband ao amin’ny Kôlejin’ny Apôstôly Roambinifolo dia nizara traikefa iray nolalovany rehefa nitsidika ny rafozan-dahiny rehefa izy akaiky ho faty iny. Rehefa tonga namangy ny Loholona Rasband dia teo an-dalam-podiana ny evekan’ny rafozan-dahiny. Notantarainy ny zavatra nitranga taorian’izay:

Nolazaiko i Blaine [rafozan-dahiny] hoe: “Mahafinaritra ery fa tonga mitsidika anao ny eveka.”

Nijery ahy i Blaine ary namaly hoe: “Tsy izay fotsiny ihany. Nangataka ny eveka aho mba ho avy satria te hanao dinidinika momba ny fahazoan-dalana hidirana ny tempoly. Tiako ny handao ny tany rehefa mendrika ho an’ny Tompo aho.” Dia izany tokoa no nitranga! (“Mendrika ho an’ny Tompo”, Liahona, nôv. 2020, 23)

Midika inona aminareo ny hoe “mendrika ho an’ny Tompo”?

Raha tsy voalazan’ny mpianatra izany dia azonao atao ny mizara fa ao anatin’ny drafitra be fitiavan’ny Ray any An-danitra ho an’ireo zanany, Izy sy i Jesoa Kristy Mpamonjy dia efa nanorina fenitra mba hidirana ny tempoly. Ny fanarahana ireo fenitra ireo dia manome lalana antsika mba hidirana amim-pahamendrehana ny tranon’ Izy Ireo.

Rehefa mandalina isika anio, dia henoy tsara ireo fahatsapana sy eritreritra izay mety ho tonga ao an-tsainao sy ao am-ponao amin’ny alalan’ny Fanahy Masina (jereo ny Fotopampianarana sy Fanekempihavanana 8:2–3). Izany no fomba ahafahan’ny Fanahy Masina sady manampy anao hamantatra ny zavatra ataonao tsara, no fomba ahafahanao manatsara ny ezaka ataonao mba hanarahana ny fenitr’Izy Ireo mba hidirana amim-pahamendrehana ao an-tranon’Izy Ireo.

Miditra ny tempoly mba hitsaoka ny Tompo

Ireto fanambarana sy andinin-tsoratra masina manaraka ireto dia afaka manampy ny mpianatra hahita fa ny Tompo dia nanorina fenitra mba hidirana ao amin’ny tranony masina. Hevero ny handamina ireo mpianatra ho vondrona misy olona telo ary ataovy mamaky ny iray amin’ireo andinin-tsoratra masina ireo ny mpikambana tsirairay ao amin’ilay vondrona.

Vakio ity fanambarana manaraka nataon’ny Loholona Ronald A. Rasband ao amin’ny Kôlejin’ny Apôstôly Roambinifolo ity sy ireo soratra masina voatanisa etsy ambany, ary tadiavo ny zavatra azonao ianarana momba ny fidirana ao amin’ny tranon’ny Tompo:

Ny tempoly no tranon’ny Tompo ary toerana masina hialana amin’izao tontolo izao. Ny Fanahiny dia manenika ireo izay mitsaoka ao anatin’ireo rindrina masina ireo. Izy no mametraka ny fenitra ahafahantsika miditra ho vahininy. (“Mendrika ho an’ny Tompo”, Liahona, nôv. 2020, 23)

Salamo 24:3–4 (“tendrombohitr’i Jehovaha” dia afaka maneho ny tempoly)

Jeremia 7:1–3 (i Jeremia no mpaminany nandritra ny fotoanan’ny faharatsiana tao Joda.)

Ezekiela 44:4–5, 9 (“diniho tsara” ao amin’ny andininy 5 dia mety midika hoe “mifantoka amin’ny”; Ny hoe “tsy mifora fo” ao amin’ny andininy 9 dia mety midika hoe tsy miala amin’ny fahotana sy amin’izao tontolo izao)

Inona avy ireo fahamarinana mikasika ny fidirana ao amin’ny tranon’ny Tompo izay azontsika ianarana avy amin’ny teny nambaran’ny Loholona Rasband sy ireo andinin-tsoratra masina ireo?

Mety hahita karazana fahamarinana maro ny mpianatra, toy ny hoe:

Mametraka ireo fenitry ny fahamendrehana hidirana ny tranony ny Tompo.

Nanome torolalana ho an’ireo mpitarika ao amin’ny fisoronana ny Tompo mba hakana antoka fa miditra ny tranony amim-pahamendrehana isika.

Azonao atao ny manazava fa na dia asaina hiomana handeha ho any amin’ny tempoly aza ny olona rehetra dia tsy maintsy mahafeno ny fenitry ny fahamendrehan’ny Tompo isika vao miditra ao an-tranony.
Ahoana no porofon’ny fitiavany sy ny faniriany ho antsika ny fenitry ny Tompo mba hidirana ao amin’ny tempoly?

Rehefa mamaly ilay fanontaniana teo aloha ny mpianatra dia ampio izy ireo hamantatra fa ny fiainana ireo fitsipiky ny Tompo dia manampy antsika ho tonga tahaka Azy, ka ahafahantsika mahita ny zavatra ataontsika tsara eo amin’ny ezaka ataontsika hanatonana Azy, ary hitahy antsika amin’ny Fanahiny sy ny fiadanany.

Fanontaniana momba ny fahazoan-dalana hidirana ny tempoly

Mba hanampiana ny mpianatra hanombantombana ny zavatra fantatr’izy ireo momba ireo zavatra takin’ny Tompo mba hidirana ao an-tranony dia asao ny mpianatra hamerina hijery ireo fanontaniana momba ny fahazoan-dalana hidirana ny tempoly ao amin’ny tovana ho an’ny Ho zatovo mahery!: Torolalana amin’ny fanaovana safidy [2022] ao amin’ny Médiathèque de l’Évangile. Raha tsy izany dia azonao atao ny mizara tahadikan’ny boky torolalana, pejy 36–37 avy ao amin’ny Boky torolalana Ho zatovo mahery! na manoratra mivantana ireo fanontaniana eny amin’ny solaitrabe.

Mitodiha any amin’ireo fanontaniana momba ny fahazoan-dalana hidirana ny tempoly izay hita ao amin’ny tovana ao amin’ny Ho zatovo mahery!: Torolalana amin’ny fanaovana safidy [2022] ary ataovy izao manaraka izao:

Vakio ireo fanontaniana momba ny fahazoan-dalana hidirana ny tempoly ary saintsaino (1) raha takatrao ny zavatra anontanian’ireo fanontaniana sy (2) ny fomba ahafahan’ny fiainana ireo fenitra ireo manomana antsika hiditra ao amin’ny trano masin’ny Tompo.
Misafidiana iray amin’ireo fanontaniana izay tianao hofantarina kokoa.

Omeo fahafahana ny mpianatra hizara ireo hevi-baovao azony avy amin’ny Fanahy Masina tamin’ny fandalinany. Azonao atao izany amin’ny alalan’ny fandaminana azy ireo ho vondrona kely ary manasa ny olona tsirairay hizara ny zavatra nianarany avy amin’ny fandalinany. Azon’izy ireo atao ny manazava ny fomba nanampian’ny zavatra hitan’izy ireo azy ireo hahatakatra ireo fenitry ny Tompo mba hidirana ao an-tranony. Amporisiho ny mpianatra hirakitra an-tsoratra ireo hevi-baovao nianaran’izy ireo avy amin’ny mpiara-mianatra aminy ao ambadiky ny taratasy zaraina.

Ahoana no ahafahan’ny fiainana ireo fenitry ny Tompo hidirana ny tranony manampy antsika hitovy Aminy kokoa?
Amin’ny fomba ahoana no maha-porofon’ny fitiavany an’ireo fenitra ireo?

Fandinihana ataon’ny tena manokana

Rehefa misaintsaina ny fahamendrehany hiditra ny tempoly ny mpianatra dia eritrereto ny mety ho fahatsapana ananan’ny mpianatrao. Inona avy ireo ahiahy mety hananan’izy ireo? Ahoana no ahafahanao miomana hanampy azy ireo hahatsapa ny fitiavan’ny Ray any An-danitra sy ny fahatokiana omen’ny Mpamonjy fa izy ireo dia afaka ny ho mendrika amin’ny alalany? Ny famakiana ity teny nambara manaraka ity dia fomba iray hanampiana ny mpianatra hahatsapa fanantenana fa afaka miditra amim-pahamendrehana ny tranon’ny Tompo miaraka amin’ny fanampian’ny Mpamonjy izy ireo.

Ny Loholona Patrick Kearon ao amin’ny Kôlejin’ny Apôstôly Roambinifolo dia nampianatra ny halehiben’ny fanirian’ny Raintsika any An-danitra mba hahafahan’ireo zanany miditra ao amin’ny fanjakany. Eritrereto ny fomba ahafahan’ny zavatra zarainy mihatra ihany koa amin’ny fanirian’ny Tompo mba hahafahan’ny zanany miditra ao amin’ny tranony masina.

11:35

Ry namako, ry mpanara-dia namako eo amin’ny araben’ny fiainana an-tany, ny drafitra mahafinaritra an’ilay Raintsika, dia ilay drafitra “mahavariana[ny]” izany, dia novolavolaina mba hitondrana anao hiverina any Aminy, fa tsy hanakana anao tsy hiditra akory. Tsy misy na iza na iza nametraka sakan-dalana ary nijoro teo hamerin-dalana anao sy handroaka anao. Ny mifanohitra amin’izany aza no misy raha ny tena marina. Tsy mitsaha-mikatsaka anao Andriamanitra. “[Tiany] ny zanany rehetra hisafidy ny hiverina any Aminy”, ary manao izay fomba rehetra azo tanterahina Izy hamerenana anao. (“Ny hitondra anao hiverina any Aminy no fikasan’ Andriamanitra”, Liahona, mey 2024, 87) (mari-potoana 2:16 hatramin’ny 3:01)

Ataovy izay hananan’ny mpianatra fotoana ampy hanaovana ity fandinihana manaraka ity.

Diniho ny fahamendrehanao manokana hiditra ny tranon’ny Tompo. Fomba iray ahafahanao manao izany ny mamerina mamaky ireo fanontaniana momba ny fahazoan-dalana hidirana ny tempoly sy mamly amim-pahanginana ny tsirairay avy amin’izany. Valio ao anatin’ny diary fandalinanao na ao ambadiky ny taratasy zaraina ity fanontaniana manaraka ity:

Inona no eritreretinao fa tian’ny Ray any An-danitra sy i Jesoa Kristy ho fantatrao, sy ho tsapanao, na hataonao?

Amporisiho ny mpianatra amin’ny ezaka ataon’izy ireo mba ho lasa mendrika hiditra ny tempoly sy ny fahavononan’ny Mpamonjy hanampy antsika hiomana hiditra ny tranony.

Loharanom-pitaovana fanampiny

Midika inona aminao ny hoe “manohana na mampiely fampianarana, na fomba fanao, na fotopampianarana izay mifanohitra amin’ireo izay hita ao amin’ Ny Fiangonan’i Jesoa Kristy ho an’ny Olomasin’ny Andro Farany?” (fanontaniana ahazoana fahazoan-dalana hidirana ny tempoly #7)

Ireo [fanontaniana] dia tsy midika hoe tokony hanalavitra ny olona hafa finoana ianao. Raha manasa anao hanatrika ny fombafomba bar mitzvah hatao aminy namanao Jiosy, na manasa anao amin’ny fandraisana azy ny namanao Katolika, dia afaka manohana azy ireo tanteraka ianao ary mbola mahazo fahazoan-dalana hidirana ny tempoly!

Ny dikan’izany dia hoe manohana ny fampianarana sy fotopampianaran’ny Fiangonana ianao—amin’ny fifanakalozan-kevitra, na amin’ny tambajotran-tserasera, na amin’ny toerana hafa izay handrenesana ny feonao. Mety tsy ho takatrao avokoa ny fampianarana rehetra. Mety manana fanontaniana tsy voavaly mihitsy aza ianao. Tsy maninona izany! Mbola afaka misafidy ny hanana finoana isika eo am-pikatsahana fahamarinana fanampiny. (“What ‘contrary’ is—and isn’t,” ChurchofJesusChrist.org/inspiration/what-contrary-is-and-isnt)

Moa ve aho mendrika ny “hiditra ny tranon’ny Tompo sy handray anjara amin’ireo ôrdônansin’ny tempoly”? (Fanontaniana ahazoana fahazoan-dalana hidirana ny tempoly #13)

Ny Rahalahy Bradley R. Wilcox ao amin’ny Fiadidian’ny Zatovolahy maneran-tany dia nampianatra toy izao:

Ao ireo diso fihevitra mandray ilay hafatra fa izy ireo dia tsy mendrika ny handray anjara tanteraka amin’ny filazantsara noho izy ireo mbola tsy afaka tanteraka amin’ny fahazaran-dratsy. Ny hafatr’ Andriamanitra dia hoe, ny fahamendrehana dia tsy midika hoe tsy misy kilema. Ny fahamendrehana dia ny marin-toetra sy ny miezaka. (“Ny fahamendrehana dia tsy midika hoe tsy fisiana kilema”, Liahona, nôv. 2021, 62)

Sahanasa fianarana fanampiny

Mendrika ho an’ny Tompo

Mba hanampiana ny mpianatra hampitombo ny fahatakarany ny maha-zava-dehibe ny fahazoan-dalana hidirana ny tempoly dia azonao atao ny mampiseho ny “Mendrika ho an’ny Tompo”, manomboka eo amin’ny mari-potoana 2:07 ka hatramin’ny 5:43. Azon’ny mpianatra atao ny mamantatra ny atao sy ny tsy atao hoe fahazoan-dalana hidirana ny tempoly. Azonao atao ny mijery izany mialoha ny hanaovan’ny mpianatra ny fandinihan’izy ireo manokana any amin’ny faran’ny lesona.

14:17

Ampy hatsarana mba hidirana tempoly ve?

Ilay fanontaniana farany mba hahazoana fahazoan-dalana hidirana ny tempoly dia manasa antsika hamaly raha toa isika ka mihevitra ny tenantsika ho mendrika ny hiditra ny tempoly. Mety hiahiahy ny mpianatra sasany fa tsy ho ampy ny fahamendrehany. Mba hanampiana hamaha ireo ahiahy ireo dia azonao atao ny mizara ny teny nambaran’ny Rahalahy Bradley Wilcox ao amin’ny Loharanom-pitaovana fanampiny na mizara ny zavatra niainana hita ao amin’ny Liahona martsa 2019 izay nitondra ny lohateny hoe “Good Enough for the Temple?(Ampy hatsarana mba hidirana ny tempoly ve?)” Asao ny mpianatra hizara ny zavatra nianarany momba ny fahamendrehana hiditra ny tempoly.

Ny fiomanantsika hiditra ny tempoly

Mety hanampy ny fanazavana amin’ny mpianatra fa ny fiomanana hiditra ny tempoly dia tsy amin’ny fotoana voalohany handraisantsika anjara amin’ireo ôrdônansin’ny batisa na ny fanafiana masina any amin’ny tempoly fotsiny. Ny fiomanana hiditra ny tempoly dia zavatra ilaintsika atao tsy ankiato mba hitsaohana ny Tompo. Hevero ny hanonta printy ny tahadikan’ny teny nambara tsirairay etsy ambany avy amin’ny Loholona Ulisses Soares ao amin’ny Kôlejin’ny Apôstôly Roambinifolo ary zarao amin’ny mpianatra izany. Asao ny mpianatra hamaky ny fanambarana, hizara ny zavatra hitany fa hevi-baovao, ary hanazava ny fomba ahafahan’izany manampy azy ireo hiomana hiditra ny tempoly amim-pahamendrehana isaky ny mankany izy ireo.

Raha manova ny fiomanantsika hiditra ny tempoly isika dia hanova ny zavatra iainantsika ao anatinʼny tempoly isika izay hanova ny fiainantsika any ivelanʼny tempoly. (“Fitokiana amin’ny fanekempihavanana amin’ny alalan’i Jesoa Kristy”, Liahona, mey 2024, 18)

Tsy natao ho an’ireo izay sambany vao ho any amin’ny tempoly irery ihany ny fiomanana. Tokony hiomana lalandava ho any amin’ny tranon’ny Tompo isika rehetra. (“Fitokiana amin’ny fanekempihavanana amin’ny alalan’i Jesoa Kristy”, Liahona, mey 2024, 19)

Irin’ny Mpamonjy ny hahatonga antsika ho vonona hahatakatra, amin’ny fomba mazava tsara hoe, ahoana marina ny tokony hatao rehefa manao fanekempihavanana amin’ny Raintsika any an-danitra amin’ny anarany isika. Tiany isika mba ho vonona hiaina ireo tombontsoantsika, ireo fampanantenana ary ireo andraikitsika; mba ho vonona ny hanana ireo hevi-baovao sy fifohazana ara-panahy izay ilaintsika eto amin’ity fiainana ity. (“Fitokiana amin’ny fanekempihavanana amin’ny alalan’i Jesoa Kristy”, Liahona, mey 2024, 20)