Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Manao fanekempihavanana hitandrina ny lalàn’ny fanokanana isika ao amin’ny tempoly: Ny fanekempihavanana hankatò an’ Andriamanitra sy hahafoy tena ho Azy

“Manao fanekempihavanana hitandrina ny lalàn’ny fanokanana isika ao amin’ny tempoly: Ny fanekempihavanana hankatò an’ Andriamanitra sy hahafoy tena ho Azy”, Testamenta Taloha: Boky torolalana ho an’ny mpampianatra seminera (2026)

Fiomanana ho any amin’ny tempoly: Ireo lalàn’ny fankatoavana sy fahafoizan-tena: Lesona 202

Manao fanekempihavanana hitandrina ny lalàn’ny fanokanana isika ao amin’ny tempoly

Ny fanekempihavanana hankatò an’ Andriamanitra sy hahafoy tena ho Azy

Tia ny zanany rehetra ny Ray any An-danitra. Iray amin’ireo fomba hanehoan’ny Ray any An-danitra ny fitiavany ny fanasana ireo zanany hanao fanekempihavanana Aminy any amin’ny tempoly. Ireo fanekempihavanana ireo dia ahitana ny fampanantenana ataontsika hankatò ny lalàn’ny fankatoavana sy ny lalàn’ny fahafoizan-tena. Ity lesona ity dia manampy ny mpianatra hahatakatra momba ny lalàn’ny fankatoavana sy fahafoizan-tena izay anaovantsika fanekempihavanana ny hitandrina izany mandritra ny fanafiana masina.

Fanomanana ny mpianatra: Asao ny mpianatra hieritreritra momba ity fanontaniana ity alohan’ny hidirana ao an-dakilasy: Ahoana no hitahian’ny fanaovana fanekempihavanana fanampiny amin’ny Ray any An-danitra ny fiainako?

Sahanasa fianarana azo atao

Ny tanjon’ireo tempoly

Atomboy amin’ny alalan’ny fanampiana ny mpianatra hamantatra ny antony anirian’izy ireo hanao fanekempihavanana amin’ny Ray any An-danitra sy i Jesoa Kristy ity lesona ity. Fomba iray hanaovana izany ity manaraka ity. Azonao atomboka izany amin’ny alalan’ny fahitana toe-javatra sarotra vitsivitsy mety hatrehan’ny olona eo amin’ny fiainana ka mety hitarika azy hanalavitra an’ Andriamanitra. Ny hevitra vitsivitsy amin’izany nyfisaraham-panambadiana, na aretina na fahaverezan’asa.

Nahoana ny toe-javatra sarotra sasany iainan’ny olona no mahatonga azy hanalavitra an’ Andriamanitra?
Nahoana no tena zava-dehibe tokoa mandritra ireny karazana toe-javatra ireny ny itoerantsika ho akaiky an’ Andriamanitra fa tsy manalavitra Azy?

Saintsaino ny fomba ahafahantsika miomana amin’ny fanambin’ny fiainana mba hitoetra ho akaiky an’ Andriamanitra sy handray ny fanampiany ary ny heriny.

Mitondrà lastika fanaovana fanatanjahan-tena telo ao an-dakilasy. Manasà mpianatra telo handroso eny anoloan’ny iray kilasy na hampiseho ireo sary nampiarahana tamin’ny lesona ary hamariparitra ny zavatra mitranga. Haodino hamatotra miaraka ireo hatotanan’ilay mpianatra voalohany ilay lastika voalohany. Haodino indroa hamatotra miaraka ireo hatotanan’ilay mpianatra faharoa ilay lastika faharoa. Avy eo dia haodino intelo hamatotra miaraka ireo hatotanan’ilay mpianatra fahatelo ilay lastika fahatelo.

Asao ny tsirairay amin’ireo mpianatra telo ireo mba hisintona hampihataka ny tanany hahitana hoe iza no afaka manao izany mora kokoa. Azonao atao ihany koa ny manontany ny iray kilasy hoe iza amin’ireo mpianatra telo no heverin’izy ireo fa afaka manaisotra mora foana ny tanany amin’ilay lastika.

Raha tsy izany dia azonao atao ny mizara ilay horonan-tsary hoe “Stronger and Closer Connection to God Through Multiple Covenants (Fifandraisana mafy orina sy akaiky kokoa amin’ Andriamanitra amin’ny alalan’ny fanekempihavanana maro)”, manomboka eo amin’ny mari-potoana 4:13 ka hatramin’ny 5:44 izay nanehoan’ny Loholona Dale G. Renlund ao amin’ny Kôlejin’ny Apôstôly Roambinifolo ity lesona ampiasàna zavatra azo tsapain-tanana ity tamin’ny tanora telo.

Inona no ampianarin’ity lesona ampiasàna zavatra azo tsapain-tanana ity antsika momba ny fanaovana sy fitandremana fanekempihavanana amin’ Andriamanitra?

Ny Loholona Dale G. Renlund ao amin’ny Kôlejin’ny Apôstôly Roambinifolo dia nizara ny fomba ahafahan’ny fanaovana fanekempihavanana amin’ Andriamanitra mitahy antsika:

Ny fanekempihavanana tsirairay dia mampisy fifamatorana, mampanakaiky antsika kokoa sady manamafy orina ny fifandraisantsika amin’ Andriamanitra.

… Rehefa miatrika zava-tsarotra eo amin’ny fiainana isika dia mihena ny mety hisian’ny fanalavirana ny tenantsika amin’ Andriamanitra. (“Stronger and Closer Connection to God Through Multiple Covenants (Fifandraisana mafy orina sy akaiky kokoa amin’ Andriamanitra amin’ny alalan’ny fanekempihavanana maro),” [Fampaherezam-panahy tao amin’ny Oniversite Brigham Young , 5 martsa 2024], 2, 3, speeches.byu.edu)

Azonao atao ny mangataka ny mpianatra hamantatra ny sasany amin’ireo fanekempihavanana ataontsika amin’ Andriamanitra.

Manao fanekempihavanana amin’ny Ray any An-danitra isika ao amin’ny tempoly izay tafiditraao anatin’ny fanafiana masina any amin’ny tempoly. Ao anatin’ny fanafiana masina dia manao fanekempihavanana isika hitandrina ny lalàn’ny fankatoavana, ny fahafoizana, ny filazantsaran’i Jesoa Kristy, ny fahadiovam-pitondrantena, ary ny fanokanana (jereo ny Boky torolalan’ny Fiangonana maneran-tany: Manompo ao amin’Ny Fiangonan’ i Jesoa Kristy Ho an’ ny Olomasin’ ny Andro Farany, 27.2). Ity lesona ity dia mifantoka amin’ny lalàn’ny fankatoavana sy ny fahafoizana

Hevero ny hanasa mpianatra hanoratra izao manaraka izao ao amin’ny diarin’izy ireo: Ao anatin’ny fanafiana masina any amin’ny tempoly dia manao fanekempihavanana amin’ny Ray any An-danitra sy i Jesoa Kristy isika mba hiaina ny lalàn’ny fankatoavana sy ny lalàn’ny fahafoizana.

Ny lalàn’ny fankatoavana sy ny fahafoizana

Ny zavatra nianarako

Afaka manamafy ireo fahamarinana nianaran’ny mpianatra ny Fanahy Masina rehefa mizara zavatra niainana sy fijoroana ho vavolombelona izy ireo. Asao ny mpianatra hizara zavatra niainana manokana na hieritreritra olona iray izay ohatra amin’ny fankatoavana na amin’ny fahavononana hanao fahafoizana ho an’ny asan’ny Tompo. Mety hanampy ny mizara traikefan’ny tena manokana na ohatra. Azo ampiasaina ireto fanontaniana manaraka ireto rehefa mizara traikefa ny mpianatra, na mandritra ny fifanakalozan-kevitra ao an-dakilasy, na mba hamalian’ny mpianatra ao amin’ny diary fandalinany soratra masina.

Ahoana no ahafahan’ny fankatoavana ireo lalàn’ny fankatoavana sy ny fahafoizana manampy antsika hanahaka kokoa an’i Jesoa Kristy?
Amin’ny fomba ahoana no ahafahan’ny fanaovana fanekempihavanana hankatò ireo lalàna roa ireo ao amin’ny tempoly manampy antsika hanakaiky kokoa an’ Andriamanitra sy hanamafy orina ny fifandraisantsika Aminy?

Loharanom-pitaovana fanampiny

Inona no fanafiana masina raisintsika any amin’ny tempoly?

Ny fanafiana masina dia fombafomba ara-pivavahana izay atao any amin’ny tempolin’Ny Fiangonan’ i Jesoa Kristy ho an’ ny Olomasin’ny Andro Farany. Izany dia natao ho an’ireo olon-dehibe mpikamban’ny Fiangonana izay vonona amin’izany traikefa masina izany. Ny fanafiana masina dia manome torolalana sy fanekempihavanana ary fitahiana nampanantenaina izay manolotra hery sy tanjona ary fiarovana eo amin’ny fiainana andavanandro. Mampianatra momba ny Fahariana ny tany izany, ny Fahalavoan’i Adama sy i Eva, ny drafitry ny fanavotana amin’ny alalan’i Jesoa Kristy, ary ny diantsika manokana miverina eo anatrehan’ Andriamanitra. …

Amin’ny alalan’ny fanafiana masina dia manamafy ny fifandraisan’izy ireo amin’ Andriamanitra ny mpikamban’ny Fiangonana rehefa mampanantena ny hanaraka ireo fenitry ny fitondrantena napetrany sy ny tsy fivadihany ary ny fanompoana ny hafa izy ireo. Ao anatin’io fombafomba masina io, ireo mpikamban’ny Fiangonana dia manao fanekempihavanana “hitandremana ny lalàn’ny fankatoavana, ny lalàn’ny fahafoizana, ny lalàn’ny filazantsara, ny lalàn’ny fahadiovam-pitondrantena, ary ny lalàn’ny fanokanana” (David A. Bednar, “Vonona hahazo ny zavatra rehetra ilaina”, Liahona, mey 2019, 103–4). Ny fanajana amim-pahatokiana ireo fampanantenana ireo dia manampy ireo mpikamban’ny Fiangonana ho lasa Olomasina amin’ny alalan’ny Sorompanavotan’i Kristy. Ny fanafiana masina dia fomba iray handrotsahan’ Andriamanitra ny heriny eo anivon’ny vahoakan’ny fanekempihavanany. (Gospel Topics: Endowment (Lohahevitry ny Filazantsara: Fanafiana masina))

Ho fanampim-pahalalana momba ny fanafiana masina dia jereo ny Boky torolalan’ny Fiangonana maneran-tany: Manompo ao amin’ Ny Fiangonan’i Jesoa Kristy ho an’ny Olomasin’ny Andro Farany, 27.2, Médiathèque de l’Évangile.

Maneho inona amin’ Andriamanitra ny fankatoavako ny didin’ Andriamanitra?

Asehoy ny fitiavanao an’ Andriamanitra amin’ny alalan’ny fitandremana ny didiny. Ohatra, rehefa mitandrina ny andro Sabata ho masina ianao, tafiditra ao anatin’izany ny fiomanana amim-pahatokiana amin’ny fanasan’ny Tompo sy ny fandraisana izany, dia maneho amin’ Andriamanitra ianao fa vonona ny hanokana andro iray isan-kerinandro ho Azy. Rehefa mifady hanina sy mandoa fahafolonkarena sy fanatitra ianao dia maneho amin’ Andriamanitra fa manan-danja kokoa aminao mihoatra ny zavatra ara-nofo ny asany. Rehefa mampiasa ny anaran’ Andriamanitra sy i Kristy amim-panajana lalina ianao, fa tsy manonononom-poana na milaza izany fahatany na oviana na oviana, dia mampiseho ianao fa feno fankasitrahana noho ny zavatra rehetra nataon’Izy Ireo ho anao. (Ho zatovo mahery!: Torolalana amin’ny fanaovana safidy [2022], 11–12)

Amin’ny fomba ahoana no hanatanterahana ny lalàn’ny fahafoizana amin’izao androntsika izao?

Nanazava toy izao ny Filoha Dallin H. Oaks ao amin’ny Fiadidiana Voalohany:

Ny fijaliana tsy hay takarina nozakain’ i Jesoa Kristy no namarana ny fanaovana sorona amin’ ny alalan’ ny fandatsahan-dra, kanefa tsy namarana kosa ny maha-zava-dehibe ny sorona eo amin’ ny drafitry ny filazantsara izany. Ny Mpamonjy antsika dia mbola mitaky ny hanohizantsika ny fanolorana sorona, saingy ny sorona asainy ataontsika amin’ izao dia ny “[hanaterantsika] ho sorona ho [Azy] ny fo torotoro sy ny fanahy manenina” (3 Nefia 9:20). Nandidy antsika tsirairay koa izy hifankatia sy hifanompo—izany hoe, hanolotra sorona mitovitovy amin’ ilay sorona nataony amin’ ny alalan’ ny fahafoizana ny fotoanantsika sy ireo zavatra maha-maika antsika izay miendrika fitiavan-tena. … Tena marina tokoa fa ny fiainantsika natokana ho an’ ny asa fanompoana sy ny sorona no fanehoana tsara indrindra an’ ilay fanoloran-tenantsika hanompo ny Tompo sy ny mpiara-belona amintsika. (“Ny Sorona”, Liahona, mey 2012, 19–20)

Inona no dikan’izany hoe manolotra sorona fo torotoro sy fanahy manenina izany?

Nampianatra izao ny Loholona D. Todd Christofferson ao amin’ny Kôlejin’ny Apôstôly Roambinifolo:

11:21

Fahiny, rehefa te hitsaoka ny Tompo ny olona sy hikatsaka ny fitahiany dia matetika izy ireo no nitondra fanomezana. Ohatra, rehefa nankany amin’ny tempoly izy ireo, dia nitondra sorona hapetraka eo amin’ny alitara. Taorian’ny Sorompanavotana nataon’ny Mpamonjy sy ny Fitsanganany tamin’ny maty, dia nilaza Izy fa tsy hanaiky intsony ny biby atao fanatitra hodorana. Ny fanomezana na sorona izay ekeny ankehitriny dia “fo torotoro sy fanahy manenina” (3 Nefia 9:20). Rehefa mikatsaka ny fitahian’ny fiovam-po ianao dia afaka manolotra ho an’ny Tompo ny fonao torotoro na mibebaka ary ny fanahinao manenina na mankatò. Raha ny marina dia fanomezanao ny tenanao izany—ny maha-ianao anao sy izay hahatongavanao. (“When Thou Art Converted,” Liahona, Mey 2004, 12) (mari-potoana 7:01 ka hatramin’ny 7:46)

Sahanasa fianarana fanampiny

Fahafoizana handraisana ireo fitahiana mandrakizay nampanantenaina any amin’ny tempoly

Ny horonan-tsary “Temples Are A Beacon (Fanilo ny tempoly)” (2:50) dia azo ampiasaina mba hitaona ny mpianatra hanao fahafoizana mba hankanesana any amin’ny tempoly. Ao amin’ilay horonan-tsary ny Filoha Thomas S. Monson (1927–2018) dia mizara ny tantaran’ny fianakaviana Mou Tham izay nanao fahafoizana lehibe mba hankanesana any amin’ny tempoly. Aorian’ilay horonan-tsary dia azonao atao ny mifanakalo hevitra momba ny fahafoizana azontsika atao mba hitsaohana an’ Andriamanitra ao an-tranony.

2:50

Fanafiana amin’ny hery masina

Hevero ny hanampy ny mpianatra hahatakatra ny fomba hitahiana antsika amin’ny herin’ Andriamanitra amin’ny alalan’ny fanafiana masina any amin’ny tempoly. Hevero ny hamaky ny Fotopampianarana sy Fanekempihavanana 38:32, 38; 43:16. Azon’ny mpianatra atao ihany koa ny mamaky ilay fanambarana momba ny fanafiana masina ao amin’ny Loharanom-pitaovana fanampiny. Ifanakalozy hevitra ireo fomba ahafahan’ny fiainana ny lalàn’ny fankatoavana sy ny fahafoizana manampy antsika ho voatafin’nyherin’ Andriamanitra. Ao anatin’ny fifanakalozan-kevitra dia ampio ny mpianatra hamantatra fa ny ezaka ataontsika mba hiaina ireo lalàn’ny fankatoavana sy ny fahafoizana ireo dia manampy antsika hitovy amin’i Jesoa Kristy kokoa.

Miomana hanao fanekempihavanana amin’ Andriamanitra any amin’ny tempoly

Ny Filoha Jean B. Bingham, Filohan’ny Fikambanana Ifanampiana maneran-tany teo aloha, dia nizara ny zavatra niainany tamin’ny fiomanana hanao fanekempihavanana amin’ Andriamanitra any amin’ny tempoly. Azonao atao ny mampiseho ilay horonan-tsary: “Mampatanjaka, sy miaro ary manomana antsika ho amin’ny voninahitra mandrakizay ireo fanekempihavanana atao amin’ Andriamanitra” (11:59) manomboka eo amin’ny mari-potoana 1:42 ka hatramin’ny 2:50.

11:59

Aorian’ilay horonan-tsary dia azonareo atao ny mifanakalo hevitra momba ny fomba ahafahan’ny fahatakarana ireo fanekempihavanana izay hataontsika amin’ Andriamanitra ao amin’ny tempoly manomana antsika amin’izany fotoana masina izany.