Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

I Jesoa Kristy no ivon’ny fitsaohana rehetra any amin’ny tempoly: “Dia honina eo aminy Aho”

“I Jesoa Kristy no ivon’ny fitsaohana rehetra any amin’ny tempoly: -Dia honina eo aminy Aho-”, Testamenta Taloha: Boky torolalana ho an’ny mpampianatra seminera (2026)

“I Jesoa Kristy no ivon’ny fitsaohana rehetra any amin’ny tempoly: -Dia honina eo aminy Aho-”, Testamenta Taloha: Boky torolalana ho an’ny mpampianatra seminera

Fiomanana ho any amin’ny tempoly: Lesona 201

I Jesoa Kristy no ivon’ny fitsaohana rehetra any amin’ny tempoly

“Dia honina eo aminy Aho”

Ny tempoly dia toerana masina notokanana sy misaraka amin’izao tontolo izao mba hanampiana antsika hanakaiky kokoa ny Ray any An-danitra sy i Jesoa Kristy. Ny ivon’ny fitsaohantsika dia hita ao amin’ny izay voasoratra amin’ny tempoly tsirairay: “Ny tranon’ny Tompo.” Ny zavatra rehetra ao amin’ny tempoly dia mifantoka amin’i Jesoa Kristy Mpamonjy antsika. Ity lesona ity dia manampy ny mpianatra hahatsapa faniriana lehibe kokoa hanakaiky an’i Jesoa Kristy ao an-Tranony.

Fiomanan’ny mpianatra: Mba hanampiana ny mpianatra hiomana amin’ity lesona ity dia asao ireo mpianatra hisaintsaina ireo fitahiana izay azon’izy ireo, na ny hafa izay fantany tamin’ny alalan’ny fandehanana any amin’ny tempoly.

Sahanasa fianarana azo atao

Ny ivon’ny fitsaohana any amin’ny tempoly

Hevero ny hanomboka ny fotoam-pianarana amin’ny alalan’ny fampisehoana kodiaram-bisikileta na zavatra hafa izay manana ivony miavaka. Azonao amboarina miainga avy amin’ilay zavatra nosafidinao haseho ny fanontaniana.

Bicycle tire wheel isolated on white background.

Nahoana no zava-dehibe ny ivon’ny kodiaram-bisikileta iray?
Inona no ho fiantraikan’ny fanesorana ny ivon’ny kodiarana amin’ny tanjona ilana ny kodiarana?

Raha niresaka momba ny tempoly ny Loholona Allen D. Haynie ao amin’ny Fitopololahy dia nampianatra hoe:

[I Jesoa Kristy] no antony ahatongavantsika any amin’ny tempoly. Izy no irin’ny Raintsika any An-danitra hihaonantsika any amin’ny tempoly. Izy no ivon’ny tandindona rehetra, ny ôrdônansy rehetra, ny fanekempihavanana rehetra, ary ny fitahiana rehetra antenaina any amin’ny tempoly. Ny fikatsahana an’i Jesoa ao amin’ny tempoly dia manome fahafahana antsika hahatakatra ny antony mahatonga antsika ho ao amin’ny tempoly sy ny antony tokony hiverenantsika indray. (“Meeting Jesus in the House of the Lord,” [Fampaherezam-panahy tao amin’ny Oniversite Brigham Young , ôkt. 10, 2023], 6, speeches.byu.edu)

Inona no mety ho fiantraikan’ny fitadidiana fa ny Mpamonjy no ivon’ny zavatra rehetra ataontsika any amin’ny tempoly amin’ny zavatra iainanao any?

Ampio ny mpianatra hahatakatra fa sady trano tsara tarehy aza ny tempoly no mampanakaiky antsika kokoa an’i Jesoa Kristy amin’ny alalan’ny zavatra mitranga ao anatin’ny tempoly.

Mba hanehoana bebe kokoa io hevitra io dia azonao atao ny mampiseho ny horonan-tsary “A Symbol of Jesus Christ” (Tandindon’i Jesoa Kristy) (1:11)).

Mba hanampiana ny mpianatra hisaintsaina ny zavatra tsapany momba ny tempoly dia hevero ny hampiseho ireto mari-drefy sy toromarika manaraka ireto.

Amin’ny alalan’ny fampiasana ny maridrefy nomena, dia eritrereto ny fomba handaharanao ny fanekenao ireto fanambarana tsirairay manaraka ireto:

Ny tempoly dia toerana hahatsapako ho akaikin’i Jesoa Kristy.
Maniry ny hanamafy orina ny fifandraisako amin’ny Mpamonjy ao amin’ny tranony masina aho.

Soraty mandritra ny lesona anio ireo fahatsapana izay mety ho azonao avy amin’ny Fanahy ka hampitombo ny fanirianao ho ao amin’ny tempoly.

Ny Tempoly ao amin’ny Testamenta Taloha

Mba hanampiana ny mpianatrao hahatakatra ny tanjon’ny tempoly amin’ny fampiasana ny Testamenta Taloha dia hevero ny hanoratra ny hoe “Ny tabernakely” sy ny hoe “tempolin’i Solomona” eny amin’ny solaitrabe. Azonao atao ny mampiseho ny sarin’ireo trano ireo izay nampiarahina tamin’ny lesona ka manasa ny mpianatra hanandrana hampifandray ilay sary amin’ilay anarana ary hizara ny zavatra fantany momba ny tsirairay amin’izany.

Raha manampy dia azonao atao ny mizara izao manaraka izao:

Ny tabernakely no tranon’ny Tompo voalohany, na tempoly, izay voalaza ao amin’ny Testamenta Taloha (manodidina ny 1300 taona talohan’i JK). Trano azon’ny Isiraelita nolanjaina izany raha nandeha tany an-tany foana izy ireo. Ny tempolin’i Solomona dia tranon’ny Tompo izay tsy azo nafindra izay naorina tao Jerosalema (manodidina ny 1000 taona talohan’i JK). Taty aoriana dia rava sy naorina indray ny tempoly (manodidina ny 500 taona talohan’i JK). Isaky ny nandidy ny vahoakany hanorina trano ho Azy ao amin’ny Testamenta Taloha ny Tompo dia fampanantenana mitovy no nomeny.

Azonao atao ny mandamina ny mpianatra ho vondrona misy olona telo ary manasa ny mpikambana tsirairay ao amin’ny vondrona mba hamaky sy hanao tatitra momba ny iray amin’ireto andalan-tsoratra masina manaraka ireto. Mba hanampiana ny mpianatra hitadidy ny tanjon’ny Tompo ho an’ny tempoly dia azonao atao ihany koa ny manasa azy ireo hampifandray ireo andininy ireo ao amin’ny soratra masin’izy ireo.

Vakio ireto andinin-tsoratra masina manaraka ireto ka tadiavo ny zavatra nampanantenain’ny Tompo ny vahoakan’ny fanekempihavanany raha toa ka manorina trano ho Azy izy ireo.

Eksodosy 25:8 (tabernakely)
1 Mpanjaka 6:12–13
Hagay 2:7

Asao ny mpianatra hizara ny zavatra hitany. Ny vondrona tsirairay dia afaka mamintina fahamarinana iray azontsika ianarana avy amin’ireo andalan-tsoratra masina telo ireo ka azo ampiharina amin’ny tempoly amin’izao fotoana izao.

Ny mpianatra dia mety hahita zavatra mitovy amin’ny hoe nandidy ny olony hanangana tempoly ny Tompo mba hahafahany mitoetra eo anivon’izy ireo.
Inona araka ny eritreritrao no dikan’ny hoe afaka “mitoetra” eo anivontsika amin’ny alalan’ny tempoly ny Tompo?

Ny hoe “mitoetra” eo anivontsika dia mety midika hoe mahatsapa ny fanatrehany sy ny heriny, lasa mahafantatra Azy tsara kokoa, ary manamafy orina ny fifandraisantsika Aminy.

Ireo fitahiana avy amin’ny fitsaohana ny Tompo ao an-tranony

Ny fomba iray ahitantsika porofo fa ny Tompo dia mitoetra eo anivontsika ao amin’ny tranony dia amin’ny alalan’ireo fitahiana omeny antsika rehefa mankao amin’ny tempoly isika.

Inona avy araka ny eritreritrao ireo fitahiana hitanao, na mety ho tonga, avy amin’ny fitsaohana ny Tompo ao an-tranony?

Hevero ny hanao lisitra eny amin’ny solaitrabe ny valintenin’ny mpianatra.

Ny fandalinana ity teny nambara manaraka ity dia manampy ny mpianatra hamantatra ireo fitahiana fanampiny izay azo avy amin’ny fitsaohana ny Tompo ao an-tranony. Hevero ny hizara ny mpianatra ho tsiroaroa. Asao izy ireo hiaraka hamaky an’ilay fanambarana ary hamaly ny fanontaniana miaraka amin’izany.

Nampianatra izao ny Filoha Russell M. Nelson:

[I]reo izay manompo sy mitsaoka ao amin’ny tranon’ny Tompo … dia afaka manantena ny hahazo valim-bavaka, fanambarana ho an’ny tena manokana, finoana lehibe kokoa, hery, fampiononana, fitomboana fahalalana, ary fitomboana hery izy ireo.

Hanampy anao hisaina amin’ny fomba selestialy sy hahatakatra tsikelikely momba ny tena maha-izy anao sy izay olona mety hahatongavanao ary ny karazana fiainana mety ho azonao mandrakizay ny fotoana lany ao amin’ny tempoly. Ny fitsaohana tsy tapaka any amin’ny tempoly dia hanatsara ny fomba fijerinao ny tenanao sy ny anjara toeranao eo amin’ny drafitra mahatalanjon’ Andriamanitra. Mampanantena anao an’izany aho.

… Ry rahalahy sy ranabavy malalako, indro ny fampanantenako. Tsy misy na inona na inona hanampy anareo kokoa hifikitra mafy amin’ilay anja-by mihoatra noho ny fitsaohana tsy tapaka ao amin’ny tempoly araka izay hamelan’ny toe-java-misy iainanareo. Tsy misy na inona na inona hiaro anareo kokoa rehefa tojo ny zavon’ny haizin’izao tontolo izao ianareo. Tsy misy na inona na inona hanamafy ny fijoroana ho vavolombelona anananareo momba an’i Jesoa Kristy Tompo sy ny Sorompanavotany na hanampy anareo hahatakatra kokoa ny drafitr’ Andriamanitra mahatalanjona. Tsy misy na inona na inona hampitony kokoa ny fanahinareo mandritra ny fotoam-pahoriana. Tsy hisy hanokatra ireo lanitra kokoa. Tsy misy! (“Mifalia amin’ny fanomezampahasoavan’ny fanalahidin’ny fisoronana”, Liahona, mey 2024, 121, 122)

Inona avy ireo fitahiana nampanantenain’ny Filoha Nelson izay tena mifanaraka amin’ny filàn’ny zatovo?
Inona, raha misy, amin’ireo fitahiana avy amin’ny Tompo ireo no efa niainanao na ny olona iray fantatrao?

Rehefa avy nomena fahafahana hifanakalo hevitra tsiroaroa momba ireo fanontaniana ireo ny mpianatra dia azonao atao ny manasa ny sasany amin’izy ireo hizara ny zavatra nifanakalozan’izy ireo hevitra mikasika izay fanontaniana mety hananany momba ny fitahiana.

Manao izany ho an’ny tena manokana

Mba hanampiana ny mpianatra hahatsapa ny lanjan’ireo fitahiana ireo dia omeo fahafahana izy hanoratra ny valinteniny amin’ny iray na izy rehetra amin’ireto fanontaniana manaraka ireto ao amin’ny diariny. Rehefa avy nomena fotoana ampy dia asao ny mpianatra izay vonona hizara ny zavatra nosoratany.

Amin’ny fomba ahoana no nahatsapanao ho akaiky kokoa ny Tompo tao amin’ny tempoly?
Amin’ny fomba ahoana no niainanao ireo fitahiana voatanisa vokatry ny fandehanana tany amin’ny tempoly?

Misafidiana iray amin’ireo fitahiana voatanisa izay tianao horaisina.

Nahoana ianao no mahatsapa fa afaka mampiasa io fitahiana io eo amin’ny fiainanao amin’izao fotoana izao?

Hevero ny hamarana amin’ny fijoroana ho vavolombelona na amin’ny zavatra niainana manokana momba ireo fomba ahafahantsika mahatsapa ho akaikin’ny Tompo ao amin’ny tranony masina.

Loharanom-pitaovana fanampiny

Inona avy ireo fomba hanakaikezantsika kokoa an’i Jesoa Kristy avy amin’ny tempoly?

Nampianatra izao manaraka izao ny Filoha Russell M. Nelson:

Ny olona tsirairay izay manao fanekempihavanana ao amin’ny dobo fanaovana batisa sy any amin’ny tempoly—ka mitandrina izany—dia mampitombo ny fahafahana hahazo ny herin’i Jesoa Kristy. Mba saintsaino io fahamarinana mampitolagaga io! (“Mandresy izao tontolo izao dia mahita fitsaharana”, Liahona, nôv. 2022, 96)

Nampianatra izao ny Loholona Neil L. Andersen ao amin’ny Kôlejin’ny Apôstôly Roambinifolo:

13:55

Ny tempoly dia tena tranon’ny Tompo ara-bakiteny mihitsy. Mampanantena anareo aho fa raha mankany amin’ny tranony Masina amim-pahamendrehana sy amim-bavaka ianareo, dia hotafiana ny heriny ho fiadiana ianareo, ny anarany no ho eo aminareo, ny anjeliny no hikarakara anareo, ary hitombo ny fitahiana ho azonareo avy amin’ny Fanahy Masina.

Nampanantena ny Tompo hoe: “Ny olona tsirairay izay mahafoy ny fahotany ka manatona Ahy ary miantso ny anarako sy mankatò ny feoko ary mitandrina ny didiko, dia hahita ny tavako ary hahafantatra fa Izy Aho” [Fotopampianarana sy Fanekempihavanana 93:1]. Misy fomba maro hahitana ny tavan’i Kristy, ary tsy misy toerana tsara kokoa noho ny ao amin’ny tranony masina. (“Ireo tempoly, Tranon’ny Tompo mandrakotra ny tany”, Liahona, mey 2024, 113) (mari-potoana 12:22 hatramin’ny 13:10)

Ahoana no ahafahan’ny fitsaohana ao amin’ny tranon’ny Tompo mitahy ahy eto amin’izao tontolo izao ankehitriny?

Nampianatra izao ny Loholona Neil L. Andersen ao amin’ny Kôlejin’ny Apôstôly Roambinifolo:

Amin’izao andron’ny fisafotofotoana sy ny korontana izao, dia mijoro ho vavolombelona aho fa ny tempoly no tranony masina ary hanampy amin’ny fiarovana antsika, ary manomana antsika ho amin’ilay andro feno voninahitra izay hiverenan’i Jesoa Kristy indray amin-kery sy voninahitra lehibe, miaraka amin’ireo anjeliny masina. (“Ireo tempoly, tranon’ny Tompo mandrakotra ny tany”, Liahona, mey 2024, 114)

Sahanasa fianarana fanampiny

Fomba hafa hanombohana

Azonao atao ny manomboka ny fotoam-pianarana amin’ny alalan’ny fampisehoana sarina tempoly tahaka ilay anankiray tany am-piandohan’ity lesona ity sy mametraka amin’ny mpianatra ity fanontaniana manaraka ity:

Inona avy ireo fihetsika samihafa mety ho fihetsiky ny olona rehefa mahita tempoly izy ireo?

Rehefa avy mizara valiny maromaro ny mpianatra dia azonao atao ny misafidy valinteny roa na telo izay ahitana fihetsika isan-karazany. Na azonao atao ny mampiseho ireto fihetsika manaraka ireto eny amin’ny solaitrabe ary manasa ny mpianatra hieritreritra ny maha samy hafa ireo fihetsika ireo.

Fihetsika 1: “Trano tsara tarehy ny tempoly.”

Fihetsika 2: “Tiako ny zavatra tsapako ao amin’ny tempoly.”

Azonao atao avy eo ny manampy ny mpianatra hahita ny fifantohan’ny fihetsika 2 amin’ny maha-zava-dehibe ny zavatra mitranga ao anatin’ny tempoly fa tsy ilay rafitra fotsiny ihany.

Nisy fotoana dia tafiditra tao amin’ny asan’ Andriamanitra ny tempoly

Mba hanampiana ny mpianatra hieritreritra ny anjara asan’ny tempoly eo anivon’ny vahoakan’ Andriamanitra ao amin’ny soratra masina dia azonao atao ny manasa azy ireo hisaintsaina ireo fotoana ivelan’ny Testamenta Taloha rehefa nanorina na nitsaoka tany amin’ny tempoly ny vahoakan’ny fanekempihavanana.

Isan’ny ohatra amin’izany ireto:

Lioka 2:27, 46 (Nentina tany amin’ny tempoly i Jesoa fony izy mbola zaza ary taty aoriana dia nampianatra tao amin’ny tempoly Izy fony Izy mbola ankizy. Maro ny ohatra momba an’i Jesoa Kristy tao amin’ny tempoly fony Izy olon-dehibe [Mat. 21:12–16; Marka 12:35–37; Lioka 21:37–38])
2 Nefia 5:16 (Tanin’i Nefia)
Môzià 2:1 (Tanin’i Zarahemlà)
Fotopampianarana sy Fanekempihavanana 124:39–41 (Nodidiana hanangana tempoly tao Nauvoo, Illinois ny Olomasina)
Fotopampianarana sy Fanekempihavanana 109:2–4 (vavaka fanokanana ny Tempolin’i Kirtland)
Mampianatra anao inona momba Azy ny didin’ny Tompo mba hanangana tempoly?

Ny tanjon’ny tranon’ny Tompo

Ho solon’ireo rafi-tantara roa nampiasaina tao amin’ny lesona dia azonao atao ny mampiseho ity horonan-tsary manaraka ity ho famintinana ny tanjon’ny tempoly.

Asehoy ny horonantsary “Mormon Temples” (Tempolin’ny Môrmôna) (1:40) hita ao amin’nychurchofJesusChrist.org mba hanampiana amin’ny famintinana ny zavatra nianarany sy tsapany.

1:40

Azo atao ny manasa mpianatra hizara ny hevitr’izy ireo ny fomba ahafahan’ny fanakaikezana ny Tompo ao amin’ny tempoliny manampy amin’ny fanovana ny fon’ny olona.