Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Përgjegjësia Jonë e Besëlidhjes për të Shpërndarë Ungjillin: “Tërë Familjet e Tokës do të Bekohen nëpërmjet … Pasardhësve të Tu”

“Përgjegjësia Jonë e Besëlidhjes për të Shpërndarë Ungjillin: ‘Tërë Familjet e Tokës do të Bekohen nëpërmjet … Pasardhësve të Tu’”, Manuali i Mësuesit të Seminarit për Dhiatën e Vjetër (2026)

Përgatitja e Misionarëve: Mësimi 196

Përgjegjësia Jonë e Besëlidhjes për të Shpërndarë Ungjillin

“Tërë Familjet e Tokës do të Bekohen nëpërmjet … Pasardhësve të Tu”

Missionaries teaching about the Temple to a new member outside the Seoul Korea Temple.

Ndërsa zgjedhim të ndjekim Shpëtimtarin dhe të ecim përgjatë shtegut të besëlidhjeve, Ai na premton të njëjtat bekime që i dha Abrahamit. Këto bekime përfshijnë fuqinë e priftërisë, familjet e përjetshme dhe një trashëgimi në mbretërinë çelestiale. Si pjesë e kësaj besëlidhjeje, ne kemi përgjegjësinë e shenjtë për të përhapur ungjillin e Shpëtimtarit anembanë botës, në mënyrë që të gjithë të mund t’i marrin këto bekime të mrekullueshme. Ky mësim mund t’i ndihmojë nxënësit ta thellojnë kuptueshmërinë rreth përgjegjësisë së tyre të besëlidhjes për t’ua shpërndarë ungjillin e Jezu Krishtit të tjerëve.

Përgatitja e nxënësve: Ftojini nxënësit të shpenzojnë disa minuta të studimit të tyre vetjak të shkrimeve të shenjta duke kërkuar bekimet dhe përgjegjësitë e besëlidhjes së Abrahamit. Ata mund ta studiojnë fragmentin e zotërimit doktrinor tek Abraham 2:9–11 ose të kërkojnë “Besëlidhja e Abrahamit” te Gospel Library [Biblioteka e Ungjillit]. Gjatë mësimit, mund t’i ftoni të tregojnë gjërat që mësuan ose pyetjet që kanë.

Veprimtari të Mundshme të të Mësuarit

Familjet e tokës

Si grup, përzgjidhni një nga figurat e një personi te pjesëzat përkatëse të figurëformueses dhe krijoni një përshkrim të shkurtër për atë person. Kjo mund të përfshijë:

Emrin
Vendin nga vjen
Hollësi mbi familjen e atij personi
Gjërat që po shkojnë mirë në jetën e atij personi
Sfidat me të cilat po përballet

Ftojeni secilin grup t’ia tregojë klasës hollësitë që krijuan për atë person që zgjodhën nga pjesëzat e veta të figurëformueses. Pasi të kenë folur, ftojini nxënësit të kenë në vëmendje gjatë gjithë mësimit se çfarë na ka kërkuar Zoti të bëjmë për të bekuar njerëzit në mbarë botën, si ata që u përshkruan nga secili grup. Shpjegoni se nxënësit do ta ndërtojnë të gjithë figurëformuesen së bashku më vonë në mësim.

Merreni parasysh t’i ftoni nxënësit të studiojnë fragmentin vijues me grupet e veta.

Lexo tek Abraham 2:9–11, duke kërkuar atë që Zoti i tha Abrahamit se do të bënte për të bekuar kombet dhe familjet e tokës. Shënim: Këto vargje përmbajnë një pjesë të asaj që njihet si besëlidhja e Abrahamit.

Kush është fara e Abrahamit? (Shih vargjet 10–11.)
Cilat janë disa mënyra se si Zoti mund të bekojë familjet e tokës nëpërmjet farës së Abrahamit?

Thënia vijuese mund të jepet për të përkrahur ose shtuar te përgjigjet e nxënësve.

Plaku Dejvid A. Bednar, i Kuorumit të Dymbëdhjetë Apostujve, dha mësim sa vijon rreth farës së Abrahamit:

“Ne jemi fara e Abrahamit. …

Puna misionare është një shpalosje e identitetit dhe e trashëgimisë sonë shpirtërore. Ne u parashuguruam në ekzistencën para lindjes dhe u lindëm në jetën e vdekshme që të përmbushim besëlidhjen dhe premtimin që Perëndia i bëri Abrahamit. Jemi këtu mbi tokë, në këtë kohë, që të lartësojmë priftërinë e të predikojmë ungjillin. Kjo është cilët jemi dhe kjo është ajo përse jemi këtu – sot e ngaherë.” (“Të Bëhesh Misionar”, Liahona, nëntor 2005, f. 47; Konferenca e Përgjithshme, tetor 2005, f. 63)

Si do ta përmblidhje këtë thënie?

Nxënësit mund të thonë diçka të tillë si: Si pasardhës të Abrahamit, ne kemi një përgjegjësi të besëlidhjes për ta shpërndarë ungjillin e Jezu Krishtit anembanë botës. Merreni parasysh të përdorni fjalët e nxënësve për ta shkruar këtë të vërtetë në tabelë.

Për ta kuptuar më mirë rëndësinë e kësaj përgjegjësie, nxënësit mund të ftohen të lexojnë tre paragrafët e parë te faqja 1 dhe 2 të udhëzuesit Predikoni Ungjillin Tim nën titullin “Mandati Juaj për ta Dhënë Mësim Ungjillin e Rivendosur të Jezu Krishtit”.

Përse disa njerëz mund të jenë të emocionuar për këtë përgjegjësi? Përse disa mund të ngurrojnë?
Si mendon, si mund të bekojë ungjilli i Jezu Krishtit njerëz si ata që përshkrove te pjesëzat përkatëse të figurëformueses?

Për t’i ndihmuar nxënësit të kuptojnë vlerën e përhapjes së ungjillit, mund të pyesni se çfarë mbajnë mend rreth besëlidhjes së Abrahamit ose shpjegoni sa vijon (për më shumë hollësi, shihni te “Mësimi 23: ‘Zanafilla 12; 17’” dhe “Mësimi 24: ‘Abraham 2:9–11’”):

Si pjesë e besëlidhjes së Abrahamit, Perëndia na ka premtuar bekimet e priftërisë së Tij, familjet e përjetshme dhe një trashëgimi në mbretërinë çelestiale. Këto janë bekime që Ai i dëshiron për të gjithë fëmijët e Tij dhe ne kemi privilegjin dhe përgjegjësinë t’i përhapim ato në botë.

Si mund të na motivojë të kujtuarit e këtyre bekimeve për ta shpërndarë ungjillin e Jezu Krishtit tek të tjerët?

Reflekto mbi ndjenjat e tua vetjake në lidhje me përhapjen e ungjillit tek të tjerët. Vazhdo të kërkosh pikëpamje që mund të të ndihmojnë t’i kuptosh më mirë bekimet dhe privilegjin e kësaj përgjegjësie të shenjtë.

Përmbushja e përgjegjësisë sonë të besëlidhjes

Isaia 49 përmban profeci të mbledhjes së Izraelit në ditët e fundit, duke përfshirë predikimin e ungjillit. Profeti Nefi i Librit të Mormonit shpjegoi se këto profeci ishin një kujtesë se Perëndia do ta mbante besëlidhjen e Tij për të bekuar familjet e tokës nëpërmjet farës së Abrahamit (shih te 1 Nefi 22:7–9). Shënim: Shërbëtori i referuar tek Isaia 49:3 dhe 5 mund të përshkruajë individë që i prijnë njerëzit drejt Krishtit, përfshirë pjesëtarët e shtëpisë së Izraelit, profetët dhe Vetë Shpëtimtarin.

Paraqitini udhëzimet e mëposhtme. Nxënësit mund ta plotësojnë këtë me grupet e tyre.

Mëso rreth profecive të Isaias duke lexuar shkrimet e shenjta dhe thëniet në pjesën e pasme të pjesëzave të figurëformueses sate. Diskuto dhe përgatitu për t’ia treguar klasës sa vijon:

Gjërat që mëson rreth përgjegjësisë sonë të besëlidhjes për të shpërndarë ungjillin.
Mënyrat se si Ati Qiellor dhe Jezu Krishti mund të na përkrahin ndërsa e përmbushim këtë përgjegjësi.
Shembuj se si kjo mund të zbatohet nga misionarët dhe anëtarët e tjerë të Kishës së Zotit.

Përfundimi

Plotëso një ose më shumë nga thëniet vijuese në ditarin tënd të studimit në lidhje me përgjegjësinë tonë të besëlidhjes për të shpërndarë ungjillin:

Sot mësova se njerëzit anembanë botës …

Sot mësova që unë …

Sot mësova që Shpëtimtari …

Ftojini disa vullnetarë të tregojnë atë që shkruan. Përfundojeni duke shprehur ndjenjat tuaja për përgjegjësinë tonë të besëlidhjes për të shpërndarë ungjillin e Jezu Krishtit tek të tjerët. Kujtojuni nxënësve se kjo është puna e Shpëtimtarit dhe Ai do t’i ndihmojë ata në përpjekjet e tyre.

Burime Shtesë

Pse kam përgjegjësinë ta shpërndaj ungjillin e Jezu Krishtit?

Presidenti Rasëll M. Nelson dha mësim:

5:34

“Çdo person që ka bërë besëlidhje me Perëndinë, ka premtuar që do të kujdeset për të tjerët dhe do t’u shërbejë njerëzve në nevojë. Ne mund ta demonstrojmë besimin te Perëndia dhe të jemi gjithmonë gati për t’iu përgjigjur atyre që pyesin për ‘shpresën që është në [ne]’ [1 Pjetër 3:15]. Secili prej nesh ka një rol për të luajtur në mbledhjen e Izraelit.” (“Predikimi i Ungjillit të Paqes”, Liahona, maj 2022, 6) (kodi kohor 2:26 deri në 2:50)

Si i bekon Shpëtimtari të tjerët nëpërmjet meje?

Presidentja Kamill N. Xhonson, Presidente e Përgjithshme e Shoqatës së Ndihmës, shpjegoi:

10:18

“Bekimi ynë i besëlidhjes është të bëhemi bashkëpjesëmarrës me Jezu Krishtin për t’u siguruar lehtësim [e ndihmë], si nga ana fizike edhe shpirtërore, të gjithë fëmijëve të Perëndisë. Ne jemi një kanal nëpërmjet të cilit Ai siguron lehtësim [e ndihmë].

Ashtu si miqtë e burrit të paralizuar, ne ‘ndihmo[jmë] të dobëtit, ngr[emë] duart që varen poshtë dhe forco[jmë] gjunjët e këputur’ [Doktrina e Besëlidhje 81:5]. Ne ‘mba[jmë] barrët e njëri‑tjetrit dhe kështu do të përmbush[im] ligjin e Krishtit’ [Galatasve 6:2]. Kur bëjmë kështu, ne arrijmë ta njohim Atë, të bëhemi si Ai dhe të gjejmë lehtësimin e Tij.” (“Jezu Krishti Është Lehtësim”, Liahona, maj 2023, f. 83) (kodi kohor 8:16 deri në 8:50)

Po nëse dua ta shpërndaj ungjillin e Jezu Krishtit, por nuk jam i/e sigurt se si ta bëj atë?

Për ide rreth shpërndarjes së ungjillit, shihni te “Mënyra për të Shpërndarë Ungjillin”, në Gospel Library [Biblioteka e Ungjillit].

Po sikur të ndihem në ankth për shpërndarjen e ungjillit?

Udhëzuesi Predikoni Ungjillin Tim jep këshillën vijuese:

“Me raste mund të ndiheni në siklet dhe të papërshtatshëm. Ndoshta ju shqetësoheni se nuk dini mjaftueshëm ose që nuk keni mjaft përvojë.

Ati juaj Qiellor, i cili ju njeh përsosurisht, ju thirri për shkak të asaj që mund të ofroni si një pasues i zotuar i Jezu Krishtit. Ai nuk do t’ju braktisë. Mirëbesoni se Shpirti do t’i lartësojë aftësitë tuaja dhe do t’ua mësojë të vërtetën atyre që e pranojnë atë.” (Predikoni Ungjillin Tim: Një Udhëzues për Shpërndarjen e Ungjillit të Jezu Krishtit [2023], f. 179)

Veprimtari Plotësuese të të Mësuarit

Bekimet e besëlidhjes së Abrahamit

Për t’i ndihmuar nxënësit t’i kuptojnë më mirë bekimet e besëlidhjes së Abrahamit, rishikoni pjesën “Pse ka rëndësi për mua besëlidhja e Abrahamit?” te “Mësimi 23: ‘Zanafilla 12; 17’”. Pastaj ftojini nxënësit të diskutojnë pse mund të dëshirojnë t’i përhapin këto bekime të premtuara te fëmijët e Perëndisë në mbarë botën.

Alternativë tjetër për studim

Nëse mendoni se do të ishte e dobishme të krijoni një grup të pestë, mund t’i jepni grupit pesë materialin vijues për ta studiuar. Ju mund të krijoni një figurëformuese shtesë me tri pjesëza duke i vendosur këto referenca në pjesën e pasme të një figure të një misionari ose një figure tjetër të përshtatshme.

Ushqejini të uriturit shpirtërisht

Isaia 49:10

Gjoni 6:35; 3 Nefi 20:7–8

Presidenti Xhefri R. Holland, i Kuorumit të Dymbëdhjetë Apostujve, shpalli:

“Njëzëri dhe në një mendje, ne dëshmojmë se ungjilli i Jezu Krishtit është mënyra e vetme për të kënaqur përfundimisht urinë shpirtërore dhe për të shuar etjen shpirtërore një herë e mirë.” (“He Hath Filled the Hungry with Good Things”, Liahona, nëntor 1997, f. 65)

Predikoni Ungjillin Tim

Udhëzuesi Predikoni Ungjillin Tim mund të përdoret nga të gjithë anëtarët e Kishës për t’i ndihmuar ata të “përmbushin përgjegjësinë e tyre besëlidhëse për ta shpërndarë ungjillin duke i jetuar parimet ‘duaj, trego dhe fto’ të ungjillit” (Predikoni Ungjillin Tim, f. ix).

Në vend që t’i ftoni nxënësit të studiojnë fragmentet dhe thëniet në pjesëzat e pasme të figurëformueses së tyre, mund ta ftoni secilin grup të studiojë pjesë nga udhëzuesi Predikoni Ungjillin Tim. Për shembull, ata mund të studiojnë pjesën: “Përkrahini Anëtarët në Përpjekjet e Tyre për ta Shpërndarë Ungjillin” ose “Bekime të Premtuara për Shpërndarjen e Ungjillit” te kapitulli 9. Ftojeni secilin grup të përgatitet për të treguar atë që mësoi, që mund të na ndihmojë të përmbushim përgjegjësinë tonë të besëlidhjes për ta shpërndarë ungjillin e Jezu Krishtit tek të tjerët.