Zanafilla 12; 17

Ftojini nxënësit të përfytyrojnë sikur iu kërkua të japin një bisedë në mbledhjen e sakramentit rreth besëlidhjes së Abrahamit. Për t’i ndihmuar të vlerësojnë se sa të përgatitur mund të jenë për ta bërë këtë, ftojini t’i shkruajnë pyetjet vijuese dhe t’u përgjigjen atyre në ditarët e tyre të studimit.

Sigurojini nxënësit se nuk ka problem nëse nuk dinë shumë rreth besëlidhjes së Abrahamit. Bëjuani të ditur se ata do të jenë në gjendje t’i zgjerojnë përgjigjet e tyre gjatë orës mësimore. Inkurajojini të kërkojnë konfirmim nga Fryma e Shenjtë rreth vërtetësisë së asaj që po mësojnë.

Shënim: Ky mësim përqendrohet tek ajo se çfarë janë bekimet e besëlidhjes së Abrahamit dhe pse ato kanë rëndësi për ne. Mësimi 24: “Abraham 2:9–11” do të përqendrohet te përgjegjësitë tona në besëlidhjen e Abrahamit.

Merreni parasysh ta krijoni tabelën vijuese në dërrasë. Ftojini nxënësit të studiojnë vargjet në kolonën e parë dhe të renditin bekimet që gjejnë në krah të vargjeve përkatëse në dërrasë. Ata do t’i studiojnë vargjet në kolonën e dytë më vonë gjatë mësimit.

Teksa nxënësit i lexojnë shkrimet e shenjta, merreni parasysh të lëvizni nëpër klasë. Disa nxënës kanë më të ngjarë të bëjnë pyetje kur një mësues është pranë tyre, ndaj lëvizja nëpër klasë ndërkohë që nxënësit lexojnë, mund t’ua bëjë më të lehtë disa nxënësve që t’ju kërkojnë ndihmë. Kur nxënësit të kenë mbaruar, ftojini ata ta tregojnë atë që gjetën.

Në vijim është një listë me disa nga bekimet që mund të gjejnë nxënësit:

1. Zanafilla 12:2; 17:1–2, 4–6: baba i një shumice kombesh; shumuar fort; shumë frytdhënës (Në hebraisht, emri Abram do të thotë “baba i ekzaltuar” dhe emri Abraham do të thotë “baba i shumë vetave”.)

2. Zanafilla 12:3; 17:7: të gjitha familjet e tokës bekohen nga pasardhësit e tij; besëlidhja e Perëndisë vazhdon me pasardhësit e Abrahamit

3. Zanafilla 12:7; 17:8: toka e Kanaanit

4. Abraham 2:11: priftëria

Nxënësit mund të përcaktojnë edhe frazën “prej teje kanë për të dalë mbretër” (Zanafilla 17:6). Kjo u referohet mbretërve që do të sundonin edhe Izraelin, edhe Judën, por më e rëndësishmja, i referohet Jezu Krishtit (shihni te Mateu 1:1; Zbulesa 19:16).

Nëse doni, mund të vini në dukje se besëlidhja që Perëndia bëri me Abrahamin, njihet si besëlidhja e Abrahamit. Shpjegoni se kjo është mënyra se si Perëndia ua ofron bekimet e Tij më të mëdha fëmijëve të Tij. Perëndia e ripohoi këtë besëlidhje me Abrahamin shumë herë në jetën e tij (shihni te Zanafilla 13:14–17; 15:5, 18; 22:15–18; Abraham 2:8–12; 3:14).

Tregojeni thënien vijuese nga Presidenti Nelson për t’i ndihmuar nxënësit të shohin se si lidhet besëlidhja e Abrahamit me ta (shihni edhe te Galatasve 3:27–29; Abraham 2:10).

Ndihmojini nxënësit të përcaktojnë një të vërtetë si: Ndërsa bëjmë besëlidhje me Perëndinë dhe i mbajmë ato, ne bëhemi trashëgimtarë të bekimeve që iu dhanë Abrahamit.

Ftojini nxënësit të studiojnë referencat në kolonën e dytë dhe të renditin në ditarët e studimit se si bekimet që iu premtuan Abrahamit, iu premtohen edhe atyre. Mund të jetë më mirë që nxënësit t’i studiojnë këto vargje në dyshe apo në grupe të vogla.

Në vijim janë disa nga bekimet që mund të gjejnë nxënësit:

1. Doktrina e Besëlidhje 132:19–22, 30–31: familjet e përjetshme (“vazhdimësi e farës” dhe “vazhdimësi të jetëve”)

2. Abraham 2:9–11: ungjilli do t’u shpërndahet të gjitha familjeve të tokës; shpëtimi dhe ekzaltimi

3. Doktrina e Besëlidhje 88:18–20 (“ajo” i referohet tokës): trashëgimia në mbretërinë çelestiale (shihni edhe te Hebrenjve 11:8, 13–16)

4. Doktrina e Besëlidhje 84:33–38: bekimet e priftërisë, përfshirë gjithçka që ka Ati

Për ta vendosur besëlidhjen e Abrahamit në kontekstin e planit të Atit Qiellor, nëse doni, mund t’i pyesni nxënësit se çfarë na e bën të mundur marrjen e bekimeve që ata renditën. Mund t’i vini nxënësit të përsiatin ose japin disa nga mendimet e tyre. Mund të tregoni edhe këtë thënie nga Presidenti Nelson.

Ftojini nxënësit t’i zgjerojnë përgjigjet e tyre të fillimit të orës mësimore:

• Çfarë është besëlidhja e Abrahamit?

• Si mund ta marr besëlidhjen e Abrahamit?

• Pse ka rëndësi për mua besëlidhja e Abrahamit?

Për ta përforcuar kuptueshmërinë e tyre, merreni parasysh t’i ftoni nxënësit të vendosen në dyshe dhe t’ia shpjegojnë njëri‑tjetrit besëlidhjen e Abrahamit. Inkurajojini të shohin a mund t’i thonë shkurt, por të plota përgjigjet e tyre. Shpjegimi i kësaj besëlidhjeje me sa më pak fjalë që të jetë e mundur, mund t’i ndihmojë nxënësit ta kuptojnë atë më qartë.

Dëshmoni për bekimet dhe premtimet që na ofron Perëndia nëpërmjet besëlidhjes së Abrahamit.