Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Abraham 2:9–11: Përgjegjësitë Tona në Besëlidhjen e Abrahamit

“Abraham 2:9–11: Përgjegjësitë Tona në Besëlidhjen e Abrahamit”, Manuali i Mësuesit të Seminarit për Dhiatën e Vjetër (2026)

“Abraham 2:9–11: Përgjegjësitë Tona në Besëlidhjen e Abrahamit”, Manuali i Mësuesit të Seminarit për Dhiatën e Vjetër

Zanafilla 12–17; Abraham 1–2: Mësimi 24

Abraham 2:9–11

Përgjegjësitë Tona në Besëlidhjen e Abrahamit

A young man in a black shirt standing and showing an open Book of Mormon to another young man standing beside him.

Zoti bëri një besëlidhje me Abrahamin dhe pasardhësit e tij. Si fara e Abrahamit, ne kemi përgjegjësinë besëlidhëse t’i çojmë bekimet e ungjillit të Shpëtimtarit tek të gjitha familjet e tokës. Ky mësim do t’i ndihmojë nxënësit të veprojnë sipas përgjegjësive që Zoti u ka dhënë atyre si fara e Abrahamit.

Përgatitja e nxënësve: Ftojini nxënësit të mendojnë rreth pyetjeve vijuese dhe t’i diskutojnë ato me një pjesëtar të familjes: “Pse ungjilli i Jezu Krishtit ka rëndësi për ty? Pse mendon që të gjithë njerëzit kanë nevojë për të?”

Veprimtari të Mundshme të të Mësuarit

Fara e Abrahamit

Mund ta filloni orën mësimore duke u dhënë nxënësve 30 sekonda kohë për të renditur sa më shumë fjalë që munden, të cilat i përshkruajnë ata vetë. Më pas, kërkojuni nxënësve të rrethojnë tri fjalë që i përshkruajnë ata më së miri. Disa nxënës mund t’ia tregojnë klasës.

Në ç’mënyra ndikojnë këta përcaktues në sjelljen tënde?

Plaku Dejvid A. Bednar, i Kuorumit të Dymbëdhjetë Apostujve, dha mësim sa vijon rreth identitetit tonë:

17:8

“Ju mund të kënaqeni me muzikë, me sporte ose të prireni nga mekanika dhe një ditë mund të punoni në tregti, në një zanat ose me arte. Sado të rëndësishme që mund të jenë veprimtari dhe punë të tilla, ato nuk përcaktojnë se cilët jemi. Në fillim e në radhë të parë, ne jemi qenie shpirtërore. Ne jemi bij [dhe bija] të Perëndisë dhe fara e Abrahamit.” (“Becoming a Missionary”, Liahona, nëntor 2005, f. 47)

Çfarë të bën përshtypje nga ajo që dha mësim Plaku Bednar rreth identitetit tonë parësor?

Nëse nxënësit e studiuan Mësimin 23: “Zanafilla 12–17”, ftojini të përmbledhin me një shok të klasës atë që mbajnë mend rreth besëlidhjes së Abrahamit. Ndihmojini nxënësit të kuptojnë se si fara, ose pasardhësit, e Abrahamit, jo vetëm na premtohen bekime domethënëse, por ne gjithashtu besëlidhim të përmbushim përgjegjësi domethënëse. Ftojini ata ta përfundojnë vlerësimin vijues të vetes.

Përzgjidh cilat nga pohimet vijuese janë të vërteta për ty:

Unë i kuptoj përgjegjësitë e mia si fara e Abrahamit.
Po kërkoj të përmbush përgjegjësitë e mia si fara e Abrahamit.
Kam gjetur gëzim të madh nga përmbushja e përgjegjësive të mia si fara e Abrahamit.
Nuk e kuptoj cilat janë përgjegjësitë e mia si fara e Abrahamit.
Kam pyetje se cilat janë përgjegjësitë e mia si fara e Abrahamit.

Ftojini nxënësit ta shënojnë çdo pyetje që mund të kenë ose mbresë që ndien, ndërsa i morën parasysh këto pohime. Ftojini të kërkojnë zbulesë nga Ati i tyre në Qiell nëpërmjet Frymës së Shenjtë për të ditur se si mund t’i përmbushin më mirë përgjegjësitë e tyre si fara e Abrahamit.

Abraham 2:9–11 është një fragment i zotërimit doktrinor. Merreni parasysh t’i ftoni nxënësit t’i shenjojnë fragmentet e zotërimit doktrinor në një mënyrë të dallueshme, që të mund t’i gjejnë me lehtësi.

Lexo tek Abraham 2:8–11, duke kërkuar përgjegjësitë tona si fara e Abrahamit.

Çfarë pret Shpëtimtari nga ne?

Mund t’i ftoni nxënësit të bëjnë çfarëdo pyetje rreth vargjeve. Ndërsa i diskutoni përgjegjësitë e besëlidhjes së Abrahamit, ndihmojini nxënësit të përcaktojnë një të vërtetë të ngjashme me: Si fara e Abrahamit, Shpëtimtari na ka dhënë një përgjegjësi për t’i bekuar të gjitha familjet e tokës me bekimet e ungjillit të Tij.

Nxënësit mund të kenë dobi nga dijenia se ata mund ta përmbushin përgjegjësinë e besëlidhjes së tyre duke ndihmuar të mblidhet Izraeli.
Cilat janë disa mënyra se si mund t’i bekojmë të gjitha familjet e tokës me ungjillin e Shpëtimtarit?

Lexo te 1 Nefi 15:18, duke kërkuar kohën se kur do të përmbushet besëlidhja e Abrahamit.

Presidenti Rasëll M. Nelson, dëshmoi:

“Ne kemi përgjegjësi për t’i ndihmuar që të plotësojnë besëlidhjen e Abrahamit. Pasardhësit tanë janë të parashuguruar dhe të përgatitur që të bekojnë të gjithë popujt e botës. Kjo është arsyeja përse detyra e priftërisë përfshin punën misionare. Pas rreth 4 000 vjetësh parashikimi dhe përgatitjeje, kjo është koha e caktuar kur ungjilli duhet të çohet tek farefiset e tokës. Kjo është koha e mbledhjes së premtuar të Izraelit. Dhe ne kemi për të marrë pjesë! A nuk është kjo emocionuese?” (“Besëlidhjet”, Liahona, nëntor 2011, f. 88)

“Në çfarëdo kohe që bëjmë çfarëdo gjëje që e ndihmon cilindo – në çdonjërën anë të velit – që të bëjë dhe të mbajë besëlidhjet e veta me Perëndinë, ne po ndihmojmë për ta mbledhur Izraelin.” (“Lejojeni Perëndinë të Triumfojë”, Liahona, nëntor 2020, f. 93)

Çfarë ndien për ungjillin e Jezu Krishtit?
Si mendon, përse të gjithë njerëzit kanë nevojë për të?
Çfarë përvojash ke pasur ti (ose njerëz që i njeh) me mbledhjen e Izraelit?

Përmbushja e përgjegjësive tona

Çfarë bëre ose çfarë planesh bëre për t’i bekuar të tjerët me ungjillin e Shpëtimtarit?
Çfarë ke ndier nxitjen të bësh gjatë ditëve dhe javëve në vijim që:
- T’i ndihmosh të tjerët të bëjnë besëlidhje ose t’i mbajnë ato?
- Të shpërndash ungjillin e Shpëtimtarit?
- T’i ndihmosh njerëzit në anën tjetër të velit?

Merreni parasysh të dëshmoni për përgjegjësinë tonë të rëndësishme, si fara e Abrahamit, për t’ua treguar bekimet e ungjillit të Shpëtimtarit të gjithë njerëzve.

Mësoni Përmendsh

Nëse doni, mund t’i ndihmoni nxënësit t’i mësojnë përmendsh referencën e zotërimit doktrinor dhe frazën kyç të shkrimit të shenjtë gjatë këtij mësimi dhe t’i përsëritin ato në mësimet e ardhshme. Fraza kyç e shkrimit të shenjtë për vargjet tek Abraham 2:9–11 është: “Zoti i premtoi Abrahamit se fara e tij do ta ‘mbajë këtë shërbesë dhe Priftëri për të gjitha kombet’”. Idetë për veprimtaritë e mësimit përmendsh janë në materialet e shtojcës nën titullin “Veprimtari për Përsëritjen e Zotërimit Doktrinor”.

Burime Shtesë

Cili është identiteti im parësor?

Presidenti Rasëll M. Nelson dha mësim:

“Tani, le t’jua drejtojmë juve pyetjen. Kush jeni ju?

Së pari dhe më kryesorja, ju jeni një fëmijë i Perëndisë.

Së dyti, si anëtar i Kishës, ju jeni një fëmijë i besëlidhjes. Dhe së treti, ju jeni një dishepull i Jezu Krishtit.” (“Zgjedhjet për Përjetësinë” [takim shpirtëror mbarëbotëror për të rinjtë e të rejat në moshë madhore, 15 maj 2022], Gospel Library [Biblioteka e Ungjillit])

Çfarë përgjegjësie kam si fara e Abrahamit?

Plaku Dejvid A. Bednar, i Kuorumit të Dymbëdhjetë Apostujve, dha mësim:

“Me të vërtetë, përgjegjësi e madhe qëndron mbi farën e Abrahamit në këto ditë të mëvonshme. …

… Ne u parashuguruam në ekzistencën para lindjes dhe u lindëm në vdekshmëri për të plotësuar besëlidhjen dhe premtimin që Perëndia i bëri Abrahamit. Ne jemi këtu në tokë në këtë kohë për të lartësuar priftërinë dhe për të predikuar ungjillin. Kjo është cilët jemi dhe kjo është ajo përse jemi këtu.” (“Becoming a Missionary”, Liahona, nëntor 2005, f. 47)

Presidenti Rasëll M. Nelson shpalli:

61:34

“Duam që ta dini se mbledhja e Izraelit përfundimisht do të thotë që ungjilli i Jezu Krishtit t’u ofrohet në të dyja anët e velit fëmijëve të Perëndisë, të cilët nuk i kanë bërë besëlidhjet vendimtare me Perëndinë dhe as nuk i kanë marrë ordinancat e tyre thelbësore.

Çdo fëmijë i Atit tonë Qiellor e meriton mundësinë e zgjedhjes për ta ndjekur Jezu Krishtin, për ta pranuar dhe marrë ungjillin e Tij me të gjitha bekimet e veta – po të gjitha bekimet që Perëndia ua premtoi pasardhësve të Abrahamit, Isakut dhe Jakobit, i cili, siç e dini, tani njihet edhe si Izrael.” (“Shpresa e Izraelit” [takim shpirtëror mbarëbotëror për rininë, 3 qershor 2018], Rasëll M. Nelson dhe Uendi W. Nelson, Gospel Library [Biblioteka e Ungjillit])

Presidentja Kamill N. Xhonson, Presidente e Përgjithshme e Shoqatës së Ndihmës, dha mësim:

10:18

“Bekimi ynë i besëlidhjes është të bëhemi bashkëpjesëmarrës me Jezu Krishtin për t’u siguruar lehtësim [e ndihmë], si nga ana fizike edhe shpirtërore, të gjithë fëmijëve të Perëndisë. Ne jemi një kanal nëpërmjet të cilit Ai siguron lehtësim [e ndihmë].

Ashtu si miqtë e burrit të paralizuar, ne ‘ndihmo[jmë] të dobëtit, ngr[emë] duart që varen poshtë dhe forco[jmë] gjunjët e këputur’ [Doktrina e Besëlidhje 81:5]. Ne ‘mba[jmë] barrët e njëri‑tjetrit dhe kështu do të përmbush[im] ligjin e Krishtit’ [Galatasve 6:2]. Kur bëjmë kështu, ne arrijmë ta njohim Atë, të bëhemi si Ai dhe të gjejmë lehtësimin e Tij.” (“Jezu Krishti Është Lehtësim”, Liahona, maj 2023, f. 83)

Veprimtari Plotësuese të të Mësuarit

Mënyra shtesë për të përmbushur përgjegjësitë tona

Mund t’i përfshini këto mundësi si stacione të tjera mësimi për veprimtarinë në mësim.

Shpërndani Librin e Mormonit. Libri i Mormonit është mjeti i Perëndisë për të mbledhur Izraelin. Mendoni për dikë të cilit ose së cilës mund t’i shpërndani Librin e Mormonit. Mund ta ftoni atë të shkarkojë programin elektronik Libri i Mormonit. Shkruajeni ose jepeni dëshminë tuaj për Shpëtimtarin dhe Librin e Mormonit dhe përzgjidhni një fragment që mund t’ia tregoni dikujt. Planifikojeni kohën kur do t’ia jepni Librin e Mormonit këtij personi ose dërgojini një mesazh tani.

Bashkojuni batalionit të rinisë së Zotit. Përzgjidhni një ose më shumë nga ftesat vijuese nga Presidenti Rasëll M. Nelson. Ai i dha këto ftesa për ta ndihmuar rininë të përgatitet që të marrë pjesë në mbledhjen e Izraelit:

Mbani një agjërim shtatëditor nga media shoqërore.
Bëni një sakrificë kohe për Zotin për tri javë.
Bëni një vlerësim tërësor të jetës për t’u siguruar që jeni në shtegun e besëlidhjes.
Lutuni përditë që të gjithë fëmijët e Perëndisë të mund t’i marrin bekimet e ungjillit të Jezu Krishtit.
Dallohuni nga të tjerët dhe jini të ndryshëm. Studioni dhe shpërndani broshurën Për Forcën e Rinisë. (Përshtatur nga Rasëll M. Nelson dhe Uendi W. Nelson, “Shpresa e Izraelit” [takim shpirtëror mbarëbotëror për rininë, 3 qershor 2018], Gospel Library [Biblioteka e Ungjillit])

Mund të gjeni më tepër hollësi për t’ua treguar nxënësve rreth secilës ftesë në takimin shpirtëror për rininë të Presidentit Nelson dhe Motrës Uendi W. Nelson “Shpresa e Izraelit”.

Materiale Filmike

Mund t’i përdorni materialet filmike vijuese për t’i ndihmuar nxënësit të shohin mënyrat se si ata mund t’i ndihmojnë të gjitha familjet e tokës që të bekohen me ungjillin e Shpëtimtarit.

Materiali filmik “T’i Ftojmë të Tjerët që të ‘Vijnë dhe të Qëndrojnë”’ (1:39) tregon mënyrat se si nxënësit mund t’i ndihmojnë të tjerët të ndihen të mirëpritur në kishë.

1:40

Materialet filmike “Inviting All to Come unto Christ: Sharing the Gospel” [“Ftesa ndaj të Gjithëve që të Vijnë te Krishti: Shpërndarja e Ungjillit”] (4:30) dhe “Ftesa ndaj të Tjerëve që ‘Të Vijnë e të Shohin’” (1:17) tregojnë mënyrat se si nxënësit mund t’i ftojnë të tjerët të marrin pjesë në aktivitetet e Kishës.

4:30

1:17

Materiali filmik “All the Families of the Earth” [“Të Gjitha Familjet e Tokës”] (2:55) mund t’i ndihmojë nxënësit të ndiejnë shtysë për të marrë pjesë në punën në tempull dhe për historinë familjare.

2:50