Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Shpërndarja e Ungjillit në Mënyra të Natyrshme: Shpërndarja e Ungjillit Mund të Jetë Pjesë e Jetës së Përditshme

“Shpërndarja e Ungjillit në Mënyra të Natyrshme: Shpërndarja e Ungjillit Mund të Jetë Pjesë e Jetës së Përditshme”, Manuali i Mësuesit të Seminarit për Dhiatën e Vjetër (2026)

“Shpërndarja e Ungjillit në Mënyra të Natyrshme: Shpërndarja e Ungjillit Mund të Jetë Pjesë e Jetës së Përditshme”, Manuali i Mësuesit të Seminarit për Dhiatën e Vjetër

Përgatitja e Misionarëve: Mësimi 197

Shpërndarja e Ungjillit në Mënyra të Natyrshme

Shpërndarja e Ungjillit Mund të Jetë Pjesë e Jetës së Përditshme

A young woman sits at a table and talks with a young man, who is holding a Book of Mormon open.

Si anëtarë të Kishës së Shpëtimtarit, është bekimi dhe përgjegjësia jonë t’i ndihmojmë “të gjitha familjet e tokës … të bekohen, madje me bekimet e Ungjillit” (Abraham 2:11). Ndonjëherë mund të duket e vështirë të gjesh mënyra për t’ua paraqitur të tjerëve ungjillin e Shpëtimtarit. Ky mësim mund t’i ndihmojë nxënësit të ushtrojnë shpërndarjen e ungjillit të Jezu Krishtit tek të tjerët në mënyra të natyrshme.

Përgatitja e nxënësve: Ftojini nxënësit të përsiatin me lutje situatat ku ata mund të tregojnë diçka rreth Kishës ose ungjillit si pjesë e një bisede normale. Nxënësit mund të mendojnë rreth mënyrës se si kjo mund të bëhet në mënyrë të efektshme dhe të kërkojnë mundësi për ta bërë këtë.

Veprimtari të Mundshme të të Mësuarit

Shpërndarja e asaj që të pëlqen

Merreni parasysh ta filloni mësimin duke ftuar dy ose tre nxënës të përshkruajnë ose një pushim, ushqim të parapëlqyer, ose diçka tjetër që nuk është tepër vetjake. Ata mund të japin edhe arsyen përse do të rekomandonin që të tjerët ta provojnë atë.

Paraqitini mundësitë vijuese pasi secili nxënës të flasë. Kërkojini klasës të ngrejë numrin e gishtave që përshkruan më mirë mënyrën se si ndihen në lidhje me atë që u tha.

Tani jam shumë më tepër i/e interesuar për ta provuar atë që thanë ata.
Jam pak më i/e interesuar për ta provuar atë.
Interesi im për të nuk ndryshoi.

Mund të vini në dukje se mund të jetë e lehtë t’i tregojmë gjërat që i pëlqejmë, edhe kur të tjerët vendosin të mos e provojnë atë që u thamë.

Si mendon se mund të gjejë zbatim kjo veprimtari kur ua tregojmë bindjet tona rreth Shpëtimtarit dhe Kishës së Tij të tjerëve?
Nga një këndvështrim i përjetshëm, cilat janë disa nga bindjet më të rëndësishme që mund t’ua thuash shokëve dhe familjes sate? Përse?

Përse tregojmë

Për t’i ndihmuar nxënësit të dallojnë disa nga bekimet e Jezu Krishtit dhe ungjillit të Tij që mund të duam t’i tregojmë, merreni parasysh t’i ftoni grupet e vogla t’i studiojnë fragmentet vijuese. Çdo nxënës në grup mund të studiojë vargje të ndryshme dhe më pas t’ia raportojë grupit atë që zbuloi.

Studioji fragmentet vijuese, duke kërkuar arsyen përse do të doje që njerëzit e tu të dashur ta njohin Shpëtimtarin.

Isaia 1:18

Isaia 25:4, 8–9

Isaia 40:28–31

Isaia 43:25

Isaia 54:10

Cilën prej këtyre të vërtetave je më i emocionuar t’ua tregosh njerëzve të tu të dashur? Përse?

Mposhtja e ngurrimit

Bëjuani të ditur nxënësve se ndonjëherë është e natyrshme të ndihen në ankth në lidhje me shpërndarjen e ungjillit. Edhe profetëve të mëdhenj si Enoku (shihni te Moisiu 6:27, 31) dhe Jeremia iu desh të mposhtnin njëfarë ngurrimi.

Lexo te Jeremia 1:6, duke kërkuar mënyrën se si u ndje Jeremia kur u thirr për t’i dhënë mësim popullit.

Përse ata që sot duan me të vërtetë që njerëzit e tyre të dashur të vijnë te Krishti, mund të ngurrojnë ende t’ua shpërndajnë ungjillin atyre?

Lexo te Jeremia 1:7–9 duke kërkuar këshillën dhe premtimet e Shpëtimtarit për Jeremian.

Si mendon se mund të gjejnë zbatim fjalët e Shpëtimtarit ndaj Jeremias te ne ndërsa shpërndajmë ungjillin e Tij?

Plaku Diter F. Uhtdorf, i Kuorumit të Dymbëdhjetë Apostujve, dha këshillën vijuese që mund të na ndihmojë edhe ne të mposhtim ngurrimin ndaj shpërndarjes së ungjillit:

“Kudo që të jeni në këtë tokë, keni mundësi të shumta për ta përhapur lajmin e mirë të ungjillit të Jezu Krishtit te njerëzit që takoni, studioni e jetoni ose punoni dhe shoqëroheni. …

Ajo që po kërkoj është që gjithmonë të kërkoni mundësi për ta përmendur besimin tuaj në mënyra të natyrshme dhe normale me njerëzit – si personalisht ashtu edhe në internet. …

Në çfarëdo mënyre që duket e natyrshme dhe normale për ju, tregojuni njerëzve përse Jezu Krishti dhe Kisha e Tij janë të rëndësishme për ju.” (“Puna Misionare: Shprehja e Asaj që Keni në Zemër”, Liahona, maj 2019, f. 15, 17)

Si do t’i përmblidhje premtimet e Zotit për Jeremian dhe mësimet e Plakut Uhtdorf me një pohim të thjeshtë të vërtete?

Duke përdorur fjalët e nxënësve, mund të shkruani një të vërtetë si vijuesja në tabelë: Shpëtimtari mund të na ndihmojë ta shpërndajmë ungjillin e Tij në mënyra të natyrshme dhe normale.

Merreni parasysh t’i ftoni nxënësit ta diskutojnë sa vijon në grupe të vogla; më pas kërkojuni disa vullnetarëve t’ia tregojnë përgjigjet e tyre klasës.
Çfarë bën ndryshimin ndërmjet shpërndarjes së ungjillit duke u ndier “natyrshëm dhe normal” ose duke u ndier në siklet?
A të vjen në mend dikush që flet rreth ungjillit në një mënyrë të natyrshme? Nëse po, si e bën ai/ajo këtë?

“Cilësia e pasqyrimit të bisedës”

Kjo pjesë e mësimit mund t’i ndihmojë nxënësit të ushtrojnë një mënyrë për ta përmendur natyrshëm Jezu Krishtin dhe ungjillin e Tij në biseda. Mund të ushtroni me nxënësit tuaj zotësi të ndryshme që mund të jenë më të dobishme për ta. Merreni parasysh të ngrini lart një pasqyrë dhe të paraqitni thënien vijuese.

Plaku Kuentin L. Kuk, i Kuorumit të Dymbëdhjetë Apostujve, shpjegoi një mënyrë se si ti mund të krijosh bashkëbisedime rreth temave të ungjillit.

“Unë njoh një të diplomuar të UBJ-së që është një shembull shumë i mirë. Ai vë në dukje se ekziston një cilësi e pasqyrimit të bisedës. Nëse flasim rreth motit, njerëzit përgjigjen duke folur rreth motit. Nëse flasim rreth sporteve, ata përgjigjen duke folur rreth sporteve. Ky shok thotë se i pyet njerëzit që takon, në lidhje me shkollën e tyre dhe i dëgjon me vëmendje. Pasi përgjigjen duke e pyetur në lidhje me shkollën e tij, ai u tregon rreth UBJ-së dhe më pas jep dëshminë e tij për ungjillin. Më pas, në një mënyrë pozitive, ai ofron t’i lejojë ata të mësojnë më shumë nga misionarët. Ai ka qenë shumë i suksesshëm në shpërndarjen e ungjillit.” (“How to Be a Member Missionary”, New Era, shkurt 2015, f. 48)

Si do ta shpjegoje përdorimin e “cilësisë së pasqyrimit të bisedës” për t’ua përmendur ungjillin të tjerëve?

Përkufizo

Për t’i ndihmuar nxënësit të përgatiten për ta ushtruar këtë zotësi, tregojuni atyre sa vijon:

Të folurit për një pjesë të jetës sonë mund të vijë më natyrshëm nëse e pyesim në fillim dikë tjetër rreth së njëjtës gjë në jetën e tij. Për ta bërë këtë, ti mund:

Të zgjedhësh diçka që e ke bërë kohët e fundit ose do ta bësh së shpejti për të marrë pjesë në Kishën e Jezu Krishtit ose ungjillin e Tij.
Të mendosh për një pyetje që mund t’ia bësh dikujt, që do të ta bëjë më të natyrshme ta tregosh atë që zgjodhe rreth Kishës ose ungjillit të Shpëtimtarit.
Të bësh një pyetje, të dëgjosh me vëmendje përgjigjen e tij, më pas ta tregosh atë që zgjodhe.

Mund të shprehni gjithashtu rëndësinë e dëgjimit të të tjerëve me kujdes të sinqertë para se të flasim për veten tonë (shihni te Predikoni Ungjillin Tim: Një Udhëzues për Shpërndarjen e Ungjillit të Jezu Krishtit, f. 192).

Jepni Modelin

Jepni modelin e “cilësisë së pasqyrimit të bisedës” duke e pyetur një nxënës se çfarë bëri këtë fundjavë. Pasi ta dëgjoni me sinqeritet përgjigjen e tij, tregojini atij rreth fundjavës suaj dhe sigurohuni të përfshini diçka pozitive rreth përvojës suaj në kishë.

Mund të jepni edhe shembuj të tillë si vijuesit:

Pyesni: “Si ka qenë mëngjesi juaj?” (Dëgjoni përgjigjen e tij.) Më pas tregoni diçka si: “Unë pata përvojën më të mirë këtë mëngjes në të mësuarit në seminar …”

Pyesni: “A ke planifikuar diçka zbavitëse këtë fundjavë?” (Dëgjoni përgjigjen e tij.) Më pas, tregoni diçka si: “Unë do të mund të shkoj në tempull me familjen time të mërkurën në mbrëmje për të …”

Ushtrohu

Ftojini nxënësit ta ushtrojnë këtë zotësi. Në varësi të kohës në dispozicion, nxënësit mund ta ushtrojnë zotësinë me partnerë të shumtë, duke treguar çdo herë aspekte të ndryshme të ungjillit në jetën e tyre. Inkurajojini ata të kërkojnë mundësi për të folur rreth Atit Qiellor, Jezu Krishtit dhe bekimeve të ungjillit. Mund të jetë e dobishme të paraqitni hapat vijues.

Përgatitu për të shpërndarë ungjillin e Shpëtimtarit

Merreni parasysh t’u kujtoni nxënësve se suksesi në shpërndarjen e ungjillit nuk përcaktohet nga fakti nëse personi e pranon mesazhin e Shpëtimtarit. Fakti që ne u përpoqëm ta shpërndanim dritën e Shpëtimtarit, është gjithmonë një sukses.

Për ta përmbyllur orën mësimore, mund të paraqitni nxitjen vijuese dhe t’i ftoni nxënësit t’i shënojnë mendimet e tyre në ditarët e studimit.

Lexo te Jeremia 1:7–9 sërish dhe reflekto mbi mënyrën se si Zoti mund të të ndihmojë ta shpërndash ungjillin e Tij. Më pas, shpenzo disa minuta për të menduar rreth situatave në të cilat mund të ndodhesh këtë javë, ku mund ta diskutosh ungjillin me dikë. Kërkoji me lutje Atit Qiellor ndihmën e Tij për të dalluar mënyrat se si mund ta shpërndash natyrshëm mesazhin e Shpëtimtarit. Mbaj mend që ashtu siç Zoti e ndihmoi Jeremian, Ai do të të ndihmojë edhe ty në përpjekjet e tua.

Burime Shtesë

A ka një mënyrë “të duhur” për t’ia shpërndarë ungjillin dikujt?

Plaku Dejll G. Renland, i Kuorumit të Dymbëdhjetë Apostujve, dha mësim:

“Të shpërndash dhuratën e ungjillit mund të jetë si të hash në një restorant. Në dispozicion është një menu e madhe e mënyrave se si ta shpërndani ungjillin ose t’i ftoni të tjerët të bëjnë diçka që përfundimisht ndërton besimin te Jezu Krishti.

Askush nuk ka nevojë të bëjë gjithçka.

Kushdo që është i gatshëm, mund të bëjë diçka.

Askush nuk ka nevojë të bëjë ndonjë gjë që nuk e zgjedh.

… Ju mund të zgjidhni t’i ftoni të tjerët të mësojnë rreth ungjillit të Jezu Krishtit në mënyra që janë të rehatshme dhe të natyrshme për ju, duke përdorur talentet dhe aftësitë tuaja. Me kalimin e kohës, mund të zbuloni se gama e gjërave që janë të rehatshme, zgjerohet.” (“Sharing the Christmas Gift”, For the Strength of Youth, dhjetor 2021, f. 8)

Presidenti Henri B. Ajring, i Presidencës së Parë, dha mësim:

“Unë i kam studiuar me kujdes dhe me lutje disa njerëz që janë në veçanti dëshmitarë besnikë dhe të efektshëm të Shpëtimtarit dhe Kishës së Tij. …

Nuk ka asnjë skemë unike në atë që bëjnë ata. Nuk ka asnjë teknikë të përbashkët. Disa mbajnë gjithmonë një Libër të Mormonit për ta dhuruar. Të tjerë caktojnë një datë për të gjetur dikë që misionarët t’i japin mësim. Dikush tjetër ka gjetur pyetje që nxjerrin në pah ndjenjat rreth asaj çka është më e rëndësishme në jetë për një njeri. Secili është lutur për të ditur se çfarë të bëjë. Secili prej tyre duket se ka një përgjigje të ndryshme, të përshtatshme sidomos për vete dhe për njerëzit me të cilët ata takohen.” (“A Child and a Disciple”, Ensign ose Liahona, maj 2003, f. 30)

Po sikur të tjerët të mos përgjigjen mirë ndaj përpjekjeve të mia për ta shpërndarë ungjillin?

Plaku Tieri K. Mutombo, i Të Shtatëdhjetëve, dha mësim:

“Ndërsa e përhapni lajmin e mirë, ungjillin e Jezu Krishtit, bëjeni këtë me dashuri e durim. Ne nuk duhet të ndërveprojmë me të tjerët me pritshmërinë e vetme që ata do të vishen së shpejti me rroba të bardha për t’u pagëzuar. Disa që vijnë e shohin, ndoshta nuk do të bashkohen kurrë me Kishën; disa do të bashkohen në një kohë të mëvonshme. Kjo është zgjedhja e tyre. Por kjo nuk e ndryshon dashurinë tonë për ta. … Gjëja e rëndësishme është që të mos dorëzoheni; vazhdoni përpiquni për ta bërë atë siç duhet. Ju premtoj se do të jeni më të lumtur dhe më të gëzuar për shkak të dëshirës suaj të përditshme për t’ua treguar të tjerëve atë që e dini se është e vërtetë.” (“Share the Gospel”, Liahona, shkurt 2022, vetëm në format digjital)

Veprimtari Plotësuese të të Mësuarit

Fillim ndryshe i mësimit

Merreni parasysh të shfaqni materialin filmik “Good Things to Share” [“Gjëra të Mira për të Shpërndarë”] (2:21). Në këtë material filmik, Plaku Bednar jep mësimin se shpërndarja e gjërave kuptimplota dhe të dobishme te të tjerët nuk është e pazakontë.

2:21

Nëse doni, mund t’i renditni përgjigjet e nxënësve për pyetjen vijuese në tabelë:

Nga një këndvështrim i përjetshëm, cilat janë disa nga gjërat më të rëndësishme për t’i shpërndarë?

Metodat e shpërndarjes së ungjillit në mënyra të natyrshme dhe normale

Për t’u dhënë nxënësve më shumë ide rreth mënyrës se si mund ta shpërndajnë ungjillin në mënyra të natyrshme dhe normale, merreni parasysh t’i ftoni ata të diskutojnë disa nga idetë vijuese:

Gjej një fragment të shkrimit të shenjtë që do të doje t’ua jepje të tjerëve. Rendit dy deri në tri mënyra se si mund t’ia japësh atë varg dikujt.
Rendit mjedise të ndryshme ku do të jesh këtë javë, si për shembull në punë, stërvitje të ekipit ose takim klubi. Mendo për mënyrat se si dikush mund ta shpërndajë ungjillin në mënyra të natyrshme dhe normale në secilin mjedis.
Diskuto mënyrat e ndryshme se si ungjilli mund të shpërndahet në internet. Krijo një meme ose publikim në rrjetet sociale të lidhur me ungjillin për ta shpërndarë. Nëse është e përshtatshme, shpenzo disa minuta për ta publikuar mesazhin tani.

Ju gjithashtu mund t’i ftoni nxënësit të kërkojnë te pjesa “Shpërndarja e Ungjillit” e programit Gospel Library [Biblioteka e Ungjillit] për ide të tjera.

Nëse doni, mund të shfaqni materialin filmik “I’ll Go Where You Want Me to Go” [“Do Shkoj Ku Ti Do që të Shkoj”] (5:45), që tregon një familje që shpërndan mesazhin e Shpëtimtarit si pjesë të ditës së saj normale.

5:45

Ushtroni shpërndarjen e ungjillit

Ja disa ide të tjera të interpretimit me role që mund të përdoren për t’i ndihmuar nxënësit të ushtrojnë shpërndarjen e ungjillit.

Tregoji një shoku për fushatën më të fundit në rrjete sociale të Kishës.
Fol për atë që bëtë në një veprimtari të kohëve të fundit të të rinjve të lagjes. Më pas, pyete a do të donte të bashkohej me ju në veprimtarinë e radhës.
Ftoje dikë të tregojë kuptimin e mbiemrit të tij. Fol për prejardhjen e mbiemrit të familjes sate dhe demonstroje pemën familjare me programin e historisë familjare.
Imagjino sikur të kanë kërkuar të japësh një bisedë në kishë. Fto një shok të vijë dhe të të dëgjojë të flasësh.
Pyete një shok ose shoqe se çfarë planesh ka për verën. Më pas, trego arsyen përse je i/e emocionuar për një Konferencë PFR-je ose një kamp të Kishës që do të frekuentosh.