Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Zgjedhja për të Shërbyer në një Mision: Bekimet nga Shërbimi Misionar

“Zgjedhja për të Shërbyer në një Mision: Bekimet nga Shërbimi Misionar”, Manuali i Mësuesit të Seminarit për Dhiatën e Vjetër (2026)

“Zgjedhja për të Shërbyer në një Mision: Bekimet nga Shërbimi Misionar”, Manuali i Mësuesit të Seminarit për Dhiatën e Vjetër

Përgatitja e Misionarëve: Mësimi 198

Zgjedhja për të Shërbyer në një Mision

Bekimet nga Shërbimi Misionar

Shërbimi në një mision për Zotin është një mundësi e mrekullueshme. Ati Qiellor i bekon misionarët ndërsa shërbejnë dhe u japin mësim njerëzve në komunitetet e tyre dhe anembanë botës. Megjithatë, mund të jetë e vështirë të vendosësh të shërbesh në një mision. Ky mësim mund t’i ndihmojë nxënësit të ndiejnë një dëshirë për t’i shërbyer Zotit si misionarët e Tij.

Përgatitja e nxënësve: Ftojini nxënësit të pyesin dikë që njohin, që shërbeu në një mision, se çfarë bekimesh dalloi që i dha Zoti atij për shkak të shërbimit të tij. Ata mund ta bëjnë këtë personalisht, me telefon, ose me mesazh me celular apo me postë elektronike. Kërkojuni atyre të vijnë të përgatitur për të treguar atë që mësuan.

Veprimtari të Mundshme të të Mësuarit

Shërbimi në një mision kohëplotë

Merreni parasysh ta filloni orën mësimore në një mënyrë që i ndihmon nxënësit të mendojnë rreth shërbimit ndaj Zotit si misionarët e Tij kohëplotë. Ju mund të këndoni himnin “Thirrur t’i Shërbejm’” (Himne, nr. 158) dhe t’u kërkoni nxënësve të tregojnë se kë njohin që ka shërbyer ose po shërben në një mision dhe ku. Ose mund t’u kërkoni disa nxënësve para orës mësimore të sjellin fotografinë e dikujt që njohin, që po i shërben Zotit në një mision.

Çfarë ka dhënë mësim Zoti rreth përgjegjësisë së të rinjve dhe të rejave për të shërbyer si misionarë?

Ndërsa nxënësit përgjigjen, sigurohuni që ata të kuptojnë sa vijon.

Presidenti Rasëll M. Nelson dha mësim:

“Zoti i ka kërkuar çdo të riu të denjë dhe të aftë të përgatitet dhe të shërbejë në një mision. … Për motrat e reja dhe të afta, misioni është gjithashtu një mundësi e fuqishme, por me dëshirë.” (“Predikimi i Ungjillit të Paqes”, Liahona, maj 2022, f. 6)

Kjo përfshin misionet e predikimit dhe shërbimit.

Ju mund t’i shkruani pyetjet vijuese në tabelë dhe t’u kërkoni nxënësve të shumtë të japin mendimet e tyre për njëri-tjetrin:

Cilat janë disa arsye përse dikush mund të dojë të shërbejë në një mision?
Cilat janë disa arsye përse mund të jetë e vështirë të zgjedhësh të shërbesh në një mision?

Nëse është e dobishme, shpjegoni se shumë të tjerë janë përballur me shqetësime. Për shembull, në kohën që Presidenti M. Rasëll Ballard (1928–2023), i Kuorumit të Dymbëdhjetë Apostujve, vendosi të shërbente në një mision, prindërit e tij nuk ishin aktivë në Kishë (shihni te “Shërbimi Misionar e Bekoi Jetën Time Përgjithmonë”, Liahona, maj 2022, f. 8). Presidenti Xhefri R. Holland, i Kuorumit të Dymbëdhjetë Apostujve, tregoi se ai “nuk kishte asnjë traditë misionare në familjen [e tij]” (shihni te “My Mission Influence” [“Ndikimi i Misionit Tim”] [3:31] nga kodi kohor 2:01 deri në 2:16 në dispozicion në ChurchofJesusChrist.org). Babai i Plakut Kuentin L. Kuk nuk ishte aktiv në Kishë dhe e inkurajoi vëllanë e tij të shkonte në shkollën e mjekësisë në vend që të shkonte në një mision (shihni te “Kthimi në Besim te Vullneti i Perëndisë”, Ensign, maj 2002, f. 54).

Ndalu një çast për të shkruar në ditarin tënd të studimit se si ndihesh në lidhje me shërbimin në një mision kohëplotë dhe përse.

Ndërsa e studion këtë mësim, kërko udhërrëfim nga Zoti për të të ndihmuar në vendimin tënd a të shërbesh në një mision kohëplotë dhe se si të përgjigjesh ndaj shqetësimeve që mund të kesh.

Kur i bindemi Zotit

Lexo te Ligji i Përtërirë 28:1–6, 9, duke kërkuar atë që premtoi Zoti nëpërmjet Moisiut nëse bëjmë atë që Ai na kërkon.

Ftojini nxënësit të tregojnë atë që gjetën. Merreni parasysh t’u kërkoni nxënësve të japin shembuj të llojeve të ndryshme të bekimeve që Zoti premtoi në këto vargje. Mund të jetë e dobishme të dini se fraza “fryti i barkut tënd” (Ligji i Përtërirë 28:4) u referohet pasardhësve.

Përse është e dobishme të dish bekimet e shumta të ndryshme që na premton Zoti nëse e bëjmë atë që na kërkon Ai?
Si mendon se premtimet e Zotit në këto vargje mund të gjejnë zbatim në bindjen tonë për t’i shërbyer Atij si misionarët e Tij?

Presidenti Rasëll M. Nelson dha mësim:

“Të dashur miq të rinj në moshë, secili prej jush është jetik për Zotin. Ai ju ka ruajtur deri më tani që të ndihmoni për të mbledhur Izraelin. Vendimi juaj për të shërbyer në një mision, qoftë një mision predikimi apo shërbimi, do t’ju bekojë ju dhe shumë të tjerë.” (“Predikimi i Ungjillit të Paqes”, Liahona, maj 2022, f. 6–7)

Merreni parasysh të shkruani në tabelë: Zoti do të na bekojë ne dhe shumë të tjerë kur zgjedhim të shërbejmë në një mision.

Kuptueshmëria për disa prej bekimeve që ofron Perëndia, mund të ndihmojë për vendimin tonë për të shërbyer në një mision.

Lexo disa ose të gjitha shkrimet e shenjta dhe thëniet në fletushkën “Bekimet që Perëndia ua Jep Misionarëve të Tij”, ose gjej shkrime të shenjta ose thënie shtesë. Merre parasysh t’i shenjosh ose t’i rrethosh bekimet që janë kuptimplota për ty. Vër re që Zoti i jep këto bekime gjatë dhe pas shërbimit misionar.

Përgatit diçka që mund t’ia tregosh dikujt që po vendos a t’i shërbejë Zotit në një mision. Përfshi të paktën dy prej pikave vijuese:

Një ose dy bekime që mësove, që Perëndia i jep ndërsa shërbejmë në një mision kohëplotë dhe mënyrën se si ndihesh në lidhje me to.
Një shembull të dikujt që ti njeh, që mori një nga bekimet e Perëndisë që ti përcaktove, nëpërmjet shërbimit të tij misionar.
Mënyra se si ajo që mësove, ndikon në dëshirën tënde për t’i shërbyer Zotit si një misionar kohëplotë.
Ajo çka mësove rreth Atit Qiellor dhe Jezu Krishtit, që mund ta ndihmojë dikë të zgjedhë të shërbejë në një mision kohëplotë.

Pasi nxënësit të jenë përgatitur, ftojeni çdo dyshe ta ndajë mesazhin e vet në dy pjesë. Vërini ata të vendosin se cilën pjesë do të tregojë secili prej tyre. (Për shembull, njëri mund të tregojë një bekim dhe ndjenjat e tij në lidhje me të, më pas tjetri mund të japë një shembull dhe mënyrën se si përqendrimi tek Ati Qiellor dhe Jezu Krishti mund të ndihmojë.) Merreni parasysh a do të ishte më e efektshme t’i vini disa dyshe të flasin para klasës, apo a do të ishte më mirë nëse do ta bënin paraqitjen për njëri-tjetrin në grupe të vogla. Nëse e bëjnë paraqitjen në grupe të vogla, mund t’i pyesni më pas se çfarë ishte kuptimplotë për ta që e dëgjuan nga dikush tjetër ose që e treguan vetë.

Vendimi yt

Ndalu një çast që të mbyllësh sytë dhe të mendosh rreth Atit Qiellor. Kujtoje dashurinë e Tij për ty. Të reja, imagjinoni se si mund të ndihet Ai ndërsa përpiqeni të kuptoni vullnetin e Tij rreth shërbimit në një mision. Të rinj, mendoni për atë që do të donte Ati Qiellor që të bëni tani, që të përgatiteni për t’u bërë misionarë të efektshëm ose për të shprehur çdo shqetësim që keni rreth shërbimit.

Kërko ndihmën e Atit Qiellor ndërsa e shkruan në ditarin e studimit atë që mësove ose atë që Ai mund të dojë që të kujtosh nga ky mësim, ndërsa mendon t’i shërbesh Zotit si një misionar kohëplotë.

Merreni parasysh t’i ftoni disa nxënës ta tregojnë atë që mësuan ose ndien në këtë mësim. Shtoni edhe mendimet dhe dëshminë tuaj.

Burime Shtesë

Çfarë ka dhënë mësim Zoti rreth përgjegjësisë së të rinjve dhe të rejave për të shërbyer si misionarë?

Presidenti Rasëll M. Nelson ripohoi thirrjen e Zotit për të shërbyer si misionarë.

5:34

“Sot e ripohoj fuqishëm se Zoti i ka kërkuar çdo të riu të denjë dhe të aftë të përgatitet dhe të shërbejë në një mision. Për të rinjtë shenjtorë të ditëve të mëvonshme, shërbimi misionar është një përgjegjësi priftërie. Ju të rinj jeni ruajtur për këtë kohë kur po ndodh mbledhja e premtuar e Izraelit. Ndërsa shërbeni në misione, ju luani një rol vendimtar në këtë ngjarje të pashembullt!

Për motrat e reja dhe të afta, misioni është gjithashtu një mundësi e fuqishme, por me dëshirë. Ne i duam motrat misionare dhe i mirëpresim me gjithë zemër. Ajo që ju jepni në këtë punë, është madhështore. Lutuni për të ditur a do të donte Zoti që të shërbeni në një mision dhe Fryma e Shenjtë do të përgjigjet në zemrën dhe mendjen tuaj.” (“Predikimi i Ungjillit të Paqes”, Liahona, maj 2022, f. 6)

Çfarë është një mision shërbimi?

Të rinjtë dhe të rejat e denja që nuk janë në gjendje të shërbejnë në një mision predikimi për arsye fizike, mendore, emocionale ose të tjera, mund të thirren në një mision shërbimi. Misionarët me shërbim mund t’i shërbejnë Zotit në detyra të shumta, përfshirë me organizatat e bamirësisë, nëpërmjet veprimtarive të Kishës dhe në mundësitë e caktuara nga kunji. Për të parë një shembull, merreni parasysh të shihni materialin filmik “Service Missions: Elder Quade’s Story” [“Misionet e Shërbimit: Historia e Plakut Kuejd”] (5:19).

5:19

Për më shumë informacion, kërkoni hollësitë në dispozicion në ChurchofJesusChrist.org/service-missionary ose në programin Gospel Library [Biblioteka e Ungjillit].

Veprimtari Plotësuese të të Mësuarit

Arsyet për të shërbyer në një mision

Pasi nxënësit të plotësojnë fletushkën “Bekimet që Perëndia ua Jep Misionarëve të Tij”, mund të shfaqni një nga materialet filmike vijuese. Ftojini nxënësit të kërkojnë arsyet përse dikush do të zgjidhte të shërbente në një mision.

“Value of a Full-Time Mission” [“Vlera e një Misioni Kohëplotë”] (5:22)

5:23

Një shembull i një të riu që vendos a të shërbejë

Nëse do të ndihmonte, jepni një shembull të një të riu që vendos të shërbejë në një mision dhe dëshmon për bekimet që mori. Shihni Plakun Ganesh Vardhanapu, “The Decision to Serve a Mission” (Liahona, mars 2020, vetëm në format digjital).

Jepni këshillë

Ndonjëherë, revistat e Kishës ngrenë pyetje dhe të rinj të ndryshëm anembanë botës dërgojnë përgjigje që mund të ndihmojnë. Ftojeni klasën tuaj të imagjinojë sikur iu dha pyetja: Si të vendos a të shërbej në një mision? Jepuni atyre disa minuta për të shkruar një përgjigje që përfshin një shkrim të shenjtë ose thëniet nga një profet ose udhëheqës i Kishës. Më pas, ftojini t’i lexojnë përgjigjet te “How do I decide whether to serve a mission?” (New Era, dhjetor 2019, f. 44–45).

Nëse nxënësit kanë dëshirë për të shërbyer, por shqetësohen se nuk janë në gjendje

Nëse nxënësit janë në këtë situatë, merreni parasysh t’i ftoni ata të lexojnë te Mateu 28:19–20; 1 Nefi 3:7; Mosia 4:27, duke kërkuar parimet e ndryshme që mund t’i ndihmojnë ata. Shpjegoni gjithashtu se ata mund t’ia tregojnë çdo shqetësim që kanë prindërve, udhëheqësve të priftërisë dhe specialistëve të shëndetit që mund t’i këshillojnë mbi atë që mund të bëjnë.

Mënyra se si afrimi te Shpëtimtari ndikon në dëshirën tonë për të shpërndarë ungjillin

Nëse është e dobishme, ftojini nxënësit të plotësojnë pjesën “Studimi Vetjak ose në Dyshe Misionare” në krye të faqes tre te materiali Predikoni Ungjillin Tim. Ata mund të përsiatin mënyrën se si afrimi te Shpëtimtari ndikon në dëshirën e tyre për të shpërndarë ungjillin dhe për të shërbyer në një mision kohëplotë.