Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Pagdaig sa mga Balakid sa Patuloy na Pag-aaral: Paggamit ng Lahat ng Available na Resources

“Pagdaig sa mga Balakid sa Patuloy na Pag-aaral: Paggamit ng Lahat ng Available na Resources,” Manwal ng Titser ng Seminary para sa Lumang Tipan (2026)

“Pagdaig sa mga Balakid sa Patuloy na Pag-aaral: Paggamit ng Lahat ng Available na Resources,” Manwal ng Titser ng Seminary para sa Lumang Tipan

Paghahanda para sa Edukasyon at Trabaho sa Hinaharap: Lesson 190

Pagdaig sa mga Balakid sa Patuloy na Pag-aaral

Paggamit ng Lahat ng Available na Resources

Itinuro ng Panginoon na “ang kaluwalhatian ng Diyos ay katalinuhan” (Doktrina at mga Tipan 93:36). Bukod pa rito, paulit-ulit na itinuturo ng mga lider ng Simbahan ang tungkol sa kahalagahan ng edukasyon. Gayunpaman, kung minsan ay nagpapahirap sa ating pag-aaral ang mga balakid. Ang lesson na ito ay makatutulong sa mga estudyante na matukoy ang resources na mayroon upang madaig ang mga balakid sa pagpapatuloy ng kanilang pag-aaral.

Mga Posibleng Aktibidad sa Pag-aaral

Pagtukoy sa mga balakid

Tandaan: Ang mga balakid sa patuloy na pag-aaral ay magkakaiba sa buong mundo. Maaaring kailanganin mong iangkop ang mga sitwasyon o mga posibleng balakid batay sa inyong lugar at sa pangangailangan ng iyong mga estudyante.

Maaaring simulan ang klase sa pamamagitan ng pagdrowing o pagpapakita ng larawan ng isang tinedyer na nakatanaw sa kabilang dako ng ilog sa isang representasyon ng edukasyon sa hinaharap tulad ng nasa ibaba. Pagkatapos ay ibahagi ang sumusunod na sitwasyon.

Sa isang lesson kamakailan sa seminary, ibinahagi ng titser ni Liam ang ilang pahayag mula sa mga lider ng Simbahan tungkol sa kahalagahan ng edukasyon pagkatapos ng high school. Naniniwala si Liam sa payong ito at gusto niyang sundin ito. Ngunit habang iniisip niya ang hinaharap, napupuno ang kanyang isipan ng lahat ng balakid na maaaring humadlang sa kanya sa pagkamit ng kanyang mithiin.

Pagkatapos ibahagi ang karanasan ni Liam, maaari mong anyayahan ang mga estudyante na ilista ang mga posibleng balakid sa o malapit sa larawan ng ilog na maaaring humadlang kay Liam o sa iba pang tinedyer na ipagpatuloy ang kanilang pag-aaral. Kung ginawa ng mga estudyante ang paghahanda ng estudyante, maaari mo silang anyayahan na magbahagi ng ilang balakid mula sa kanilang listahan.

Hikayatin ang mga estudyante na parehong pag-isipan ang mga panlabas at panloob na balakid. Maaaring kabilang sa mga panlabas na balakid ang mga restriksyon sa pananalapi, mabababang grado, o kakulangan sa mapapasukan. Maaaring kabilang sa mga panloob na balakid ang mababang kumpiyansa o kawalan ng pag-asa o hangarin.

Para tulungan ang mga estudyante na maisip ang mga posibleng balakid sa kanilang patuloy na pag-aaral, maaari mo silang anyayahan na gawin ang sumusunod.

Sa inyong study journal, sagutin ang mga tanong na ito:

Aling mga balakid (mula sa pisara o iba pa) ang ikinababahala ninyo na maaaring maging hadlang sa pagpapatuloy ng inyong pag-aaral?
Gaano kayo kakumpiyansang malalampasan ninyo ang mga balakid na ito?
Paano kayo matutulungan ng Tagapagligtas na malampasan ang mga balakid na ito?

Sa lesson ngayon, maghangad ng mga impresyon mula sa Espiritu para matulungan kayong matukoy ang mga partikular na paraan upang malampasan ang inyong mga balakid sa pag-aaral.

Pagtawid sa Ilog Jordan

Para tulungan ang mga estudyante na gamitin ang mga banal na kasulatan para malaman kung paano malampasan ang mga balakid sa kanilang pag-aaral, maaari mong talakayin ang salaysay tungkol kay Josue at sa mga anak ni Israel na tumawid sa Ilog Jordan (tingnan sa Lesson 62: “Josue 2–4” para sa karagdagang detalye). Maaari mong basahin o ibuod ang sumusunod na talata, kung kinakailangan.

Nang dumating si Josue at ang mga anak ni Israel sa Canaan, ipinangako sa kanila ng Panginoon ang buong lupain sa kabilang panig ng Ilog Jordan (tingnan sa Josue 1:1–7). Gayunpaman, humarap sila sa balakid ng pagtawid sa umaapaw na ilog upang makamit ang kanilang mithiin (tingnan sa Josue 3:15).

Maaari mong pagpartner-partnerin ang mga estudyante para basahin at talakayin ang mga sumusunod na talata. Maaaring makatulong na ipaliwanag na ang mga katagang “tatayo na isang bunton” (talata 13) at “naging isang bunton” (talata 16) ay tumutukoy sa paghinto ng daloy ng tubig ng Ilog Jordan.

Basahin ang Josue 3:6–8, 13–17, at alamin ang sumusunod:

Ang matatapat na pagkilos na ginawa ng mga saserdote upang makatawid ang mga anak ni Israel sa Ilog Jordan
Ang tulong ng Diyos para makatawid ang mga anak ni Israel sa Ilog Jordan

Maaaring ibahagi ng mga estudyante sa mga kapartner ang natuklasan nila. Maaari nilang talakayin kung paano nalampasan ng mga anak ni Israel ang balakid dahil sa matatapat na pagkilos ng mga saserdote at sa tulong ng Panginoon.

Pagkatapos ay maaari mong itanong sa klase ang sumusunod:
Paano makatutulong ang salaysay na ito sa isang tinedyer na humaharap sa mga balakid sa pagpapatuloy ng kanyang pag-aaral?

Sa inyong study journal, magsulat ng pahayag ng katotohanan na batay sa inyong natutuhan na maaaring iangkop sa pagharap sa mga balakid sa pagpapatuloy ng inyong pag-aaral.

Maaaring gamitin ng mga estudyante ang sarili nilang mga salita para ibahagi ang isang katotohanang tulad ng: Kapag sumusulong tayo nang may pananampalataya kay Jesucristo, tutulungan Niya tayong malampasan ang mga balakid na kinakaharap natin.

Bakit maaaring kinakailangan ang pagsulong nang may pananampalataya kay Jesucristo (paggawa ng lahat ng bagay sa abot ng ating makakaya) para malampasan ang mga balakid sa pag-aaral?
Bakit maaaring kailanganin ang paghahangad ng tulong ng Diyos upang malampasan ang mga balakid sa pag-aaral?

Maaari mong ipaalala sa mga estudyante na kabilang sa pagsulong nang may pananampalataya kay Jesucristo ang anumang pagsisikap na maaari nilang gawin. Halimbawa, ang pakikipag-usap sa isang tagapayo, pagkita ng pera, at tapat na pagbabayad ng mga ikapu ay paraan ng pagsulong nang may pananampalataya kay Jesucristo upang malampasan ang mga balakid sa pag-aaral.

Sitwasyong sasanayin

Ang sumusunod na aktibidad ay tumutulong sa mga estudyante na magsanay sa mapanuring pag-iisip. Maaari mong ituro sa mga estudyante na makatutulong sa atin ang mapanuring pag-iisip na gumawa ng mabubuting desisyon. Kabilang dito ang (1) pag-oobserba at pangangalap ng impormasyon tungkol sa desisyon, (2) pagtatanong tungkol sa inyong inoobserbahan, (3) pagtalakay ng inyong mga obserbasyon sa iba, at (4) paglutas ng mga problema batay sa inyong natututuhan. Maaari mong ipagawa sa mga estudyante ang bawat isa sa mga hakbang na ito bilang bahagi ng aktibidad na ito.

Anyayahan ang mga estudyante na gumawa sa isang piraso ng papel ng isang sitwasyon na may balakid na nauugnay sa isang tinedyer. Kung kailangan nila ng tulong, maaari nilang punan ang mga patlang sa sumusunod na pangungusap.

Alam ni (pangalan ng tinedyer) na mahalaga ang edukasyon pagkatapos ng high school. Ngunit ang isang balakid sa pagpapatuloy ng kanyang pag-aaral ay (maglarawan ng balakid).

Ano ang maaaring itanong ng taong ito habang pinag-iisipan niya ang available na resources? Kanino nila maaaring talakayin ang ilan sa kanilang mga tanong?
Anong mga pagkilos ang maaaring gawin ng taong ito sa pagsulong nang may pananampalataya kay Jesucristo upang malampasan ang kanyang balakid?
Paano matutulungan ng Diyos ang taong ito na malampasan ang kanyang balakid?

Pangwakas

Maaari mong anyayahan ang mga estudyante na rebyuhin ang listahan ng mga personal na balakid na natukoy nila sa simula ng klase. Hikayatin silang humingi ng patnubay mula sa Espiritu habang sinasagot nila ang sumusunod na tanong sa kanilang mga journal.

Anong resources ang maaari ninyong gamitin mula sa talakayan ngayon upang matulungan kayong malampasan ang mga balakid at maghanda para sa edukasyon sa hinaharap?
Anong matatapat na pagkilos ang maaari ninyong gawin upang matulungan kayo ng Ama sa Langit at ni Jesucristo na malampasan ang inyong mga balakid?

Maaari mong tapusin ang klase sa pamamagitan ng pagpapatotoo na kapag masaya nating ginagawa ang lahat ng bagay sa abot ng ating makakaya, tutulungan tayo ng Ama sa Langit at ni Jesucristo na malampasan ang ating mga balakid sa pagpapatuloy ng ating pag-aaral.

Karagdagang Resources

Paano mapapalaki ng pananampalataya kay Jesucristo ang aking mga pagsisikap na ipagpatuloy ang aking pag-aaral?

Itinuro ni Elder Clark G. Gilbert ng Pitumpu:

Para magawa ang lahat ng inaasahan sa inyo bilang … estudyante, kakailanganin ninyong magsikap at magpakita ng galing. Ngunit higit pa rito ang kinakailangan upang makarating sa kailangan ninyong marating. Kakailanganin ninyong hangarin ang nagpapalakas na kapangyarihan ng Pagbabayad-sala ni Jesucristo. …

Alam kong maaaring maging mahirap at nangangailangan ng sakripisyo ang pagtatamo ng edukasyon. Alam ko kung gaano kayo nagsisikap at na maraming mahihirap na gabi dahil nagpupuyat kayo para kumpletuhin ang mga assignment, matutuhan ang mga bagong konsepto, at maisagawa ang iba pang maraming kailangang gawin sa inyong buhay. Ngunit magpatuloy lang kayo sa pagsisikap. Patuloy na ipakita ang katatagan ng pag-iisip. Ngunit maging handa ring umasa sa biyaya (ni Jesucristo) mula sa pagkakaroon ng katatagan ng pag-iisip. Isali ang Panginoon. Manalangin na tulungan Niya kayo, at dadagdagan Niya ang inyong mga pagsisikap. (“From Grit to Grace” [Debosyonal sa BYU-Pathway Worldwide, Set. 25, 2018], 1, 2, byupathway.edu)

Ibinahagi ni Elder Carl B. Cook ng Pitumpu:

Matutulungan tayo ng Diyos ng langit at lupa na madaig ang panghihina-ng-loob at anumang mga hadlang na kinakaharap natin kung tayo ay aasa sa Kanya, susunod sa mga pahiwatig ng Espiritu Santo, at magpapatuloy lamang—nang may pananampalataya.

Sa kabutihang-palad, kapag tayo ay nanghihina o walang kakayahan, mapalalakas ng Panginoon ang ating pananampalataya. Mapag-iibayo Niya ang ating kakayahan nang higit pa sa sarili nating kakayahan. (“Magpatuloy Lamang—nang may Pananampalataya,” Liahona, Mayo 2023, 14)

Ano ang aking responsibilidad kaugnay ng edukasyon?

Ipinayo ni Pangulong Dieter F. Uchtdorf, na noon ay kabilang sa Unang Panguluhan:

18:45

Para sa mga miyembro ng Simbahan, hindi lamang magandang ideya ang edukasyon—ito ay isang kautusan. Dapat nating matutuhan ang “mga bagay maging sa langit at sa lupa, at sa ilalim ng lupa; mga bagay na nangyari na, mga bagay na nangyayari, mga bagay na malapit nang mangyari; mga bagay na nasa tahanan, mga bagay na nasa ibang bansa [Doktrina at mga Tipan 88:79–80].”

… Tungkulin ninyong matuto hanggang sa abot ng makakaya ninyo. Mangyaring hikayatin ang inyong pamilya, ang mga miyembro ng inyong korum, ang bawat isa na matuto at madagdagan pa ang kaalaman. Kung hindi posibleng makapag-aral [pormal na edukasyon], huwag ninyong hayaang maging hadlang iyan sa pagkakaroon ng lahat ng kaalamang matatamo ninyo. Sa mga ganitong kalagayan, ang pinakamahuhusay na aklat, kung iisipin, ay maaari ninyong maging “unibersidad”—isang silid-aralan na laging bukas at tinatanggap ang sinumang gustong mag-aral. Sikaping maragdagan ang inyong kaalaman tungkol sa lahat ng “marangal, kaaya-aya, o magandang balita, o maipagkakapuri [Mga Saligan ng Pananampalataya 1:13].” Maghangad ng kaalaman “sa pamamagitan ng pag-aaral at gayon din sa pamamagitan ng pananampalataya [Doktrina at mga Tipan 109:7].” Maghangad nang may bagbag na espiritu at nagsisising puso [Doktrina at mga Tipan 136:33].” (“Dalawang Alituntunin para sa Alinmang Pamumuhay,” Liahona, Nob. 2009, 58)

Mga Karagdagang Aktibidad sa Pag-aaral

Pagtuklas ng lokal na resources

Para sa mga balakid sa pag-aaral na natatangi sa inyong lugar, maaari kang maghanda ng listahan ng lokal na resources para sa iyong mga estudyante. Maaaring kabilang sa ilan sa resources na ito ang mga detalye tungkol sa:

Peer-to-peer na pagtuturo
Mga positibong huwaran
Online resources
Suporta ng komunidad
Mga scholarship at pagpopondo
Mga programa sa pagpapaunlad ng mga kasanayan

Maaari kayong maglaan ng ilang oras bilang klase sa pagsasaliksik ng lokal na resources upang malampasan ang mga karaniwang balakid sa pag-aaral. Bukod pa rito, maaari kang mag-anyaya sa klase ng isang lokal na lider ng Simbahan o tagapayo at ipapaliwanag sa kanya ang mga opsyon sa resource.

Video na nagbibigay-diin sa kahalagahan ng patuloy na pag-aaral

Tinatalakay ni Elder Joseph W. Sitati kung paano niya nalampasan ang mga hadlang sa pagtatamo ng magandang edukasyon sa Kenya. Dahil sa pagpupursigi sa pag-aaral, nakilala niya ang kanyang asawa, nagkaroon ng trabaho, at nayakap niya ang ebanghelyo ni Jesucristo.

4:56

Pagkatapos ibahagi ang video, maaari mong anyayahan ang mga estudyante na magpadala ng text o email sa mga kapamilya o kaibigan na nagpatuloy sa kanilang pag-aaral pagkatapos ng high school. Anyayahan ang mga estudyante na itanong kung paano nila nalampasan ang mga balakid sa pagtatamo ng kanilang edukasyon.

Pagsulong nang may pananampalataya kay Jesucristo

Upang bigyang-diin ang naka-bold na katotohanan sa lesson, maaari mong ipabasa sa mga estudyante ang Doktrina at mga Tipan 123:17 at ang sumusunod na pahayag ni Elder Gerrit W. Gong ng Korum ng Labindalawang Apostol, at alamin ang itinuturo ng sources na ito kung paano malalampasan ang mga balakid.

Sa Doktrina at mga Tipan, bahagi 123, talata 17, itinuturo ng Panginoon ang isang mahalagang alituntunin at nag-aalok Siya ng isang kahanga-hangang pangako.

Ang mahalagang alituntuning itinuturo ng Panginoon ay ito: “Malugod na gawin ang lahat ng bagay sa abot ng ating makakaya.” Ito ay isang alituntunin ng pananampalataya at pagkilos. … Ang paggawa ng lahat ng bagay sa abot ng ating makakaya ay nakatutulong sa ating matanggap ang tulong at inspirasyon ng Diyos. Magkasama ang ating pinakamahuhusay na pagsisikap at ang tulong ng Diyos. (“Cheerfully Do All Things in Our Power” [Debosyonal sa BYU–Pathway Worldwide, Dis. 5, 2023], 1, byupathway.edu)

Ano ang itinuturo ni Elder Gong na makatutulong sa isang tao upang sumulong nang may pananampalataya kay Jesucristo?