Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Edukasyon para sa Buong Kaluluwa: Pag-una sa Edukasyon ng Isipan at Espiritu

“Edukasyon para sa Buong Kaluluwa: Pag-una sa Edukasyon ng Isipan at Espiritu,” Manwal ng Titser ng Seminary para sa Lumang Tipan (2026)

“Edukasyon para sa Buong Kaluluwa: Pag-una sa Edukasyon ng Isipan at Espiritu,” Manwal ng Titser ng Seminary para sa Lumang Tipan

Paghahanda para sa Edukasyon at Trabaho sa Hinaharap: Lesson 189

Edukasyon para sa Buong Kaluluwa

Pag-una sa Edukasyon ng Isipan at Espiritu

Hinihikayat tayo ng Panginoon na unahin pareho ang sekular na edukasyon at edukasyong panrelihiyon sa ating buhay (tingnan sa Doktrina at mga Tipan 88:77–80). Ang sekular na edukasyon at edukasyong panrelihiyon ay maaaring magpahusay sa ating kakayahang maglingkod sa Diyos at sa iba at maging self-reliant. Ang lesson na ito ay makatutulong sa mga estudyante na gumawa ng plano para ipagpatuloy ang kanilang sekular na edukasyon at edukasyong panrelihiyon pagkatapos ng sekondarya.

Paghahanda ng estudyante: Maaari mong anyayahan ang mga estudyante na pumunta sa klase na handang magbahagi ng hindi bababa sa dalawang posibleng opsyon na pinag-iisipan nilang gagawin nila pagkatapos ng high school.

Mga Posibleng Aktibidad sa Pag-aaral

Pag-una sa edukasyon

Gusto ni Reggie na ituloy ang buhay pagkatapos ng high school sa pamamagitan ng paghinto sa kanyang pag-aaral. Gusto niyang gumugol ng mas maraming oras sa kanyang kasalukuyang trabaho. Bago gumawa ng kanyang huling desisyon, nagpasiya siyang isaalang-alang ang mga makabubuti at ang mga makasasama sa pagpapatuloy ng kanyang pag-aaral.

Ano ang maaaring ilan sa mga makabubuti na maililista ni Reggie para sa pagpapatuloy ng kanyang pag-aaral?
Ano ang maaaring ilan sa mga makasasama?

Maaaring magsimulang gumawa ng listahan ang mga estudyante nang may kapartner o sa maliit na grupo. Maaari mong isulat sa pisara ang Mga Makabubuti at Mga Makasasama at anyayahan ang mga estudyante na isulat sa pisara ang mga sagot na maiisip nila. Kung itinuro mo kamakailan ang Lesson 188, “Ang Kahalagahan ng Edukasyon,” maaari mong ipaalala sa mga estudyante ang tinalakay nila sa object lesson na imbudo. Maaaring patuloy na magdagdag ang mga estudyante sa listahang ito sa buong lesson.

Sekular na edukasyon at edukasyong panrelihiyon

Binigyang-diin ng mga lider ng Simbahan ang kahalagahan ng edukasyon para sa lahat ng mga anak ng Diyos. Parehong binibigyang-diin ng mga lider ng Simbahan ang sekular na edukasyon at edukasyong panrelihiyon.

Isulat sa pisara ang sumusunod na hindi kumpletong pangungusap sa ilalim ng Mga Makabubuti at anyayahan ang mga estudyante na isulat ito sa kanilang journal.

Ang pagpupursigi sa sekular na edukasyon at edukasyong panrelihiyon ay tumutulong sa ating …

Basahin ang sumusunod na pahayag at maghanap ng iba’t ibang paraan kung paano ninyo makukumpleto ang pangungusap.

Itinuro ni Elder Clark G. Gilbert ng Pitumpu:

Alam mo ba kung bakit napakaraming resources ang ipinupuhunan ng Simbahan sa edukasyon? Dahil iyan sa pagmamahal ng Panginoon sa iyo. Nais Niyang mas mapalapit ka sa Kanya at makasumpong ng emosyonal, intelektuwal, at espirituwal na lakas. Iyon din ang gustong mangyari ng mga pinuno ng Simbahan! Ipinagdarasal ka namin at ang iyong tagumpay. Nakatuon kami sa iyo at sa pagtulong sa iyo na maabot ang iyong banal na potensyal. (“Edukasyon sa Simbahan: May Lugar para sa Lahat,” Para sa Lakas ng mga Kabataan, Oktubre 2023, 18)

Anyayahan ang mga estudyante na ibahagi ang nahanap nila at ilista sa pisara ang kanilang mga sagot. Maaaring kabilang sa mga sagot ng mga estudyante ang:

… mapalapit sa Panginoon.

… tumanggap ng lakas mula sa Diyos.

… maabot ang aking banal na potensyal.

Bakit kakailanganin ang kapwa sekular na edukasyon at edukasyong panrelihiyon para maanyayahan ang mga pagpapalang ito mula sa Panginoon?

Sekular na edukasyon

Maaari kang magdrowing sa pisara ng dalawang aklat gaya ng sumusunod. Lagyan ng label na “Sekular” ang una at ang pangalawa ng “Panrelihiyon.” Anyayahan ang mga estudyante na magdrowing ng mga katulad na aklat sa kanilang study journal.

Sa ilalim ng aklat na may label na “Sekular,” anyayahan ang mga estudyante na ilista ang kanilang mga sagot sa sumusunod na tanong. Maaari mong anyayahan ang mga estudyante na gumawa nang magkakapartner o sa maliliit na grupo.

Ano ang mga opsyon na mayroon kayo para sa sekular na edukasyon pagkatapos ng high school?

Maaari kang magbahagi ng mga karagdagang opsyon na hindi binanggit ng mga estudyante tulad ng online na pag-aaral, community college, mga trade school, mga oportunidad sa apprenticeship, on-the-job-training, at iba pa.
Anong mga opsyon ang makukuha sa pamamagitan ng Sistemang Pang-edukasyon ng Simbahan (Church Educational System o CES)?

Edukasyong panrelihiyon

Anong opsyon sa edukasyong panrelihiyon ang mayroon para sa bawat nakalistang opsyon sa sekular na edukasyon?

Para sa bawat item na nakalista sa ilalim ng sekular na edukasyon, ipalista sa mga estudyante ang isang opsyon sa edukasyong panrelihiyon na maaaring maging kasama nito. Tiyaking nauunawaan ng mga estudyante na ang bawat isa sa mga paaralan ng CES ay may edukasyong panrelihiyon bilang bahagi ng kanilang kinakailangang kurikulum. Maaaring isulat ng mga estudyante ang mga panrelihiyong klase sa tabi ng linya ng alinman sa mga paaralan ng CES.

Kung hindi ito binanggit ng mga estudyante, ipasulat sa kanila ang institute sa tabi ng anupamang opsyon na nakalista sa sekular na edukasyon. Kung kinakailangan, ipaliwanag na para sa mga hindi pumapasok sa paaralan ng CES, ang institute ay isang lugar kung saan makakakuha ang sinumang young adult (18–35 taong gulang), saanman sa mundo, ng mga klase sa edukasyong panrelihiyon nang walang bayad.

Mag-isip ng mga paraan na matutulungan mo ang mga estudyante sa seminary na makita kung paano sila matutulungan ng pagdalo sa institute sa hinaharap. Ang pagtalakay sa sitwasyong ito at ang ilan sa mga sumusunod na tanong ay isang paraan na magagawa mo ito.

Ipagpalagay na nagpasiya si Reggie na mag-aral pa pagkatapos ng high school sa isang trade school at pinag-iisipan niya kung dapat din siyang pumasok sa institute.

Ano ang maaaring maging mga dahilan ni Reggie sa hindi pagpasok sa institute?
Paano nakatulong sa inyo ang seminary habang pumapasok kayo sa paaralan?
Paano makakatulong kay Reggie ang patuloy na pagkatuto tungkol sa Ama sa Langit at kay Jesucristo habang nag-aaral sa isang trade school?

Ipanood ang video na “Personal Invitation to Attend Institute” (2:44), na makikita sa ChurchofJesusChrist.org. Anyayahan ang mga estudyante na alamin ang mga pagpapalang ipinapangako sa pagpasok sa institute. Maaari mo ring anyayahan ang mga estudyante na magbasa sa handout ng tungkol sa institute.

2:51

Maaari kang magdagdag ng mga ideya sa listahan sa pisara sa ilalim ng Mga Makabubuti na ibinabahagi ng mga estudyante bilang bahagi ng talakayang ito.
Anong mga pagpapala ang tumatak sa isipan ninnyo mula sa mga ipinangako ni Pangulong Nelson sa pagpasok sa institute?
Mula sa inyong natalakay, ano sa palagay ninyo ang maaaring makahikayat kay Reggie na pumasok sa institute?

Tulungan ang mga estudyante na maunawaan kung paano makahanap ng institute pagkatapos ng high school saanman sila naninirahan sa pamamagitan ng pagpunta sa myinstitute.ChurchofJesusChrist.org/findInstitute. Maaaring pumili ng ilang opsyon sa edukasyon na binanggit kanina sa ilalim ng unang aklat. Tukuyin ang lokasyon ng mga opsyong iyon at ilagay ang lungsod sa website upang ipakita kung paano hanapin at paano magparehistro sa institute. Maaari mo ring ipakita kung paano maghanap ng online na institute sa link ding iyon.

Gumawa ng plano

Ibahagi sa mga estudyante na magtatapos man sila sa high school ngayong taon o hindi, maaari silang makinabang sa paggawa ng plano para sa kanilang sekular na edukasyon at edukasyong panrelihiyon. Upang tulungan ang mga estudyanteng gumawa ng plano, ipakita ang mga sumusunod na tagubilin at tanong. Anyayahan silang sagutin ang mga sumusunod na tanong sa kanilang study journal.

Gamit ang mga tanong sa ibaba upang gabayan kayo, gumawa ng plano para sa inyong sekular na edukasyon at edukasyong panrelihiyon sa hinaharap. Humingi ng patnubay mula sa Ama sa Langit sa pamamagitan ng Espiritu Santo habang pinagninilayan at isinusulat ninyo ang inyong mga sagot.

Anong mga mithiin sa hinaharap ang mayroon kayo?
Anong mga pagpili na may kaugnayan sa edukasyong ang tutulong sa inyong maisakatuparan ang mga mithiing iyon?
Anong mga plano ang magagawa ninyo para sa inyong edukasyong panrelihiyon sa susunod na taon? sa mga susunod pang taon?

Kadalasan ay nakakatulong sa mga estudyante ang makarinig ng mga ideya mula sa iba pang mga estudyante. Maaari mong anyayahan ang ilang boluntaryo na ibahagi ang kanilang plano.

Maaari mong ibahagi ang iyong patotoo tungkol sa kahalagahan ng pagbibigay-priyoridad sa sekular at panrelihiyong pagkatuto sa buong buhay.

Karagdagang Resources

Paano ako mapagpapala kung uunahin ko ang edukasyong panrelihiyon?

Itinuro ni Pangulong M. Russell Ballard (1928–2023) ng Korum ng Labindalawang Apostol:

15:46

Kayong mga nasa high school at naghahandang magmisyon, hinihikayat ko kayong makilahok at magtapos sa seminary. Kayong mga young adult ay dapat mag-enrol sa institute of religion. Kung dumadalo kayo sa isang paaralan ng Simbahan, magsama ng isang klase sa religious education bawat semestre. Sa mahalagang panahong ito ng paghahanda para sa misyon, kasal na pangwalang-hanggan, at buhay bilang adult, kailangan ay patuloy kayong maghanap ng mga paraan para matuto at lumago at tumanggap ng inspirasyon at patnubay ng Espiritu Santo. Ang maingat at mapanalanging pag-aaral ng ebanghelyo sa pamamagitan ng mga klase sa seminary, institute, o religious education ay makatutulong sa inyo na makamit ang mithiing iyon.

Pumapasok man kayo sa isang paaralan ng Simbahan o hindi, nag-aaral man kayo sa kolehiyo o hindi, huwag ninyong isipin na masyado na kayong abala para pag-aralan ang ebanghelyo. Ang mga klase sa seminary, institute, o religion ay maglalaan ng balanse sa inyong buhay at magdaragdag sa inyong sekular na edukasyon sa pagbibigay sa inyo ng isa pang oportunidad na mag-ukol ng oras sa pag-aaral ng mga banal na kasulatan at mga turo ng mga propeta at apostol. (“Ang Pinakadakilang Henerasyon ng mga Young Adult,” Liahona, Mayo 2015, 69)

Itinuro ni Pangulong Henry B. Eyring ng Unang Panguluhan:

Dapat nating unahing matutuhan ang mga bagay na espirituwal. …

Maliwanag na kapag inuunang matutuhan ang mga bagay na espirituwal ay hindi nawawala ang responsibilidad natin na pag-aralan ang mga sekular na bagay. Sa halip, ito ang nagbibigay sa atin ng layuning pag-aralan ang mga sekular na bagay at hinihikayat tayong pagsikapan pa ito.

Para mabigyan ng tamang priyoridad ang espirituwal na pag-aaral, kailangan nating gumawa ng ilang mahihirap na desisyon kung paano gagamitin ang ating oras. Pero hindi dapat sadyain na hindi unahin ang espirituwal na pag-aaral bilang huwaran ng ating buhay. (“Education for Real Life,” Ensign, Okt. 2002, 17, 18)

Ibinahagi ni Pangulong Gordon B. Hinckley (1910–2008):

Sa lahat ng inyong pag-aaral, matuto sa kanya. Sa lahat ng inyong pag-aaral, kailangan ninyong hangarin ang kaalaman ng Panginoon. Daragdagan ng kaalamang iyan ang inyong sekular na pag-aaral sa napakagandang paraan at bibigyan kayo ng katangian at kaganapan sa buhay na hindi matatamo sa ibang paraan (sa Conference Report, Okt. 1964, 118).

Paano kung tila mahirap ang pagdedesisyon para sa aking kinabukasan?

Itinuro nina Pangulong Dallin H. Oaks ng Unang Panguluhan at Kristen M. Oaks:

Alam natin na wala nang ibang mas nakalilito kaysa di pagkaalam kung ano ang gagawin sa kinabukasan [ninyo], ngunit walang higit na kapaki-pakinabang kaysa pagtuklas sa sarili [ninyong] mga kakayahan. Basahin ang inyong patriarchal blessing, isipin ang likas ninyong mga potensyal at talento, at humayo. Gawin ang unang hakbang, at darating ang mga oportunidad. (“Pagkatuto at mga Banal sa mga Huling Araw,” Ensign, Apr. 2009, 25)

Ibinahagi ni Elder Neal A. Maxwell (1926–2004) ng Korum ng Labindalawang Apostol:

Maraming kabataan ang nag-iisip kung dapat ba silang pumasok sa unibersidad, kolehiyo, o bokasyonal na paaralan. Kayo ang pipili. Ang pagpiling gagawin ay karaniwang nakasalalay sa kagustuhan, at hindi sa alituntunin. Samakatuwid, bago pumili, matalinong gumawa ng imbentaryo ng mga sarili ninyong interes, inyong mga kasanayan, at inyong mga kalagayan. Suriin ang inyong mga sariling damdamin at kagustuhan. Pagkatapos ay magpatuloy at magsikap sa pagtatamo ng uri ng edukasyon at training na pinakamainam na sumasalamin sa inyong mga interes at kakayahan. Tandaan, ang anumang gawaing marangal ay marangal. (“Seek Learning, Even by Study and Also by Faith,” videocassette noong 1994).

Mga Karagdagang Aktibidad sa Pag-aaral

Ano ang mga deadline sa pag-apply sa mga paaralan ng Simbahan?

Upang tulungan ang mga estudyante na malaman kung kailan sila maaaring mag-apply sa mga paaralan ng Simbahan, gamitin ang mga sumusunod na link para makuha ang pinakabagong impormasyon.

BYU Pathway: https://www.byupathway.edu/academic-calendar

BYU: https://enrollment.byu.edu/admissions/when-should-i-apply

BYU–Hawaii: https://ai1.ivy-cdn.com/storage/assets/Ve6D4xkngR0YrMOv2zPW8wdbZEKB2QOo.png

BYU–Idaho: https://www.byui.edu/admissions/application-deadlines

Ensign College: https://www.ensign.edu/admissions-dates-deadlines

Ang institute ay para sa lahat

Kung makikinabang ang mga estudyante sa karagdagang impormasyon tungkol sa institute, maaari mong ipanood ang isa o higit pa sa mga video mula sa “I Love Institute” media page. Sa mga video na ito, pinatototohanan ng mga young adult mula sa iba‘t ibang panig ng mundo ang kahalagahan ng institute.

Isang alternatibong paraan upang simulan ang klase

Maaari mong simulan ang klase sa pamamagitan ng pagbabahagi ng sumusunod na impormasyon: Ayon sa World Health Organization, ang average na haba ng buhay sa buong mundo ay humigit-kumulang 73 taon. (website ng World Health Organization).

Maaari mong ibahagi sa mga estudyante na kung ang isang tao ay 16 na taong gulang at nabuhay hanggang sa edad na 73, may natitira siyang humigit-kumulang 78 porsiyento ng kanyang buhay.

Sa inyong palagay, bakit mahalagang malaman sa high school na napakalaki pa ring bahagi ng buhay ang natitira?

Tulungan ang mga estudyante na maunawaan na ang kanilang mga pamumuhunan sa edukasyon pagkatapos ng sekondarya ay maaaring makaapekto sa maraming taon ng kanilang buhay sa hinaharap. Kung naituro mo na ang Lesson 188, “Ang Kahalagahan ng Edukasyon,” anyayahan ang mga estudyante na ibahagi ang naaalala nila kung bakit mahalaga ang edukasyon.