Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Ang Kahalagahan ng Edukasyon: Temporal at Espirituwal na Pagpapala ng Edukasyon

“Ang Kahalagahan ng Edukasyon: Temporal at Espirituwal na Pagpapala ng Edukasyon,” Manwal ng Titser ng Seminary para sa Lumang Tipan (2026)

“Ang Kahalagahan ng Edukasyon: Temporal at Espirituwal na Pagpapala ng Edukasyon,” Manwal ng Titser ng Seminary para sa Lumang Tipan

Paghahanda para sa Edukasyon at Trabaho sa Hinaharap: Lesson 188

Ang Kahalagahan ng Edukasyon

Temporal at Espirituwal na Pagpapala ng Edukasyon

Bagama’t napakahirap magtamo ng edukasyon, ang sakripisyo at pagsisikap ay sulit. Hindi lamang pagpapalain ng edukasyon ang ating buhay at ng mga nasa paligid natin, inihahanda rin tayo nito na maging mas mabuting kasangkapan sa pagsasakatuparan ng gawain ng Panginoon. Ang lesson na ito ay makakatulong sa mga estudyante na maunawaan ang kahalagahan ng edukasyon sa kapwa temporal at espirituwal na aspekto.

Paghahanda ng estudyante: Anyayahan ang mga estudyante na pagnilayan ang isang bagay na gusto nilang matutuhan at kung paano sila nagkaroon ng ganoong interes. Maaari din nilang pagnilayan kung paano naging mahalaga sa kanila ang pag-aaral tungkol sa interes na ito.

Mga Posibleng Aktibidad sa Pag-aaral

Kalayaan o limitasyon

Maaari kang magdrowing sa pisara ng dalawang imbudo, tulad ng ipinapakita sa ibaba. Maaaring idrowing din ng mga estudyante sa kanilang study journal ang mga imbudong ito. Maaari ka ring magdala ng imbudo sa klase o gumawa ng simpleng imbudo mula sa papel.

Anyayahan ang mga estudyante na ituro ang isang dulo ng imbudo na mukhang mas makitid at ang kabilang dulo na mukhang mas bukas o malaya. Pagkatapos ay isulat ang Pagtatamo ng Edukasyon sa itaas ng unang larawan.

Isipin na kunwari ay kumakatawan ang makitid na bahagi ng imbudong ito sa pagtatamo ng edukasyon.

Sa anong mga paraan tila nagdudulot ng restriksyon o limitasyon sa una ang pagtatamo ng edukasyon sa ilang tao?
Ano ang maaaring inilalarawan ng mas malawak na ibabang bahagi ng imbudo? Bakit?

Maaaring ipaliwanag ng mga estudyante na bagama’t ang pagtatamo ng edukasyon ay nangangailangan ng maraming pagsisikap, disiplina, at sakripisyo, maaari itong humantong sa mga pagpapala mula sa Panginoon, kabilang ang dagdag na kalayaan, oportunidad, at paglago.

Isulat ang Pinipiling Hindi Magtamo ng Edukasyon sa itaas ng pangalawang larawan.

Ngayon, isipin na kumakatawan kunwari ang mas malawak na bahagi ng imbudong ito sa pinipiling hindi magtamo ng edukasyon.

Ano ang maaaring katawanin ng mas makitid na bahagi ng imbudo? Bakit?

Maaaring ipaliwanag ng mga estudyante na ang pagpiling hindi magsikap na magtamo ng edukasyon ay maaaring tila nakapagpapalaya sa simula, pero maaari itong humantong sa kalayaan, oportunidad, at paglago na may restriksyon o limitasyon.

Pagnilayan ang mga sumusunod na tanong:

Gaano kahalaga ang edukasyon para sa inyo? Bakit?
Paano maaaring makaapekto sa inyo at sa mga taong nasa paligid ninyo ang piliing magtamo o hindi magtamo ng edukasyon?

Matutulungan kayo ng Espiritu Santo na makilala ang mga mensaheng para lamang sa inyo. Habang may natututuhan kayo tungkol sa edukasyon, pagtuunan ang mga impresyon na maaaring makatulong sa inyong mga mithiin sa edukasyon at buhay.

Matuto palagi

Ipakita ang mga sumusunod na pahayag. Maaari mong ipamahagi ang gabay na Para sa Lakas ng mga Kabataan sa bawat estudyante, o anyayahan silang hanapin ito sa Gospel Library app.

Maaari mong anyayahan ang mga estudyante na pag-aralan ng bawat isa ang mga pahayag pagkatapos ay talakayin ang mga kasunod na tanong sa maliliit na grupo.

Basahin ang mga sumusunod na pahayag, at alamin kung ano ang natututuhan ninyo tungkol sa pagkatuto at edukasyon.

Itinuro ni Pangulong Russell M. Nelson:

Inaasahan ng ating Tagapaglikha na magtatamo ng edukasyon ang Kanyang mga anak sa buong mundo bilang isang personal na pagsisikap. (“Education—A Religious Responsibility” [Debosyonal sa Brigham Young University–Idaho, Ene. 26, 2010], byui.edu)

Ipinapaliwanag sa Para sa Lakas ng mga Kabataan: Isang Gabay sa Pagpili:

Nais ng Ama sa Langit na laging natututo ang Kanyang mga anak na babae at lalaki. Mayroon kayo ng kapwa temporal at espirituwal na mga dahilan para hangarin at gustuhing matuto. Ang edukasyon ay hindi lamang tungkol sa pagkita ng pera. Bahagi ng inyong walang-hanggang mithiin ang maging higit na katulad ng Ama sa Langit. …

Matuto palagi. Humanap ng mga pagkakataong palawakin ang inyong isipan at mga kasanayan. Maaaring kabilang sa mga pagkakataong ito ang pormal na edukasyon sa paaralan o vocational training pati na rin ang di-pormal na pagkatuto mula sa sources na pinagkakatiwalaan ninyo. Isali ang Panginoon sa inyong mga pagsisikap, at gagabayan Niya kayo. Habang nalalaman ninyo ang tungkol sa mundo sa inyong paligid, alamin din ang tungkol sa Tagapagligtas, na lumikha ng mundo. Pag-aralan ang Kanyang buhay at mga turo. Gawing bahagi ng inyong habambuhay na pagkatuto ang seminary, institute, at personal na pag-aaral ng ebanghelyo. …

Ang edukasyon ay nagdaragdag sa kakayahan ninyong maglingkod sa Panginoon. Tinutulutan kayo nitong pagpalain ang iba, lalo na ang inyong pamilya. Habang lalo kayong natututo, lalo kayong makakatulong na itayo ang kaharian ng Diyos at impluwensyahan ang mundo sa kabutihan. (Para sa Lakas ng mga Kabataan: Isang Gabay sa Pagpili [2022], 31–32)

Aling mga parirala mula sa mga pahayag na ito ang pinakamakabuluhan sa inyo? Bakit?
Anong mga walang-hanggang katotohanan ang matututuhan natin sa mga pahayag na ito?
Itala ang mga katotohanang ibinabahagi ng mga estudyante sa tabi ng unang imbudo sa pisara. Maaaring gayon din ang gawin ng mga estudyante sa kanilang drowing. Maaari silang magbahagi ng mga katotohanan tulad ng mga sumusunod:
- Ang edukasyon ay bahagi ng ating walang-hanggang mithiin na maging higit na katulad ng Ama sa Langit.
- Nais ng Ama sa Langit na laging natututo ang Kanyang mga anak na babae at lalaki.
- Nadaragdagan ng edukasyon ang ating kakayahang maglingkod sa Panginoon at pagpalain ang iba.
Bakit mahalagang bahagi ng plano ng Ama sa Langit ang pagkatuto at edukasyon?
Paano makatutulong ang mga katotohanang ito sa isang tao na ang tingin sa edukasyon ay nagdudulot ng restriksyon at limitasyon?

Kahalagahan ng edukasyon

Ang pagkatuto at edukasyon noon pa man ay mahahalagang bahagi ng pag-unlad ng mga anak ng Ama sa Langit. Halimbawa, parehong itinuro nina Adan at Eva sa kanilang mga anak ang espirituwal at sekular na bagay (tingnan sa Moises 5:10–12; 6:5–6), at sa gayon ay tinulungan silang maging higit na katulad ng Ama sa Langit.

Anong mga pagpapala mula sa Panginoon ang nakita ninyo sa inyong buhay o sa buhay ng iba dahil sa pagkatuto at edukasyon?
Anong mga karanasan ninyo ang tumulong sa inyo na makitang mahalaga sa Ama sa Langit ang inyong edukasyon?

Pangwakas

Isipin na kunwari ay mayroon kayong isang kaibigan na ayaw mag-aral at isinasaalang-alang ang mga opsyon na hindi mangangailangan ng karagdagang edukasyon pagkatapos ng high school. Isulat kung ano ang ibabahagi ninyo sa inyong kaibigan gamit ang natutuhan ninyo ngayon. Ang sumusunod ay mga halimbawa ng maaari ninyong isama:

Ang temporal at espirituwal na pagpapalang maibibigay sa atin ng Ama sa Langit at ni Jesucristo sa pagtatamo ng edukasyon.
Mga banal na kasulatan, sipi, o mga personal na saloobin o karanasan na makabuluhan sa inyo.

Anyayahan ang ilang estudyante na magbahagi sa klase. Maaaring magpatotoo tungkol sa kung paano maaaring maging dakilang pagpapala ang edukasyon sa ating buhay—lalo na sa pagtulong sa atin na maging higit na katulad ng Ama sa Langit at ni Jesucristo.

Karagdagang Resources

Bakit mahalagang magtamo ng edukasyon?

Itinuro ni Pangulong Gordon B. Hinckley (1910–2008):

Kailangan ninyong pag-aralan ang lahat ng kaya ninyong pag-aralan. Naging magulo at pagalingan na sa buhay na ito. Hindi ninyo masasabi na may mga karapatan o pribilehiyo kayo. Aasahan kayong magsikap nang husto at magpakatalino upang matamo ang pinakamagandang kinabukasang kaya ninyo. Isakripisyo ang sasakyan; isakripisyo ang anumang bagay na kailangang isakripisyo upang maging marapat ang inyong sarili sa gawain sa mundo. Babayaran kayo ng daigdig sa halagang inaakala nitong katumbas ninyo, at madaragdagan ang inyong halaga sa pagtatamo ninyo ng edukasyon at kasanayan sa inyong napiling larangan. (“Words of the Prophet: Seek Learning,” New Era, Set. 2007, 3–4)

Ipinaliwanag nina Pangulong Dallin H. Oaks at Sister Kristen M. Oaks:

Kapag mas marami tayong alam sa mga batas ng langit at lupa, mas maiimpluwensyahan natin sa kabutihan ang mga tao sa ating paligid at mas maliligtas tayo sa bulgar [nakakasama ng loob] at masasamang impluwensyang maaaring lumito at sumira sa atin. (“Pagkatuto at mga Banal sa mga Huling Araw,” Liahona, Abr. 2009, 22–23)

Paano kung wala akong makukuhang pormal na edukasyon?

Sinabi ni Pangulong Dieter F. Uchtdorf, na noon ay kabilang sa Unang Panguluhan:

18:45

Kung hindi posibleng makapag-aral [pormal na edukasyon], huwag ninyong hayaang maging hadlang iyan sa pagkakaroon ng lahat ng kaalamang matatamo ninyo. Sa mga ganitong kalagayan, ang pinakamahuhusay na aklat, kung iisipin, ay maaari ninyong maging “unibersidad”—isang silid-aralan na laging bukas at tinatanggap ang sinumang gustong mag-aral. Sikaping maragdagan ang inyong kaalaman tungkol sa lahat ng “marangal, kaaya-aya, o magandang balita, o maipagkakapuri.” Maghangad ng kaalaman “sa pamamagitan ng pag-aaral at gayon din sa pamamagitan ng pananampalataya.” (“Dalawang Alituntunin para sa Alinmang Pamumuhay,” Liahona, Nob. 2009, 58) (time code na 15:28 hanggang 16:05)

Mga Karagdagang Aktibidad sa Pag-aaral

Alternatibong simulain

Maaaring simulan ang klase sa pamamagitan ng pagpapakita ng larawan ng isang bukas na pinto.

Pagkatapos ay ipakita ang sumusunod na sipi, at iwanang blangko ang unang salita. Anyayahan ang mga estudyante na hulaan kung ano ang salitang nawawala. Habang nagbabahagi sila ng mga posibleng sagot, maaari nilang ipaliwanag kung bakit nila pinili ang salitang pinili nila.

Itinuro ni Pangulong Gordon B. Hinckley (1910–2008) ang sumusunod:

ang susi na magbubukas sa pintuan ng mga oportunidad para sa inyo. Sulit itong pagsakripisyuhan. (“Inspirational Thoughts,” Ensign, Hunyo 1999, 4)

Pagkatapos ng sapat na oras, isulat ang Edukasyon sa patlang. Anyayahan ang mga estudyante na ibahagi kung paano maaaring maging totoo ang pahayag. Kung hindi ito sasabihin ng mga estudyante, maaari mong ipaliwanag na ang isang dahilan kung bakit nabubuksan ng edukasyon ang mga pintuan ng oportunidad para sa atin ay dahil tinutulungan tayo nitong matuto at umunlad, at sa gayon ay nagiging mas katulad ng Ama sa Langit at ni Jesucristo (tingnan sa Doktrina at mga Tipan 93:36).

Pagkatapos ay magpakita ng larawan ng nakasarang pinto.

Anyayahan ang mga estudyante na magbahagi ng mga dahilan kung bakit maaaring piliin ng ilang tao na hindi maghangad ng pagkatuto at edukasyon. Maaari mong anyayahan ang mga estudyante na pagnilayan ang kanilang mga personal na pananaw sa edukasyon.

Edukasyon ang susi sa oportunidad

Para sa isa pang opsyon sa aktibidad sa bahaging “Kahalagahan ng edukasyon,” maaari mong ipanood ang video na “Education Is the Key to Opportunity” (1:38). Sa video na ito, pinag-uusapan nina Thomas S. Monson at Gordon B. Hinckley ang kahalagahan ng edukasyon. Maaari mong anyayahan ang mga estudyante na sumangguni sa imbudo sa pisara, at maghanap ng mga paraan kung paano nagbubukas ng pinto ang edukasyon para sa karagdagang oportunidad at mga pagpapala.

1:38