Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Paghahanap ng Mentor: Naglalagay ang Panginoon ng mga Huwaran sa Ating Landas

“Paghahanap ng Mentor: Naglalagay ang Panginoon ng mga Huwaran sa Ating Landas,” Manwal ng Titser ng Seminary para sa Lumang Tipan (2026)

“Paghahanap ng Mentor: Naglalagay ang Panginoon ng mga Huwaran sa Ating Landas,” Manwal ng Titser ng Seminary para sa Lumang Tipan

Paghahanda para sa Edukasyon at Trabaho sa Hinaharap: Lesson 191

Paghahanap ng Mentor

Naglalagay ang Panginoon ng mga Huwaran sa Ating Landas

A series of images showing mentors talking to individuals, groups of people talking together, training on the computer, working on a forklift in the warehouse, working in D.I., working on a computer and answering phones and graduating from college.

Kapag pinagninilayan ninyo ang inyong buhay, paano kayo natulungan ng mga mapagkakatiwalaang mentor? Mula kina Moises at Josue hanggang kina Eli at Samuel, ang mga kuwento mula sa mga banal na kasulatan ay naglalarawan sa kahalagahan ng ugnayan sa mentor. Itinuturo sa atin ng mga kuwentong ito ang ating mga perpektong mentor, ang Ama sa Langit at si Jesucristo. Ang lesson na ito ay makatutulong sa mga estudyante na gumawa ng plano upang matukoy at makaugnayan ang mga potensyal na mentor sa edukasyon at propesyon.

Paghahanda ng estudyante: Anyayahan ang mga estudyante na mag-isip ng mithiin sa edukasyon at propesyon sa kasalukuyan at hinaharap. Sabihin sa mga estudyante na gumawa ng listahan ng ilang pinagkakatiwalaang adult na maaaring magsilbing huwaran o mentor para tulungan silang makamit ang mga mithiing ito at dalhin ang kanilang listahan sa klase.

Mga Posibleng Aktibidad sa Pag-aaral

Sino ang gugustuhin ninyong sundin?

A young man walking with a walking stick on a trail.

Maaaring simulan ang lesson sa pamamagitan ng pag-anyaya sa mga estudyante na isipin na kunwari ay bahagi sila ng isang grupo ng magkakaibigan na magsisimulang maglakbay sa isang masukal na kagubatan. Sinabihan ang grupo na ang paglalakbay ay magiging mahirap, ngunit ang destinasyon ay magiging kamangha-mangha at sulit sa pagsisikap. Inanyayahan ang grupo na pumili ng isang taong gagabay sa kanila.

Ano ang ilan sa mga kwalipikasyong gusto ninyo sa inyong gabay? Bakit?
Paano kayo tutugon kung iminungkahi ng isang miyembro ng grupo na hindi ninyo kailangan ng gabay?

Anyayahan ang mga estudyante na isipin kung paano maiaangkop ang sitwasyong ito sa kanilang mga plano sa edukasyon at propesyon. Maaari mong banggitin na magtutuon ang lesson na ito sa pagtukoy at pakikipag-ugnayan sa mga mentor.

Paalala: Maaaring mayroon kang mga estudyante na hindi nakikita ang pangangailangan ng isang mentor. Maaari kang maghanap ng mga pagkakataon para tulungan silang maunawaan ang kahalagahan ng mga mentor at lugar kung saan sila maaaring makatanggap ng tulong ngayon. Tulungan ang mga estudyante na makilala na, gaya ng isang gabay, ang isang mentor ay maaaring maghatid ng karanasan at kabatirang makatutulong sa atin sa pagpapasiya sa edukasyon at propesyon.

Pag-aralan ang mga pahayag na ito at alamin kung paano kayo magagabayan ng Panginoon sa pamamagitan ng payo ng mga mentor.

Sinabi ni Brother Milton Camargo, na noon ay Unang Tagapayo pa sa Sunday School General Presidency:

Sa isang punto sa iyong paglalakbay [sa] pag-aaral … maaaring mabigla kayo sa napakaraming bagay na dapat gawin. Mangyaring tandaan na hindi kayo nag-iisa sa panahon ng inyong mga hamon. Binigyan kayo ng Panginoon ng maraming tao na maaaring sumuporta sa inyo—mga kapamilya; lider ng Simbahan; kaibigan; maging ang inyong mga instructor, mentor, o tutor. At, siyempre, ang Panginoon mismo ay palaging handa kayong aliwin at palakasin. (“Persevere with the Lord’s Help” [Debosyonal sa BYU–Pathway Worldwide, Mar. 1, 2022], 2, byupathway.edu)

Itinuro ni Elder Ronald A. Rasband ng Korum ng Labindalawang Apostol:

[Ang mga tagapagturo] ay naunang naglakbay sa atin, at alam nila ang daan. … Ang isang mas bihasa at pinagkakatiwalaang tao ay nagiging isang epektibong gabay at tagapayo ng isang hindi pa gaanong bihasa. Tinutulungan niyang mahubog ang pang-unawa ng taong iyon at tinuturuan ng mga alituntunin upang siya ay maging mas epektibo, mas malakas, mas matalino, at mas kapaki-pakinabang na tagapaglingkod ng Diyos” (“Thy Friends Do Stand by Thee” [Debosyonal sa Brigham Young University, Mar. 7, 2010], 3, speeches.byu.edu).

Ano ang tumatak sa isipan ninyo mula sa payong ito?

Matapos sumagot ang mga estudyante, isulat sa pisara ang sumusunod na katotohanan: Magagabayan tayo ng Panginoon sa pamamagitan ng mga mapagkakatiwalaang mentor.

Anyayahan ang mga estudyante na pagnilayan ang sumusunod:
Kailan kayo o ang isang kakilala ninyo nakatanggap ng tulong mula sa isang mentor?
Ano ang ilang bahagi ng inyong pagpaplano sa edukasyon o propesyon na maaaring makinabang sa paggabay sa inyo ng Panginoon sa pamamagitan ng payo ng isang mentor?

Maaari kayong magbahagi ng halimbawa ng isang taong nagsisilbing mentor sa inyo. Maaari ninyong ibahagi ang inyong karanasan sa pakikipagtulungan sa taong iyon at kung paano nila kayo natulungang makita ang patnubay ng Tagapagligtas sa inyong buhay.

Sa pag-aaral ninyo ngayon, anyayahan ang Espiritu Santo na tulungan kayong matukoy ang mga mapagkakatiwalaang mentor sa inyong buhay na makatutulong sa inyo na hangarin ang patnubay ng Panginoon habang nagpapasiya kayo tungkol sa plano sa edukasyon at propesyon.

Mga halimbawa ng mentoring sa banal na kasulatan

Maaaring makatulong na ibahagi na isa sa mga titulo na ibinigay sa Ama sa Langit ay “Taong Tagapayo,” (tingnan sa Moises 7:35). Maaari mong ipabasa sa mga estudyante ang Juan 5:19–20 at Juan 8:26–28, at alamin kung paano nag-mentor ang Ama sa Langit sa Kanyang Anak na si Jesucristo. Maaari mong itanong ang tulad ng:

Sa tulong nito, ano ang mauunawaan natin tungkol sa pangangailangan ng mentor ng Tagapagligtas?

Maaaring banggitin ng mga estudyante na natuto si Jesus mula sa halimbawa ng Kanyang Ama at humingi Siya ng payo at patnubay ng Kanyang Ama.

Pagkatapos magbahagi ng mga estudyante, maaari mong ibigay ang mga sumusunod na halimbawa sa banal na kasulatan ng paggabay ng Panginoon sa Kanyang mga tao sa pamamagitan ng mga inspiradong mentor. Maaaring gumawa ang mga estudyante nang may kapartner at pumili ng isang salaysay na pag-aaralan at sagutin ang mga kasunod na tanong.

Moises at Josue: Deuteronomio 3:21–22 (si Moises na ginagabayan si Josue), 28 (ang mga tagubilin ng Panginoon kay Moises)

Si Debora na babaeng propeta at si Barak, ang kanyang komandante ng militar: Mga Hukom 4:4–10, 14; Mga Hukom 5:1–3 (pagdiriwang ng tagumpay ng Israel)

Ang mataas na saserdoteng si Eli at ang batang propetang si Samuel: 1 Samuel 3:1–10

Paano ibinigay ng Panginoon ang Kanyang patnubay sa pamamagitan ng mentor na ito?
Paano makatutulong ang salaysay na ito sa isang taong nag-aalangang humingi ng tulong sa isang mentor?

Gagabayan tayo ng Panginoon sa pamamagitan ng mga pinagkakatiwalaang mentor

Pagkatapos ng sapat na oras, anyayahan ang ilang estudyante na ibahagi ang tinalakay nila sa grupo. Maaari mong anyayahan ang mga handang estudyante na ibahagi ang kanilang plano sa klase.

Maaaring makatulong na ipaliwanag na ang mga magulang, titser, tagapayo sa paaralan, at iba pa ay makatutulong sa mga estudyante na tumukoy ng naaangkop na mentor. Ang ilang branch, ward, at stake ay maaaring may mga espesyalista sa edukasyon at propesyon. Maaari mong tiyakin sa mga estudyante na naglalagay ang Panginoon ng maraming pinagkakatiwalaang tao sa ating landas na maaaring maglingkod bilang mga mentor. Ang ilang mga tao ay panandaliang mentor at nakatutugon sa mga partikular na pangangailangan na mayroon tayo. Ang ibang mentor ay maaari nating makasama nang mas matagal.

Anyayahan ang mga estudyante na humingi ng tulong sa Ama sa Langit sa paghahanap at pakikipag-ugnayan sa mga mentor na makatutulong sa kanila. Magpatotoo na ibibigay Niya sa kanila ang tulong na kailangan nila.

Karagdagang Resources

Anong mga katangian ang dapat kong hanapin sa isang mentor?

Sa pagninilay tungkol sa isang lalaking nagsilbing mentor niya, sinabi ni Pangulong Henry B. Eyring:

Iisa-isahin ko kung ano ang dapat hanapin sa pagtukoy ng isang mahusay na potensyal na mentor …

Una, at tiyak na pinakamahalaga, siya ay may pang-unawa tungkol sa mundong sinusubukan kong lakbayin. … Hindi lang niya alam ang mga katotohanan tungkol dito; mayroon siyang mapa, at detalyado ito. At alam ko na ngayon kung anong uri ng mapa ang pinakamahalaga—ito ang mapang magpapakita sa iyo kung saan matatagpuan ang halaga sa hinaharap. Hindi lang niya alam ang teorya ng pagpapasiya at teorya ng organisasyon; naiintindihan niya kung saan hahantong ang kumbinasyon at kung ano ang magkakaroon ng pinakamalaking halaga sa mga taong gumagamit ng kumbinasyong iyon sa pagsulong namin. May kapasidad siyang sabihing “Ang kontribusyong ito o ang kontribusyong iyon ay makagagawa ng pinakamalaking pagkakaiba.” (“To Choose and Keep a Mentor,” [BYU University Conference, Ago. 26, 1993], 3, speeches.byu.edu).

Sinabi ni Elder Robert D. Hales (1932–2017) ng Korum ng Labindalawang Apostol:

Noong binata pa ako, humingi ako ng payo sa aking mga magulang at sa tapat at mapagkakatiwalaang mga tagapayo. Ang isa ay lider ng priesthood; ang isa naman ay gurong naniniwala sa akin. … Mapanalanging piliin ang mga tagapagturo [mentor] na iniisip ang inyong espirituwal na kapakanan. (“Pagtugon sa mga Hamon ng Mundo Ngayon,” Liahona, Nob. 2015, 46)

Paano ako makikinabang sa paghahanap ng mentor?

Itinuro ni Sister Susan L. Gong:

5:29

Itinuro ni Pangulong Nelson, “Edukasyon ang kaibahan sa pagitan ng pagnanais na matulungan ninyo ang ibang mga tao at ng magawang tulungan sila.”

Ang mabubuti at mahahalagang bagay na natututuhan ninyo ngayon ay huhubog at magpapala sa inyong buong buhay.

Ito ang panahon para maghanap ng matatalino at matwid na mga guro—mga magulang o lolo’t lola, guro, kaibigan, lider ng Simbahan, at, higit sa lahat, si Jesucristo—upang tulungan tayong magkaroon ng makabuluhang buhay. Lumikha ng makabuluhang ugnayan sa mga taong makatutulong sa inyo na matuto at lumago. (“Mga Dahilan para Umasa,” [pandaigdigang debosyonal para sa mga young adult sa S&I, Ene. 10, 2021], Gospel Library)

Mga Karagdagang Aktibidad sa Pag-aaral

Hingin ang payo ng matatalino at may karanasan

Habang tinitingnan ng mga estudyante ang mga halimbawa ng mentoring sa mga banal na kasulatan, maaaring makatulong kung makikita nila ang mga kahihinatnan ng hindi pagsunod sa payo ng mga taong mas may karanasan. Para magawa ito, maaari mong ibahagi ang kuwento ni Haring Rehoboam na sumunod sa kanyang ama na si Haring Solomon, bilang pinuno ng Israel.

Ipabasa sa mga estudyante ang 1 Mga Hari 12:1–4, at alamin ang problemang ipinahayag ni Jeroboam, na mula sa sambahayan ni Ephraim, para sa mga Israelita.

Pagkatapos ay maaaring basahin ng mga estudyante ang 1 Mga Hari 12:6–11. Pagpartner-partnerin ang mga estudyante. Maaaring hanapin ng isang kapartner ang payong ibinigay kay Haring Rehoboam ng “matandang lalaki” na naglingkod kay Haring Solomon. Maaaring hanapin ng isa pang kapartner ang sinabi ng mga batang kaibigan ni Rehoboam na gawin niya. Maaari kang magtanong sa mga estudyante ng tanong sa talakayan tulad ng:

Bakit maaaring makatukso na sundin ang payo ng mga kaibigang walang karanasan?

Maaaring basahin ng mga estudyante ang 1 Mga Hari 12:12–16, at alamin ang mga bunga ng pagsunod ni Rehoboam sa payo ng kanyang mga kaibigan (sampung lipi ang naghimagsik laban kay Rehoboam at ito ay naging Hilagang Kaharian ng Israel).

Tulungan ang mga estudyante na maunawaan ang kahalagahan ng pagkilala sa patnubay ng Panginoon sa pamamagitan ng karunungan ng magagaling na mentor. Ang kanilang karanasan ay makatutulong sa atin na gumawa ng mas mabubuting desisyon at sundin ang Panginoon.

Paghahanap at pakikipag-usap sa isang mentor

Pagkatapos ng aktibidad sa handout, maaari mong pagpartner-partnerin ang mga estudyante. Hayaan silang magsanay na makipag-usap sa isa’t isa at sa kanilang kapartner, na gagampanan ang papel ng potensyal na mentor. Maaaring magsanay ang mga estudyante kung paano nila aanyayahan ang taong ito na maging mentor nila, gamit ang tatlo o mas marami pang mga tanong na isinulat nila. Ang estudyanteng gumaganap sa papel ng mentor ay maaaring magbigay ng feedback (ano ang naging maayos, ano ang kanilang babaguhin, anumang mungkahi). Pagkatapos ay maaaring magpalitan ng ginagampanang papel ang mga estudyante at hayaang magsanay ang kapartner.

Pagkatapos magkaroon ng pagkakataon ang bawat kapartner na magsanay at makatanggap ng feedback, maaari mong itanong kung ano ang naranasan ng mga estudyante na maaaring maging mahirap o nakakailang sa pagtukoy at pakikipag-ugnayan sa isang mentor at mag-alok ng mga mungkahi sa isa’t isa kung paano madaig ang mga hamong ito.

Kung makikinabang ang mga estudyante sa karagdagang patnubay para matulungan silang magplano na makipagkita sa isang mentor, maaari mong ibigay ang sumusunod na resource: “Meet with Your Mentor.” Maaaring kumpletuhin ng mga estudyante ang digital worksheet at pagkatapos ay magbahagi ng mga ideya sa kanilang mga kaklase.

Maaaring makatulong sa mga estudyante na makita kung paano nakikinabang ang mga estudyante sa BYU mula sa mga ugnayan ng mentor sa kanilang edukasyon. Maaari mong ipanood ang video na “BYU First Year Mentoring | Experiences of Growth” (2:48).