Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Josue 2–4: Pagsampalataya kay Jesucristo

“Josue 2–4: Pagsampalataya kay Jesucristo,” Manwal ng Titser ng Seminary para sa Lumang Tipan (2026)

“Josue 2–4: Pagsampalataya kay Jesucristo,” Manwal ng Titser ng Seminary para sa Lumang Tipan

Josue 1–8; 23–24: Lesson 62

Josue 2–4

Pagsampalataya kay Jesucristo

Pagkatapos ng paglalakbay ng mga Israelita sa ilang, iniutos ng Panginoon kay Josue na akayin sila patungo sa lupang pangako. Upang makapasok sa lupang pangako, kailangan nilang manampalataya kay Jesucristo. Ipinakita ng mga anak ni Israel at ng isang babaeng nagngangalang Rahab ang kanilang pananampalataya kay Jesucristo. Ang lesson na ito ay makatutulong sa mga estudyante na maunawaan kung paano sila mananampalataya kay Jesucristo.

Paghahanda ng estudyante: Sabihin sa mga estudyante na maghanap ng banal na kasulatan na tumutulong sa kanila na maunawaan ang ibig sabihin ng pagkakaroon ng pananampalataya kay Jesucristo. Hilingin sa kanila na pumasok sa klase na handa itong ibahagi sa klase. Kung kinakailangan, maaari nilang hanapin ang “Pananampalataya” sa Gabay sa mga Banal na Kasulatan.

Mga Posibleng Aktibidad sa Pag-aaral

Pananampalataya kay Jesucristo

Maaari mong simulan ang klase sa pamamagitan ng pag-anyaya sa isang estudyante na mag-isip ng isang salitang kumakatawan sa kanyang mga libangan o interes—halimbawa, basketball o pagkanta. Sabihin sa mga estudyante na ilarawan ang kanilang salita nang hindi sinasabi ang mismong salita. Maaaring hulaan ng mga miyembro ng klase ang salita.

Pagkatapos ay isulat sa pisara ang pananampalataya, at anyayahan ang mga estudyante na ilarawan ang pananampalataya kay Jesucristo. Maaari nilang ibahagi ang natuklasan nila bilang bahagi ng kanilang paghahanda sa klase. Maaari mong ipaliwanag na nais ng Ama sa Langit na manampalataya tayo kay Jesucristo upang mailigtas at mapagpala Niya tayo (tingnan sa 2 Nephi 26:13; Eter 12:12, 18; Moroni 7:33).

Ipaalala sa mga estudyante na ang isa sa mga tungkulin ng Espiritu Santo ay gabayan tayo patungo sa katotohanan (tingnan sa Juan 16:13). Hikayatin ang mga estudyante na anyayahan ang Espiritu Santo na tulungan sila na mas maunawaan ang pananampalataya kay Jesucristo.

Paano makatutulong sa inyo ang pagpapalakas ng inyong pananampalataya kay Jesucristo sa kasalukuyan ninyong kalagayan?

Basahin ang itinuro ni Elder David A. Bednar ng Korum ng Labindalawang Apostol tungkol sa pananampalataya kay Jesucristo, o panoorin ang video na “Seek Learning by Faith” mula sa time code na 3:15 hanggang 4:33. Matatagpuan ang video sa ChurchofJesusChrist.org.

33:36

Binigyang-kahulugan ng Apostol na si Pablo ang pananampalataya bilang “ang katiyakan sa mga bagay na inaasahan, [at] ang paninindigan sa mga bagay na hindi nakikita” (Mga Hebreo 11:1). Inihayag ni Alma na ang pananampalataya ay hindi ganap na kaalaman, sa halip, kung mayroon tayong pananampalataya, tayo ay “umaasa … sa mga bagay na hindi nakikita, ngunit totoo” (Alma 32:21). Dagdag pa rito, natutuhan natin sa Lectures on Faith na ang pananampalataya ay … “ang alituntunin ng paggawa sa lahat ng matatalinong nilalang.”

Binibigyang-diin ng mga turo na ito ang tatlong pangunahing elemento ng pananampalataya: (1) pananampalataya bilang katiyakan ng mga bagay na inaasam na totoo, (2) pananampalataya bilang katibayan ng mga bagay na hindi nakikita, at (3) pananampalataya bilang alituntunin ng paggawa sa lahat ng matatalinong nilalalang. Inilalarawan ko ang tatlong sangkap na ito ng pananampalataya sa Tagapagligtas bilang sabay-sabay na pagharap sa bukas, paglingon sa nakaraan, at pagsisimula ng paggawa sa kasalukuyan. (“Seek Learning by Faith,” Ensign, Set. 2007, 61–62)

Maaaring makatulong sa mga estudyante ang larawang “Pagsampalataya kay Jesucristo” upang maunawaan ang pagbibigay-kahulugan ni Elder Bednar sa pananampalataya kay Jesucristo. Idrowing ang larawan sa pisara o idispley ito para makita ng mga estudyante sa buong lesson.

Ano ang ginawa noon ng Diyos na makatutulong sa inyo na sumampalataya sa Kanya?
Paano makatutulong ang pagkakaroon ng pag-asa sa mga ipinangakong pagpapala ng Diyos upang manampalataya kayo sa Kanya?
Paano ninyo ibubuod ang mga turo ni Elder Bednar tungkol sa pananampalataya kay Jesucristo?

Tulungan ang mga estudyante na matukoy ang isang katotohanan na tulad ng: Nananampalataya tayo kay Jesucristo habang hinaharap natin ang kinabukasan, nililingon ang nakaraan, at kumikilos sa kasalukuyan.

Mga halimbawa ng pananampalataya

Kung may mga tanong ang mga estudyante tungkol sa pagkalipol ng mga tao sa Jerico, maaari mong banggitin ang tanong na “Bakit nalipol ang mga Cananeo?” sa bahaging Karagdagang Resources ng Lesson 63: “Josue 23–24.”

Pagkatapos ng sapat na oras, anyayahan ang mga estudyante na ibahagi sa klase ang natutuhan nila tungkol sa pananampalataya kay Jesucristo. Maaaring hawakan ng mga estudyante ang pulang sinulid, mga sapatos, o bato habang nagbabahagi sila. Maaaring makatulong ang mga tanong na tulad ng mga sumusunod.

Ano ang natutuhan ninyo tungkol sa pagsampalataya kay Jesucristo? Paano makatutulong sa mga kabataan ang natutuhan ninyo ngayon?

Maaari mong anyayahan ang mga estudyante na ibahagi kung paano sila nanampalataya o kung paano nanampalataya ang isang kakilala nila kay Jesucristo sa pamamagitan ng pagharap sa kinabukasan, paggawa sa kasalukuyan, at paglingon sa nakaraan. Maaari ka ring magbahagi ng personal na karanasan tungkol sa pagsampalataya kay Jesucristo.

Karagdagang Resources

Paano ako mananampalataya kay Jesucristo?

Itinuro ni Elder David A. Bednar ng Korum ng Labindalawang Apostol:

33:36

Ang pananampalataya bilang katiyakan ng mga bagay na inasaam ay nakaayon sa hinaharap. …

Ang pananampalataya kay Cristo ay hindi maihihiwalay sa, at nagbubunga ng, pag-asa kay Cristo para sa ating pagkatubos at kadakilaan. At ang katiyakan at pag-asa ang nagiging daan para tahakin natin ang dulo ng liwanag at suungin ang kadiliman—umaasa at nagtitiwala na ang liwanag ay lilitaw at magbibigay ng tanglaw sa daraanan. Ang kumbinasyon ng katiyakan at pag-asa ang nagpapasimula ng paggawa sa kasalukuyan.

Ang pananampalataya bilang katibayan ng mga bagay na hindi nakikita ay lumilingon sa nakaraan at nagpapatunay sa ating pagtitiwala sa Diyos at pananalig sa katotohanan ng mga bagay na hindi nakikita. Sinuong natin ang kadiliman nang may katiyakan at pag-asa, at nakatanggap tayo ng katibayan at katunayan habang ang liwanag ay talagang lumilitaw at nagbibigay ng tanglaw na kinakailangan natin. Ang patunay na natatanggap natin pagkatapos subukin ang ating pananampalataya (tingnan sa Eter 12:6) ay katibayan na nagpapalaki at nagpapatibay ng ating katiyakan.

Naiimpluwensyahan ng katiyakan, paggawa, at katibayan ang bawat isa sa tuluy-tuloy na paraan. Ang helix na ito ay tulad ng isang likaw, at habang umiikot ito pataas ay lumalaki at lumalawak ito. Ang tatlong elementong ito ng pananampalataya—katiyakan, paggawa, at katibayan—ay hindi magkakahiwalay at magkakaiba; sa halip, magkakaugnay at tuluy-tuloy at umiikot nang pataas ang mga ito. At ang pananampalataya na siyang nagpapalakas sa tuluy-tuloy na prosesong ito ay lumalago, umuunlad, at nagbabago. Sa ating muling pagharap sa isang walang kasiguraduhang kinabukasan, ang katiyakan ay hahantong sa paggawa at magbibigay ito ng katibayan, na lalong magpapatibay sa katiyakan. Higit na tumitibay ang ating kumpiyansa, nang taludtod sa taludtod, tuntunin sa tuntunin, kaunti rito at kaunti roon. (“Seek Learning by Faith,” Ensign, Set. 2007, 62−63)

Paano ako mananampalataya sa pamamagitan ng paglingon sa nakaraan at pagtanaw sa kinabukasan?

Ipinaliwanag ni Pangulong Jeffrey R. Holland ng Korum ng Labindalawang Apostol:

Dapat matuto sa nakaraan at hindi na buhayin pa ito. Lumilingon tayo upang matuto mula sa magagandang karanasan at huwag nang buhayin pa ang mga nakaraan. At kapag natutuhan na natin kung ano ang dapat nating matutuhan at napulot na natin ang pinakamaganda sa ating naranasan, magpatuloy tayo at tandaan na ang pananampalataya ay laging nakaturo tungo sa hinaharap. Ang pananampalataya ay laging may kaugnayan sa mga pagpapala at katotohanan at pangyayari na magbubunga pa lamang sa ating buhay. (“Ang Pinakamainam ay Mangyayari Pa Lang,” Liahona, Ene. 2010, 24)

Ano ang magagawa ko upang mapalakas ang aking pananampalataya kay Jesucristo?

Paanyaya ni Pangulong Russell M. Nelson:

Ano ang gagawin ninyo kung kayo ay may mas higit na pananampalataya? Pag-isipan ninyo ito. Magsulat tungkol dito. Pagkatapos ay tumanggap ng higit pang pananampalataya sa pamamagitan ng paggawa ng isang bagay na nangangailangan ng higit na pananampalataya. …

Ang pananampalataya kay Jesucristo ang pinakadakilang kapangyarihang matatamo natin sa buhay na ito. Ang lahat ng bagay ay posible sa kanila na nananampalataya.

Ang inyong lumalaking pananampalataya sa Kanya ay makapagpapalipat ng mga bundok—hindi ng mga bundok ng bato na nagpapaganda sa mundo kundi ng mga bundok ng kapighatian sa inyong buhay. Ang inyong lumalagong pananampalataya ay tutulong sa inyo na magawang walang kapantay na pag-unlad at oportunidad ang mga pagsubok. (“Si Cristo ay Nagbangon; Ang Pananampalataya sa Kanya ay Makapagpapalipat ng mga Bundok,” Liahona, Mayo 2021, 103, 104)

Ipinahayag ni Pangulong Henry B. Eyring ng Unang Panguluhan:

Mga kapatid, kailangan ng pananampalataya para maging masunurin sa mga kautusan ng Panginoon. Kailangan ng pananampalataya kay Jesucristo upang mapaglingkuran ang iba para sa Kanya. Kailangan ng pananampalataya para humayo at ituro ang Kanyang ebanghelyo at ialok ito sa mga tao na maaaring hindi nadarama ang tinig ng Espiritu o maaaring itatwa pa ang katotohanan ng mensahe. Ngunit kapag nananampalataya tayo kay Cristo—at sumusunod sa Kanyang buhay na propeta—mag-iibayo ang pananampalataya sa buong mundo. (“Ang Pananampalatayang Humingi at Pagkatapos ay Kumilos,” Liahona, Nob. 2021, 75)

Mga Karagdagang Aktibidad sa Pag-aaral

Josue 3:5. “Magpakabanal kayo”

Maaaring makinabang ang iyong mga estudyante sa pag-aaral sa kung paano tayo matutulungan ng pagpapabanal ng ating sarili na manampalataya kay Jesucristo at makaranas ng mga himala. Basahin ang Josue 3:5. Pagkatapos ay maaari mong ipanood ang video na “Sanctify Yourselves” (4:37). Sabihin sa mga estudyante na alamin kung paano ginamit ng Panginoon ang isang bata at karapat-dapat na mayhawak ng Melchizedek Priesthood upang gumawa ng himala. Pagkatapos ay talakayin kung ano ang ibig sabihin ng pabanalin ang ating sarili at kung paano tayo niyon ginagawang karapat-dapat na maranasan ang mga himala ng Panginoon. Kung kinakailangan, tulungan ang mga estudyante na maunawaan na ang ibig sabihin ng magpakabanal ay maging banal o espirituwal na malinis.

4:38

Josue 3:6. “At kanilang binuhat ang kaban ng tipan, at nauna sa bayan”

Ang sumusunod ay makatutulong sa mga estudyante na umasa kay Jesucristo habang sumasampalataya sila sa Kanya at sumusulong. Ipabasa sa mga estudyante ang Josue 3:6–16, at alamin ang ginawa ng mga saserdote sa kaban ng tipan.

Ipaalala sa mga estudyante na ang kaban ng tipan ay maaaring sumagisag kay Jesucristo. Pagkatapos ay sabihin sa mga estudyante na tingnang muli ang mga talata, at isipin kung ano ang natutuhan nila tungkol kay Jesucristo. Talakayin ang mga paraan na maaari tayong sumulong at umasa sa mga himala kapag nananampalataya tayo na mangunguna sa atin si Jesucristo. Maaari mong i-cross reference ang mga talatang ito sa Josue 3 sa Isaias 52:12 at Doktrina at mga Tipan 84:88.

Josue 4. Mga alaala ng pananampalataya

Maaari mong tulungan ang mga estudyante na maghanap ng sarili nilang alaala o halimbawa ng pananampalataya. Matapos pag-aralan ang Josue 4, maaari mong anyayahan ang mga estudyante na isipin ang pamanang pananampalataya na iniwan ng kanilang pamilya o ng mga Banal sa mga Huling Araw sa inyong bansa. Maaaring kausapin ng mga estudyante (maaari ding kontakin sa oras ng klase) ang isang magulang o lolo o lola, o maaari nilang gamitin ang Family Tree app para maghanap ng mga alaala ng pamilya. Maaari ding mag-isip ang mga estudyante ng isang lugar kung saan sila nagkaroon ng mahalagang espirituwal na karanasan.

Maaari ding hanapin ng mga estudyante ang Mga Kasaysayan mula sa Iba’t Ibang Panig ng Mundo sa ChurchofJesusChrist.org upang maghanap ng mga salaysay tungkol sa matatapat na Banal sa mga Huling Araw sa inyong bansa.

Sabihin sa mga estudyante na ibahagi ang nahanap nila.

Eter 12:6. Dumarating ang patunay pagkatapos ng pagsubok sa pananampalataya

Upang matulungan ang mga estudyante na maiugnay sa Aklat ni Mormon ang kanilang pinag-aaralan, ipabasa sa kanila ang Eter 12:6. Talakayin kung bakit kadalasang dumarating ang patunay pagkatapos ng pagsubok sa pananampalataya. Sabihin sa mga estudyante na ibahagi kung paano ito naging totoo sa buhay ni Rahab (tingnan sa Josue 2; Josue 6:25) at sa mga Israelitang tumawid sa Ilog Jordan (tingnan sa Josue 3). Sabihin sa mga estudyante na magbahagi ng mga karanasan kung saan nakatanggap sila ng patunay matapos ang pagsubok sa kanilang pananampalataya.