Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mitantana amim-pahendrena ny vola: Mampiasa ireo fitsipiky ny Tompo mba handraisana fanapahan-kevitra ara-bola

“Mitantana amim-pahendrena ny vola: Mampiasa ireo fitsipiky ny Tompo mba handraisana fanapahan-kevitra ara-bola”, Testamenta Taloha: Boky torolalana ho an’ny mpampianatra seminera (2026)

“Mitantana amim-pahendrena ny vola: Mampiasa ireo fitsipiky ny Tompo mba handraisana fanapahan-kevitra ara-bola”, Testamenta Taloha: Boky torolalana ho an’ny mpampianatra seminera

Manorina fizakan-tena: Lesona 179

Mitantana amim-pahendrena ny vola

Mampiasa ireo fitsipiky ny Tompo mba handraisana fanapahan-kevitra ara-bola

Nampianatra ny Loholona Ronald A. Rasband ao amin’ny Kôlejin’ny Apôstôly Roambinifolo hoe: “Ny Tompo dia mijery ireo antsipirian-javatra bitika eo amin’ny fiainantsika” (“Amin’ny alalan’ny drafitra masina,” Liahona, nôv. 2017, 56). Tafiditra ao anatin’izany ireo fanapahan-kevintsika ara-bola. Ny fianarana mampandray anjara ny Tompo amin’ny fanapahan-kevintsika ara-bola dia afaka manampy antsika ho lasa mizaka tena bebe kokoa. Ity lesona ity dia manampy ny mpianatra hampiasa ireo fitsipika nentanim-panahy mba hitantanana ireo fanapahan-kevitra ara-bola amin’ny fomban’ny Tompo.

Fanomanana ny mpianatra: Alohan’ny hampianarana ity lesona ity dia hevero ny hampiseho ny “Kisarin’ny Fahombiazana amin’ny fitantanam-bola” eny amin’ny solaitrabe ary asao ny mpianatra haka ny sarin’izany amin’ny findain’izy ireo. Azonao zaraina amin’ny mpianatra ihany koa ny tahadikan’izany amin’ny taratasy.

Sahanasa fianarana azo atao

Ireo fanapahan-kevitra ara-bola

(Fanamarihana: Ity lesona ity dia azo ampianarina miaraka amin’ny lesona 158: “Malakia 3”, izay mirakitra ireo sahanasa fandalinana mba hanampiana ny mpianatra hahatakatra ny lalàn’ny Tompo momba ny fahafolonkarena.)

Ataovy sary na asehoy eny amin’ny solaitrabe ity kisary ity, mialoha ny hanombohana ny fotoam-pianarana.

Ireo fanapahan-kevitra ara-bola manan-danja	Olana amin’ny fandraisana fanapahan-kevitra

Asao ny mpianatra ho eny amin’ny solaitrabe ary hameno ilay tabilao rehefa mandinika ireo fanapahan-kevitra ara-bola horaisin’izy ireo ao anatin’ny 5 ka hatramin’ny 10 taona manaraka. Rehefa manao izany ny mpianatra dia azonao atao ny mandehandeha eran’ny efitrano fianarana ary mamporisika azy ireo hizara ny eritreriny eny amin’ny solaitrabe na aminao.

Ireo fanapahan-kevitra mety hotanisain’ny mpianatra dia ahitana ny fandoavana ny saram-pianarana sy ny asa fitoriana, ny fanampiana ny fianakaviana, na ny fividianana na fanofana toerana iray honenana. Mety ho tafiditra ao anatin’ny olana ny tsy fahampian’ny vola, ny tsy fahafantarana ny fomba hanaovana teti-bola, ny famelana asa iray hanaovana asa fitoriana, na ny tsy fahafantarana hoe iza no tokony hitokiana rehefa mandray fanapahan-kevitra ara-bola.

Eritrereto ny sasany amin’ireo fanapahan-kevitra ara-bola manan-danja izay hatrehanao na ho atrehanao tsy ho ela rehefa misaintsaina ireto fanontaniana manaraka ireto ianao:

Inona no fanontaniana anananao momba ny fomba handraisana ny fanampian’ny Tompo amin’ireo fanapahan-kevitra ireo?
Inona no zavatra nandramanao taloha izay nanampy anao? Inona no tsy nanampy?

Rehefa misokatra ho an’ny fitarihan’ny Fanahy Masina isika dia afaka mampiseho amintsika ny fomba handraisana fanapahan-kevitra ara-bola amim-pahendrena mandritra ny fiainantsika ny Ray any An-danitra. Misokafa amin’ireo fahatsapana ireo eo am-pandalinanao anio.

Mandray fanapahan-kevitra ara-bola amin’ny fomban’ny Tompo

Te hitarika antsika amin’ny lafiny rehetra amin’ny fiainantsika ny Ray any An-danitra sy i Jesoa Kristy. Tafiditra ao anatin’izany ireo fanapahan-kevintsika ara-bola. Nanome fitarihana antsika ao amin’ny soratra masina izay afaka manampy antsika handray fanapahan-kevitra ara-bola hendry Izy Ireo.

Soraty eny amin’ny tampon’ny pejy iray ao anatin’ny diary fandalinanao izao manaraka izao: Afaka mandray fanapahan-kevitra ara-bola amin’ny fomban’ny Tompo aho amin’ny alalan’ny …

Vakio ny telo amin’ireto andinin-tsoratra masina ireto. Fenoy amin’ny zavatra nianaranao avy amin’ny soratra masina ilay fahamarinana ao amin’ny diary fandalinanao.

Genesisy 41:46–49, 53–57 (Nanendry an’i Josefa i Farao mba hanara-maso ny famokarana voa tany Egypta nandritra ny taom-pamokarana zina maro mba hiomanana amin’ireo taonan’ny mosary nambaran’ny faminaniana.)
Deoteronomia 15:7–8
Salamo 24:1
Malakia 3:8–11
Jakôba 2:18–19
Fotopampianarana sy Fanekempihavanana 104:78

Ahoana no ahafahan’ny zavatra ianaranao avy amin’ny soratra masina manampy anao handray fanapahan-kevitra ara-bola amin’ny fomban’ny Tompo?

Manao ho laharam-pahamehana ny fandaniana ataontsika

I Elizabeta, izay vehivavy iray tao amin’ny sampana misy anao, dia nanomboka niasa tamin’ny asa tsy mila fari-pahaizana ambony tao amin’ny hotely iray rehefa feno 16 taona. Rehefa afaka taona maro dia nisondrotra izy ary lasa mpitantana ilay toeram-pisakafoana. Rehefa nanakaiky ny fisotron-dronono izy dia afaka nividy sy nanangana toeram-pisakafoana ho azy manokana.

Tanisao ireo “fandaniana mety hatao” milahatra arakaraka ny laharam-pahamehana izay tianao aroso an’i Elizabeta.
Soraty eo akaikin’ny fandaniana roa samihafa ny andinin-tsoratra masina nohalalininao izay nanampy tamin’ny fitarihana ny fomba nanaovanao laharam-pahamehana ireo fandaniana.
Miomàna hanazava ny fomba nanampian’ireo fahamarinana nianaranao tao amin’ny soratra masina anao nandray fanapahan-kevitra tamin’ny fomba nanaovanao laharam-pahamehana ireo fandaniana.

Fampandraisana anjara ny Tompo amin’ny fanapahan-kevitro ara-bola

Omeo fotoana ny mpianatra mba hieritreritra fomba ahafahan’izy ireo mampandray anjara ny Tompo eo amin’ny fandraisana fanapahan-kevitra ara-bola. Fomba iray hanampiana azy ireo hanao izany ny fampisehoana ity fanambarana manaraka ity alohan’ny hamalian’ny mpianatra ireo fanontaniana miaraka amin’izany.

Ny Eveka L. Todd Budge ao amin’ny Episkôpà Mpiahy dia nizara hoe:

Ny zavatra hitako teo amin’ny fiainako manokana dia ny hoe afaka mivavaka ihany koa aho amin’ny raharaha ara-nofo ataoko. Afaka mivavaka ho an’ny ara-bolako aho. Afaka mivavaka aho raha toa ka hividy ity trano ity na izany trano izany na hanao ity fampiasam-bola ity na izany fampiasam-bola izany. Tokony hampandray anjara ny Tompo isika, tsy amin’ny lafiny ara-panahy eo amin’ny fiainantsika fotsiny ihany fa amin’ny lafiny ara-nofo eo amin’ny fiainantsika ihany koa. (“Quatre principes que nous pouvons apprendre de la façon dont l’Épiscopat président travaille,” Liahona, fév. 2024, 14)

Eritrereto ireo fanapahan-kevitra ara-bola ilainao atao amin’izao fotoana izao na amin’ny hoavy. Asao ny Fanahy Masina hanampy anao hamaly ireto fanontaniana manaraka ireto ao anatin’ny diary fandalinanao:

Inona avy ireo fitsipika afaka manampy anao handray ireo fanapahan-kevitra ara-bola ireo amin’ny fomban’ny Tompo?
Ahoana no ahafahan’ny fampiharana ireo fitsipika ara-bola ireo manomana anao hanompo an’ Andriamanitra sy ny hafa?

Hevero ny mizara ohatra fohy avy amin’ny fiainanao mikasika ny fomba nampiasanao ny zavatra nianaran’ny mpianatra androany mba handraisana fanapahan-kevitra ara-bola. Azonao atao ihany koa ny mizara izay nampianarin’izany zavatra niainana izany anao momba ny Ray any An-danitra sy i Jesoa Kristy.

Loharanom-pitaovana fanampiny

Ahoana no fomba tokony handaniantsika ny volantsika?

Nampianatra ny Filoha Brigham Young (1801–1877) hoe:

Inona no ilavana ny harena? Ho fitahiana, hanaovana ny tsara. Avy eo dia aoka isika hitantana izay omen’ny Tompo antsika amin’ny fomba tsara indrindra azo ampiasaina izany ho an’ny fananganana ny Fanjakany, ho fampiroboroboana ny fahamarinana eto an-tany mba hahitantsika sy higohantsika ireo fitahian’ny Zionan’ Andriamanitra eto ambonin’ity tany ity. (Discourses of Brigham Young, sel. John A. Widtsoe (1954), 307)

Ahoana no ahafahako mitantana ny volako?

Ny Eveka W. Christopher Waddell ao amin’ny Episkôpà Mpiahy dia nanazava hoe:

Anisan’ireo fitsipika fototra amin’ny fitantanam-bola ny fandoavana ny fahafolonkarena sy ireo fanatitra; fanefana sy tsy fanaovana trosa; manao teti-bola sy tsy mandany vola mihoatra izay ananana; ary ny fanaovana tahirim-bola ho an’ny hoavy. (“Mbola nisy hanina ihany”, Liahona, nôv. 2020, 44)

Ahoana no ahafahan’ny fandoavana fahafolon-karena mitahy ny fiainako?

Nizara izao manaraka izao ny Filoha Russell M. Nelson:

19:15

Fony aho mpianatra asa vao herotrerony dia $15 isam-bolana ny karamako. Indray alina dia nanontany ahy i Dantzel vadiko raha nandoa fahafolonkarena tamin’izany karama varimasaka izany aho. Tsy nandoa aho. Nibebaka haingana aho ary nanomboka nandoa ilay $1,50 fanampiny tamin’ny fahafolonkarena isam-bolana.

Nisy fiovana ve teo amin’ny Fiangonana satria nampitombo ny fahafolonkarena naloanay izahay? Mazava ho azy fa tsia. Kanefa dia nanova ahy ny nahalasa ahy ho mpandoa ampahafolonkarena feno. Tamin’izay aho no nianatra fa ny fandoavana fahafolonkarena dia mikasika tanteraka ny finoana fa tsy ny vola. Noho izaho lasa mpandoa fahafolonkarena feno dia nanomboka nisokatra ho ahy ny varavaran’ny lanitra. Amiko dia noho ny fandoavanay fahafolonkarena tamim-pahatokiana no nahatonga ireo lalana misokatra arak’asa maromaro izay nisesy.

Mitaky finoana ny fandoavana fahafolonkarena, ary izany dia manorina koa ny finoana an’ Andriamanitra sy ny Zanany malalany. (“Saino amin’ny fomba selestialy!”, Liahona, nôv. 2023, 119)

Sahanasa fianarana fanampiny

Mampiasa ny volantsika mba hanaovana ny tsara

Mety hanampy ny mpianatra ny mijery ny fitantanam-bolany amin’ny fomba fijery mibanjina ny mandrakizay sy mahatakatra ny fomba ahafahan’izany mitarika azy ireo amin’ny famaritana ny fomba hanaovana ny tsara amin’ny volany. Fomba iray ahafahanao manao izany ny fampisehoana ny teny nambaran’i Brigham Young ao amin’ny Loharanom-pitaovana fanampiny. Asao ny mpianatra hizara ny eritreritr’izy ireo momba ny fanambaran’ny Filoha Young.

Azonao atao avy eo ny mampiseho fomba maro azo ampiasana vola. Asao ny mpianatra hieritreritra hoe iza amin’ireo fomba ireo no fomba tsara indrindra hanaovana soa amin’izany.

Ny sasany amin’ireo fomba azo ampiasana vola dia ahitana ny:

Mitahiry ho an’ireo zavatra ilaina amin’ny fianarana amin’ny ho avy.
Mandany amina fiaraha-mientana fakan’aina na mampiala voly.
Manangona ho an’ny asa fitoriana.
Miantoka olona iray hisakafo any amin’ny toeram-pisakafoana.

Ampio ny mpianatra hahatakatra fa ireo ohatra ireo dia fomba tsara avokoa azo ampiasaina ireo loharano ara-bola avy amin’ny Tompo. Hevero ny hifanakalo hevitra momba ny hoe rahoviana ny ohatra tsirairay no fomba tsara indrindra. Ohatra, ilay olona entin’izy ireo any amin’ny toeram-pisakafoana dia mety ho olona manana olana ara-panahy na ara-pihetseham-po. Mety ho fitahiana ho azy ireo ilay fanasana. Indraindray ny fampiasana tsara indrindra ny volantsika dia ny fialantsasatra na fialamboly izay mamelombelona antsika ara-panahy sy mamorona fahatsiarovana mahasoa miaraka amin’ireo olona -ankamamiantsika.

Fizakan-tena ara-bola

Azonao ampiasaina ho solona sahanasa ao amin’ny fizarana farany amin’ny lesona ity manaraka ity. Mba hanampiana ny mpianatra hanao drafitra hampandraisana anjara ny Tompo amin’ny fanapahan-kevitr’izy ireo ara-bola, dia omeo tahadikan’ny lahatsoratra ao amin’ny Liahona izay mitondra ny lohateny hoe “Sept questions à se poser pour devenir plus autonome financièrement” izy ireo. Azon’izy ireo jerena ao amin’ny Bibliothèque de l’Évangile ihany koa izany. Azon’ny mpianatra atao ny mamaky ilay lahatsoratra ary mifantina fanontaniana vitsivitsy izay tian’izy ireo hampiasaina amin’ny ezaka ataon’izy ireo mba hizakan-tena ara-bola. Azon’ny mpianatra atao ihany koa ny mampiasa ny fampahalalana ao amin’ilay lahatsoratra sy ireo loharanom-pitaovana fanampiny nomena mba hanoratana ny fanontanian’izy ireo manokana izay tiany hodinihana.

Lesona nianarana avy amin’ny fandoavana fahafolonkarena

Ny Loholona Carl B. Pratt ao amin’ny Fitopololahy dia nizara tantara iray mikasika ny fomba nitahian’ny Tompo ny ray aman-drenibeny noho ny fanaovana laharam-pahamehana ny fahafolonkarena. Avy eo izy dia nizara fehin-kevitra maro izay nianarany avy tamin’ny zavatra niainan’izy ireo. Eritrereto izay fehin-kevitra hozaraina miainga avy amin’ny zavatra mety hitondra tombontsoa lehibe indrindra ho an’ny mpianatrao. Misy famintinana ny fehin-kevitra nataon’ny Loholona Pratt nampidirina etsy ambany miaraka amin’ny fe-potoana miaraka amin’izany:

5:57 hatramin’ny 6:49 – Aloavy aloha ny fahafolonkarena.

10:42

7:50 hatramin’ny 8:44 – Ny Tompo dia mitahy antsika amin’ny fahendrena izay manome fahafahana antsika hiaina tsaratsara kokoa amin’ny 90 isan-jaton’ny fidiram-bolantsika raha mitaha amin’ny 100 isan-jato.

10:42

8:44 hatramin’ny 9:17 – Ireo fitahiana sarobidy indrindra avy amin’ny Tompo avy amin’ny fandoavana fahafolonkarena dia ara-panahy ary misy ifandraisany amin’ny fianakaviana sy ny namana ary ny filazantsara.

10:42

9:25 hatramin’ny 10:12 – Ny fandoavana fahafolonkarena dia manampy antsika hanana fo mankatò, manetry tena, feno fankasitrahana, malala-tanana, mamela heloka, ary feno fiantrana.

10:42