Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mampihatra finoana an’i Jesoa Kristy mba hanorenana fizakan-tena: Afaka manampy antsika amin’ny ezaka ataontsika mba ho lasa mizaka tena ny Tompo

“Mampihatra finoana an’i Jesoa Kristy mba hanorenana fizakan-tena: Afaka manampy antsika amin’ny ezaka ataontsika mba ho lasa mizaka tena ny Tompo”, Testamenta Taloha: Boky torolalana ho an’ny mpampianatra seminera (2026)

Manorina fizakan-tena: Lesona 178

Mampihatra finoana an’i Jesoa Kristy mba hanorenana fizakan-tena

Afaka manampy antsika amin’ny ezaka ataontsika mba ho lasa mizaka tena ny Tompo

Kenya: Youth Social Media 2020: Lavynne Lawino

Rehefa mampihatra finoana an’i Jesoa Kristy isika dia manasa Azy mba hanampy antsika amin’ny lafiny rehetra eo amin’ny fiainantsika. Ankoatra ny fitahiana antsika amin’ny tanjaka ara-panahy sy ny fanasitranana amin’ny fahotana dia afaka manampy antsika hanorina fizakan-tena amin’ny zavatra ilaintsika ara-nofo ny Mpamonjy. Mety ho tafiditra ao anatin’izany ny ara-bola, ny fianarana, ny asa, ary ny fahasalamantsika ara-batana sy ara-pihetsehampo. Ity lesona ity dia manampy ny mpianatra hampihatra ny finoan’izy ireo fa hitahy azy ireo ny Ray any An-danitra sy i Jesoa Kristy amin’ny ezaka ataony mba hanorenana fizakan-tena.

Fanomanana ny mpianatra: Hevero ny hanasa ny mpianatra hanoratra sakana manasarotra ny fananana fizakan-tena amin’ny iray na maromaro amin’ireto lafin-javatra manaraka ireto:

Fahalalana momba ny filazantsara
Filàna ara-bola amin’izao fotoana izao sy amin’ny hoavy
Fianarana sy asa ivelomana
Filàna ara-batana
Filàna ara-pihetseham-po sy ara-piarahamonina

Sahanasa fianarana azo atao

Ny zavatra ilain’i Paula

Fanamarihana: Mialoha ny hampianarana ity lesona ity dia mety hanampy ny mampianatra ny Lesona 177: “Manorina fizakan-tena araka ny fomban’ny Tompo”. Ny lesona 177 dia mampahafantatra ny mpianatra ireo fitsipiky ny fizakan-tena sy ny antony maha-zava-dehibe izany ao amin’ny drafitry ny Ray any An-danitra.

Hevero ny hanomboka ny fotoam-pianarana amin’ny alalan’ny fanampiana ny mpianatra hifanakalo hevitra ny amin’ny ilàna ny ezaka ataontsika manokana sy ny fitarihan’ Andriamanitra amin’ny fahazoana ny zavatra ilaintsika. Ireto rafi-tantara sy sahanasa manaraka ireto dia fomba iray ahafahana mitarika izany fifanakalozan-kevitra izany. Mety hanampy ny manondro fa samy manahirana avokoa ireo fomba nataon’i Paula ao amin’ilay rafi-tantara.

Azonao atao ny manomboka izany amin’ny famakiana ny ampahany voalohany amin’ity toe-javatra manaraka ity. Avy eo dia zarao ireo valinteny roa mety ho hita. Miatoa isaky ny valinteny tsirairay ary asao ny mpianatra hizara amin’ny namana iray ny torohevitra mety homen’izy ireo an’i Paula.

Nientanentana ery i Paula fa ho vita afaka roa taona ny fianarany eny amin’ny lisea. Na izany aza anefa dia mahatsapa ho sahiran-tsaina izy mikasika ny habetsaky ny vola ilainy hangonina ho an’ny hoavy.

Inona no torohevitra homenao raha toa ka:

Nanapa-kevitra ny hivavaka isan’andro i Paula mba hanomezan’ Andriamanitra ny vola ilainy aorian’ny fahavitana fianarana. Tsy manana drafitra ny hitady asa izy, ary matoky fa hamelona azy Andriamanitra.
Mahatsapa i Paula fa satria tsy “zavatra ara-panahy” ny vola dia tsy ho liana amin’izany Andriamanitra. Nanapa-kevitra ny hitady asa isan’andro mifanaraka amin’ny fandaharam-potoanany any an-tsekoly izy. Nanao drafitra izy ny hiresaka amina tompon’orinasa, nametraka taratasy fangatahan’asa, ary nianatra fahaiza-manao vaovao izay hahatonga azy ho tena ilaina kokoa amin’ireo orinasa eo an-toerana.

Rehefa avy nizara ny torohevitra mety homeny an’i Paula ny mpianatra dia asao izy ireo hizara ny fomba azo ampiharana ity teny nambara manaraka ity amin’ny toe-javatra niainany.

Ny Eveka W. Christopher Waddell, Mpanolotsaina voalohany tao amin’ny Episkôpa Mpiahy, dia nanazava hoe:

10:7

Avy eo ny zavatra rehetra dia manondro antsika ho any amin’i Jesoa Kristy, ho ny fototra tsy maintsy hanorenantsika, eny na dia ny fiomanantsika ho an’ireo zavatra ilaina ara-batana aza.

Ny hoe voaomana amin’ireo zavatra ilaina ara-batana sy ny fizakan-tena dia midika hoe “mino fa amin’ny alalan’ny fahasoavana, na hery mampahatanjaka, an’i Jesoa Kristy sy ny ezaka ataontsika manokana, dia afaka mahazo ireo zavatra ilaina fototra ara-panahy sy ara-batana eo amin’ny fiainana ilaintsika ho an’ny tenantsika sy ny fianakaviantsika isika” [Finances personnelles pour l’autonomie (2017), 4]. (“Mbola nisy hanina ihany,” Liahona, ôkt. 2020, 44)

Rehefa mizara ny heviny avy amin’ny teny nambaran’ny Eveka Waddell ny mpianatra dia hazavao fa amin’ny alalan’ny fampiharana finoana an’i Jesoa Kristy sy ny ezaka ataontsika manokana dia mampitombo fizakan-tena ara-panahy sy ara-batana isika.

Hevero ny hampiseho ireto fanombanana ny tena manokana manaraka ireto, anisan’izany ireo toromarika sy sokajy, mba hanampiana ny mpianatra hisaintsaina ny filàn’izy ireo ny fanampian’ny Mpamonjy mba ho lasa mizaka tena bebe kokoa.

Soraty manomboka amin’izay mora ka hatramin’ny sarotra indrindra aminao amin’ny fanorenana fizakan-tena ireto sokajy manaraka ireto. Eo akaikin’ny iray na roa amin’izay sokajy sarotra indrindra ho anao no soraty izay sakana rehetra ilanao ny fanampian’ny Mpamonjy mba handresana izany.

Fahalalana momba ny filazantsara
Filàna ara-bola amin’izao fotoana izao sy amin’ny hoavy
Fianarana sy asa ivelomana
Filàna ara-batana
Filàna ara-pihetseham-po sy ara-piarahamonina

Rehefa manohy mandalina ianao anio dia ataovy ao an-tsaina ireo lafin-javatra izay tena ilanao fanampiana indrindra. Asao ny Fanahy Masina mba hanamafy orina ny finoanao fa ny Ray any An-danitra sy i Jesoa Kristy dia hanampy anao amin’ny ezaka ataonao hanorina fizakan-tena.

Mampihatra finoana ny Tompo mba hanorenana fizakan-tena

Asao hizara ny zavatra hitany ny mpianatra. Azonao ampiasaina ao anatin’ity fifanakalozan-kevitra ity ihany koa ireto fanontaniana manaraka ireto.

Ahoana araka ny eritreritrao no mety ho niafaran’io tantara io raha toa ka tsy nanam-pinoana an’ Andriamanitra i Josefa? Raha tsy nanam-piniavana ny hanao ezaka i Josefa?
Araka ny eritreritrareo, ahoana no hiaran’io tantara io amin’ny fiainan’ireo zavoto?

Azonao atao ihany koa ny manasa ny mpianatra hizara amin’ny iray kilasy ny zavatra niainan’ny fianakaviany rehefa nandray izay nilain’izy ireo tamin’ny alalan’ny fanampian’ Andriamanitra sy ny ezaka nataony ny fianakaviany. Afaka mizara traikefa manokana ihany koa ianao.

Fampiharana ataon’ny tena manokana

Hevero ny hampiseho indray ireo sokajin’ny fizakan-tena izay nosaintsainin’ny mpianatra tao amin’ny fizarana voalohany amin’ny lesona sy hanasa ny mpianatra hanao izao manaraka izao.

Makà fotoana kely hiraketana ombam-bavaka ireto manaraka ireto eo am-pieritreretanao momba ireo sokajin’ny fizakan-tena izay hitanao fa sarotra taminao kokoa tany am-piandohan’ny lesona:

Ny zavatra nianaranao izay manamafy orina ny finoanao fa ny Ray any An-danitra sy i Jesoa Kristy dia hanampy anao amin’ireo sakantsakana amin’ny fizakan-tena eo amin’ny fiainanao.
Ny fomba ahafahanao mampihatra ny finoanao ny Ray any An-danitra sy i Jesoa Kristy amin’ny alalan’ny ezaka ataonao manokana hanorenana fizakan-tena.

Hevero ny hanasa izay vonona hanolotena hizara ny ampahany amin’izay nosoratany tao amin’ny diary fandalinany.

Loharanom-pitaovana fanampiny

Hanampy antsika ho lasa mizaka tena ve ny Tompo?

Ny Fiadidiana Voalohany dia nilaza hoe:

Ny Tompo dia nanambara hoe: “Ny tanjoko dia ny hamatsy ny olomasiko” (F&F 104:15). Fampanantena avy amin’ny Tompo io fanambarana io fa Izy dia hanome fitahiana ara-batana sy hanokatra ny varavaran’ny fizakan-tena, izay fahafahana ho antsika mba hamatsy ny zavatra ilaina eo amin’ny fiainana ho an’ny tenantsika sy ho an’ny olona ao amin’ny fianakaviantsika. …

Manasa anao izahay mba handalina amim-pahazotoana sy hampihatra [ireo fitsipiky ny finoana, ny fianarana, ny asa mafy, ary ny fahatokiana ny Tompo] ary hampianatra azy ireny amin’ireo olona ao amin’ny fianakavianao. Rehefa manao izany ianao dia hotahiana ny fiananao. Hianatra ny zavatra tokony hatao eo amin’ny lalana mitondra anareo mankany amin’ny fizakan-tena bebe kokoa ianareo. Hahazo fanantenana sy fiadanana ary fivoarana bebe kokoa ianareo.

Matokia fa zanaky ny Raintsika any An-danitra ianao. Tiany ianao ary tsy handao anao na oviana na oviana Izy. Fantany ianao ary Izy dia vonona ny hanome ireo fitahiana ara-panahy sy ara-batana entin’ny fizakan-tena. (“Message de la Première Présidence,” Finances personnelles pour l’autonomie [2017])

Ny Eveka H. David Burton, Eveka Mpiahy dia nampianatra hoe:

Rehefa nanao izay rehetra vitantsika isika mba hizakan-tena, mba hamatsiana izay ilaintsika sy ny an’ny fianakaviantsika, dia afaka mitodika amin’ny Tompo amim-pahatokiana isika mba hangataka izay mety tsy mbola ampy amintsika. (“The Blessing of Scripture”, Liahona, Dec. 2009, 43)

Ahoana raha miezaka isika saingy tsy mahomby isika amin’ny ezaka ataontsika mba ho lasa mizaka tena?

Ny Filoha Jeffrey R. Holland ao amin’ny Kôlejin’ny Apôstôly Roambinifolo dia nanazava izao manaraka izao mikasika ny toetran’i Jesoa Kristy:

Mba tsarovy rahampitso ary amin’ireo andro rehetra aorian’izany fa ny Tompo dia mitahy ireo izay maniry ny hivoatra, manaiky ny filana ireo didy sy miezaka mitandrina azy ireo, ary manome lanja an’ireo toetra tahaka ny an’i Kristy sy miezaka araka izay azony atao mba hanana azy ireo. Raha toa ianao ka solafaka ao anatin’ny fanatanterahana izany dia mba tratran’izany koa ny rehetra. Raha mianjera ianao dia angataho ilay heriny. … Hahazo vetivety foana ny fahombiazana izay katsahinao ianao. (“Rahampitso dia hanao fahagagana eo aminareo ny Tompo”, Liahona, mey 2016, 126)

Inona no azontsika ianarana avy amin’ny ohatra nasehon’i Josefa tany Egypta mikasika ny fanorenana fizakan-tena?

Ny Eveka W. Christopher Waddell ao amin’ny Episkôpà Mpiahy dia nilaza hoe:

10:7

Rehefa mieritreritra ny hampihatra ny fitsipiky ny fiomanana isika dia afaka mitodika amin’i Josefa tany Egypta hahazoana fitaomam-panahy. Ny fahafantarana ny zavatra mety hitranga dia tsy ho ampy ho nahavelona azy ireo nandritra ireo taona “mosarena” raha tsy nisy fahafoizan-tena natao nandritra ireo taon-jina. Tsy nolanian’izy ireo avokoa izay rehetra novokarin’ireo olon’ny Farao fa nanisy fetra izy ireo ary nanaraka izany, hany ka nanana ny ampy izy ireo ho an’ny zavatra ilain’izy ireo andavanandro, ary koa ho an’ny hoavy. Tsy ampy ny nahafantarana fa ho avy ny fotoan-tsarotra. Tsy maintsy nanao asa izy ireo ary noho ny ezaka nataon’izy ireo dia “mbola nisy hanina ihany.” (“Mbola nisy hanina ihany”, Liahona, nôv. 2020, 44)

Sahanasa fianarana fanampiny

Fandalinana soratra masina

Azonao atao ny manasa ny mpianatra hijery ny lisitr’ireo andinin-tsoratra masina fifehezana fotopampianarana nandritra ny efa-taona ka hitady soratra masina izay:

Afaka mampitombo ny finoan’ny olona iray fa vonona hanampy antsika Andriamanitra.
Manampy antsika hahatakatra fa miandry antsika hanao ny anjarantsika Andriamanitra mba hahitana valiny sy vahaolana.

Ohatra vitsivitsy amin’ireo andinin-tsoratra masina fifehezana fotopampianarana mety hozarain’ny mpianatra ao anatin’izany ny:

Ohabolana 3:5–6

Matio 11:28–30

Jakoba 2:17–18

Môzià 2:41

Etera 12:27

Fotopampianarana sy Fanekempihavanana 88:118

Omeo fotoana ahafahana mizara izay hitany ny mpianatra. Rehefa mizara izany izy ireo dia azonao atao ny manara-maso izany amin’ny alalan’ny fangatahana ny iray kilasy hieritreritra toe-javatra tena misy izay ahafahana mahatakatra fa ny andinin-tsoratra masina dia afaka manampy olona iray hiasa amin’ny fizakan-tena bebe kokoa.

Mampitombo ny finoanao

Any amin’ny faran’ny fizarana voalohany amin’ny lesona, rehefa avy manasa ny mpianatra hisaintsaina ireo lafiny izay ilany fanampiana avy amin’ Andriamanitra mba ho lasa mizaka tena bebe kokoa, dia azonao atao ny mizara ity teny nambaran’ny Filoha Russell M. Nelson ity. Asao ny mpianatra hitady vahaolana iraisana amin’izay mety ho olana mety hatrehin’izy ireo.

16:23

Ry rahalahy sy anabavy malalako, ny antso ataoko aminareo … dia hampitombo ny finoanareo manomboka anio. Amin’ny alalan’ny finoanareo, i Jesoa Kristy dia hampitombo ny fahafahanareo mamindra ireo tendrombohitra eo amin’ny fiainanareo, na dia lehibe toa ny Mont Everest aza ireo olana atrehanareo manokana. …

… Hiovaova ireo tendrombohitrareo, saingy ny valiny tsirairay tandrify ireo olanareo dia natao hampitombo ny finoanareo. (“Nitsangana i Kristy; hamindra tendrombohitra ny finoana Azy”, Liahona, mey 2021, 102–103)

Azonao zaraina ho vondrona dimy ny mpianatra, ka ny vondrona tsirairay dia mifantoka amin’ny iray amin’ireto lafim-pizakan-tena manaraka ireto:

Manorina tanjaka ara-panahy sy fijoroana ho vavolombelona momba an’i Kristy
Mandranto fianarana
Mahazo vola
Salama ara-batana
Matanjaka ara-pihetseham-po

Angataho ny vondrona mba hikaon-doha sy hanao tatitra amin’ny iray kilasy ny fomba ahafahan’ny fitomboan’ny finoana an’i Kristy manampy olona iray izay manana olana amin’izany lafiny izany.

Afaka manamafy orina ny finoantsika an’i Kristy ireo ohatra ao amin’ny soratra masina

Indraindray ny toe-javatra sarotra iray dia toa azo zakaina kokoa rehefa mahatsiaro ny zavatra nataon’ Andriamanitra ho an’ny hafa isika. Raha tsapanao fa hanampy ny mpianatra ny fandalinana ohatra ankoatra ny tantaran’i Josefa, dia mety ho anisan’ireo ohatra hafa amin’izany ny tantaran’i Davida (1 Samoela 17:40–50) sy ny an’ny Jaredita (Etera 2:16–17, 22–23; 3:1–6).

Fomba hafa ahafahana mamarana ny lesona ny fanasana ny mpianatra hameno ireto tari-dresaka manaraka ireto:

Ny fahafantarana fa Andriamanitra dia nanampy (olona ao amin’ny soratra masina) tamin’(ny zavatra nataon’ Andriamanitra ho azy ireo) dia manome fahatokiana ahy fa Andriamanitra dia afaka manampy ahy ihany koa mba hahita fomba handresena (sakana amin’ny fizakan-tena izay tsy resiko samirery).

(Ohatra: Ny fahafantarana fa Andriamanitra dia nanampy an’i Davida tamin’ny ady nataony tamin’i Goliata dia manome fahatokiana ahy fa Andriamanitra dia afaka manampy ahy ihany koa mba hahita fomba handresena ny tolona atrehako mba hahatakarana ny zavatra ampianarina any an-tsekoly.)