« ការទទួលយក និងការបំពេញការហៅ ៖ ការបម្រើដូចជាព្រះអង្គសង្គ្រោះ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« ការទទួលយក និងការបំពេញការហៅ ៖ ការបម្រើដូចជាព្រះអង្គសង្គ្រោះ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
ដើម្បីកម្លាំងនៃយុវជន ៖ មេរៀនទី ១៧៦
ការទទួលយក និងការបំពេញការហៅ
ការបម្រើដូចជាព្រះអង្គសង្គ្រោះ
ការហៅគឺជាឱកាសដ៏អស្ចារ្យដើម្បីរីកចម្រើនសមត្ថភាព ហើយចូលមកកាន់តែជិតព្រះអម្ចាស់ ។ ប៉ុន្តែសិស្សមួយចំនួនអាចមានអារម្មណ៍ស្ទាក់ស្ទើរក្នុងការទទួលយកការហៅនៅពេលនេះ ឬនៅពេលអនាគត ។ មេរៀននេះអាចជួយសិស្សបម្រើការហៅរបស់ពួកគេដូចជាព្រះអង្គសង្រ្គោះ ។
ការរៀបចំសិស្ស ៖ ពិចារណាផ្តល់សាច់រឿងខាងក្រោម និងសំណួរទាំងឡាយដល់សិស្ស ។ អញ្ជើញពួកគេឲ្យស្រមៃមើលអ្វីដែលពួកគេនឹងនិយាយ ។
សកម្មភាពរៀនសូត្រដែលអាចមាន
តើអ្នកនឹងមានអារម្មណ៍បែបណា ?
សូមពិចារណាចាប់ផ្តើមថ្នាក់ដោយការចែកចាយសាច់រឿងដូចខាងក្រោម ហើយសួរសំណួរដូចខាងក្រោម ។ វាអាចជាការសមរម្យក្នុងការផ្លាស់ប្តូរសាច់រឿងនេះដើម្បីធ្វើឲ្យវាកាន់តែទាក់ទងជាមួយសិស្ស ។
យុវនារីម្នាក់ឈ្មោះ អេវើលីន នឹងទៅជួបជាមួយសមាជិកនៃគណៈប៊ីស្សព ។ ពេលគាត់អញ្ជើញនាងមកជួប គាត់បានមានប្រសាសន៍ថា គាត់មានការហៅមួយដែលគាត់ចង់ឲ្យនាងពិចារណា ។ នាងមិនដែលមានការហៅពីមុនមកទេ ។
ប្រសិនបើចាំបាច់ សូមពន្យល់ថា « ព្រះអម្ចាស់ហៅបុរស និងស្ដ្រីទាំងឡាយឲ្យបម្រើនៅក្នុងសាសនាចក្រនៅសព្វថ្ងៃនេះ តាមរយៈការអញ្ជើញដ៏បំផុសគំនិតរបស់អ្នកបម្រើរបស់ទ្រង់ ។ ឱកាសទាំងនេះដើម្បីបម្រើគឺត្រូវបានស្គាល់ថា ការហៅ » ( General Handbook: Serving in The Church of Jesus Christ of Latter-day Saints, 30.0 បណ្ណាល័យដំណឹងល្អ ) ។
-
តើការហៅមួយចំនួនអ្វីខ្លះដែល អ៊ីវីលីន អាចត្រូវបានសុំឲ្យបំពេញ ?
ចម្លើយដែលអាចមានមួយចំនួនគឺនៅក្នុងគណៈប្រធានថ្នាក់ នៅក្នុងគណៈកម្មការអ្នកផ្សព្វផ្សាយសាសនា និងពង្សប្រវត្តិនៅក្នុងវួដរបស់អ្នក និងជាអ្នកផ្ដល់ការងារបម្រើទៅនរណាម្នាក់នៅក្នុងវួដរបស់អ្នក ។
-
តើ អ៊ីវីលីន អាចមានអារម្មណ៍យ៉ាងណា ? ហេតុអ្វី ?
ឧទាហរណ៍មួយចំនួនដែលសិស្សអាចចែកចាយអាចរួមបញ្ចូលថា នាងខ្លាចថានាងប្រហែលជាធ្វើមិនបានល្អ ថានាងព្រួយបារម្ភអំពីការទទួលខុសត្រូវផ្សេងទៀតខណៈពេលដែលនាងរវល់រួចហើយ ឬថានាងរំភើបក្នុងការបម្រើព្រោះនាងកំពុងស្វែងរករបៀបផ្សេងទៀតដើម្បីជួយអ្នកដទៃ ។
-
តើអ្នកចង់ឲ្យ អ៊ីវីលីន ដឹងអំពីការទទួលយក និងការបំពេញការហៅអ្វី ?
សូមចំណាយពេលបន្តិចដើម្បីជញ្ជឹងគិតពីរបៀបដែលអ្នកបានរៀបចំខ្លួនដើម្បីទទួលយក និងបំពេញការហៅមួយ ។ នៅពេលអ្នកសិក្សាមេរៀននេះ សូមស្វែងរកការណែនាំពីព្រះអម្ចាស់ដើម្បីរៀន ហើយទទួលអារម្មណ៍ថាអ្វីដែលនឹងជួយអ្នកបានល្អបំផុតឲ្យទទួលយក និងបម្រើការហៅ ។
ហេតុអ្វីបានជាយើងទទួលយក និងបំពេញការហៅ
អែលឌើរ ឌៀថើរ អេហ្វ អុជដូហ្វ ក្នុងកូរ៉ុមនៃពួកសាវកដប់ពីរនាក់បានបង្រៀនមូលហេតុមួយដែលយើងទទួលយក និងបំពេញការហៅ ៖
នៅក្នុងកិច្ចការរបស់ព្រះអង្គសង្គ្រោះ ជារឿយៗវាជាកិច្ចការតូចតាច និងងាយដែល « [ ទើប ]នាំឲ្យកើតកិច្ចការដ៏ធំៗបាន » [ អាលម៉ា ៣៧:៦ ] ។
យើងដឹងថា វាតម្រូវឲ្យមានការអនុវត្តច្រំដែលៗ ដើម្បីធ្វើឲ្យយើងពូកែខាងផ្នែកអ្វីមួយ ។ ទោះជាការផ្លុំប៉ី ទាត់បាល់ឲ្យចូលហ្គោល ជួសជុលឡាន ឬសូម្បីតែការបើកយន្តហោះក្តី មានតែតាមរយៈការអនុវត្តប៉ុណ្ណោះ ទើបយើងអាចបានពូកែឡើង ។
អង្គការដែលព្រះអង្គសង្គ្រោះរបស់យើងបានបង្កើតនៅលើផែនដី—គឺសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ—ជួយយើងឲ្យធ្វើកិច្ចការនោះ ។ សាសនាចក្រនេះផ្តល់កន្លែងមួយឲ្យយើងអនុវត្តការរស់នៅ ក្នុងរបៀបមួយដែលទ្រង់បានបង្រៀន និងផ្តល់ពរដល់មនុស្សដទៃតាមរបៀបដែលទ្រង់បានប្រទានពរ ។
ក្នុងនាមជាសមាជិកសាសនាចក្រ យើងត្រូវបានផ្តល់ឲ្យនូវការហៅបម្រើ ការទទួលខុសត្រូវ និងឱកាសឲ្យយើងឈោងទៅជួយមនុស្សដទៃដោយក្តីអាណិតអាសូរ និងផ្តល់ការងារបម្រើ ។ ( « Believe, Love, Do » Liahona ខែវិច្ឆិកា ឆ្នាំ២០១៨ ទំព័រ ៤៨ )
-
តើអ្នកនឹងសង្ខេបអ្វីដែលអែលឌើរ អុជដូហ្វ បង្រៀនដោយរបៀបណា ?
សិស្សអាចនឹងលើកឡើងអំពីសេចក្ដីពិតជាច្រើន ។ សូមឲ្យពួកគេពន្យល់ពីមូលហេតុដែលសេចក្ដីពិតទាំងនេះសំខាន់ ។ ប្រសិនបើសិស្សមិនបានលើកឡើងពីការណ៍នេះដោយខ្លួនឯងទេ សូមសរសេរសេចក្តីពិតខាងក្រោមនៅលើក្ដារខៀន ៖ ការហៅក្នុងសាសនាចក្រគឺជាឱកាសដើម្បីផ្ដល់ពរ និងបម្រើអ្នកដទៃ ដូចជាព្រះអង្គសង្រ្គោះបានធ្វើ ។
សូមពិចារណាដាក់បង្ហាញរូបភាពព្រះអង្គសង្រ្គោះ ហើយសួរសំណួរដូចខាងក្រោម ។ សិស្សអាចសរសេរចម្លើយរបស់ពួកគេនៅជុំវិញរូបភាពព្រះអង្គសង្គ្រោះ ។
-
តើនៅពេលណាដែលនរណាម្នាក់បម្រើអ្នកដូចជាព្រះអង្គសង្គ្រោះ ? តើវាមានឥទ្ធិពលអ្វីខ្លះមកលើអ្នក ?
-
ហេតុអ្វីបានជានរណាម្នាក់ចង់បម្រើអ្នកដទៃដូចជាព្រះអង្គសង្គ្រោះបានធ្វើ ទោះបីជាពួកគេអាចនឹងមានការភ័យខ្លាចក្នុងការទទួលយកការហៅមួយក៏ដោយនោះ ?
-
តើការហៅជួយយើងរៀនដើម្បីផ្ដល់ពរ និងបម្រើអ្នកដទៃដូចជាព្រះអង្គសង្គ្រោះតាមរបៀបណាខ្លះ ?
ការបម្រើឲ្យដូចជាព្រះអង្គសង្រ្គោះ
សកម្មភាពខាងក្រោមអាចជួយសិស្សឲ្យយកឈ្នះលើការស្ទាក់ស្ទើរដែលពួកគេអាចមានអំពីការបម្រើការហៅ ឬស្វែងរករបៀបដែលពួកគេអាចកែលម្អនៅក្នុងការខិតខំប្រឹងប្រែងរបស់ពួកគេដើម្បីបំពេញការហៅ ។ ពួកគេអាចធ្វើវាដោយខ្លួនឯង ឬនៅក្នុងក្រុមតូចៗ ៖
សិក្សាគំរូមួយ ឬច្រើននៅក្នុងសំណៅមេរៀន ដែលអ្នកមានអារម្មណ៍ថា អាចជួយអ្នក នៅពេលអ្នកពិចារណាទទួលយក និងបំពេញការហៅនៅក្នុងសាសនាចក្ររបស់ព្រះអង្គសង្គ្រោះ ។
សូមផ្ដល់ឲ្យសិស្សនូវសកម្មភាពមួយ ឬច្រើននៅក្នុងសំណៅមេរៀន ៖ « ការបម្រើឲ្យដូចជាព្រះអង្គសង្រ្គោះ » ។
បន្ទាប់ពីសិស្សធ្វើសកម្មភាពនេះរួចរាល់ហើយ សូមអញ្ជើញពួកគេឲ្យចែកចាយអ្វីដែលពួកគេបានរៀន និងពីរបៀបដែលវាប៉ះពាល់ដល់បំណងប្រាថ្នារបស់ពួកគេផ្ទាល់ក្នុងការទទួលយក និងព្យាយាមបម្រើការហៅ ដូចជាព្រះអង្គសង្គ្រោះ ។
សូមពិចារណាការច្រៀង ឬការស្ដាប់បទចម្រៀង « ខ្ញុំព្យាយាមក្លាយដូចព្រះយេស៊ូវ » ( សៀវភៅចម្រៀងកុមារ ទំព័រ ៤០-៤១ ) ។ បន្ទាប់មក សូមអញ្ជើញសិស្សឲ្យសរសេរការណ៍មួយដែលពួកគេចង់ធ្វើដើម្បីបម្រើការហៅរបស់ពួកគេដូចជាព្រះអង្គសង្គ្រោះឥឡូវនេះ ឬនៅពេលអនាគត ។