Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faatuina o Sini: Faafoeina Lelei o Sini ma le Ausiaina

“Faatuina o Sini: Faafoeina Lelei o Sini ma le Ausiaina,” Tusi Lesona a le Faia’oga Seminare o le Feagaiga Tuai (2026)

“Faatuina o Sini: Faafoeina Lelei o Sini ma le Ausiaina,” Tusi Lesona a le Faia’oga Seminare o le Feagaiga Tuai

Mo Le Malosi o le Autalavou: Faia o Filifiliga: Lesona 172

Faatuina o Sini

Faafoeina Lelei o Sini ma le Ausiaina

E ui o le to’atele o tagata ua faamanuiaina mai i le faatuina ma le ausiaina o sini, o isi e ono faataatitia ese sini pe loto vaivai pe a latou toilalo.E finagalo le Alii ia avea i tatou faapei o Ia ma le Tamā Faalelagi (tagai i le 3 Nifae 12:48).O le a fesoasoani o Ia ia i tatou a o tatou tauivi e a’oa’o ma tuputupu a’e.O lenei lesona e mafai ona fesoasoani i tagata a’oga e faalatalata atili atu ai i le Alii a o latou a’oa’o e faatu ma ausia a latou sini patino faatasi ai ma Lana fesoasoani.

Sauniuniga a le tagata a’oga: Valaaulia tagata a’oga e mafaufau loloto i sini mamao ma lata mai latou te mananao e ausia.E mafai ona latou fesili atu i tagata latou te iloa, po o a mea ua latou a’oa’oina e uiga i le faatuina ma le ausiaina o sini.

Gaoioiga e Ono Mafai Ona Aoaoina Ai

Sini ma filifiliga

Mafaufau e amata le vasega e ala i le tusia o le ata lenei i luga o le laupapa.Valaaulia tagata a’oga e fai le mea lava lea e tasi i a latou api talaaga mo suesuega.

E mafai ona tusi e tagata a’oga a latou tali i fesili nei i autafa o ata faafasilaau ta’itasi i le itu taumatau.

O le a se mea e te faamoemoe e ausia i totonu o le tolu masina mai le taimi lenei? totonu o le tasi le tausaga? totonu o le lima tausaga?

Valaaulia tagata a’oga e mafaufau loloto i fesili nei.E mafai loa e ni tagata a’oga naunau ona faasoa mai a latou tali i le vasega.
O a ni ou manatu po o lagona o iai a’o e mafaufau i nei sini?Aisea?

E finagalo le Tamā Faalelagi ma Iesu Keriso ia avea oe ma ou tagata sili ona lelei—ma iu ina avea e faapei o i Laua (tagai i le 3 Nifae 12:48).I le lesona o le asō, saili le taitaiga a le Agaga ina ia iloa ai le auala e mafai ai ona La fesoasoani ia te oe e faatu ma ausia au sini patino.

O le fesoasoani a le Alii

Faitau le faamatalaga lenei mai ia Elder Ulisses Soares o le Korama a Aposetolo e To’asefululua, vaavaai mo mea e te a’oa’oina e uiga i le faatuina ma le ausiaina o sini:

O le fesoasoani e mafai ona tatou maua mai le Alii i a tatou sini ma sailiga amiotonu e le faatapulaaina, ma e lagolago e Ia i tatou i so’o se taumafaiga lelei ma le amiotonu. …Ou te valaaulia oe ia mafaufau i auala e tuliloa ai taumafaiga amiotonu i lou olaga, tusa lava po o a tulaga o loo e iai.Ou te faamautinoa atu ia te outou e alofa le Alii ia i tatou ta’ito’atasi ma o lo o iai pea o Ia iina e fesoasoani ia i tatou, tusa lava po o a tulaga o tatou feagai ai.(“Sini, Tuputupu A’e, ma le Alualu i Luma—Savali Lata Mai Nei mai Perofeta ma Aposetolo,” [na o le tusiga faaeletonika], Liahona, Ian. 2023, Gospel Library)

E faapefea ona faatatau le savali a Elder Soares i le faatuina ma le ausiaina o a tatou sini?

E ui e mafai ona faaaoga e tagata a’oga upu eseese, fesoasoani ia i latou ia iloa o le a fesoasoani le Alii ia i tatou e faatu ma ausia a tatou sini amiotonu.Mafaufau e tusi le upumoni lenei i luga o le laupapa.

Ona tusi lea O Le Alii i luga o le laupapa, i luga a’e o le ata mai le amataga o le lesona, ma fai atu le fesili lenei.
O le a se eseesega mo oe o lou iloaina o le a fesoasoani le Alii ia te oe a o e faatuina ma saili ia ausia au sini?

O ono fesoasoani le faamatala atu e mafai ona tatou faatu ni sini i vaega e tele o o tatou olaga e aofia ai a tatou sini faalea’oa’oga, sootaga, ma le soifua maloloina faaletino.So’o se taumafaiga ia tuputupu a’e, faaleleia, pe alualu i luma i se ala faaKeriso, e mafai ona avea ma se sini amiotonu.

O nisi tagata a’oga e ono lagona le loto vaivai i le faatuina o sini ona latou te lagona e pei e sili atu taimi latou te toilalo ai nai lo le faamanuiaina.Ina ia fesoasoani i na tagata a’oga, mafaufau e fai atu le fesili lenei.
Pe a tatou le ausia a tatou sini, aisea e taua ai le manatua e alofa le Alii ia i tatou ma e na te fesoasoani mai ia i tatou, e pei ona a’oa’o mai e Elder Soares?

E mafai ona e valaaulia tagata a’oga e faitau le 2 Nifae 4:17–21, 26–28 ma vaavaai pe na faapefea ona liliu atu Nifae i le Alii ina ua ia lagona ua le manuia ana taumafaiga.

Mo se faataitaiga o le auala e mafai ona fesoasoani mai ai le Alii ia i tatou ia ausia a tatou sini—tusa pe foliga mai e le mafai—mafaufau e faaaoga le faataitaiga a Aperaamo.Atonu ua uma ona iloilo e tagata a’oga lenei tala i le Lesona 22: “Aperaamo 1.”Afai o lea, e mafai ona e fetuuna’i le gaoioiga o i lalo ina ia fetaui ma manaoga o tagata a’oga.

I ni nai tausaga a o lei valaauina o ia e avea ma perofeta a le Alii, sa ola a’e Aperaamo i se nuu amioleaga ma ifo i tupua.E o’o lava i lona tamā na filimaoti e “ave ese [lona] ola” (Aperaamo 1:30).

Faitau le Aperaamo 1:1–2, 4, vaavaai mo sini na faatu e Aperaamo mo ia lava.

O le a se mea na e mauaina?
Mafaufau i tulaga na iai Aperaamo, mata o le a se faigata atonu na iai i le ausia ai o ana sini?

Na faasaoina faavavega e le Alii le ola o Aperaamo ma folafola atu e fesoasoani ia te ia ia ausia ana sini amiotonu (tagai i le Aperaamo 1:15–20).

Faitau le Aperaamo 1:18–19, vaavaai pe na faapefea ona fesoasoni le Alii ia Aperaamo.

O le a se aafiaga o le mea na tupu ia Aperaamo i le auala e te mafaufau ai e uiga i au sini?
Na faapefea ona fesoasoani le Tamā Faalelagi ma Iesu Keriso ia te oe po o se tasi e te iloa e faatu pe ausia se sini amiotonu?

Faagasologa o le faatutuina o sini

2026 Old Testament Seminary Teacher Materials

Iloilo mataupu faavae i le pepa e tufa atu ma saunia e tali ai fesili nei:

O a vaega o lenei faagasologa e lelei ona e faia?O a vaega e sili ona faigata mo oe?Aisea?
Mata e faapeī le faaaofia ai o le Alii ma sailia Lana fesoasoani i lenei faagasologa atoa?

A uma ae lava se taimi, e mafai e ni nai tagata a’oga ona faasoa mai a latou tali i le vasega.

Faataitai le faatuina o se sini

Afai e iai se taimi avanoa, mafaufau e fesoasoani i tagata a’oga e faataitai le faatuina ma le ausiaina o sini e faaaogaina ai lenei faagasologa.E mafai ona latou faia le gaoioiga lenei i ni paga po o ni vaega to’alaiti.Po o lou agai sa’o i le vaega “O Lau sini.”

Lisi i totonu o lau api talaaga mo suesuega ni nai faataitaiga o sini amiotonu ma aoga e mafai ona faatu e talavou mo o latou olaga.

Ona filifili lea o se tasi o nei sini ma, i le faaaogaina ai o mataupu faavae mai le pepa e tufa atu, fatu se ata faataitai lea e mafai ai e se tagata ona faatino moni laasaga ta’itasi.Mafaufau pe faapefea ona e faaaofia le Alii i lenei faagasologa.

E mafai ona e faaaogaina le ata faataitai lenei e fai ma faataitaiga:

Na ole atu Jayden i le Tamā Faalelagi mo se fesoasoani i le faatuina o se sini.Na ia filifili e suesue le Tusi a Mamona i aso ta’itasi mo le 10 minute.
Na ia filifili e ala vave i luga ina ia mafai ona suesue ae le’i amatalia le a’oga.
Ina ua mavae le vaiaso e tasi, na iloa e Jayden ua tele ina moe umi.Sa ia tatalo mo se fesoasoani.
Ina ua mavae vaiaso e lua, na lagona e Jayden ua le manuia lana sini.Na ia ole atu i le Tamā Faalelagi e fesoasoani ia te ia ina ia ona lagona le alofa [o le Tama Faalelagi] ma Iesu Keriso mo ia.Na ia lagona le faalaeiauina ma filifili ai e toe taumafai, ma faatuatua o le a fesoasoani le Tamā Faalelagi ma Iesu Keriso ia te ia.Na ia filifili ma le loto iai e vave moe i po uma ina ia mafai ona faigofie ona ala vave i luga.

A ua lava loa le taimi, valaaulia ni tagata a’oga e faasoa mai a latou ata faataitai.

O lau sini

O le gaoioiga lenei o se tasi lea o auala e mafai ai e tagata a’oga ona faia se fuafuaga e faaaofia le Alii ia latou sini.E mafai ona latou tusi a latou sini ma fuafuaga i a latou api talaaga mo suesuega po o luga o le pepa e tufa atu.

Mafaufau loloto i au oe lava sini patino e faaaoga ai le laasaga muamua mai le pepa e tufa atu.Ina ia faia faapea, e mafai ona e manatunatu i lau atatusi mai i le amataga o le lesona.

Tusi se tasi pe lua o sini e te manao ia ausia.Fausia se fuafuaga auiliili e faataatitia ai laasaga e te manao e faia ina ia ausia ai au sini.Ia mautinoa e faaaofia i lau fuafuaga le auala e ono mafai ona e faaaofia ai le Alii i au sini.

Uunaia tagata a’oga i a latou taumafaiga ia ausia a latou sini ma faamanatu atu ia i latou le fesoasoani a le Tamā Faalelagi ma Iesu Keriso.Mafaufau e toe faitau le faamatalaga a Elder Soares ma faasoa atu lau molimau i mea ua ia a’oa’o mai.

O Puna’oa Faaopoopo

E mafai faapefea e le faatuina o sini ona manuia ai lo’u olaga?

Tala’i La’u Talalelei: O Se Taiala i le Faasoaina atu o le Talalelei a Iesu Keriso ua a’oa’o mai ai mea nei:

O le aoao ai e faatutu ni sini ma faia ni fuafuaga e mafai ona faamanuiaina ai oe i lou olaga atoa. E mafai ona fesoasoani ia te oe e osia ma tausia feagaiga ma le Atua, auauna atu ma le faamaoni i le Ekalesia, tulitulimatāgau aoaoga, tuputupu a’e i au galuega, ma fausia se aiga malosi. (Tala’i La’u Talalelei [2023], 147)

Ae faapefea pe a ou manao e faaleleia ae le mafai ona ou vaaia so’u gafatiaga?

Na molimai mai Elder Dieter F. Uchtdorf o le Korama a Aposetolo e To’asefululua:

14:11

Ou te talitonu e finagalo le Faaola o Iesu Keriso ia te oe ia e vaai, lagona, ma iloa o Ia o lou malosiaga.Faatasi ai ma Lana fesoasoani, e leai ai ni tapulaa i mea e mafai ona e ausiaina.O lou gafatia e lē faatapulaaina.E finagalo o Ia e te vaai ia te oe lava ia i le ala o loo Ia silasila mai ai ia te oe.Ma e ese tele lena mea mai le ala e vaai atu ai le lalolagi ia te oe.(“O Iesu Keriso o le Malosi o le Autalavou,” Liahona, Nov. 2022, 9)

Ae faapefea pe a ou le ausiaina a’u sini?

Sa a’oa’o mai Peresitene Dieter F. Uchtdorf, o lē sa avea ma sui o le Au Peresitene Sili:

Pe a faatutuina ni sini … toetoe lava ina mautinoa o le a tatou toilalo—a itiiti mai e mo se taimi puupuu lava.Ae nai lo o le lagona o le faavaivai, e mafai ona tatou lagona le faamalosia ona o lenei malamalamaaga e mafai ona aveese ai le popole i le avea ma se e atoatoa i le taimi nei.E faailoa mai i le amataga e faapea, a le o le taimi nei pe i se isi taimi, tatou te ono le ausiaina ai.O le iloaina o lenei mea i le amataga e aveese ai le tele o lagona faateia ma le faavaivai pe a le manuia.

Pe a tatou faafoefoe a tatou sini i lenei auala, o le a le faatapulaaina i tatou e le toilalo.Manatua, e tusa pe tatou te le ausiaina lo tatou taunuuga manaomia silisili i le taimi lenei, o le a tatou alualu pea i luma i luga o le ala e taunuu atu iai.

Ma o le mea lena e taua,—e taua tele.

E ui lava atonu tatou te le taunuu i lo tatou tini, ae o le faaauauina o le malaga o le a avea ai i tatou ma tagata sili atu nai lo le taimi muamua.(“O Le Taimi Sili Ona Lelei e Totoina ai se Laau,” Liahona, Ian. 2014, 6)

Gaoioiga Faaopoopo e A’oa’o Ai

Faaogatasiina o filifiliga ma sini

Ina ia fesoasoani i tagata a’oga e iloa le taua o a latou filifiliga a o latou tulitulimatagauina a latou sini, mafaufau e faasoa atu le tala na faamatala e Elder Quentin L. Cook i le vitiō “Filifili ma le Atamai,” mai le faailo taimi 3:51 i le 4:52.E mafai ona e valaaulia tagata a’oga e vaavaai mo faafitauli latou te iloa mai filifiliga a lenei alii talavou.

15:20

Ona mafai lea ona e fai atu ni fesili e pei o nei:

O a ni auala e ono aafia ai sini a lenei alii talavou ona o ana filifiliga?
O le a se fautuaga e te tuuina atu i le alii talavou ina ia fesoasoani ia te ia e ausia ai ana sini?

Mafaufau loloto i au lava sini.I totonu o lau api talaaga mo suesuega, tusi i lalo se fautuaga e te tuuina ia te oe lava e fesoasoani ai ia ausia au sini.

O le faataitaiga a le Atua i le faatutuina o sini.

Ina ia fesoasoani i tagata a’oga ia iloa le taua o le faatuina ma ausiaina o sini, valaaulia i latou e faitau le Mose 1:39 ma vaavaai mo le galuega ma le mamalu o le Tamā Faalelagi.Ona e fesili ifo lea po o le a se mea na faia e le Tamā Faalelagi ina ia ausia ai lana galuega ma lona mamalu.E ono faasoa mai e tagataa’oga ni tali e pei o le, na Ia foafoaina le lalolagi, faasaoina lo tatou faitalia, tuuina mai se Faaola, ma faavaeina sauniga lavea’i.

Po o lou faaali atu pe tusi le ata lenei o le Foafoaga:

E mafai ona vaevae e tagata a’oga le Mose 2:1–27 ia i latou lava i ni paga pe i vaega to’alaiti, faafesootai aso ta’itasi o le Foafoaga i luga o le ata ma se fuaiupu faatusitusiga paia e fesootai iai.A uma lenei gaoioiga, fai atu fesili nei:

O le a se mea e mafai ona tatou a’oa’oina mai le tala i le Foafoaga e uiga i le ausiaina o sini?

E ono faasoa mai e tagata a’oga ni tali e pei o le, sa umi se taimi, na ausia mea uma lava e tusa ma se fuafuaga, ma sa aofia ai le tele o taumafaiga.

E mafai faapefea ona faatatau mea ua tatou a’oa’oina i a tatou sini patino?

O se galuega o lo o faagasolo pea

Mo se faataitaiga o se tasi na faatu ma ausiaina ni sini, mafaufau e faaali atu le vitiō “A Work in Progress” mai le faailo taimi 1:33 i le 5:04.E mafai ona e faaali atu le vitiō pe a mae’a ona talanoaina le pepa e tufa atu ma valaaulia tagata a’oga e vaavaai mo ni faataitaiga o le faagasologa o le faatuina o se sini.

7:30