Судар судлахад Ариун Сүнсийг урьдаг үйлдлүүд

Тэднийг жирийн хоёр өсвөр насны хүүхэд гэж төсөөл.

• Тэдэнд нийтлэг зүйл юу байж болох вэ?

  Хоёр зураасан хүний дүрсийн дунд суралцагчдын хариултыг бич.

  Энэ хоёр хүн судраас суралцаж байхдаа маш өөр туршлага хуримтлуулж байна гэж төсөөлөхөд суралцагчдыг урь. Нэг дүрсний хажууд “Судраас утга учиртай туршлага авах”, нөгөө дүрсний хажууд “Судар судлахад бэрхшээлтэй байх” гэж бич.

  Дараах асуултад өгсөн суралцагчдын хариултуудыг зураасан хүний дүрсний доор бич.

• Судар судлахад эерэг эсвэл муу нөлөө үзүүлдэг ямар үйлдэл байдаг вэ?

Арван хоёр төлөөлөгчийн чуулгын ахлагч Гари Э.Стивэнсон бидэнд судар судлахад хэрэг болох дараах зүйлийг заасан.

Сүнслэг зүйлсийг хүчилж болохгүй. Та Сүнсийг урих орчин, мөн хандлагыг өөртөө бий болгож, өөрийгөө бэлдэж болох ч сүнслэг өдөөлт хэзээ, хэрхэн ирэхийг тулгаж чадахгүй. Тэвчээртэй байж, хэрэгцээтэй зүйлсээ цаг нь ирэхэд хүлээж авна гэдэгт найд. (“Сүнсний өдөөлт,” Лиахона, 2023 оны 11-р сар, 45)

• Ахлагч Стивэнсоны үг судар судлахтай хэрхэн холбогдож болох вэ?

  Хэрэв суралцагчид үүнийг илэрхийлээгүй бол Бид судар судалж байхдаа Ариун Сүнсийг урин авчрах хандлага ба орчныг бүрдүүлж чадна гэдгийг олж тодорхойлоход тэдэнд тусал.

• Судар судлахдаа Ариун Сүнсийг урьснаар ямар ямар адислал ирэх вэ?

  Суралцагчдаар дараах асуултуудыг тунгаан бодоход урих талаар эргэцүүлэн бод.

• Судар судлахдаа Ариун Сүнсийг урих чадвартаа та хэр итгэлтэй байна вэ?

Өнөөдөр судлахдаа хувиараа судраа судлахад Ариун Сүнсийг илүү сайн урьж оруулахад туслах санаа эсвэл сэтгэгдэлд анхаарлаа хандуул.

• Судар судлахдаа Ариун Сүнсийг урихад танд юу тусалсан бэ?

• Та үр дүн өгөөгүй мэт санагдсан юуг туршиж үзсэн бэ?

• Судар судлах үед Ариун Сүнсийг мэдрэхэд саад болдог ямар зүйл байж болох вэ?

  Тэдний хариултыг самбарт жагсаан бич. Суралцагчид гар утас, энергийн түвшин, хүрээлэн буй орчин гэх мэт зүйлсийг дурдаж болно.

• Анхаарал сарниулах зүйлсийг байхгүй болгох нь судар судлахдаа Ариун Сүнсийг урихад яагаад тусална гэж та бодож байна вэ?

  Аврагч Есүс Христ Бурхантай хамт байхыг хүссэн үедээ ихэвчлэн нам гүм газруудыг эрэлхийлдэг байсныг та онцлон хэл (Maтай 14:22–23-ыг үзнэ үү). Энэ нь Түүний анхаарал сарниулах зүйлсийг арилгах нэг арга байв.

• Дээр дурдсан анхаарал сарниулах зүйлсийг арилгахын тулд та юу хийж болох вэ?

Тэнгэрлэг Эцэгт хандан залбирах нь судар судлахдаа Ариун Сүнсийг урих үр дүнтэй арга юм.

• Та судраас суралцахаасаа өмнө Тэнгэрлэг Эцэгт хандан залбирахдаа юу гэж хэлж болох вэ?

Тэргүүн зөвлөлийн ерөнхийлөгч Даллин Х.Өүкс судраас суралцахдаа Ариун Сүнсийг урихын тулд хэрхэн залбирлыг ашигладаг тухайгаа хуваалцжээ.

1:9

Би өдөр бүр судраас уншихаасаа өмнө толгойгоо бөхийлгөн, уншиж байгаа зүйлийнхээ утгыг гэгээрүүлэх Сүнсийг хүлээн авч, өдрийн турш надтай хамт байж, зөв шийдвэр гаргахад тусалж, уруу таталтыг эсэргүүцэхэд намайг адислахыг Их Эзэнээс гуйдаг. Би та бүхнийг үүнийг дадал хэвшил болгоорой хэмээн уриалж байна (“2.3.1. I Love My Daily Scripture Study,” Welcome to Seminary, 2012)

• Та ерөнхийлөгч Өүксээс өөр ямар нэмэлт ойлголт авсан бэ?

Судруудын удирдамж дээр тунгаан бодох гэдэг нь “ихэвчлэн судруудыг эсвэл Бурханы бусад зүйлийн талаар бясалгаж, гүн бодох явдал юм хэмээн заадаг. Бурханы зүйлсийн талаар тунгаан бодох нь залбиралтай хослуулбал илчлэл ба ойлголтыг авчрах болно” (Gospel Library, Судруудын удирдамж, “Тунгаан бод”).

Арван хоёр төлөөлөгчийн чуулгын ахлагч Д.Тодд Кристоффэрсон судрыг тунгаан бодох нь ямар байдгийг тайлбарласан.

11:21

Заримдаа судруудын ерөнхий захиасыг ойлгохын тулд тодорхой хугацаанд үүнээс унших нь сайн хэрэг. Гэхдээ та тухайн цагт хэр их зүйл уншихаа бодохоос илүү судруудад ямар цаг хугацаа зарцуулж байгаагаа бодох хэрэгтэй. Би та нарыг заримдаа цөөхөн шүлэг уншаад, түр зогсон, тунгаан бодож, тэдгээр шүлгээ дахин уншиж, утгыг нь тунгаан бодох үедээ ойлгохын төлөө залбирч, оюун бодолдоо асуулт тавин, сүнслэг сэтгэгдэл авахаар хүлээж, хүлээн авсан нөлөөлөл, илчлэлээ бичиж тэмдэглэж байгаагаар төсөөлдөг. Хэрэв ингэж чадвал та нар тэдгээрийг санаж, илүү сайн суралцаж чадна. Ийм аргаар суралцахдаа та гучин минутад маш олон бүлэг эсвэл шүлэг уншихгүй байж магадгүй. Гэхдээ Бурханы үгсийг суулгах зайг зүрх сэтгэлдээ гаргаж өгснөөр Тэрээр тантай ярих болно. (“When Thou Art Converted,” Liahona, May 2004, 11)

• Ахлагч Кристоффэрсоны заасан зүйлсээс юу нь танд тод үлдсэн бэ?

• Судруудыг тунгаан бодох нь яагаад Ариун Сүнсийг урьж чадна гэж та нар бодож байна вэ?

• Танд (эсвэл таньдаг хэн нэгэнд тань) судруудын талаар тунгаан бодож байсан ямар туршлага тохиолдсон бэ? Хэт ариун нандин эсвэл хувийн шинжтэй зүйлээ хуваалцах хэрэггүйг тэдэнд сануул.

Өнөөдөр сурсан зүйлсээ эргэцүүлэн бодож, судар судлахдаа Ариун Сүнсийг илүү сайн урих төлөвлөгөө гарга. Судлах тэмдэглэлдээ дараах асуултуудад хариулж бич.

• Хувиараа судраас суралцахдаа Ариун Сүнсийг илүү сайн урихын тулд та ямар ямар алхам хийж болох вэ?

• Бурханы үгийг судлахад тань Ариун Сүнс хамт байх нь ямар үр дүнд хүргэж болох вэ?