Судруудаас сайн мэдээний үнэнүүдийг олох

Судруудаас сайн мэдээний үнэнүүдийг олохын ач холбогдлыг ойлгоход суралцагчдад туслах дараах зүйрлэл нь судрын түүхүүд хэрхэн сайн мэдээний үнэнүүдийг хадгалж үлдээдэг тухай тустай санааг өгөх болно. Танай соёлд хүмүүс ихэвчлэн идээд байдаггүй гадил (эсвэл хальстай жимс) ангид авчир. Жимсийг сайн дураараа идэх суралцагчийг ол. Суралцагч хальсыг хальсалж, нэг хазсаны дараа та гайхсан дүр үзүүлж, яагаад хальсыг нь хазаагүй юм бэ гэж асуу. Дараа нь дараах асуултыг тавь.

(Хэрэв жимс олдохгүй бол та самбар дээр жимсний зураг тавих юм уу зураг зурах зэргээр үүнтэй төстэй яриа өрнүүлэхийн тулд энэ хэсгийг өөрчилж болно.)

Шаардлагатай бол бид судруудаас илүү ихийг сурахын тулд Бурханы биднийг мэдээсэй хэмээн хүсдэг үнэнүүдийг олж мэдэхийн тулд эдгээр түүхийн цаадах далд утга санааг харах хэрэгтэй гэдгийг тайлбарла. Түүхүүд нь Христийг таньж мэдэж, дагахад туслах сайн мэдээний үнэнүүдийг хадгалж, хамгаалдаг хальстай адил байж болно.

Дараах мэдэгдлийг хуваалцаад, суралцаж байхдаа сайн мэдээний үнэнүүдийг эрэлхийлэх нь яагаад чухал болохыг олж мэдэхэд суралцагчдыг урь.

Та ахлагч Бэднарын хэлсэн үгээс дараах үгтэй адил үнэнийг олж тогтооход суралцагчдад тусалж болно: Сайн мэдээний сургаал, зарчмууд нь Есүс Христээс ирдэг бөгөөд заавар, мөн удаан үргэлжлэх баяр баясгалангийн эх сурвалж болдог.

(Тайлбар: Сургаал ба зарчмуудын ялгааг энэ хичээл дээр авч үзэхгүй. Энэ хичээлийн зорилгын хувьд сургаал, зарчим хоёулаа “сайн мэдээний үнэнүүд” гэсэн ерөнхий нэр томьёог хэрэглэх болно. Хэрэв та суралцагчдад сургаал, зарчим хоёрыг ялгаж салгах нь тустай гэж үзвэл нэмэлт материалууд дээр ашиглаж болох мэдэгдлүүд бий.)

Та судраас сайн мэдээний үнэнүүдийг олох чадвараа үнэлж дүгнэхэд нь суралцагчдад туслахын тулд дараах мэдэгдлүүдийг дотроо тунгаан бодоход тэднийг урьж болно.

Тэнгэрлэг Эцэгийн бидэнд зориулж хадгалсан судрууд дээрх үнэнийг илүү сайн таньж мэдэхэд туслах Ариун Сүнсийг эрэлхийлэхэд суралцагчдыг урамшуулан дэмж.

Та дараах үйл ажиллагаануудаар эхлээд ур чадвар бүрийн “Тодорхойлох,” “Загвар” хэсгүүдийг давтан үзэж, дараа нь энэ хоёр чадвараар зэрэг дадлага хийхэд суралцагчдыг урь. Та чадваруудын “Дадлага” хэсэгт жагсаасан судрын санаануудаас аль алийг нь ашиглаж болно.

Дараах судрыг эсвэл өөрийн дуртай шүлгийн аль нэгийг уншиж, тодорхой илэрхийлэгдсэн үнэний жишээг суралцагчдад үзүүл.

Суралцагчдыг дадлага хийлгэх нэг арга бол Төгс эзэмших сургаалыг судлах үндсэн материал (2023) дээрх Төгс эзэмших сургаалын судрын хэсгүүд, чухал судрын хэллэгүүдийг нээхэд тэднийг урих явдал юм. Дараа нь суралцагчид хэд хэдэн шүлгийг нээгээд, тодорхой хэлсэн үнэнүүдийг олж тогтоож болно.

Суралцагчдад үйл ажиллагааг хийж дуусгах цаг гаргаж өгсний дараа тэд хамтрагч руугаа эсвэл жижиг бүлэг рүү очиж, олж тогтоосон үнэн(үүд)ээ хуваалцаж болно.

Та эдгээр асуултыг самбар дээр харуулж эсвэл жагсааж бичиж болно.

Ангийнхандаа Тооллого 21:5–9-ийг сайн дураараа чанга уншиж өгөх суралцагчийг урь. Энэ нь хорт могойд хатгуулсан израилчуудад Бурханы заасан мөн тэднийг эдгээсэн цэдэг юм. Сонсож байхдаа дээрх асуултуудыг өөрсдөдөө тавьж, цэдэг дэх далд утгатай үнэнийг олж мэдэхэд суралцагчдыг урамшуулан дэмж.

Уншиж дууссаных нь дараа олж мэдсэн далд үнэнээ сайн дураараа хуваалцахыг суралцагчаас хүс. Та судар дээрээ эдгээр шүлгийн дэргэд үнэнийг бичихэд суралцагчдыг урамшуулан дэмжиж болно.

Энэ цэдгийн боломжит далд үнэнд дараах үнэнүүд багтана. Үүнд:

• Бурхан, мөн Түүний бошиглогчдын эсрэг ярих нь эцэстээ уй гашууд хүргэх болно.

• Бошиглогч биднийг Есүс Христ рүү чиглүүлдэг.

• Бурхан өрөвч нигүүлсэнгүй бөгөөд биднийг эдгээх арга замыг бэлтгэдэг.

Та Есүс Христ энэ цэдгийг Өөрт нь итгэж, Өөрийг нь дагадаг хүмүүс мөнх амьдралыг авна гэж заахын тулд ашигласан гэдгийг онцолж болно (Иохан 3:14–16).

Дууссаны дараа бусад суралцагчийн самбар дээр бичсэнийг, мөн өөрсдөд нь утга учиртай үнэнүүдийг олж хэлэхэд суралцагчдыг урь. Суралцагчид яагаад уг үнэн өөрсдөд нь чухал болохыг мөн энэ үнэнийг амьдралдаа хэрхэн хэрэгжүүлж болох талаар хуваалцаж болно. Та мөн самбар дээрх ямар нэг зүйл үнэн гэдгийг мэдэхэд нь тусалсан туршлага тохиолдсон эсэхийг тэднээс асууж болно.

Энэ улиралд тавьсан хувийн судар судлах зорилгыг нь суралцагчдад сануул. Хэрэв суралцагчид хараахан зорилго тавиагүй байгаа бол тавихад нь урамшуулан дэмжээрэй.

Судлах тэмдэглэлдээ дараах асуултуудад хариулж байхдаа зорилгоо бодоход суралцагчдыг урь. Хэрэв сүнслэгээр өдөөгдсөн бол зорилгоо өөрчлөхөд бэлэн байхад тэднийг урь.

Дараагийн хэд хэдэн хичээл дээр хувиараа эсвэл гэр бүлээрээ судар судлах явцдаа олж мэдсэн үнэнээ хуваалцахад нэг эсвэл түүнээс олон суралцагчийг урь. Дараа дараагийн хичээлээр энэ чухал ур чадвараар дадлага хийх боломжийг суралцагчдад олгохыг хичээ.