Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Судар дээрх Есүс Христэд анхаарлаа хандуулах: Аврагчийн бэлгэдэл, зан чанаруудыг эрэлхийлэх нь

“Судар дээрх Есүс Христэд анхаарлаа хандуулах: Аврагчийн бэлгэдэл, зан чанаруудыг эрэлхийлэх нь,” Хуучин Гэрээний семинарын багшийн гарын авлага (2026)

“Судар дээрх Есүс Христэд анхаарлаа хандуулах: Аврагчийн бэлгэдэл, зан чанаруудыг эрэлхийлэх нь,” Хуучин Гэрээний семинарын багшийн гарын авлага

166-р хичээл: Судар судлах ур чадвар

Судар дээрх Есүс Христэд анхаарлаа хандуулах

Аврагчийн бэлгэдэл, зан чанаруудыг эрэлхийлэх нь

Young adult students sitting on church chairs holding their scriptures.

Судруудын нэг гол зорилго бол Тэнгэрлэг Эцэг, Есүс Христ хоёрын талаар суралцахад бидэнд туслах явдал юм. Есүс Христийн талаар суралцах нь бидний хувьд Тэнгэрлэг Эцэгийн талаар суралцах чухал арга зам юм. Тэдний талаар илүү ихийг сурах тусам Тэдэнд итгэх итгэл маань өсөн нэмэгддэг. Энэ хичээл нь судруудыг судлахдаа Аврагч дээр анхаарлаа төвлөрүүлэхэд суралцагчдад туслах зорилготой.

Суралцагчийн бэлтгэл: Суралцагчдыг хувиараа эсвэл гэр бүлээрээ судраас судалж байхдаа Тэнгэрлэг Эцэг, Есүс Христ хоёрын талаар ойлголт олж авахад урь. Олж мэдсэн зүйлээ хуваалцахаар бэлдэж ирэхэд тэднийг урь.

Боломжит суралцах үйл ажиллагаа

Судруудын зорилго

Самбарт нэг бай зурахыг бод.

Нэг эсвэл хоёр суралцагчийг бай руу зөөлөн зүйл шидэхэд урь. Эдгээр оролдлогын дараа байг арилга. Хэрэв та хүсвэл нэг суралцагчаас бай байхгүй байсан ч байгаа онохыг оролдохыг хүсэж болно. (Энэ нь багахан төөрөгдөхөд хүргэнэ.) Тэднээс бай байхгүй үед тус үйл ажиллагааны талаар юу мэдэрснийг нь асууж болно.

Бай байх эсвэл үйл ажиллагааны зорилготой байх нь яагаад сайн бэ?
Байтай байхын эсвэл судраас судлахын зорилго юу вэ?

Суралцагчид янз бүрийн хариулт хуваалцаж болох юм. Хэрэв та хүсвэл байг дахин зураад, суралцагчдын судраас судлах зорилгын талаар хуваалцах хариултуудыг байн дотор эсвэл хажууд нь бич.

Судруудын зорилгыг ойлгох нь бидэнд тэдгээрийг судлахад тустай гэдгийг тайлбарлана уу.

Арван хоёр төлөөлөгчийн чуулгын ахлагч Д.Тодд Кристоффэрсоны хэлсэн дараах мэдэгдлийг уншаад, судруудын гол зорилгыг олж мэд.

Эцэст нь, судрууд бол Бурхан Эцэг, Түүний Хүү Есүс Христ хоёрт итгэх итгэлээр бидний оюун санааг дүүргэх зорилготой. Тэд байдаг гэдэгт итгэх итгэлээр, бидний үхэшгүй байдал болон мөнх амьдралд зориулсан Эцэгийн төлөвлөгөөнд итгэх итгэлээр, аз жаргалын төлөвлөгөөг боломжтой болгогч Есүс Христийн Амилалт болон Цагаатгалд итгэх итгэлээр, Есүс Христийн сайн мэдээг амьдралынхаа замнал болгох итгэлээр, “Цорын ганц үнэн Бурхан болон Түүний илгээсэн Есүс Христийг” (Иохан 17:3) танин мэдэх тэрхүү итгэлээр судрууд бидний бодгалийг дүүргэх болно. (“Судрын адислал,” 2010 оны 4-р сарын Ерөнхий чуулган, 39)

15:36

Та судруудын зорилгыг хэрхэн нэгтгэн дүгнэх вэ?

Дараах үнэнийг самбар дээр бич. Судрын үндсэн зорилго бол Тэнгэрлэг Эцэг, Есүс Христ хоёрт итгэх бидний итгэлийг хөгжүүлэх юм. Та энэ үнэнээс байны төв рүү сум татан зурж болно.
Энэхүү зорилгыг мэдэх нь бидний судраас судлах арга барилд хэрхэн нөлөөлж болох вэ?
Яагаад Тэнгэрлэг Эцэг, Есүс Христ хоёрт итгэх итгэлээ хөгжүүлэхийн тулд үргэлж хичээх нь чухал байж болох вэ?

Судраас судлахдаа юунд анхаарлаа төвлөрүүлж байгаагаа тунгаан бод. Та судраас судалж байхдаа Тэнгэрлэг Эцэг, Есүс Христ хоёрт итгэх итгэлээ хөгжүүлэхэд анхаарлаа хандуулж байгаагаа хэр сайн мэдэрдэг вэ?

Энэ хичээлээр судар судлах ур чадварт суралцахдаа та нар Тэнгэрлэг Эцэг, Есүс Христ хоёрт итгэх итгэлээ хөгжүүлэхэд эдгээр ур чадварыг хэрхэн ашиглахаа мэдэхийн тулд Ариун Сүнсний тусламжийг эрэлхийл.

Энэ хичээлээр суралцагчдад Аврагч дээр анхаарлаа төвлөрүүлэхэд туслах судар судлах хоёр ур чадварын тухай ярилцана. Бид Аврагчийн талаар суралцсанаар Тэнгэрлэг Эцэг, Есүс Христ хоёр төгс нэгдмэл байдаг учраас адил зан чанарууд нь Эцэгт хамаардаг гэдгийг тайлбарлах нь зүйтэй (Иохан 6:38; 10:30; 14:7–9-ийг үзнэ үү). Энэ хичээл дээр уг ур чадварууд Есүс Христэд анхаарлаа хандуулахад бидэнд тусална. Анхаарал хандуулах нь Тэнгэрлэг Эцэгийн тухай сурахад бидэнд тусалдаг.

Та ур чадвар бүрийг тодорхойлж, загварчлах ба дараа нь суралцагчдад дадлага хийх боломж олдоно.

Ур чадвар: Аврагчийн бэлгэдлүүдийг олж, тэдгээрийн утгыг тунгаан бодох

Тодорхойлох

Судрууд Аврагчийн бэлгэдлүүдээр дүүрэн байдаг. Аврагчийн бэлгэдэл бол бидний амьдрал дахь Аврагчийн үүргийн талаар сануулж чадах объект эсвэл зүйл юм. Ур чадвар эзэмшихийн тулд дараах зүйлсийг хий.

Самбар дээр дараах алхмуудыг бичих талаар бодож үз.

Аврагчийг танд сануулах бэлгэдлүүдийг хай.
Өөртөө дараах асуултуудыг тавь.
- Аврагч энэ бэлгэдэлтэй юугаараа адил вэ?
- Аврагчийг энэ бэлгэдэлтэй харьцуулах нь Аврагчийг миний амьдралд хэрхэн тусалж болохыг ойлгоход надад хэрхэн туслах вэ?

Загвар

Ангиараа хамтдаа хийснээр энэ ур чадварыг загварчил. Ийн үйлдэх нь суралцагчдад энэ нь юу болохыг, мөн хэрхэн хийхийг ойлгоход тусална.

Их Эзэн Өөрийнхөө тухай бидэнд заахын тулд бошиглогч Иеремиагаар дамжуулан хүчирхэг бэлгэдэл ашигласан. Иеремиа 2:13, 17:13-ыг уншаад, Аврагчийн бэлгэдлийг олж мэд.

Аврагч энэ бэлгэдэлтэй юугаараа адил вэ? (амийн усны усан оргилуур)
Хэрэв суралцагчдад хариулахад хэцүү байвал та дараах асуултуудыг тавьж болно.
- Усыг юу юунд хэрэглэдэг вэ? (Цангаа тайлах, биднийг амьд байлгах зэрэгт мөн цэвэрлэж эрч хүчээ сэргээхэд тусалдаг.) Аврагч ийм байдлаар устай юугаараа адил вэ?
- Аврагч яагаад устай адил чухал вэ? Ус бидэнд үргэлж хэрэгтэй байдагтай адил Тэр бидэнд яагаад хэрэгтэй вэ?
- Их Эзэн Өөрийгөө яагаад цөөрөм эсвэл өөр эх булгаас илүү усан оргилууртай (эсвэл булагтай) зүйрлэсэн байж болох вэ?
- Аврагчийг энэ бэлгэдэлтэй харьцуулах нь Түүний таны амьдралд хэрхэн тусалж чадахыг ойлгоход хэрхэн туслах вэ?

Дадлага

Хэрэв та тэдэнд тустай гэж үзвэл суралцагчдад бие даан эсвэл жижиг бүлгүүдэд хуваарилагдан энэ ур чадвараар дадлага хийх боломж олго. Та суралцагчдыг доорх судруудаас нэгийг эсвэл таны өгөх өөр судруудыг сонгохыг хүсэж болно.

Дараах судруудын нэгийг сонго. Аврагчийн бэлгэдлийг олж, самбар дээрх хоёр асуултыг өөртөө тавь.

2 Самуел 22:2-4

Исаиа 25:4 (Жич: Та гэж Их Эзэнийг хэлж байгаа болно.)

Малахи 3:2-3

Олж мэдсэн зүйлээ хуваалцахад хэд хэдэн суралцагчийг урь. Тэдний хичээж чармайж буйд талархахын сацуу хариултыг нь бататгах арга замуудыг хайж ол. Хэрэв суралцагчдад бэрхшээл тулгарвал зүгээр гэдгийг тэдэнд батлан хэл. Эдгээр ур чадвар эзэмшихэд дадлага шаардагддаг.

Ур чадвар: Бид Аврагчийн үйлдэл, үгсээс Түүний талаар юу сурч болохыг олж мэдэх

Тодорхойлох

Бид судруудыг судлах үедээ судруудаас Аврагчийн үйлдэл, үгсийг эрж хайснаар Түүнд анхаарлаа хандуулж болно. Дараа нь бид Түүний үйлдэл, үгсээс Түүний талаар юу сурч болох, Түүний талаар сурч мэдсэн зүйл бидний амьдралд хэрхэн тусалж болохыг тунгаан бодож болно.

Та суралцагчдаас дараах алхмуудыг дагаж мөрдөхийг хүсэн, самбар дээр үзүүлж болох юм.

Аврагчийн үгс, үйлдлийг олж мэд.
Өөртөө дараах асуултуудыг тавь.
- Эдгээр үг эсвэл үйлдэл Аврагчийн талаар юу зааж байна вэ?
- Эдгээр үг эсвэл үйлдэл нь Аврагчийн миний амьдралд хэрхэн тусалж болохыг ойлгоход надад хэрхэн туслах вэ?

Загвар

Бид Шадрах, Мешах, Абед-него нарын түүхийг судалснаар Аврагчийн талаар суралцаж чадна. Энэ зөв шударга гурван хүн Небухаднезар хааны бүтээсэн алтан хөрөгт мөргөхөөс татгалзсан учраас дүрэлзсэн зууханд хаягдсан (Даниел 3:13–22-ыг үзнэ үү).

Суралцагчдад заримдаа анхааралтай унших ёстойг, ялангуяа Их Эзэний хэлсэн эсвэл хийсэн зүйлийг олж мэдэх хэрэгтэй гэдгийг тайлбарлаж өг. Дараах шүлгүүд бол ийм жишээ юм.

Даниел 3:23–25-ыг уншаад, эдгээр шүлгээс Аврагчийн юу хийснийг олж мэд.

Jesus Christ depicted standing with the Old Testament figures Shadrach, Meshach and Abednego in the fiery furnace of King Nebuchadnezzar. The three men standing with Christ are unharmed by the flames. The servants of the king are backing away and falling to the ground due to the intense heat of the furnace.

Энэ үйлдэл Аврагчийн талаар танд юу зааж байна?
Энэ үйлдэл Аврагч миний амьдралд хэрхэн тусалж чадахыг ойлгоход надад хэрхэн туслах вэ?

Бид энэ туршлагаас Их Эзэн биднийг сорилт бэрхшээлтэй тулгарсан үед дэмжинэ (мөн Aлмa 36:3, 27 ; Сургаал ба Гэрээнүүд 3:8; 24:8-ыг үзнэ үү) гэдгийг сурдаг.

Дадлага

Энэ ур чадварыг эзэмших дадлага хийхийн тулд дараах хэсэг шүлгээс нэгийг уншиж, Их Эзэний юу хэлсэн, хийснийг олж мэд мөн дараа нь энэхүү ур чадварыг дагалдах хоёр асуултыг өөртөө тавь.

Гэтлэл 14:21–22, 30. Израилын хүүхдүүд Египетийн арми, Улаан тэнгис хоёрын хооронд хоригдож байлаа.

1 Самуел 16:6–7. Самуел Израилын дараагийн хааныг олж тогтоохыг хичээж байв.

Исаиа 1:16–18. Израилын ард түмэн нүгэл үйлджээ.

Исаиа 53:3–5. Аврагчийн Цагаатгалын тухай бошиглол.

Олж мэдсэн зүйлээ хуваалцахад хэд хэдэн суралцагчийг урь. Хэрэв хэрэгтэй бол “Аврагчийн энэ зан чанарыг мэдэх нь Түүнд итгэх итгэлээ хөгжүүлэхэд танд хэрхэн туслах вэ?” гэж асуу.

Дүгнэлт

Эдгээр ур чадвар судар судлахад тань хэрхэн тус болох вэ?

Аврагчийн тухай болон эдгээр чадварын тухай өөрийн бодол санааг хуваалцаад, хичээлээ дуусга. Судраас судлахдаа эдгээр ур чадварыг хэрэгжүүлэх арга замуудыг олж мэдэхэд суралцагчдыг урь. Жишээлбэл: Тэд Тэнгэрлэг Эцэг, Есүс Христ хоёрын талаар сурч мэдсэн зүйлээ судлах тэмдэглэлдээ бичиж болно.

Нэмэлт эх сурвалж

Христийн үлгэр жишээнд анхаарах нь бидний өдөр тутмын амьдралд ямар ач тустай вэ?

Шашны институт, семинарын зохицуулагч асан Чад Х.Вэбб институт, семинарын багш нарт ийн заажээ.

[Есүс] бол сайн мэдээний бүх зарчмын төгс үлгэр жишээ, биелэл, илэрхийлэл мөн…. Түүний төгс үлгэр жишээнд анхаарлаа төвлөрүүлэх нь Түүний тухай гэрчлэхэд Ариун Сүнсийг урьдаг….

Саяхан нэг суралцагчид номхон дөлгөөн зангийн тухай, [Аврагч ямар жишээ үзүүлсэн] тухай асуужээ. Түүний бодол санаа, мэдрэмж Аврагчийг өөрт нь үргэлж эелдэг зөөлөн хандаж байсан үе рүү хөврөв. Анги дахь энэхүү туршлага нь тэр өөрөө Их Эзэнд тулгуурладагтай адил өөрт нь тулгуурлах хүмүүст Христтэй илүү адил, илүү эелдэг зөөлөн хандах гүн хүслийг түүнд төрүүлжээ. (“Бид Христийн тухай ярьж, Христэд баясдаг,” [2018 оны 6-р сарын 12-ны Шашны институт, семинарын жил тутмын сургалтын шууд нэвтрүүлэгт хэлсэн үг])

Нэмэлт суралцах үйл ажиллагаа

Ур чадвар: Есүс Христийн нэр, цолыг хайж олох

Хэрэв тустай гэж үзвэл судраас судлах нэмэлт ур чадвар болгон дараах аргуудыг ашиглахыг бод.

Ур чадвар тодорхойлох: Судраас судлах өөр нэг чухал ур чадвар бол Аврагчийн нэр, цолоос Түүний тухай суралцах юм.

Ур чадвар загварчлах: Исаиа 40:28-ыг (эсвэл өөрийн хүссэн шүлгийг) уншаад, Есүс Христийн нэг эсвэл түүнээс олон нэр, цолыг ол.

Бид эдгээр өөр өөр нэр, цолоос Есүсийн талаар юу сурч мэдэж болох вэ?
Аль цол танд хамгийн утга учиртай байсан бэ? Энэ цолыг ойлгох нь таны амьдралд хэрхэн тус болох вэ?

Жишээ нь: Аврагч бол Бүтээгч гэдгийг бид ойлгосноор, Тэрээр бидэнд төдийгүй Өөрийн бүтээсэн бүхэнд тусалж, тэтгэж чадна гэсэн бидний итгэлийг өсгөх болно. Бид бүтээлч байхыг хичээх үедээ Түүнээс тусламж хүсэн хандаж болно.

Дадлага: Дараах судрын хэсгүүдээс заримыг эсвэл бүгдийг уншаад, олсон аливаа нэр, цолоо судлах тэмдэглэлдээ бич. Есүсийн нэр, цолоос юу сурч болохыг мөн Түүний таны амьдралд хэрхэн тусалж болохыг тунгаан бод. Үүнд: Иов 19:25; Иов 32:8; Исаиа 7:14; 9:6. Нэр, цолны утгыг ойлгоход тусламж авахын тулд зүүлт тайлбарыг үзэх юм уу Судруудын удирдамж эсвэл Библийн толь бичиг зэрэг материалуудаас хайж үзэхийг бодоорой.

Зүйрлэл

Хэрэв тустай гэж үзвэл та Их Эзэн Өөрийнхөө тухай заахдаа зүйрлэл ашигладаг гэдгийг тайлбарлаж болно. Эдгээр нь бэлгэдэлтэй төстэй. Суралцагчдыг Исаиа 54:5-ыг уншаад, “Учир нь чамайг Бүтээгч чиний” гэсэн хоосон зайг бөглөхөд урь. Хуучин Гэрээний туршид Их Эзэн Өөртэй нь гэрээ байгуулсан хүмүүстэй харилцах харилцаагаа гэрлэлттэй зүйрлэсэн гэдгийг суралцагчдад хэл.

Их Эзэний бидэнтэй харилцах харилцаа гэрлэлттэй юугаараа адил вэ?

Суралцагчдад хариулахад хэцүү байвал та ийн асууж болно.

Гэрлэлтээр хүлээсэн үүрэг нь бусад харилцаанаас юугаараа ялгаатай вэ?
Нөхөр эсвэл эхнэр тань төгс бус байсан ч бие биеэ хайрлаж, өөрийгөө зориулах ёстойг та хэрхэн тодорхойлох вэ? Энэ нь хэрхэн биднийг хайрладаг Их Эзэний амлалт, хайрын бэлгэдэл болдог вэ? (Ефес 5:25-ыг үзнэ үү.)
Биднийг хайрладаг Их Эзэний гэрээт хайрыг ойлгох нь Түүнд итгэдэг гэдгээ харуулахад хэрхэн тусалж болох вэ?