Դիմեք աստվածային աղբյուրներին՝ պատասխաններ գտնելու համար

• Ե՞րբ եք տեսել կամ կարդացել մի բան, ինչը ձեզ ստիպել է կասկածել՝ արդյոք դա ճշմարիտ է:

• Ի՞նչը կարող է դժվարացնել մեր օրերում ճանաչել ճշմարտությունը։

Եսայի մարգարեի միջոցով Տերը նախազգուշացրել է մի խնդրի մասին, որին մենք կբախվենք մեր օրերում, որը կդժվարացնի ճանաչել ճշմարտությունը: Կարդացեք Եսայի 5.20 հատվածը՝ փնտրելով, թե ինչ է Տերը ուսուցանել:

• Ե՞րբ եք տեսել, որ ինչ-որ չար բան կոչվի «լավ» կամ ինչ-որ լավ բան կոչվի «չար»:

Ի հավելումն այս քննարկմանը՝ կարող եք ցուցադրել «In Search of Truth» (3:03) տեսանյութը՝ 0:00-1:27, որը հասանելի է ChurchofJesusChrist.org կայքում։ Կամ կարող եք առաջարկել ուսանողներին կարդալ ստորև բերված խոսքերը, որոնք պարունակում է նմանատիպ ուսմունքներ: Ուսանողներին առաջարկեք փնտրել լրացուցիչ պատճառներ, որոնցով կարող է դժվար լինել ճանաչել ճշմարտությունը:

3:3

Որպեսզի օգնի մեզ հասկանալ, որ պետք է զգուշություն ցուցաբերել՝ ճշմարտությունը կեղծիքից տարբերելիս, Առաջին Նախագահության նախագահ Դալլին Հ. Օուքսը բացատրել է.

Մենք ապրում ենք արագ և լայն տարածվող տեղեկությունների դարում։ Սակայն այդ տեղեկություններից ոչ բոլորն են ճշմարիտ։ Մենք պետք է զգույշ լինենք՝ ճշմարտությունը փնտրելիս և դա գտնելու համար անհրաժեշտ աղբյուրներն ընտրելիս։ Մենք չպետք է աշխարհիկ հռչակը կամ իշխանությունը համարենք ճշմարտության որակյալ աղբյուրներ։ Մենք պետք է զգույշ լինենք այն տեղեկությանը կամ խորհրդին վստահելիս, որոնք առաջարկում են ժամանցային աստղերը, հայտնի մարզիկները կամ համացանցի անանուն աղբյուրները: Մասնագիտական ունակությունը մեկ ոլորտում չի կարելի շփոթել մեկ այլ ոլորտում ճշմարտության մասին մասնագիտական ունակության հետ։ («Ճշմարտությունը և ծրագիրը», Լիահոնա, նոյ. 2018, 25)

Տվեք ձեզ հետևյալ հարցերը․

• Որքանո՞վ եք վստահ ճշմարտությունը ճանաչելու ձեր կարողության մեջ:

• Ո՞ւմ կարող եք վստահել, որպեսզի ճշգրիտ պատասխաններ ստանաք ավետարանի և Եկեղեցու հետ կապված հարցերի վերաբերյալ:

Երկնային Հայրը և Հիսուս Քրիստոսը սիրում են մեզ և ցանկանում են օգնել մեզ հասկանալ, թե ինչն է իրական, ինչը՝ ոչ: Այսօրվա դասի ողջ ընթացքում ուշադրություն դարձրեք Հոգու հուշումներին, որոնք կօգնեն ձեզ հասկանալ, թե ինչ են Նրանք տվել մեզ:

Կարդացեք «Ձեռք բերել հոգևոր գիտելիքներ» բաժնի 11-րդ և 12-րդ պարբերությունները՝ Վարդապետության սերտման հիմնական փաստաթղթում, (2023) և նշեք այն ուսմունքները, որոնք, ըստ ձեզ, կարևոր է իմանալ՝ ձեր հարցերի պատասխանները փնտրելիս:

• Ըստ ձեզ, ինչո՞ւ է կարևոր ապավինել Տիրոջ կողմից սահմանված աղբյուրներին՝ մեր հարցերի պատասխանները փնտրելիս:

Երբ Մովսեսը խոսեց Աստծո հետ դեմ առ դեմ, սատանան եկավ և փորձեց խաբել Մովսեսին, որպեսզի նա երկրպագի իրեն (տես Մովսես 1.12):

Կարդացեք Մովսես 1.13–16 հատվածները՝ փնտրելով, թե Մովսեսն ինչպես կարողացավ տարբերել սատանային Աստծուց:

• Ի՞նչ գտաք:

• Ինչպե՞ս կարող ենք կապել Մովսեսի փորձառությունը մեր կյանքի հետ, երբ աղբյուրներ ենք ընտրում՝ ճշմարտությունը և մեր հարցերի պատասխանները գտնելու համար:

  Ուսանողները կարող են տալ նմանատիպ պատասխաններ. մենք կարող ենք բացահայտել ճշմարտությունը՝ անդրադառնալով Աստծո հետ ունեցած մեր փորձառություններին, մենք կարող ենք ապավինել Աստծուն՝ որպես ճշմարտության մեր վերջնական աղբյուրի կամ Աստված կարող է օգնել մեզ տարբերել լույսը խավարից:

  Կարող եք ցուցադրել «In Search of Truth» տեսանյութի մնացած մասը՝ 1:27-3:03։ Ուսանողները կարող են փնտրել և կիսվել, թե տեսանյութում ներկայացված մարդիկ որ աղբյուրներից են օգտվել՝ ճշմարտությունը գտնելու համար:

  

  3:3

  Եթե ​​օգտակար կլինի, կարող եք ցուցադրել հետևյալ հարցը և առաջարկել ուսանողներին գրել իրենց պատասխանները թերթիկի վրա: Ուսանողները կարող են ծալել իրենց թերթիկները և դնել տարայի մեջ: Ապա ուսանողները կարող են հանել դրանք և կարդալ այլ ուսանողների գրած պատասխաններից մի քանիսը։

• Ինչի՞ համար եք շնորհակալ և ինչը չէիք կարող իմանալ առանց աստվածային աղբյուրների, որոնք Երկնային Հայրը տրամադրել է մեր օրերում: Ինչո՞ւ։

Ընտրեք հետևյալ կեղծ պնդումներից մեկը կամ առաջարկեք ձերը․

• Կեղծ. իրականում Աստծուն չի հետաքրքրում, թե ինչպես ենք մենք ապրում, քանի դեռ չենք վիրավորում ուրիշներին:

• Կեղծ․ այս կյանքով ամեն ինչ ավարտվում է: Մենք գոյություն չենք ունեցել նախքան մեր ծնվելը և չենք լինի մահից հետո:

• Կեղծ․ իրականում մեզ պետք չէ Մորմոնի Գիրքը, քանի որ արդեն ունենք Աստվածաշունչը։

Օգտվելով աստվածային աղբյուրներից, գտեք պնդումներ, որոնք կուղղեն ձեր ընտրած կեղծ պնդումները: Ձեր ուսումնասիրության օրագրում գրեք այն, ինչ գտել եք:

Ստորև տրվում են աստվածային աղբյուրների օրինակներ, որոնք կարող եք օգտագործել.

• Վարդապետության սերտման հատվածներ, Սուրբ գրքերի ուղեցույց, Թեմաների ուղեցույց կամ սուրբ գրությունների ցանկ

• Թեմաներ և հարցեր ChurchofJesusChrist.org կայքում

• Գերագույն համաժողովի ելույթներ

• Gospel Library հավելված

• Ձեր ծնողները կամ Եկեղեցու ղեկավարը

  Եթե ուսանողներն օգնության կարիք ունենան, կարող եք կիսվել հետևյալ աղբյուրներով՝ որպես օրինակ․

  • Իրականում Աստծուն չի հետաքրքրում, թե ինչպես ենք մենք ապրում, քանի դեռ չենք վիրավորում ուրիշներին: (Ելք 20․3–17, «Պատվիրաններ»՝ Թեմաներ և հարցեր բաժնում)

  • Այս կյանքով ամեն ինչ ավարտվում է: Մենք գոյություն չենք ունեցել նախքան մեր ծնվելը և չենք լինի մահից հետո: (Աբրահամ 3.22–23, Երեմիա 1.4–5, Հոբ 19.25–26, «Փրկության ծրագիր»՝ Թեմաներ և հարցեր բաժնում)

  • Իրականում մեզ պետք չէ Մորմոնի Գիրքը, քանի որ արդեն ունենք Աստվածաշունչը։ (Եզեկիել 37.15–17, 2 Նեփի 29.6–10, «Մորմոնի Գիրք»՝ Թեմաներ և հարցեր բաժնում)

  Բավարար ժամանակ տրամադրելուց հետո ուսանողներին առաջարկեք գրատախտակին գրել ճշմարիտ պնդումներ՝ ի հակադրումն յուրաքանչյուր կեղծ պնդմանը:

  Ուսանողներին առաջարկեք կիսվել, թե ինչ աղբյուրների են դիմել և ինչ են գտել այդ աղբյուրներում: Ուսանողները կարող են նաև կիսվել, թե ինչ են արել՝ իրենց պատասխանները գտնելու համար:

  Դասի ավարտին կարող եք տալ հետևյալ հարցը։ Կարող եք նաև կիսվել ձեր փորձառությամբ կամ վկայությամբ Երկնային Հոր և Հիսուս Քրիստոսի աստվածային աղբյուրների մասին:

• Ի՞նչ սովորեցիք այսօր աստվածային աղբյուրների մասին, որոնք Երկնային Հայրը և Հիսուս Քրիստոսը սիրով տրամադրել են մեզ: