Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Գործել հավատքով՝ պատասխաններ գտնելու համար. Առաջ շարժվել, վստահել Տիրոջը

«Գործել հավատքով՝ պատասխաններ գտնելու համար. Առաջ շարժվել, վստահել Տիրոջը», Հին Կտակարան․ Սեմինարիայի ուսուցչի ձեռնարկ (2026)

«Գործել հավատքով՝ պատասխաններ գտնելու համար. Առաջ շարժվել, վստահել Տիրոջը», Հին Կտակարան․ Սեմինարիայի ուսուցչի ձեռնարկ

Վարդապետության սերտում. Դաս 163

Գործել հավատքով՝ պատասխաններ գտնելու համար

Առաջ շարժվել, վստահել Տիրոջը

A young woman in a green striped shirt and black skirt leans down to hug her friend who is sitting in a wheelchair.

Կարող է դժվար լինի սպասել Երկնային Հոր կամքին և ժամանակին՝ ավետարանի վերաբերյալ մեր հարցերի պատասխանները ստանալու համար: Հին Կտակարանի շատ պատմություններ ցույց են տալիս, թե ինչպես էին Աստծո հետևորդներն ընտրություն կատարում, որոնցով դրսևորում էին իրենց հավատքն ու վստահությունը Նրա հանդեպ՝ պատասխաններ փնտրելիս: Այս դասը կօգնի ուսանողներին գործել հավատքով առ Հիսուս Քրիստոս՝ ավետարանի վերաբերյալ իրենց հարցերի պատասխանները փնտրելիս:

Ուսանողի նախապատրաստում․ ուսանողներին առաջարկեք կրկնել «Ձեռք բերել հոգևոր գիտելիքներ» բաժնի 5–7-րդ պարբերությունները Վարդապետության սերտման հիմնական փաստաթղթում (2023)։ Նրանք կարող են կիսվել, թե, ըստ իրենց, ինչու են կարևոր մեր գործողությունները՝ ավետարանի վերաբերյալ հարցերի կամ մտահոգությունների պատասխանները փնտրելիս:

Հնարավոր ուսումնական վարժություններ

Սպասել Տիրոջը՝ հարցերի պատասխանները ստանալու համար

Հին Կտակարանի մի քանի պատմությունից կարող եք ցուցադրել այն մարդկանց նկարները, որոնք գործել են Տիրոջ հանդեպ հավատքով: Կարող եք ուսանողների փոքր խմբերին հանձնարարել ուսումնասիրել մի հատված սուրբ գրություններից, որը համադրվում է նկարներից մեկի հետ: Կարող եք ընտրել նմանատիպ մի պատմություն․

Սարեփթացի հավատարիմ կինը սովի ժամանակ (Գ Թագավորների 17.7–12):
Նեեմանը բժշկություն է փնտրում իր բորոտությունից (Դ Թագավորների 5.1–3, 9–10):
Ենովքի կանչը՝ քարոզելու ավետարանը (Մովսես 6.26–28, 31):

Ուսանողները կարող են կարդալ պատմության այն հատվածը, որտեղ ներկայացված է դժվար իրավիճակը (վերը նշված են հղումները փակագծերում) և պատասխանել հետևյալ հարցերին: (Դասի ընթացքում ուսանողները կուսումնասիրեն, թե ինչպես են այդ մարդիկ գործել հավատքով:)

Ինչպե՞ս էին այդ մարդու հանգամանքները պահանջում հավատք գործադրել առ Տերը:
Ի՞նչ մտահոգությունների կամ հանգամանքների կարող են բախվել դեռահասներն այսօր, երբ նրանցից պահանջվի գործել իրենց հավատքով առ Տերը:

Եթե ուսանողների համար օգտակար կլինի նշել ժամանակակից օրինակները, կարող եք ցուցադրել «Act in Faith: The Stonemason» (4:57) տեսանյութը՝ 0:00-1:48 և առաջարկել ուսանողներին փնտրել այն դժվար իրավիճակները, որոնց բախվել են այդ երկու դեռահասը: Կարող եք օգնել ուսանողներին նշել դեռահասներին հետաքրքրող հարցերը: Ուսանողներին առաջարկեք հարցերը գրել գրատախտակի մի կեսին:

4:56

Երբ ուսանողները նշեն հարցերից մի քանիսը, առաջարկեք նրանց իրենց ուսումնասիրության օրագրերում պատասխանել հետևյալին:
Ե՞րբ եք դուք կամ ձեզ ծանոթ մարդը հարցեր կամ մտահոգություններ ունեցել ավետարանի վերաբերյալ:
Ի՞նչ եք արել կամ կարող եք անել՝ Փրկչին մոտ լինելու համար, երբ ունենում եք ավետարանի վերաբերյալ մտահոգություններ կամ հարցեր:

Երկնային Հոր, Հիսուս Քրիստոսի կամ Նրանց ավետարանի վերաբերյալ հարցեր կամ մտահոգություններ ունենալը նորմալ է: Հոգևոր գիտելիքներ ձեռք բերելու երեք սկզբունքը կարող են օգնել մեզ լուծել դժվար հարցերը կամ մտահոգությունները: Այդ սկզբունքները կարող են օգնել մեզ հասկանալ, թե ինչպես մոտենալ Երկնային Հորը և Հիսուս Քրիստոսին՝ պատասխաններ փնտրելիս:

Հավատքը գործողության սկզբունք է

Կարող եք կիսվել ուսանողների հետ, որ այսօրվա դասը կկենտրոնանա առաջին սկզբունքի վրա՝ գործել հավատքով: Կարող եք գրատախտակին գրել հետևյալ անավարտ ճշմարտությունը. ավետարանի վերաբերյալ հարցերին կամ մտահոգություններին բախվելիս մենք կարող ենք գործել հավատքով առ Հիսուս Քրիստոս՝ …

Կարող եք գրատախտակին գծել հետևյալ աղյուսակը՝ առաջարկելով ուսանողներին գտնել առնվազն մեկ եղանակ՝ յուրաքանչյուր պարբերությունից թավագիր ճշմարտությունն ավարտելու համար:

Կարդացեք «Ձեռք բերել հոգևոր գիտելիքներ» բաժնի 5-րդ, 6-րդ և 7-րդ պարբերությունները Վարդապետության սերտման հիմնարար փաստաթղթում (2023)՝ փնտրելով գրատախտակին գրված ճշմարտությունն ավարտելու եղանակները:

	Ավետարանի վերաբերյալ հարցերին կամ մտահոգություններին բախվելիս մենք կարող ենք հավատքով գործել առ Հիսուս Քրիստոս՝ …
Պարբերություն 5-րդ
Պարբերություն 6-րդ
Պարբերություն 7-րդ

Օգտագործելով յուրաքանչյուր պարբերություն՝ ինչպե՞ս կավարտեիք գրատախտակին գրված ճշմարտությունը։
Կա՞ն առ Հիսուս Քրիստոս հավատքով գործելու այլ եղանակներ, որոնք կցանկանայիք ավելացնել այս ցանկին:

Ուսանողները կարող են ավարտել ճշմարտությունը հետևյալ արտահայտություններով.

… շարունակելով պահել պատվիրանները: (պարբերություն 5)

… ապավինելով նրան, ինչն արդեն գիտենք, որ ճշմարիտ է:(պարբերություն 6)

… վստահելով Երկնային Հորը, մինչև կստանանք մեր պատասխանները:(պարբերություն 7)

Կարող եք օգտագործել հետևյալը, որպեսզի ուսանողներին հնարավորություն տաք գնահատելու, թե ըստ իրենց, որքան լավ կարող են օգտագործել այս երեք ճշմարտությունից յուրաքանչյուրը՝ ավետարանի վերաբերյալ իրենց հարցերին կամ մտահոգություններին անդրադառնալու համար:

Երբ հարցեր եք ունենում, մի պահ մտածեք առ Հիսուս Քրիստոս հավատքով գործելու այս եղանակների մասին: Ըստ 1-ից (մի փոքր) մինչև 5-ը (շատ) սանդղակի, որքանո՞վ եք վստահ, որ գործում եք հավատքով առ Փրկիչը այս եղանակներով: Ուշադրություն դարձրեք Հոգու հուշումներին, որոնք կօգնեն մեծացնել ձեր վստահությունն այն ոլորտներում, որտեղ, ըստ ձեզ, կարող եք կատարելագործվել:

Գործողություններ, որոնք ցույց են տալիս մեր հավատքն առ Հիսուս Քրիստոս

Պատկերացրեք, որ ձեզ առաջարկել են խորհուրդներ տալ մի մարդու, որը հարցեր կամ մտահոգություններ ունի ավետարանի վերաբերյալ: Ավարտելու համար ընտրեք հետևյալ կետերից առնվազն երկուսը.

Նշեք, թե ինչպես կարող էր այդ մարդը գործել հավատքով առ Հիսուս Քրիստոս՝ պատասխանելով հետևյալ հարցերին.
- Ո՞ր պատվիրանները նա կարող էր շարունակել պահել:
- Ըստ ձեզ, այդ մարդն ի՞նչ գիտեր կամ ինչ էր հիշում Երկնային Հոր և Հիսուս Քրիստոսի մասին:
- Ի՞նչ կարող էր նա անել՝ Նրանց հանդեպ վստահություն ցուցաբերելու համար:
Գտեք առնվազն մեկ վարդապետության սերտում կամ սուրբգրային մեկ այլ հատված, որը կարող է օգնել այդ մարդուն գործել հավատքով առ Հիսուս Քրիստոս:
Գտեք Եկեղեցու ղեկավարի խոսքեր, որոնք կարող են օգնել այդ մարդուն գործել հավատքով առ Հիսուս Քրիստոս:

Բավարար ժամանակ տրամադրելուց հետո ուսանողներին առաջարկեք կիսվել զուգընկերոջ հետ իրենց խորհուրդներով: Կարող եք նաև ուսանողներին հնարավորություն տալ կիսվել իրենց ունեցած փորձառություններով, երբ գործել են Հիսուս Քրիստոսի հանդեպ հավատքով՝ ավետարանի վերաբերյալ պատասխաններ կամ օրհնություններ փնտրելիս:

Հավատքով գործելու ծրագիր կազմեք

Ուսանողներին առաջարկեք ծրագիր կազմել՝ գործելու հավատքով առ Հիսուս Քրիստոս, երբ բախվում են ավետարանի վերաբերյալ հարցերին կամ մտահոգություններին: Դա անելու եղանակներից մեկն է՝ կիսվել հետևյալ հուշումներով, որոնց պատասխանները պետք է գրվի իրենց ուսումնասիրության օրագրերում: Եթե ժամանակը թույլ է տալիս, կարող եք առաջարկել պատրաստակամ ուսանողներին կիսվել իրենց գրածով:

Այն, ինչը ցանկանում եմ հիշել առ Հիսուս Քրիստոս հավատքով գործելու մասին, նա է ։
Այն, ինչը ցանկանում եմ հաջորդ անգամ անել առ Հիսուս Քրիստոս հավատքով գործելու համար, երբ հարցեր կամ մտահոգություններ առաջանան, դա նա է ։

Oժանդակ նյութեր

Ինչո՞ւ են իմ գործողությունները կարևոր՝ ավետարանի վերաբերյալ հարցեր ունենալիս:

Տասներկու Առաքյալների Քվորումից երեց Դեյլ Գ. Ռենլանդն ուսուցանել է.

13:52

Հավատքը խորանում է, երբ գործում ենք այն ուղիներով, որոնք ավելի ամուր են խարսխում մեզ [Հիսուս Քրիստոսին]:

Լավ կլիներ, եթե մեծացող հավատքը փոխանցվեր՝ ինչպես գրիպը կամ սովորական հարբուխը: Ապա հասարակ «հոգևոր փռշտոցը» հավատք կկառուցեր ուրիշների մեջ: Սակայն դա տեղի չի ունենում այդպես: Միակ ուղին, որով մարդ կարող է աճել հավատքում, հավատքով գործելն է: Այդ գործողությունները հաճախ հուշվում են ուրիշների կողմից տարածվող հրավերների միջոցով, բայց մենք չենք կարող «աճեցնել» մեկ ուրիշի հավատքը, ոչ էլ ամբողջովին ապավինել ուրիշներին՝ մեր անձնականը խթանելու համար: Մեր հավատքը մեծացնելու համար մենք պետք է ընտրենք հավատքն ամրացնող գործողություններ, օրինակ՝ աղոթքը, սուրբ գրությունների ուսումնասիրությունը, հաղորդություն ստանալը, պատվիրանները պահելը և ուրիշներին ծառայելը: («Անսասան նվիրվածություն առ Հիսուս Քրիստոս», Լիահոնա, նոյ․ 2019, 23)

Ինչպե՞ս կարող եմ ապավինել իմ իմացածին:

Տասներկու Առաքյալների Քվորումից նախագահ Ջեֆրի Ռ. Հոլլանդը կիսվել է.

14:43

Երբ խնդիրներ և հարցեր են առաջանում, հավատքի ձեր որոնումները մի սկսեք, ասելով, թե որքան շատ է այն ձեզ մոտ պակասում, կարծես «թերահավատություն» դրսևորելով: Դա նման է հնդկահավին կտուցի մեջ խցկելու փորձին: Թույլ տվեք պարզաբանել իմ ասածը․ ես ձեզ չեմ խնդրում ձևացնել, թե հավատք ունեք։ Ես խնդրում եմ ձեզ հավատարիմ լինել հավատքին, որն իսկապես ունեք: Երբեմն մենք գործում ենք այնպես, կարծես կասկածի ազնիվ հայտարարությունն ավելի շուտ բարոյական քաջության բարձրագույն դրսևորում է, քան հավատքի ազնիվ հայտարարություն: Դա այդպես չէ: Այսպիսով, եկեք բոլորս հիշենք սուրբգրային այս պատմության հստակ ուղերձը. ձեր հարցերի վերաբերյալ եղեք որքան անհրաժեշտ է՝ անկեղծ. կյանքի բոլոր ոլորտները լի են դրանցով: Բայց եթե դուք և ձեր ընտանիքը ցանկանում եք բժշկվել, թույլ մի տվեք, որ այդ հարցերը փոխարինեն այն եղանակին, որով հավատքը կատարում է իր հրաշքը: («Հաւատո՛ւմ եմ, Տէր», Լիահոնա, մայիս 2013, 94)

Տասներկու Առաքյալների Քվորումից երեց Նիլ Լ․ Անդերսենը կիսվել է.

32:25

Ինձ դուր է գալիս նախագահ Դալլին Հ. Օուքսի ուսուցանած դասն իր որդուն, երբ նրա որդին մի հարց տվեց, որը հստակ բացատրված չէր Քրիստոսի վարդապետության մեջ: Ինչպիսի՞ն էր նրա պատասխանը։ «Տղաս, ես չգիտեմ այդ հարցի պատասխանը, բայց թույլ տուր պատասխանեմ մի հարցի, որը ես իրոք գիտեմ»: Այնուհետև նա վկայեց մարգարե Ջոզեֆ Սմիթի և Առաջին Տեսիլքի մասին: Եկեք պատրաստ լինենք ասելու. «Ես չգիտեմ դրա մասին, բայց սա այն է, ինչ ես գիտեմ: («Հիսուս Քրիստոսի և մաքուր վարդապետության զորությունը», [Եկեղեցու կրթական համակարգի հեռարձակում, 11 հունիսի, 2023], broadcasts.ChurchofJesusChrist.org):

Լրացուցիչ ուսումնական վարժություններ

Առ Քրիստոս հավատքով գործելու լրացուցիչ օրինակներ Հին Կտակարանում

Հին Կտակարանի հետևյալ պատմություններում կարելի է գտնել հավատքով գործելու այլ օրինակներ: Սուրբգրային հատվածները կազմված են այնպես, որ դրանք հնարավոր լինի օգտագործել որպես լրացում՝ դասի ընթացքում օգտագործված հավատքի վերաբերյալ պատմություններին կամ դրանց փոխարեն:

Դժվար իրավիճակ	Գործել Տիրոջ հանդեպ հավատքով
Դժվար իրավիճակ Իսրայելացիներն անցնում են Հորդանան գետը (Հեսու 3.9–13)	Գործել Տիրոջ հանդեպ հավատքով Հեսու 3․14–17
Դժվար իրավիճակ Գեդեոնը պատրաստվում է պայքարել մադիանացիների դեմ (Դատավորներ 7.2–8)	Գործել Տիրոջ հանդեպ հավատքով Դատավորներ 7.16–21
Դժվար իրավիճակ Եսթերը գնում է թագավորի առջևից (Եսթեր 4.7–14)	Գործել Տիրոջ հանդեպ հավատքով Եսթեր 4․15–17, 5․1–3

Տասներկու Առաքյալների Քվորումից երեց Դեյվիդ Ա. Բեդնարն օգտագործում է Հեսուի պատմությունը՝ ուսուցանելու հավատքով գործելու մեր կարիքի մասին: Կարող եք ուսանողներին ցուցադրել նրա «Exercise Faith in Christ» (1:43) ուղերձի տեսանյութը:

1:44

Կիսվեք գաղափարներով, թե ինչպես գործել հավատքով

Որպեսզի օգնեք ուսանողներին հավատքով գործելու ծրագիր կազմել, օգտակար կլինի գրատախտակին գծել գծապատկեր, որպեսզի ուսանողները հեշտությամբ կիսվեն գաղափարներով այլ դասընկերների հետ: Կարող եք գրատախտակին գծել գծապատկեր, որի հիմքում կլինի «Գործիր հավատքով» գաղափարը և երեք ճյուղ՝ արտահայտություններից յուրաքանչյուրի անվանումը գրելու համար: Ուսումնական վարժությունը կատարելուց հետո ուսանողները կարող են գալ գրատախտակի մոտ և գրել գաղափարներ, թե ինչպես կարող է դեռահասը հավատքով գործել այս ոլորտներից յուրաքանչյուրում: Կարող եք նաև նշումների կպչուն թղթեր տրամադրել ուսանողներին, որոնց վրա կարող են գրել իրենց գաղափարները և տեղադրել դրանք յուրաքանչյուր արտահայտության տակ: Ուսանողներին առաջարկեք գալ գրատախտակի մոտ և կրկին կարդալ այն գաղափարները, որոնցով կիսվել են իրենց դասընկերները՝ նախքան իրենց ծրագիրը կազմելը: