Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ամրացրեք ձեր հոգևոր հիմքը. Վարդապետության սերտման ներածություն

«Ամրացրեք ձեր հոգևոր հիմքը. Վարդապետության սերտման ներածություն», Հին Կտակարան․ Սեմինարիայի ուսուցչի ձեռնարկ (2026)

«Ամրացրեք ձեր հոգևոր հիմքը. Վարդապետության սերտման ներածություն», Հին Կտակարան․ Սեմինարիայի ուսուցչի ձեռնարկ

Վարդապետության սերտում. ինչպես գտնեմ իմ հարցերի պատասխանները. Դաս 161

Ամրացրեք ձեր հոգևոր հիմքը

Վարդապետության սերտման նախաբան

Jesus is standing on a hill. You can see the sun in the background

Այն, թե ինչպես ենք մենք հաղթահարում մեր կյանքի դժվարությունները, լուծում հարցերը և մտահոգությունները, կարող է մեզ ավելի մոտեցնել Երկնային Հորը և Հիսուս Քրիստոսին կամ ավելի հեռացնել մեզ Նրանցից: Վարդապետության սերտումն առաջարկում է առաջնորդություն, որը կարող է օգնել մեզ արձագանքել նման հանգամանքներում՝ առ Հիսուս Քրիստոս հավատքով և Սուրբ Հոգուց ներշնչված: Այս դասը կօգնի ուսանողներին հասկանալ, թե ինչպես կարող է վարդապետության սերտումն օրհնել իրենց կյանքը և օգնել կառուցել իրենց հոգևոր հիմքը Հիսուս Քրիստոսի վրա:

Ուսանողի նախապատրաստում․ առաջարկեք ուսանողներին նախքան դասին գալը կարդալ Հելաման 5․12 հատվածը։ Ուսանողները կարող են փնտրել իրենց հիմքը Հիսուս Քրիստոսի վրա կառուցելու համար խոստացված օրհնությունները:

Հնարավոր ուսումնական վարժություններ

Արձագանքել դժվար հասկացվող տեղեկություններին

Դասի սկզբում կարող եք գրատախտակին նկարել երկու մարդուկի գծապատկեր և անվանել դրանք Աննա և Վերոնիկա։ Ցանկության դեպքում ուսանողները կարող են մանրամասներ ներկայացնել յուրաքանչյուր աղջկա մասին, օրինակ՝ ինչով են նրանք սիրում զբաղվել, որտեղ են աշխատում և այլն: Ուշադիր եղեք, որ դասի այս հատվածի համար չափազանց ժամանակ չծախսեք և ստվերում թողնեք սցենարը:

Ցուցադրեք հետևյալ սցենարը: (Նշում․ սցենարը շարունակվում է դասի մյուս հատվածներում։)

Աննան և Վերոնիկան լավ ընկերներ են և երկուսն էլ Հիսուս Քրիստոսի Վերջին Օրերի Սրբերի Եկեղեցու անդամներ են: Ավագ դպրոց հաճախելուց ի վեր նրանք Եկեղեցու մասին բազմաթիվ տեղեկություններ և կարծիքներ են լսել տարբեր աղբյուրներից: Մի երեկո, իրար հետ ժամանակ անցկացնելիս, Աննան Վերոնիկայի հետ կիսվեց Եկեղեցու մասին համացանցում կարդացած որոշ տեղեկություններով: Աննան ասաց, որ այն, ինչ գտել է, սասանել է իր հավատքը։ Նա զարմացավ՝ լսելով, որ Վերոնիկան տեղյակ է այդ ամենից և հանգիստ է վերաբերվում դրան։ Աննային հետաքրքրում էր, թե ինչպես է Վերոնիկան նման զգացում ունեցել։

Ի՞նչ դրական բաներ են տեղի ունենում այս սցենարում՝ չնայած Աննայի մտահոգություններին:

Ուսանողները կարող են նշել, որ դրական բանն այն է, որ Աննան իրեն լավ է զգում, երբ անկեղծորեն հարց է տալիս: Դրական է նաև այն, որ Վերոնիկան կարող է օգնել Աննային:

Ուսանողներին առաջարկեք մտածել, թե արդյոք իրենք երբևէ ունեցել են նույն զգացողությունը, ինչ Աննան: Կարող եք նաև խնդրել նրանց մտածել, թե արդյոք իրենք երբևէ ունեցել են նույն զգացողությունը, ինչ Վերոնիկան, և արդյոք իրենց ընկերը նման հարց է տվել իրենց:

Այսօր վարդապետության սերտման մասին սովորելիս ընկալեք այն ամենը, ինչ Սուրբ Հոգին կարող է ուսուցանել ձեզ: Ձգտեք իմանալ, թե ինչպես կարող է վարդապետության սերտումն օգնել ձեզ արձագանքել անսպասելի տեղեկություններին հավատքով առ Հիսուս Քրիստոս և օգնել ուրիշներին անել նույնը:

Կառուցեք ձեր հիմքը Հիսուս Քրիստոսի վրա

Կարդացեք «Վարդապետության սերտման նախաբան» բաժնի առաջին երկու պարբերությունները Վարդապետության սերտման հիմնական փաստաթղթում (2022)։ Փնտրեք, թե վարդապետության սերտումը նախատեսված է օգնելու մեզ ի՞նչ անել:

Ինչպե՞ս կամփոփեիք վարդապետության սերտման նպատակը:

Ի թիվս այլ պատասխանների, օգնեք ուսանողներին նշել հետևյալ ճշմարտությունը. Վարդապետության սերտումն օգնում է մեզ կառուցել մեր հոգևոր հիմքը Հիսուս Քրիստոսի վրա:

Եթե օգտակար կլինի, կարող եք ուսանողներին տալ հետևյալ հարցը։
Ի՞նչ է նշանակում կառուցել ձեր հիմքը Հիսուս Քրիստոսի վրա։

Նախքան ուսանողները կկարդան հետևյալ հատվածը, կարող եք գրատախտակին գրել քարը = Հիսուս Քրիստոս։

Կարդացեք Եսայի 28.16 հատվածը՝ փնտրելով, թե ինչպես կարող է մեզ օրհնել Հիսուս Քրիստոսի վրա մեր հիմքի կառուցումը:

Առաջարկեք ուսանողներին նշել «շտապել» արտահայտությունը և բացատրեք, որ այս արտահայտությունը կարող է նշանակել «սասանվել» կամ «խուճապի մատնվել»:

Ըստ ձեզ, Հիսուս Քրիստոսի վրա մեր հավատքը կենտրոնացնելն ինչո՞ւ կարող է զերծ պահել մեզ սասանվելուց:

Ուսանողներին առաջարկեք մտովի վերադառնալ սցենարին:
Ի՞նչ կարող էր անել Վերոնիկան՝ առ Հիսուս Քրիստոս իր հավատքը կառուցելու և դժվարությունների հանդեպ «անսասան մնալու» համար:

Եթե կարծում եք, որ դա օգտակար կլինի, կարող եք ուսանողներին առաջարկել ուսումնասիրել Հակոբոս 4.6–10 հատվածները՝ փնտրելով, թե ինչ է արել Հակոբը, որպեսզի առ Հիսուս Քրիստոս իր հավատքը չսասանվի: Կարող եք ուսանողների գտածը գրել գրատախտակին՝ Վերոնիկայի գծապատկերի մոտ: Ուսանողներին առաջարկեք նկարագրել, թե ինչպիսին կարող է լինել յուրաքանչյուր գործողություն Վերոնիկայի կյանքում:

Վարդապետության սերտման արդյունքները

Որպեսզի պատրաստեք ուսանողներին՝ հասկանալու վարդապետության սերտման արդյունքները, ձեր խոսքերով կիսվեք սցենարի հաջորդ մասով:

Վերոնիկան մի պահ կանգ առավ՝ փնտրելով, թե ինչպես կիսվել Աննայի հետ այն ամենով, ինչն օգնել է իրեն հավատարիմ մնալ: Նա ցանկանում էր պատմել Հիսուս Քրիստոսի հետ իր հարաբերություններն ամրապնդելու իր կանոնավոր ջանքերի կարևորության մասին: Խորհրդածելով իր ամենօրյա աղոթքի, սուրբ գրություններ կարդալու և եկեղեցում ու սեմինարիային մասնակցելու մասին, նա հասկացավ, որ այդ գործոններից մեկն առանձնահատուկ է:

«Դա վարդապետության սերտումն է»,- վստահ ասաց Վերոնիկան:

Աննան զարմացած նայեց: «Վարդապետության ի՞նչը»:

«Վարդապետության սերտումը: Դա այն է, ինչ մենք անում ենք սեմինարիայում: Դա ինձ շատ օգնեց հաղթահարել դժվար հարցերն ու իրավիճակները՝ միաժամանակ պահելով իմ հավատքն առ Հիսուս Քրիստոս իմ կյանքի կենտրոնում»: Վերոնիկան մանրամասնեց։

Աննայի հետաքրքրությունն ակնհայտ էր։ «Այսպիսով, իրականում ի՞նչ է վարդապետության սերտումը»:

Դուք արդեն ի՞նչ գիտեք վարդապետության սերտման մասին:

Եթե ձեր ուսանողներից մի քանիսն արդեն ունեն վարդապետության սերտման փորձառություն սեմինարիայում, առաջարկեք նրանց կիսվել այն ամենով, ինչ արդեն գիտեն:

Եթե ուսանողներն ավելի շատ օգնության կարիք ունենան՝ հասկանալու վարդապետության սերտումը, կարող եք ցուցադրել «What Is Doctrinal Mastery?» տեսանյութը (3:56):

3:56

Որպես այլընտրանք, կարող եք ուսանողներին բաժանել զույգերի և հանձնարարել նրանց կարդալ վարդապետության սերտման երկու արդյունքի մասին «Վարդապետության սերտման նախաբան» բաժնում Վարդապետության սերտման հիմնական փաստաթղթում։
Ըստ ձեզ, վարդապետության սերտման արդյունքներն ինչպե՞ս կարող են օգնել Աննային կառուցել իր հիմքը Հիսուս Քրիստոսի վրա։

Ուսանողների պատասխանները կարող եք գրել գրատախտակին՝ Աննայի գծապատկերի մոտ։

Որպեսզի ուսանողներին հնարավորություն տաք ծանոթանալ վարդապետության սերտման սուրբգրային հատվածներին, առաջարկեք նրանց անդրադառնալ Հին Կտակարանի հատվածներին «Դասընթացի՝ վարդապետության սերտման սուրբ գրությունների հատվածներ և սուրբ գրությունների հիմնական արտահայտություններ» բաժնում՝ Վարդապետության սերտման հիմնական փաստաթղթում։

Կարդացեք սուրբգրային մի քանի հիմնական արտահայտություն՝ փնտրելով հատված, որը կարող է օգնել Աննային չսասանվել առ Հիսուս Քրիստոս իր հավատքում:

Ուսանողները կարող են գրել իրենց ընտրած սուրբգրային հղումները գրատախտակին՝ Աննայի գծապատկերի շուրջը: Կարող եք նշել մի քանի հղում և խնդրել ուսանողներին, որոնք գրել են դրանք, կիսվել, թե, ըստ իրենց, դա ինչպես կօգնի Աննային:

Եզրափակում

Ուսանողներին հնարավորություն տվեք նկարագրել վարդապետության սերտումը՝ պատասխանելով հետևյալ հուշմանը:

Պատկերացրեք, որ պատասխանում եք Աննայի հարցին. «Ի՞նչ է վարդապետության սերտումը»: Ձեր օրագրում գրեք վարդապետության սերտման վերաբերյալ ձեր բացատրությունը, և ինչպես այն կարող է օրհնել ձեր կյանքը:

Ուսանողներին հնարավորություն տվեք կիսվելու իրենց գրածով իրենց կողքին նստած ուսանողի կամ ամբողջ դասարանի հետ:

Կարող եք կիսվել ձեր վկայությամբ այն մասին, թե ինչպես կարող է վարդապետության սերտումն օրհնել ուսանողների կյանքը՝ օգնելով նրանց կառուցել իրենց հոգևոր հիմքը Հիսուս Քրիստոսի վրա:

Օժանդակ նյութեր

Ինչո՞ւ է կարևոր վարդապետության սերտումն այսօր։

Տասներկու Առաքյալների Քվորումից երեց Նիլ Լ․ Անդերսենը կիսվել է.

16:5

Մենք ապրում ենք մի մոլորակի վրա, որտեղ միլիոնավոր ձայներ են բացականչում։ Համացանցը, մեր սմարթֆոնները, խաղային ուռուցիկ արկղերը մեր ուշադրությունն են հրավիրում և իրենց ազդեցությամբ գրավում են մեզ, հուսալով, որ մենք կգնենք իրենց արտադրանքը և կընդունենք իրենց չափանիշները:

Տեղեկատվության և կարծիքների, կարծես, անսահման զանգվածը հիշեցնում է մեզ սուրբգրային նախազգուշացումներն այն մասին, որ մարդիկ «քշվում ու տատանվում են» [Եփեսացիներին 4․14], «նման են ծովի հողմակոծ ու տատանվող ալիքին» [Հակոբոս 1․6] և պարտվում են «այն խաբեբայությամբ, որոնք խորամանկությամբ մոլորեցնում են» [Եփեսացիներին 4․14]։ («Աստծո մարգարեն», Լիահոնա, մայիս 2018, 26)

Տասներկու Առաքյալների Քվորումի նախագահ Մ․ Ռասսել Բալլարդը (1928–2023) կիսվել է հետևյալով կրոնի ուսուցիչների հետ.

[Վարդապետության սերտումը կենտրոնացած է] Հիսուս Քրիստոսի հանդեպ մեր ուսանողների հավատքի կառուցման և զորացման վրա, ինչպես նաև ամրապնդում է նրանց կյանքում ավետարանով ապրելու և այն կիրառելու իրենց աճող ունակությունը։ Կիրառելով սուրբ գրություններն ու մարգարեների խոսքերը՝ նրանք կսովորեն, թե ինչպես գործել Քրիստոսի հանդեպ հավատքով, որպեսզի ձեռք բերեն հոգևոր գիտելիքներ և հասկացողություն Նրա ավետարանի մասին: Եվ նրանք հնարավորություն կունենան սովորելու, թե ինչպես կիրառել Քրիստոսի վարդապետությունն ու ավետարանի սկզբունքներն այն հարցերի և դժվարությունների դեպքում, որոնք նրանք լսում ու տեսնում են ամեն օր իրենց հասակակիցների շրջանում և սոցիալական ցանցերում:

Այս նախաձեռնությունը ոգեշնչված է և ժամանակին: Այն հրաշալի ազդեցություն կունենա մեր երիտասարդների վրա: («21-րդ դարում ԵԿՀ ուսուցիչների հնարավորություններն ու պարտականությունները» [երեկո Բարձրագույն Իշխանության հետ, 26 փետրվարի, 2016], Gospel Library)

Լրացուցիչ ուսումնական վարժություններ

Արձագանքել տեղեկությունների աճող քանակին

«Վարդապետության սերտման արդյունքներ» բաժնի քննարկման ընթացքում կարող եք կիսվել Յոթանասունից երեց Ջոն Ք. Փինգրի կրտսերի հետևյալ խոսքերով:

Մենք անընդհատ ռմբակոծվում ենք ուժեղ կարծիքներով, կողմնակալ հաշվետվություններով և թերի տվյալներով։ Միևնույն ժամանակ, այդ տեղեկությունների ծավալն ու աղբյուրներն [աճում են]։ Ճշմարտությունը ճանաչելու մեր կարիքը երբեք ավելի կարևոր չի եղել։ («Հավերժական ճշմարտություն», Լիահոնա, հոկտ. 2023, 99)

Այս խոսքերից ի՞նչն օգտակար կլինի, որ Աննան հասկանա: Ինչո՞ւ։

Վարդապետության սերտման հավելված

Այս դասը կարող է լավ հնարավորություն լինել՝ ներկայացնելու Վարդապետության սերտման հավելվածը: Կարող եք նախապես ուսանողներին տալ հետևյալ հարցը․

Ինչո՞ւմ է կայանում սուրբ գրություները մտապահելու կարևորությունը, եթե մենք կարող ենք դրանք փնտրել մեր հեռախոսների կամ համակարգիչների միջոցով:

Կարող եք կիսվել Տասներկու Առաքյալների Քվորումից երեց Ռիչարդ Գ. Սքոթի (1928–2015) հետևյալ խոսքերով և քննարկել հետևյալ հարցը.

Մեծ զորություն ենք ստանում՝ մտապահելով սուրբ գրությունները: Մտապահելով սուրբ գրությունը՝ մենք, կարծես, նոր ընկեր ենք ձեռք բերում: Այն նման է նոր անձ հայտնաբերելուն, որը կարող է օգնել կարիքի ժամանակ, ոգեշնչում և սփոփանք պարգևել և լինել անհրաժեշտ փոփոխության լիցքի աղբյուր: («Սուրբ գրության զորությունը», Լիահոնա, նոյ․ 2011, 6)

Ինչպե՞ս կարող է մտապահված սուրբ գրությունը լինել ընկերոջ նման:

Ուսանողներին առաջարկեք անվճար ներբեռնել Վարդապետության սերտման հավելվածը: Որպեսզի ուսանողներին օգնեք մտապահել, կարող եք առաջարկել նրանց ուսումնասիրել հատվածներ մտապահելու, պատկերներով քարտերը տարբեր եղանակներով օգտագործելու կամ ստուգարքի տարբերակները:

Կարող եք տեղադրել հավելվածն էկրանին և ծանոթանալ դրա հիմնական գործառույթներին: Կարող եք ամբողջ դասարանով ընտրել որևէ սուրբ գրություն և փորձել մտապահել հատվածն ամբողջությամբ: Կամ ընտրեք մի քանի հատված և օգտագործեք պատկերներով քարտերը՝ փորձելով մտապահել հիմնական բառերն ու հղումները:

Այն ուսանողների համար, որոնք դեռ չեն սովորել վարդապետության սերտման մասին

Եթե ձեր ուսանողները նոր են սեմինարիայում, կարող է օգտակար լինել դասի վերջում մի քանի րոպե հատկացնել և առաջարկել ուսանողներին դիտարկել Վարդապետության սերտման հիմնական փաստաթղթի «Ձեռք բերել հոգևոր գիտելիքներ» բաժինը: Դա կարող է օգնել նրանց պատրաստվել ավելի մանրամասնորեն ուսումնասիրել այդ բաժինը կիսամյակի ընթացքում: