Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ինչպես փնտրել անձնական հայտնություն իմ հարցերի համար. Հասկանալ, թե ինչպես է Տերը խոսում ձեզ հետ

«Ինչպես փնտրել անձնական հայտնություն իմ հարցերի համար. Հասկանալ, թե ինչպես է Տերը խոսում ձեզ հետ», Հին Կտակարան․ Սեմինարիայի ուսուցչի ձեռնարկ (2026)

«Ինչպես փնտրել անձնական հայտնություն իմ հարցերի համար. Հասկանալ, թե ինչպես է Տերը խոսում ձեզ հետ», Հին Կտակարան․ Սեմինարիայի ուսուցչի ձեռնարկ

Վարդապետության սերտում. ինչպես գտնեմ իմ հարցերի պատասխանները. Դաս 162

Ինչպես փնտրել անձնական հայտնություն իմ հարցերի համար

Հասկանալ, թե ինչպես է Տերը խոսում ձեզ հետ

Երկնային Հայրը ցանկանում է Իր միտքն ու կամքը հայտնել Իր զավակներին: Դրա մասին իմանալը կարող է օգնել մեզ, երբ մենք փնտրում ենք մեր հարցերի պատասխանները, կարևոր որոշումներ ենք կայացնում և ձգտում ենք դառնալ Հիսուս Քրիստոսի ավելի լավ աշակերտներ: Այս դասը կօգնի ուսանողներին հասկանալ, թե իրենք ինչպես կարող են Սուրբ Հոգու միջոցով առաջնորդություն և հայտնություն ստանալ Երկնային Հորից:

Հնարավոր ուսումնական վարժություններ

Ճանաչել ձայները

Երբ ուսանողները մտնեն դասարան, նրանցից յուրաքանչյուրին մի համար տրամադրեք՝ տալով հետևյալ հրահանգները. «Երբ ես ասեմ ձեր համարը, խնդրում եմ, ասեք. «Տերը խոսում է մեզ հետ Սուրբ Հոգու միջոցով»»: Բացատրեք, որ երբ լսեն իրենց համարը, իրենք կարող են արտահայտությունն ասել շշուկով կամ սովորական ձայնով:

Դասի սկզբում ուսանողներին առաջարկեք փակել իրենց աչքերը: Բացատրեք, որ նրանք պետք է փորձեն ճանաչել իրենց դասընկերներին՝ լսելով նրանց ձայները: Հերթով ասեք տարբեր համարներ: Երբ յուրաքանչյուր ուսանող, որի համարը դուք ասում եք, կասի արտահայտությունը, դասարանի մնացած անդամներին առաջարկեք բարձրացնել իրենց ձեռքերը, եթե գիտեն, թե ով է խոսում:

Ապա տվեք հետևյալ հարցերը.

Հե՞շտ էր, թե դժվար էր հասկանալ, թե ով էր խոսում: Ինչո՞ւ։
Դասարան այցելած մարդու համար ինչո՞ւ կարող է դժվար լինել հասկանալ, թե ով է խոսում:

Ուսանողներին ցուցադրեք հետևյալ ինքնագնահատման տարբերակը և առաջարկեք նրանց մտածել իրենց պատասխանների մասին:

Խորհեք հետևյալ հարցերի պատասխանների շուրջ։ Կարող եք ձեր մտքերից մի քանիսը գրել ձեր ուսումնասիրության օրագրում։

Որքանո՞վ եմ վստահ, որ կարող եմ իմ կյանքում ճանաչել Տիրոջ ձայնը:
Ի՞նչ հարցեր կարող եմ ունենալ Երկնային Հորից հայտնություն ստանալու վերաբերյալ:

Կարող եք վկայել, որ Երկնային Հայրը ցանկանում է խոսել Իր զավակներից յուրաքանչյուրի հետ: Բացատրեք, որ երբ մենք հայտնություն փնտրենք, Նա կօգնի մեզ մեծացնել մեր վստահությունը՝ Իր ձայնը ճանաչելու և Իրենից պատասխաններ ու առաջնորդություն ստանալու համար:

Մեղմ, հանդարտ ձայն

Իրեն սպանել ցանկացող մարդկանցից փախչելիս Եղիա մարգարեն թաքնվեց քարայրում (տես Գ Թագավորների 19.1–10): Այնտեղ Տերը խոսեց նրա հետ։

Կարդացեք Գ Թագավորների 19․9–12 հատվածները՝ փնտրելով, թե ինչ իմացավ Եղիան այն մասին, թե ինչպես է Տերը հաղորդակցվում մեզ հետ:

Ի՞նչ սովորեցիք Տիրոջ մասին Եղիայի փորձառությունից:

Ուսանողներին օգնեք նշել, որ եղանակներից մեկը, որով Տերը հաղորդակցվում է մեզ հետ՝ Սուրբ Հոգու մեղմ, հանդարտ ձայնն է։

Որոշ ուսանողներ կարող են խորհել, թե արդյոք Աստված իսկապես կխոսի իրենց հետ և գուցե չգիտեն, թե ինչպես հասկանալ, որ Նա խոսում է իրենց հետ: 3 Նեփի 11 հատվածի արտահայտությունը և ուսումնական վարժությունն օգնում են լուծել այդ մտահոգությունները:

Նախագահ Ռասսել Մ. Նելսոնն ուսուցանել է․

Մենք կարող ենք աղոթել մեր Երկնային Հորը և ստանալ առաջնորդություն և ուղղորդում…։ Եթե մենք իսկապես ընդունենք Սուրբ Հոգուն և սովորենք զանազանել ու հասկանալ Նրա հուշումները, մենք կառաջնորդվենք մեծ ու փոքր հարցերում:

… Մի՞թե Աստված իսկապես ցանկանում է խոսել ձեզ հետ: Այո: («Հայտնություն Եկեղեցու համար, հայտնություն մեր կյանքի համար», Լիահոնա, մայիս 2018, 94–95)

Հետևյալ հատվածները կարդալու համար ուսանողներին կարող եք բաժանել զույգերի։ Որպեսզի օգնեք ուսանողներին ուսումնասիրել, առաջարկեք նրանց յուրաքանչյուր հատված կարդալուց հետո դադար առնել և իրենց հետ ընթերցող զուգընկերոջ հետ քննարկել իրենց գտածը, որը կարող է օգնել մեզ լսել և ճանաչել Աստծո հայտնությունը:

Կարդացեք 3 Նեփի 11.1–7 հատվածները՝ փնտրելով, թե ինչ կարող ենք սովորել Աստծուց հայտնություն լսելու և ճանաչելու մասին:

Ի՞նչ սովորեցիք հայտնություն ստանալու մասին այս պատմությունից:

Ճանաչել Աստծո հայտնությունը

Բացատրեք, որ եղանակներից մեկը, որով մենք կարող ենք սովորել ճանաչել Տիրոջ ձայնը մեր կյանքում, հասկանալն է, թե Նա ինչպես կարող է հաղորդակցվել մեզ հետ: Որպեսզի օգնեք ուսանողներին սովորել, թե ինչպես կարող է Տերը շփվել մեզ հետ, ցուցադրեք նրանց սմարթֆոն կամ որևէ մեկի նկարը և գրատախտակին գրեք հետևյալ հարցը:

Ինչպիսի՞ եղանակներով է հնարավոր սմարթֆոնի միջոցով հաղորդագրություններ ստանալ:

Հնարավոր պատասխաններից են՝ հեռախոսազանգը, տեքստային հաղորդագրությունները, ներծրագրային հաղորդագրությունները և նույնիսկ այն պատկերները, որոնք մենք ընտրում ենք, որպեսզի ցուցադրենք մեր հեռախոսներում: Վերոնշյալ հարցի կարճ քննարկումից հետո ջնջեք «սմարթֆոն» արտահայտությունը և այն փոխարինեք «Սուրբ Հոգի» արտահայտությամբ:
Ինչպիսի՞ եղանակներով է հնարավոր Սուրբ Հոգու միջոցով հաղորդագրություններ ստանալ:
Ինչպե՞ս է Սուրբ Հոգուց հաղորդագրություններ ստանալը տարբերվում սմարթֆոնով հաղորդագրություններ ստանալուց:

Եթե կարծում եք, որ սուրբ գրությունների ուսումնասիրության համար հետևյալ ուսումնական վարժությունները կարող են դժվար լինել ձեր ուսանողների համար, կարող եք կարդալ առաջին հատվածը և հարցնել դասարանին, թե ինչ է ուսուցանում այդ հատվածն այն եղանակների մասին, որոնցով մենք կարող ենք հասկանալ, երբ Աստված խոսում է մեզ հետ Սուրբ Հոգու միջոցով: Կարդալով հատվածը, կարող եք օգնել ուսանողներին տեսնել այդ հատվածում այն, որ մենք կարող ենք իմանալ, որ Նա հաղորդակցվում է Սուրբ Հոգու միջոցով, երբ զգում ենք, որ մեր իմաստությունը, հասկացողությունը կամ գիտելիքները ավելանում են: Ապա ուսանողները կարող են ուսումնասիրել հետևյալ սուրբ գրություններից մի քանիսը զույգերով կամ փոքր խմբերով: Ուսանողները պարտավոր չեն ուսումնասիրել այդ բոլոր սուրբ գրությունները:

Ուսումնասիրեք սուրբ գրությունների հետևյալ հղումներից մի քանիսը։ Ձեր ուսումնասիրած յուրաքանչյուր հղման համար նշեք եղանակներ, որոնցով մենք կարող ենք ճանաչել, երբ Աստված խոսում է մեզ հետ Սուրբ Հոգու միջոցով: Ձեր ուսումնասիրած հղումները և այն, ինչ սովորեցիք, գրեք ձեր ուսումնասիրության օրագրում:

Ելք 31․3

Հովհաննես 14.26–27

Հովհաննես 16.13

Գաղատացիներին 5.22–23

Վարդապետություն և Ուխտեր 6․21–23

Վարդապետություն և Ուխտեր 8․2–3

Վարդապետություն և Ուխտեր 11.12–13

Ջոզեֆ Սմիթ—Պատմություն 1․11–12

Հասկացողությունն այն մասին, թե ինչպես է Երկնային Հայրը Սուրբ Հոգու միջոցով շփվում մեզ հետ, ինչպե՞ս կարող է օգնել ձեզ ճանաչել Նրանից ստացված հայտնությունը:

Աստված խոսում է ձեզ հետ

Որպեսզի օգնենք ուսանողներին կիսվել հետևյալ սցենարի վերաբերյալ իրենց պատասխաններով, առաջարկեք նրանց պատասխանել ստորև նշված հարցին զուգընկերոջ հետ: Դա յուրաքանչյուր ուսանողին հնարավորություն կտա կիսվել իր սովորածով:

Որպես այլընտրանք, կարող եք երկու ուսանողի առաջարկել դասարանի առջև դերախաղով ներկայացնել սցենարը: Ուսանողներից մեկը կարող է կիսվել իր պատասխանով: Ապա այդ երկու ուսանողը կարող են ընտրել մեկ այլ երկու նոր ուսանողի՝ սցենարը դերախաղով ներկայացնելու համար: Կարող եք կրկնել դա մի քանի անգամ:

Պատկերացրեք, որ այս կիրակի կիրականանա հետևյալ սցենարը.

Հաղորդության ժողովի ժամանակ մի խոսնակ մեջբերեց նախագահ Ռասսել Մ. Նելսոնին, երբ ասաց. «Մի՞թե Աստված իսկապես ցանկանում է խոսել ձեզ հետ: Այո»։ («Հայտնություն Եկեղեցու համար, հայտնություն մեր կյանքի համար», Լիահոնա, մայիս 2018, 95)։ Երբ ժողովից հետո հեռանում եք ժողովատնից, ձեր ընկերն ասում է. «Կցանկանայի, որ կարողանայի Աստծո առաջնորդությունն ու հայտնությունը ճանաչել իմ կյանքում, բայց ես չգիտեմ, թե ինչպես անել դա»:

Ելնելով այն ամենից, ինչ սովորել եք այսօր Սուրբ Հոգուց և Սուրբ Հոգու մասին, ի՞նչ կասեք ձեր ընկերոջը:

Կարող եք կիսվել ձեր վկայությամբ Տիրոջ ցանկության մասին՝ խոսելու մեզ հետ Սուրբ Հոգու մեղմ, հանդարտ ձայնի միջոցով:

Օժանդակ նյութեր

Ինչո՞ւ է կարևոր հասկանալ, թե ինչպես է Հոգին խոսում:

Նախագահ Ռասսել Մ. Նելսոնը կիսվել է․

Գալիք օրերում հնարավոր չի լինի հոգևորապես գոյատևել առանց Սուրբ Հոգու առաջնորդության, ուղղորդման, մխիթարող և մշտական ազդեցության: («Հայտնություն Եկեղեցու համար, հայտնություն մեր կյանքի համար», Լիահոնա, մայիս 2018, 96)

Ինչպե՞ս է Սուրբ Հոգին խոսում ինձ հետ:

Տասներկու Առաքյալների Քվորումից երեց Ռոնալդ Ա․ Ռասբանդը բացատրել է.

Ըստ իմ փորձառության, Հոգին ամենից հաճախ հաղորդակցվում է որպես զգացողություն: Դուք զգում եք դա այն բառերի մեջ, որոնք ծանոթ են ձեզ, որոնք ձեզ համար իմաստավորվում են, որոնք հուշում են ձեզ: … Սուրբ Հոգու ձայնը մեղմ է և հանդարտ: («Թող Սուրբ Հոգին առաջնորդի», Լիահոնա, մայիս 2017, 94)

Յոթանասունից երեց Դեյվիդ Պ. Հոմերը բացատրել է․

10:20

Հոգին տարբեր մարդկանց հետ խոսում է տարբեր եղանակներով, և նույն մարդու հետ Նա կարող է խոսել տարբեր եղանակներով՝ տարբեր ժամանակներում։ Արդյունքում, ողջ կյանքում մենք որոնման մեջ ենք՝ հասկանալու համար այն բազմաթիվ եղանակները, որոնցով Նա խոսում է մեզ հետ։ Երբեմն Նա խոսում է մեր «մտքում և [մեր] սրտում» (Վարդապետություն և Ուխտեր 8.2–3) մի ձայնով, որը մեղմ է, սակայն հզոր՝ ներթափանցելով «նրանց մեջ … որոնք լսում են, մինչև սրտի խորքը» (3 Նեփի 11.3)։ Որոշ դեպքերում Նրա տպավորությունները «զբաղեցնում են [մեր] մտք[երը]» կամ «ներգործում … [մեր] զգացումների վրա» (Վարդապետություն և Ուխտեր 128.1)։ Մյուս դեպքերում մեր կուրծքը «կայրվի [մեր] ներսում» (Վարդապետություն և Ուխտեր 9.8)։ Այլ դեպքերում էլ նա լցնում է մեր հոգիներն ուրախությամբ, լուսավորում է մեր միտքը կամ խաղաղեցնում է մեր անհանգիստ սրտերը: («Լսել Նրա ձայնը», Լիահոնա, մայիս 2019, 42)

Ինչպե՞ս կարող եմ իմանալ, արդյոք Սուրբ Հոգին խոսում է ինձ հետ, թե դրանք իմ անձնական մտքերն են:

Տասներկու Առաքյալների Քվորումից երեց Դեյվիդ Ա. Բեդնարը բացատրել է.

8:12

Լրացուցիչ ուսումնական վարժություններ

Դասը սկսելու այլընտրանքային տարբերակ

Դասից առաջ ձեր ուսանողների ծնողներին առաջարկեք զանգահարել ձեր բջջային հեռախոսին և թողնել հետևյալ հաղորդագրությունը. «Ես Աստծո զավակն եմ»: Ապա կարող եք նվագարկել այդ հաղորդագրությունները մեկ առ մեկ և տեսնել՝ արդյոք ուսանողները կարող են գուշակել, թե ով է թողել հաղորդագրությունը: Ապա ուսանողները կարող են պատասխանել հետևյալ հարցերին.

Կարողացա՞ք ճանաչել ձայնը: Ինչո՞ւ այո, կամ ինչո՞ւ ոչ։
Ի՞նչը կմեծացնի ձայնը ճանաչելու ձեր ունակությունը:

Որպես այլընտրանք, կարող եք ցուցադրել «Finding Strength in Challenging Times!» տեսանյութը՝ 1:53-3:25։ Յոթանասունից երեց Ալան Ֆ. Փաքերը կիսվել է, թե ինչպես կարող է ճանաչել իր ֆուտբոլային մարզչի ձայնը ֆուտբոլային խաղի ժամանակ երկրպագուների և խաղացողների աղմուկի մեջ: Կարող եք հարմարեցնել վերը նշված հարցերը՝ քննարկելու երեց Փաքերի փորձառությունը:

10:35

Մեծացնել հայտնություն ստանալու մեր կարողությունը

Եթե կարծում եք, որ ձեր ուսանողների համար օգտակար կլինի ավելին իմանալ այն մասին, թե իրենք ինչպես կարող են հայտնություն ստանալ Երկնային Հորից, ցուցադրեք նախագահ Ռասսել Մ. Նելսոնի հետևյալ խոսքերը:

Ես հորդորում եմ ձեզ վեր բարձրանալ ձեր ներկա հոգևոր ունակությունից՝ անձնական վկայություն ստանալու համար…: («Հայտնություն Եկեղեցու համար, հայտնություն մեր կյանքի համար», Լիահոնա, մայիս 2018, 95)

Ապա ուսանողները կարող են փնտրել «Ընդունեք հայտնությունը որպես գործընթաց» (Թեմաներ և հարցեր, Gospel Library) բաժնում ներկայացված որոշ սկզբունքներ և նշել, թե դեռահասներն ինչ կարող են անել՝ բարելավելու Երկնային Հորից հայտնություն ստանալու իրենց կարողությունը:

Սմարթֆոնի օրինակը

Եթե կարծում եք, որ ուսանողների համար օգտակար կլինի սմարթֆոնի և Սուրբ Հոգու միջև լրացուցիչ համեմատություններ անել, կարող եք դասի ընթացքում «Ինչպիսի՞ եղանակներով է հնարավոր սմարթֆոնի միջոցով հաղորդագրություններ ստանալ» հարցից հետո ցուցադրել հետևյալը․

Ի՞նչը կարող է խանգարել սմարթֆոնի միջոցով հաղորդագրություններ ստանալուն:
Ի՞նչը կարող է մեծացնել սմարթֆոնի միջոցով հաղորդագրություններ ստանալու ձեր ունակությունը:

Ուսանողները կարող են հակիրճ պատասխանել յուրաքանչյուր հարցին, նախքան «սմարթֆոնի» արտահայտությունը կփոխարինեն «Սուրբ Հոգու» արտահայտությամբ։ Ապա ուսանողները կարող են ժամանակ տրամադրել՝ պատասխանելով նոր հարցերին: Կարող եք նաև առաջարկել նրանց մտածել, թե ինչպես կարող են անձամբ պատասխանել հարցերին:

Եկեղեցու ղեկավարների փորձառությունները

Որպեսզի օգնեք ուսանողներին տեսնել այլ մարդկանց լրացուցիչ փորձառությունները՝ կապված Երկնային Հոր ձայնը լսելու հետ, կարող եք դիտել Եկեղեցու ղեկավարների փորձառությունները Լսի՛ր Նրան տեսանյութերում ChurchofJesusChrist.org կայքում։

Օրինակներից մեկն է՝ «How I #HearHim: President Camille N. Johnson» տեսանյութը։ Սփոփող միության գերագույն նախագահ Քամիլ Ն. Ջոնսոնը պատմում է, թե ինչպես է լսել Տիրոջ ձայնն ուրիշների խոսքերի միջոցով:

2:7