Pagsusuri sa mga Paksa at mga Tanong tungkol sa Ebanghelyo nang may Walang-hanggang Pananaw

Maaari mong anyayahan ang mga estudyante na mag-isip ng isang object lesson o analohiya na makapaglalarawan ng kahalagahan ng pagtingin sa mga bagay mula sa ibang pananaw. Anyayahan silang ibahagi ang kanilang mga ideya sa klase. O maaari mong ipakita ang mga kasamang larawan na may pamagat na “Mga Tahanan–Limitadong Pananaw” at anyayahan ang mga estudyante na talakayin ang mga sumusunod na tanong sa isang kapartner:

Ipakita ang pangalawang bahagi ng mga kasamang larawan na may pamagat na “Mga Tahanan–Detalyadong Pananaw” at anyayahan ang mga estudyante na talakayin ang susunod na tanong.

Sa buong kurso ng seminary, maaaring nakatukoy ang mga estudyante ng mga personal na tanong o alalahanin tungkol sa ebanghelyo. Kung gayon, anyayahan silang isipin ang isa sa kanilang mga tanong. Kung hindi, maaari mo silang anyayahan na maglaan ng oras ngayon upang pag-isipan ang mga tanong o alalahanin na maaaring mayroon sila o ang iba. Anyayahan ang mga estudyante na mapanalanging magnilay sa buong lesson sa kung paano makatutulong sa kanila ang walang-hanggang pananaw na makahanap ng mga sagot, mga resolusyon, o kahit man lang higit na kapayapaan.

Kapag tapos nang magbasa ang mga estudyante, anyayahan silang ibahagi ang kanilang natutuhan. Habang nagbabahagi sila, maaari kang magtanong ng isa o dalawang follow-up na tanong tulad ng:

Maaari mong anyayahan ang mga estudyante na maghanap sa listahan ng mga doctrinal mastery passage sa Doctrinal Mastery Core Document para matulungan silang masagot ang naunang tanong.

Pagkatapos ng talakayang ito, bigyan ang bawat estudyante ng isang piraso ng papel. Anyayahan ang mga estudyante na sumulat ng buod na may isang pangungusap tungkol sa natutuhan nila tungkol sa pagsusuri ng mga konsepto at tanong nang may walang-hanggang pananaw. Kapag may naisulat na ang bawat isa, anyayahan ang mga estudyante na random na makipagpalitan ng papel sa iba’t ibang estudyante hangga’t kaya nila sa loob ng 10 segundo hanggang sa sabihin mong “tigil.”

Tumawag ng ilang estudyante para basahin ang pangungusap na nakasulat sa papel na kanilang natanggap. Sa kalahatan, maaaring sabihin ng mga estudyante ang tulad ng: Ang pagsusuri sa ating mga tanong nang may walang-hanggang pananaw ay nakatutulong sa atin na makita ang mga ito nang higit na katulad ng kung paano nakikita ng Panginoon ang mga ito.

Sabihin sa mga estudyante na itago ang papel na natanggap nila. Gagamitin ang mga ito kalaunan sa lesson.

Bago simulan ng mga estudyante ang kanilang pag-aaral, maaari kang magbigay ng karagdagang konteksto para sa bawat halimbawa. Sa mga binasa ang salaysay nina Adan at Eva, maaari mong ipaliwanag na itinuturing na negatibo ng ilang tao ang Pagkahulog dahil pinasimulan nito ang kasalanan, kamatayan, at mga pagsubok sa mundo. Tungkol kay Job, maaari mong ibahagi na maraming miyembro ng kanyang pamilya ang namatay, nawalan siya ng mga ari-arian, at nakaranas siya ng matitinding problema sa kalusugan.

Matapos ibahagi ng mga estudyante ang nalaman nila, maaari mong itanong:

Kung kailangan nila ng tulong sa paghahanap ng halimbawa, maaari mong anyayahan ang mga estudyante na basahin ang Isaias 53:3–5, 10 at talakayin kung bakit, mula sa walang-hanggang pananaw, “kinalugdan ng Panginoon na mabugbog siya” (Isaias 53:10). (Bagama’t nalungkot ang Ama sa Langit na makitang nagdurusa si Jesucristo, ang Kanyang walang-hanggang pananaw ay nagbigay-daan sa Kanya na makita na ang Pagbabayad-sala ng Kanyang Anak ay isang mahalagang bahagi ng plano ng kaligtasan para sa lahat ng Kanyang mga anak.)

Maaari ding makinabang ang mga estudyante kapag may nakita silang makabagong halimbawa ng isang taong tinitingnan ang kanyang mga tanong at kalagayan nang may walang-hanggang pananaw. Maaari ninyong panoorin ang “Pagsusuri sa mga Tanong nang may Walang-hanggang Pananaw” (2:56), na makikita sa ChurchofJesusChrist.org. Sa video na ito, sinusuri ng isang dalagita ang tanong na, “Kung talagang mapagmahal ang Diyos, bakit Niya papayagang magdusa ang mga tao?” Pagkatapos ng video, maaaring magbahagi ang mga estudyante ng mga karagdagang ideya na nakuha nila tungkol sa pagtingin sa mga bagay nang may walang-hanggang pananaw.

2:58

Para sa susunod na aktibidad, maaaring gamitin ng mga estudyante ang parehong mga papel na natanggap nila kanina pagkatapos ipasa-pasa ang isang pangungusap na buod tungkol sa walang-hanggang pananaw.

Pagkatapos makapagsulat ng isang bagay ang bawat estudyante, anyayahan sila na ituloy ang pagpapalitan ng mga papel sa loob ng 10 segundo hanggang sa sabihin mong “tigil.” Pagkatapos ay maaari mong pagpartner-partnerin ang mga estudyante para sa natitirang bahagi ng aktibidad.

Kapag natapos na ang mga estudyante, hilingin sa ilang boluntaryo na basahin sa klase ang tanong o sitwasyon sa kanilang papel pagkatapos ay ibahagi ang mga sagot na isinulat nila. Maaari kang humingi sa iba pa sa klase ng mga karagdagang ideya na makatutulong sa isang tinedyer na tingnan ang tanong o sitwasyon nang may walang-hanggang pananaw.

Ibahagi ang iyong patotoo na matutulungan tayo ng Ama sa Langit na makita ang mga bagay mula sa Kanyang pananaw kapag bumaling tayo sa Kanya. Maaari mo ring ibahagi na sa tuwing sa palagay natin ay hindi pa natin nakikita ang nakikita Niya, maaari pa rin tayong magtiwala sa Kanya (tingnan sa Mga Kawikaan 3:5–6). Hikayatin ang mga estudyante na patuloy na magsikap na suriin ang kanilang mga tanong at sitwasyon nang may walang-hanggang pananaw.