Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Pagkilos nang may Pananampalataya upang Makahanap ng mga Sagot: Pagsulong, Pagtitiwala sa Panginoon

“Pagkilos nang may Pananampalataya upang Makahanap ng mga Sagot: Pagsulong, Pagtitiwala sa Panginoon,” Manwal ng Guro ng Seminary para sa Lumang Tipan (2026)

“Pagkilos nang may Pananampalataya upang Makahanap ng mga Sagot: Pagsulong, Pagtitiwala sa Panginoon,” Manwal ng Guro ng Seminary para sa Lumang Tipan

Doctrinal Mastery: Lesson 163

Pagkilos nang may Pananampalataya upang Makahanap ng mga Sagot

Pagsulong, Pagtitiwala sa Panginoon

A young woman in a green striped shirt and black skirt leans down to hug her friend who is sitting in a wheelchair.

Maaaring mahirap hintayin ang kalooban at itinakdang panahon ng Ama sa Langit para makatanggap ng mga sagot sa ating mga tanong tungkol sa ebanghelyo. Maraming kuwento sa Lumang Tipan na nagpapakita kung paano nagpatuloy ang mga tagasunod ng Diyos sa paggawa ng mga pagpili na nagpapakita ng kanilang pananampalataya at pagtitiwala sa Kanya habang naghahanap ng mga sagot. Ang lesson na ito ay makatutulong sa mga estudyante na kumilos nang may pananampalataya kay Jesucristo habang naghahanap sila ng mga sagot sa kanilang mga tanong tungkol sa ebanghelyo.

Paghahanda ng estudyante: Anyayahan ang mga estudyante na rebyuhin ang talata 5–7 ng bahaging “Pagtatamo ng Espirituwal na Kaalaman” ng Doctrinal Mastery Core Document (2023). Maaari silang maghandang ibahagi kung bakit sa palagay nila ay mahalaga ang ating mga kilos kapag naghahanap ng mga sagot sa mga tanong o alalahanin tungkol sa ebanghelyo.

Mga Posibleng Aktibidad sa Pag-aaral

Paghihintay sa Panginoon para sa mga sagot sa mga tanong

Maaari kang magpakita ng mga larawan mula sa ilang kuwento sa Lumang Tipan tungkol sa mga taong kumilos nang may pananampalataya sa Panginoon. Maaari kang magtalaga sa maliliit na grupo ng mga estudyante ng isang scripture passage na pag-aaralan kasama ng isa sa mga larawan. Maaari kang pumili ng mga kuwento gaya ng:

Ang tapat na babae ng Zarefta sa panahon ng taggutom (1 Mga Hari 17:7–12).
Si Naaman na naghahangad na pagalingin ang kanyang ketong (2 Mga Hari 5:1–3, 9–10).
Ang tawag kay Enoc na ipangaral ang ebanghelyo (Moises 6:26–28, 31).

Maaaring basahin ng mga estudyante ang bahagi ng kuwento na nagpapakilala sa mapanghamong sitwasyon (mga reference na nasa mga panaklong sa itaas) at sagutin ang mga sumusunod na tanong. (Sa huling bahagi ng lesson, pag-aaralan ng mga estudyante kung paano kumilos nang may pananampalataya ang mga indibiduwal na ito.)

Paano nangailangan ng pananampalataya sa Panginoon ang kalagayan ng taong ito?
Anong mga alalahanin o sitwasyon ang maaaring kaharapin ng mga tinedyer ngayon kung saan kinakailangan nilang kumilos ayon sa kanilang pananampalataya sa Panginoon?

Kung magiging kapaki-pakinabang para sa mga estudyante na tumukoy ng mga halimbawa ng mga tanong sa makabagong panahon, maaari mong ipanood ang video na “Kumilos nang may Pananampalataya: Ang Kantero” (4:57), mula sa time code na 0:00 hanggang 1:48, at anyayahan ang mga estudyante na alamin ang mahihirap na sitwasyong kinaharap ng dalawang tinedyer na ito. Maaari mong tulungan ang mga estudyante na tukuyin ang mga naging tanong ng mga tinedyer. Maaari mong anyayahan ang mga estudyante na isulat sa kalahating bahagi ng pisara ang mga tanong.

4:56

Pagkatapos matukoy ng mga estudyante ang ilang tanong, maaari mo silang anyayahang sagutin sa kanilang study journal ang sumusunod.
Kailan ka nagkaroon o ang isang kakilala mo ng mga tanong o alalahanin tungkol sa ebanghelyo?
Ano ang ilang bagay na nagawa o magagawa mo para mapalapit sa Tagapagligtas kapag mayroon kang mga alalahanin o tanong tungkol sa ebanghelyo?

Ang pagkakaroon ng mga tanong o alalahanin tungkol sa Ama sa Langit, kay Jesucristo, o sa Kanilang ebanghelyo ay normal. Ang tatlong alituntunin ng Pagtatamo ng Espirituwal na Kaalaman ay makatutulong sa atin na masagot ang mahihirap na tanong o alalahanin. Ang mga alituntuning ito ay makatutulong sa atin na maunawaan kung paano mananatiling malapit sa Ama sa Langit at kay Jesucristo habang naghahanap tayo ng mga sagot.

Ang pananampalataya ay isang alituntunin ng pagkilos

Maaari mong ibahagi sa mga estudyante na ang lesson ngayon ay tutuon sa unang alituntunin: Kumilos nang may pananampalataya. Maaari mong isulat sa pisara ang sumusunod na hindi kumpletong katotohanan: Kapag may mga tanong o alalahanin tungkol sa ebanghelyo, maaari tayong kumilos nang may pananampalataya kay Jesucristo sa pamamagitan ng…

Maaari mong kopyahin sa pisara ang sumusunod na chart at anyayahan ang mga estudyante na humanap ng kahit isang paraan para makumpleto ang katotohanan na nakasulat sa bold letter mula sa bawat talata.

Basahin ang talata 5, 6, at 7 ng bahaging “Pagtatamo ng Espirituwal na Kaalaman” ng Doctrinal Mastery Core Document (2023), at maghanap ng mga paraan kung paano kukumpletuhin ang pahayag sa pisara.

	Kapag may mga tanong o alalahanin tungkol sa ebanghelyo, maaari tayong kumilos nang may pananampalataya kay Jesucristo sa pamamagitan ng…
Talata 5
Talata 6
Talata 7

Gamit ang bawat talata, paano ninyo kukumpletuhin ang pahayag sa pisara?
May iba pa bang paraan para kumilos nang may pananampalataya kay Jesucristo na idaragdag ninyo sa listahang ito?

Maaaring kumpletuhin ng mga estudyante ang pahayag gamit ang mga parirala tulad ng:

… patuloy na pagsunod sa mga kautusan. (talata 5)

… pag-asa sa kung ano ang alam na natin na totoo. (talata 6)

… pagtitiwala sa Ama sa Langit hanggang sa makatanggap tayo ng mga sagot. (talata 7)

Maaari mong gamitin ang sumusunod para bigyan ng pagkakataon ang mga estudyante na suriin kung gaano nila magagamit ang bawat isa sa tatlong pahayag na ito upang matugunan ang kanilang mga tanong o alalahanin tungkol sa ebanghelyo.

Maglaan ng ilang sandali upang pagnilayan ang mga paraang ito kung paano kumilos nang may pananampalataya kay Jesucristo kapag mayroon kang mga tanong. Sa scale na 1 (maliit) hanggang 5 (napakalaki), gaano kalaki ang iyong kumpiyansa na kumilos nang may pananampalataya sa Tagapagligtas sa ganitong mga paraan? Bigyang-pansin ang mga pahiwatig mula sa Espiritu upang madagdagan ang iyong kumpiyansa sa mga aspeto kung saan alam mong maaari ka pang umunlad.

Mga pagkilos na nagpapakita ng ating pananampalataya kay Jesucristo

Isipin na kunwari ay inanyayahan kang magbigay ng payo sa isang taong may mga tanong o alalahanin tungkol sa ebanghelyo. Pumili ng kahit dalawa sa sumusunod upang kumpletuhin:

Tukuyin ang mga paraan kung paano maaaring kumilos ang taong ito nang may pananampalataya kay Jesucristo sa pamamagitan ng pagsagot sa mga sumusunod na tanong:
- Anong mga kautusan ang maaari niyang patuloy na sundin?
- Ano ang inaasahan mong alam o naaalala ng taong ito tungkol sa Ama sa Langit at kay Jesucristo?
- Ano ang maaari niyang gawin para ipakita ang pagtitiwala sa Kanila?
Humanap ng kahit isang doctrinal mastery o iba pang scripture passage na makatutulong sa taong ito na kumilos nang may pananampalataya kay Jesucristo.
Humanap ng pahayag mula sa isang lider ng Simbahan na maaaring makatulong sa taong ito na kumilos nang may pananampalataya kay Jesucristo.

Pagkatapos ng sapat na oras, anyayahan ang mga estudyante na ibahagi sa kapartner ang payo na maaari nilang ibigay. Maaari mo ring bigyan ng pagkakataon ang mga estudyante na magbahagi ng mga karanasan nila sa pagkilos nang may pananampalataya kay Jesucristo habang naghahanap ng mga sagot o mga pagpapala sa ebanghelyo.

Gumawa ng plano na kumilos nang may pananampalataya

Maaari mong anyayahan ang mga estudyante na gumawa ng plano na kumilos nang may pananampalataya kay Jesucristo kapag may mga tanong o alalahanin sila tungkol sa ebanghelyo. Ang isang paraan kung paano ito magagawa ay ibahagi ang mga sumusunod na prompt na sasagutin sa kanilang study journal. Kung may sapat na oras, maaari mong anyayahan ang mga handang estudyante na ibahagi ang isinulat nila.

Ang isang bagay na nais kong tandaan tungkol sa pagkilos nang may pananampalataya kay Jesucristo ay .
Ang isang bagay na nais kong gawin upang kumilos nang may pananampalataya kay Jesucristo sa susunod na magkaroon ako ng mga tanong o alalahanin ay .

Karagdagang Resources

Bakit mahalaga ang mga ikikilos ko kapag mayroon akong mga tanong tungkol sa ebanghelyo?

Itinuro ni Elder Dale G. Renlund ng Korum ng Labindalawang Apostol:

13:52

Lumalalim ang pananampalataya habang kumikilos tayo sa mga paraang mas nagpapatibay sa pag-angkla natin [kay Jesucristo].

Ngayon, maganda sana kung nakakahawang parang trangkaso o karaniwang sipon ang nag-ibayong pananampalataya. Sa gayon ay mapapatatag ng isang simpleng “espirituwal na pagbahin” ang pananampalataya ng iba. Pero hindi ganoon iyon. Ang tanging paraan para lumago ang pananampalataya ay ang kumilos ang isang tao nang may pananampalataya. Ang pagkilos na ito ay kadalasang hinihikayat ng mga paanyayang ipinapaabot ng iba, ngunit hindi natin “mapapalago” ang pananampalataya ng iba o aasahan na lamang ang iba na palakasin ang sa atin. Para lumago ang ating pananampalataya, kailangan nating piliin ang mga kilos na nagpapalakas ng pananampalataya, tulad ng pagdarasal, pag-aaral ng mga banal na kasulatan, pagtanggap ng sakramento, pagsunod sa mga kautusan, at paglilingkod sa kapwa. (“Hindi Natitinag na Katapatan kay Jesucristo,” Liahona, Nob. 2019, 23)

Paano ako makakaasa sa bagay na alam ko na?

Ibinahagi ni Pangulong Jeffrey R. Holland ng Korum ng Labindalawang Apostol:

14:44

Kapag dumarating ang mga problema at tanong, huwag ninyong simulan ang paghahanap ng pananampalataya sa pagsasabi kung gaano karami ang wala sa inyo, simula sa inyong “kakulangan ng pananampalataya.” Napakahirap gawin niyan! Lilinawin ko ang bagay na ito: Hindi ko hinihiling na magkunwari kayong may pananampalataya kahit wala. Hinihiling ko na maging tapat kayo sa pananampalatayang taglay ninyo. Kung minsa’y kumikilos tayo na para bang ang tapat na pagpapahayag ng pag-aalinlangan ay mas magandang pagpapakita ng katapangang moral kaysa tapat na pagpapahayag ng pananampalataya. Hindi totoo iyan! Kaya’t tandaan nating lahat ang malinaw na mensahe ng kuwentong ito sa banal na kasulatan: Maging tapat sa inyong mga tanong hangga’t maaari; lahat tayo ay may mga tanong sa buhay tungkol sa isang bagay. Kung gusto ninyo at ng inyong pamilya na mapagaling, huwag ninyong hayaang makahadlang ang mga tanong na iyan sa pananampalataya ninyo na magkakaroon ng himala. (“Panginoon, Nananampalataya Ako,” Liahona, Mayo 2013, 94)

Ibinahagi ni Elder Neil L. Andersen ng Korum ng Labindalawang Apostol:

32:25

Gusto ko ang aral na itinuro ni Pangulong Dallin H. Oaks sa kanyang anak nang magtanong ito tungkol sa bagay na hindi malinaw na ipinaliwanag sa doktrina ni Cristo. Ang sagot niya? “Anak, hindi ko alam ang sagot sa tanong na iyan, pero hayaan mong sagutin ko ang tanong na alam ko.” Pagkatapos ay nagpatotoo siya tungkol kay Propetang Joseph Smith at sa Unang Pangitain. Maging handa tayong sabihing, “Hindi ko alam ang tungkol diyan, pero ito ang alam ko. (“Ang Kapangyarihan ni Jesucristo at ng Dalisay na Doktrina,” [Church Educational System broadcast, Hunyo 11, 2023], broadcasts.ChurchofJesusChrist.org).

Mga Karagdagang Aktibidad sa Pag-aaral

Mga karagdagang halimbawa sa Lumang Tipan ng pagkilos nang may pananampalataya kay Cristo

Ang iba pang mga halimbawa sa Lumang Tipan ng pagkilos nang may pananampalataya ay matatagpuan sa mga sumusunod na kuwento. Ang mga scripture passage ay isinaayos para gamitin bilang karagdagan sa mga kuwento o kapalit ng mga kuwento tungkol sa pananampalataya na ginamit sa lesson.

Mapanghamong sitwasyon	Pagkilos nang may pananampalataya sa Panginoon
Mapanghamong sitwasyon Ang mga Israelitang tumatawid sa ilog Jordan (Josue 3:9–13)	Pagkilos nang may pananampalataya sa Panginoon Josue 3:14–17
Mapanghamong sitwasyon Si Gideon na naghahanda para makidigma sa mga Midianita (Mga Hukom 7:2–8)	Pagkilos nang may pananampalataya sa Panginoon Mga Hukom 7:16–21
Mapanghamong sitwasyon Si Esther na pupunta sa harap ng hari (Esther 4:7–14)	Pagkilos nang may pananampalataya sa Panginoon Esther 4:15–17; 5:1–3

Ginamit ni Elder David A. Bednar ng Korum ng Labindalawang Apostol ang kuwento tungkol kay Josue para ituro ang pangangailangan nating kumilos nang may pananampalataya. Maaari mong ipanood sa mga estudyante ang video ng kanyang mensaheng “Manampalataya kay Cristo” (1:43).

1:51

Pagbabahagi ng mga ideya tungkol sa kung paano kumilos nang may pananampalataya

Upang matulungan ang mga estudyante na gumawa ng planong kumilos nang may pananampalataya, maaaring makatulong na gumawa ng graphic sa pisara para madaling makapagbahagi ang mga estudyante ng mga ideya sa kanilang mga kaklase. Maaari kang magdrowing ng flow chart sa pisara na may nakasulat na “Kumilos nang may Pananampalataya” bilang pangunahing ideya at tatlong sangay na may mga label para sa bawat tatlong pahayag. Pagkatapos ng aktibidad sa pag-aaral, maaaring lumapit sa pisara ang mga estudyante at magsulat ng mga ideya kung paano maaaring kumilos nang may pananampalataya ang isang tinedyer sa bawat bahaging ito. Maaari ka ring magbigay ng mga sticky note kung saan isusulat ng mga estudyante ang kanilang mga ideya at ilalagay ang mga ito sa ilalim ng bawat pahayag. Anyayahan ang mga estudyante na lumapit sa pisara at suriin ang mga ideyang ibinahagi ng kanilang mga kaklase bago gawin ang kanilang plano.