Գնահատեք ձեր գիտելիքները. Վարժություններ կյանքի նախապատրաստության դասերի համար

Մտածեք հետաքրքիր եղանակ, որը կօգնի ուսանողներին խորհել սուրբ գրությունների ուսումնասիրության այն հմտությունների մասին, որ իրենք վերջերս օգտագործել են, որպեսզի պատրաստվեն Երկնային Հորից օգնություն ստանալու համար։ Փնտրեք եղանակներ, որոնք սա հետաքրքիր և համապատասխան կդարձնեն ուսանողների համար։ Կարող եք անել որևէ բան, օրինակ՝ բացահայտել ինտերնետում արդյունավետ որոնում կատարելու հմտությունները (ինչպես ստորև ներկայացված վարժությունում), կամ եթե ուսանողներն ունեն արհեստական ​​բանականության օգտագործման փորձ, կարող են խոսել արհեստական ​​բանականության արդյունավետ հարցում կազմելու հմտությունների մասին։

Առաջարկեք ուսանողներին գրատախտակին գրել սուրբ գրությունների ուսումնասիրության իրենց սովորած հմտությունների ցանկը։ Յուրաքանչյուր հմտության կողքին կարող են գրել, թե ինչպես կարող են այս գործիքները օգնել իրենց՝ օգնություն և ոգեշնչում ստանալ Տիրոջից։ Ձեր դասարանի սովորած հմտությունները կարող են ներառել.

• Կենտրոնանալ Հիսուս Քրիստոսի վրա

• Որոնել Հիսուս Քրիստոսի խորհրդանիշները

• Համեմատություններ անել

• Հրավիրել Սուրբ Հոգուն աղոթքի միջոցով, հեռացնել շեղող գործոնները և խորհրդածել

• Նշել կամ ընդգծել բառեր և արտահայտություններ

• Նշումներ կատարել

• Խաչաձև հղումներ անել կամ կապակցել հատվածները

• Բացահայտել ենթադրվող կամ հստակորեն նշված ճշմարտությունները

Եթե ձեր դասարանը սովորել և կիրառել է լրացուցիչ հմտություններ, կարող եք դրանք ավելացնել ուսանողների կազմած ցանկին։

Որպեսզի օգնեք ուսանողներին ցուցադրել սուրբ գրությունների ուսումնասիրության իրենց սովորած հմտությունը, ընտրեք սուրբ գրության մի հատված, որի հետ ուսանողները կարող են աշխատել՝ հմտությունը կիրառելու համար։ Դա կարող է լինել վարդապետության ​​​​սերտման հատված կամ կարևոր մի հատված, որն ուսանողները հնարավորություն չեն ունեցել ուսումնասիրելու սեմինարիայում։

Երբ ուսանողներն ավարտեն, կարող եք առաջարկել նրանց դասարանի հետ կամ փոքր խմբերում կիսվել, թե որ հմտություններն են օգտագործել և ինչ են սովորել այդ փորձառությունից։ Երբ ուսանողները կիսվեն, կարող եք լրացուցիչ հարցեր տալ այն մասին, թե այս հմտությունների ներառումը սուրբ գրությունների իրենց անձնական ուսումնասիրության մեջ ինչպես կարող է օգնել իրենց ավելի մոտենալ Երկնային Հորը և Հիսուս Քրիստոսին։

Կարող եք գրատախտակին գրել Ընտրություններ բառը։ Ցուցադրեք ուսանողներին հետևյալ առարկաները և առաջարկեք նրանց կիսվել այդ առարկայի հետ կապված կարևոր ընտրությամբ կամ ընտրություններով։ (Յուրաքանչյուր առարկա ներկայացնում է Երիտասարդների զորացման համար կատեգորիայի մի դաս)

Բջջային հեռախոս

Հայրապետական օրհնություն

Երիտասարդներին զորացնելու համար ուղեցույց

«Նպատակներ» վերնագրով թերթիկ, որի վրա գրված է մի քանի նպատակ։

Մտածելու և գրելու համար ուսանողներին ժամանակ տրամադրելուց հետո մի քանի պատրաստակամ ուսանողի կարող եք առաջարկել կիսվել: Երբ ուսանողները կիսվեն, թե ինչպես են զգացել Տիրոջ զորությունը, ընդգծեք մեզ օգնելու Տիրոջ պատրաստակամությունը։ Երբ ուսանողները կիսվեն իրենց առջև ծառացած մարտահրավերներով, առաջարկեք դասարանին մի պահ մտածել, թե ինչպես կարող են օգնել։ Նրանք կարող են փնտրել սուրբ գրություններ կամ արտահայտություններ Երիտասարդներին զորացնելու համար ուղեցույցում կամ խորհել իրենց սեփական փորձառությունների մասին։ Առաջարկեք նրանց կիսվել։

Առաջարկեք ուսանողներին ավարտել այս վարժությունը՝ գրելով, թե իրենց կարծիքով Տերը ի՞նչ կցանկանար, որ իրենք անեն՝ որպես իրենց հաջորդ քայլ։

Կարող եք Հովսեփին պատկերող մի նկար ցուցադրել և ուսանողներին առաջարկել հիշել, թե ինչ են իրենք սովորել ինքնապահովման մասին՝ ուսումնասիրելով նրա պատմությունը (տես Ծնունդ 37–47)։ Նրանց համար օգտակար կլինի կարդալ օրագրերում կամ սուրբ գրություններում իրենց արած գրառումները՝ խորհելով իրենց սովորածի մասին։

Կարող եք ուսանողներին տրամադրել հետևյալ սուրբգրային հղումներից մի քանիսը կամ բոլորը.

• Ծնունդ 41․37–43, 49, 54–55 (Եգիպտոսի Հովսեփը հացահատիկ է պահեստավորում գալիք սովի համար, քանի որ նա հայտնություն է ստացել Տիրոջից)

• Ծնունդ 45․4–11, 47․11–12 (Հովսեփը օրհնում է իր ընտանիքը՝ ինքնապահովման իր ջանքերի շնորհիվ)

• Մաղաքիա 3․8–11 (հնազանդվել Տիրոջ տասանորդի օրենքին)

• Մովսես 4․23–25, 5․1 (Ադամն ու Եվան աշխատում են իրենց սնունդն ապահովելու համար, այլ ոչ թե Աստված է նրանց այն տալիս)

Մի քանի ուսանողի առաջարկեք կիսվել իրենց մտքերով։

Կարող եք քամու հարվածներին դիմակայող ծառի նկար ցուցադրել, կամ կարող եք ծառը նկարել գրատախտակի վրա։ Եթե ուսանողները իրենց ուսումնասիրության օրագրերում ծառ են նկարել՝ Դաս 181․ «Ամրացնենք էմոցիոնալ կայունությունը Տիրոջ օգնությամբ» դասն ուսումնասիրելիս, առաջարկեք նրանց վերանայել իրենց ծառի վրա նշված էմոցիոնալ դժվարությունները։

Որպես այլընտրանք, ուսանողները կարող են ծառի նոր նկարի շուրջ գրել էմոցիոնալ դժվարություններից մի քանիսը, որոնք իրենք ունեցել են կամ որոնց կարող են բախվել ապագայում։

Եթե ուսանողները կիսվեն իրենց դժվարություններով կամ խնդիրներով, ոգեշնչում խնդրեք՝ իմանալու, թե ինչպես օգնել նրանց։ Դասարանի անդամները կարող են օգնել միմյանց՝ ցուցաբերելով կարեկցանք և հասկացողություն։

Հետևյալ վարժությունը ուսանողներին հնարավորություն է տալիս բացատրել հոգևոր և աշխարհիկ կրթության կարևորությունը ողջ կյանքի ընթացքում։

Ուսանողներին առաջարկեք պատկերացնել հետևյալ սցենարը։ Կարող եք հարմարեցնել սցենարը՝ ձեր դասարանի կարիքներին համապատասխանեցնելու համար:

Բավարար ժամանակ տրամադրելուց հետո կարող եք առաջարկել ուսանողներին կիսվել իրենց ակնարկներով փոքր խմբերում կամ կարող եք առաջարկել մի քանի պատրաստակամ ուսանողի կիսվել դրանցով դասարանի հետ։

Եթե ​​ուսանողները նախկինում hնարավորություն են ունեցել ծրագրեր կազմելու իրենց ապագա հոգևոր և աշխարհիկ կրթության վերաբերյալ, առաջարկեք նրանց վերանայել իրենց կազմած ծրագրերը։ Եթե ուսանողները ծրագրեր չեն կազմել, առաջարկեք նրանց այդ ժամանակը հատկացնել՝ հոգևոր և աշխարհիկ կրթության շարունակական զարգացման ծրագիր կազմելու համար այնպիսի եղանակով, որ Տիրոջը ներգրավեն իրենց ծրագրերում։

Հետևյալ հարցերը կարող են օգնել քննարկմանը․

Կարող եք հետևյալ դասերի վերնագրերը գրել գրատախտակին։

Ներգրավեք Տիրոջը ձեր ուսումնառության մեջ

Պատասխանատվություն ստանձնեք ձեր ուսման համար

Առաջադրանքների կազմակերպում և առաջնահերթությունների սահմանում

Հետաձգման հաղթահարում

Առաջարկեք ուսանողներին կարդալ վերնագրերը և մտորել, թե ինչպես են կիրառել այս հմտությունները իրենց դպրոցական աշխատանքներում։ Դա անելու համար կարող եք առաջարկել նրանց անել հետևյալը։

Հետո մի քանի կամավորների առաջարկեք դասարանի հետ կիսվել իրենց նկարած նկարներով: Հորդորեք նրանց ուշադիր լսել իրենց համադասարանցիներին։ Հարցրեք, թե արդյոք նրանք ուզում են դասերից որևէ լրացուցիչ փորձառություն կամ սկզբունք ավելացնել, որը կարող է օգտակար լինել։ Միմյանց լսելով՝ ուսանողները կարող են Սուրբ Հոգուց ոգեշնչվել և փորձել այն հմտություններից մի քանիսը, որոնք դասընկերները օգտակար են համարում։

Որպեսզի ուսանողներին պատրաստեք խորհելու Հիսուս Քրիստոսի ավետարանով ուրիշների հետ կիսվելու վերաբերյալ իրենց զգացմունքների մասին, կարող եք համառոտ վերհիշել միսիոներական նախապատրաստության դասերից նրանց սովորած կամ կիրառած որոշ բաներ։ Օրինակ՝ եթե ուսանողները ուսումնասիրել են Դաս 198-ը․ «Ըտրել միսիա ծառայելը», կարող եք ձեր ձեռքում հայելի բռնել և հարցնել հետևյալը։

Երբ ուսանողները կիսվեն իրենց փորձով, կարող եք նաև հարցնել, թե Փրկչի մասին ինչ ճշմարտություններով են նրանք կիսվել կամ ինչ հրավերներ են հղել։ Կարող եք հիշեցնել ուսանողներին, որ Դաս 197-ում․ «Կիսվեք ավետարանով բնական եղանակով» նրանք գտնում էին Հիսուս Քրիստոսի մասին ճշմարտություններ, որոնցով ոգևորված էին կիսվել իրենց սիրելի մարդկանց հետ (տես Եսայի 1․18, 25․4, 8–9, 40․28–31, 43․25, 54․10)։

Առաջարկեք մի քանի կամավորի կիսվել իրենց գրածով: Խրախուսեք ուսանողներին շարունակել փնտրել Հիսուս Քրիստոսի ավետարանով ուրիշների հետ կիսվելու ցանկություն և հնարավորություններ։

Կարող եք օգտագործել հետևյալ վարժություններից մեկը կամ մի քանիսը, որպեսզի օգնեք ուսանողներին գնահատել Աստծո հետ տաճարում ուխտեր կապելու իրենց ցանկությունը:

Ուսանողներին առաջարկեք խորհել Տաճարային նախապատրաստության դասերից սովորած սկզբունքների մասին։ Նրանք կարող են վերանայել իրենց սուրբ գրությունները և ուսումնասիրել օրագրերը՝ հիշելու համար, թե ինչ են սովորել զոհաբերության և հնազանդության օրենքների մասին, այն մասին, թե ինչպես է տաճարը ուսուցանում Հիսուս Քրիստոսի մասին և ինչպես պատրաստվել արժանավորությամբ մտնելու տաճար՝ ուսումնասիրելով տաճարային երաշխավորագրի հարցերը։ Անհրաժեշտության դեպքում կարող եք անել հետևյալը․

Երբ ուսանողները վերանայեն իրենց սուրբ գրություններն ու նշումները, ցուցադրեք հետևյալը, որպեսզի օգնեք ուսանողներին մտորել այն մասին, թե ինչպես են այս դասերը ազդել Աստծո հետ Նրա տանը ուխտեր կապելու իրենց ցանկության վրա։

Դասընթացի ընթացքում ուսանողները հնարավորություններ են ունեցել ուսումնասիրելու և կիրառելու Եկեղեցու ղեկավարների ուսմունքները: Այս վարժության համար կարող եք հիշեցնել ուսանողներին դասարանում ուսումնասիրված որոշակի ելույթներ: Կարող եք ելույթների վերնագրերը գրել գրատախտակին։ Առաջարկեք ուսանողներին ընտրել ելույթներից մեկը և վերանայել ուղերձը և այն նշումները, որ իրենք, հնարավոր է, կատարել էին։ Բաժանեք ուսանողներին զույգերի, եթե հնարավոր է նրանց հետ, ովքեր ընտրել են տարբեր ելույթներ։ Զուգընկերներից յուրաքանչյուրին հանձնարարեք կիսվել հետևյալ երկու հարցերի իրենց պատասխաններով։

Յուրաքանչյուր զուգընկերոջ կիսվելուց հետո առաջարկեք ուսանողներին մտածել այն մասին, թե ինչպես են իրենք փորձել կիրառել իրենց ընտրած ելույթի ուսմունքները։ Կարող եք հարցնել նրանց այդ ուսմունքները կիրառելիս ունեցած հաջողությունների կամ անհաջողությունների մասին։