Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ընտրել միսիա ծառայելը. միսիոներական ծառայության օրհնությունները

«Ընտրել միսիա ծառայելը. միսիոներական ծառայության օրհնությունները», Հին Կտակարան․ Սեմինարիայի ուսուցչի ձեռնարկ (2026)

«Ընտրել միսիա ծառայելը. միսիոներական ծառայության օրհնությունները», Հին Կտակարան․ Սեմինարիայի ուսուցչի ձեռնարկ

Միսիոներական նախապատրաստություն․ Դաս 198

Ընտրել միսիա ծառայելը

Միսիոներական ծառայության օրհնությունները

Տիրոջ համար միսիա ծառայելը հիանալի հնարավորություն է: Երկնային Հայրը օրհնում է միսիոներներին, երբ նրանք ծառայում և ուսուցանում են մարդկանց իրենց համայնքներում և ամբողջ աշխարհում: Այնուամենայնիվ, միսիա ծառայելու որոշում կայացնելը կարող է դժվար լինել: Այս դասը կօգնի ուսանողներին ցանկանալ ծառայել Տիրոջը՝ որպես Նրա միսիոներներ:

Ուսանողի նախապատրաստում․ առաջարկեք ուսանողներին հարցնել իրենց ծանոթներից մեկին, որը միսիա է ծառայել, թե նրա կարծիքով, ինչ օրհնություններ Տերը տվել է նրան ծառայության համար: Նրանք կարող են դա անել անձամբ, հեռախոսով, տեքստային հաղորդագրությամբ կամ էլ-փոստով: Խնդրեք ուսանողներին պատրաստ լինել՝ կիսվելու իրենց սովորածով:

Հնարավոր ուսումնական վարժություններ

Ծառայել լիաժամկետ միսիա

Կարող եք դասը սկսել մի եղանակով, որը կօգնի ուսանողներին մտածել Տիրոջը ծառայելու մասին՝ որպես Նրա լիաժամկետ միսիոներներ: Կարող եք երգել «Called to Serve» (Hymns, հմր. 249) և խնդրել ուսանողներին կիսվել, թե ում են ճանաչում, որ ծառայել կամ ծառայում է միսիայում, և որտեղ է նա ծառայում: Կամ դասից առաջ կարող եք խնդրել մի քանի ուսանողի բերել այն մարդու նկարը, որի մասին իրենք գիտեն, որ ծառայում է Տիրոջը միսիայում:

Ի՞նչ է Տերն ուսուցանել երիտասարդ տղամարդկանց և կանանց՝ որպես միսիոներներ ծառայելու պատասխանատվության մասին:

Երբ ուսանողները պատասխանեն, համոզվեք, որ նրանք հասկանում են հետևյալը։

Նախագահ Ռասսել Մ. Նելսոնն ուսուցանել է․

Տերը խնդրել է յուրաքանչյուր արժանավոր, ընդունակ երիտասարդ տղամարդու պատրաստվել և ծառայել միսիայում: Երիտասարդ և ընդունակ քույրեր, ձեզ համար միսիան նույնպես հզոր, բայց կամավոր հնարավորություն է: («Քարոզենք խաղաղության ավետարանը», Լիահոնա, մայիս 2022, 6)

Սա ներառում է քարոզչական և ծառայողական միսիաները։

Կարող եք գրել հետևյալ հարցերը գրատախտակին և խնդրել մի քանի ուսանողի կիսվել իրենց մտքերով հարցերից որևէ մեկի վերաբերյալ.

Ի՞նչ պատճառներով մարդը կարող է ցանկանալ միսիա ծառայել:
Ի՞նչ պատճառներով կարող է դժվար լինել որոշել միսիա ծառայել։

Եթե օգտակար լինի, բացատրեք, որ շատ մարդիկ են ունեցել մտահոգություններ։ Օրինակ՝ երբ Տասներկու Առաքյալների Քվորումից նախագահ Մ․ Ռասսել Բալլարդը (128–2023) որոշեց միսիա ծառայել, նրա ծնողները ակտիվ չէին Եկեղեցում (տես «Missionary Service Blessed My Life Forever», Լիահոնա, մայիս 2022, 8)։ Տասներկու Առաքյալների Քվորումից նախագահ Ջեֆրի Ռ. Հոլլանդը կիսվել է, որ «[իր] ընտանիքում միսիոներական ավանդույթ չկար» (տես «My Mission Influence» տեսանյութը [3:31] 2:01–2:16, որը հասանելի է ChurchofJesusChrist.org կայքում)։ Երեց Քվենթին Լ. Քուքի հայրը ակտիվ չէր Եկեղեցում և հորդորեց իր եղբորը ընդունվել բժշկական քոլեջ՝ միսիա գնալու փոխարեն (տես «Դարձի գանք դեպի Աստծո կամքը», Ensign, մայիս 2002, 54)։

Մի քանի րոպե տրամադրեք, որպեսզի ձեր ուսումնասիրության օրագրում գրեք, թե ինչ կարծիք ունեք լիաժամկետ միսիայում ծառայելու վերաբերյալ և ինչու:

Այս դասը ուսումնասիրելիս առաջնորդություն փնտրեք Տիրոջից, որ օգնի ձեզ որոշել՝ արդյոք պետք է ծառայել լիաժամկետ միսիա, և ինչպես արձագանքել այն մտահոգություններին, որոնք դուք կարող եք ունենալ:

Երբ մենք հնազանդվում ենք Տիրոջը

Կարդացեք Բ Օրենք 28․1–6, 9 հատվածները՝ փնտրելով, թե ինչ է Տերը խոստացել մեզ Մովսեսի միջոցով, եթե մենք անենք այն, ինչ Ինքը պատվիրում է մեզ անել:

Ուսանողներին առաջարկեք կիսվել իրենց գտածով: Խնդրեք ուսանողներին կիսվել տարբեր տեսակի օրհնությունների օրինակներով, որոնք Տերը խոստացել է այս հատվածներում: Օգտակար կլինի իմանալ, որ «քո մարմնի պտուղը» (Բ Օրենք 28.4) նշանակում է ժառանգներ։

Ինչո՞ւ է օգտակար իմանալ այն բազմաթիվ և տարբեր օրհնությունները, որոնք Տերը խոստանում է մեզ, եթե մենք անենք այն, ինչ Նա պատվիրում է:
Ձեր կարծիքով, այս հատվածներում տրված Տիրոջ խոստումները ինչպե՞ս կարող են վերաբերել մեր հնազանդությանը՝ ծառայելու Նրան որպես Իր միսիոներներ:

Նախագահ Ռասսել Մ. Նելսոնն ուսուցանել է․

Սիրելի երիտասարդ ընկերնե՛ր, դուք բոլորդ շատ կարևոր եք Տիրոջ համար: Մինչ այս պահը Նա ձեզ պահել է պահեստազորում, որպեսզի օգնեք հավաքել Իսրայելը: Միսիայում ծառայելու ձեր որոշումը, լինի դա քարոզիչ, թե ծառայողական միսիա, կօրհնի ձեզ և շատերին: («Քարոզենք խաղաղության ավետարանը», Լիահոնա, մայիս 2022, 6)

Գրատախտակին կարող եք գրել․ Տերը կօրհնի մեզ և շատ ուրիշների, եթե մենք ընտրենք ծառայել միսիայում:

Աստծո կողմից առաջարկվող օրհնություններից մի քանիսը հասկանալը կօգնի մեզ միսիայում ծառայելու մեր որոշումը կայացնելիս:

Կարդացեք «Օրհնություններ, որ Աստված տալիս է իր միսիոներներին» աշխատաթերթի մի քանի կամ բոլոր սուրբգրային հատվածները և արտահայտությունները կամ գտեք լրացուցիչ սուրբգրային հատվածներ կամ արտահայտություններ։ Կարող եք նշել կամ ընդգծել այն օրհնությունները, որոնք կարևոր են ձեզ համար: Նկատի առեք, որ Տերը տալիս է այս օրհնությունները միսիոներական ծառայության ընթացքում և դրանից հետո:

Պատրաստեք մի բան, որով կարող եք կիսվել այն մարդու հետ, որը որոշում է՝ արդյոք պետք է ծառայի Տիրոջը միսիայում: Ներառեք հետևյալներից առնվազն երկուսը.

Մեկ կամ երկու օրհնություն, որոնք դուք գիտեք, որ Աստված տալիս է, երբ մենք լիաժամկետ միսիա ենք ծառայում, և այն, թե ինչպես եք դուք վերաբերվում դրանց:
Ձեր որևէ ծանոթի օրինակը, որը ստացել է Աստծո օրհնություններից մեկը իր միսիոներական ծառայության միջոցով:
Ինչպես է ձեր սովորածն ազդում Տիրոջը որպես լիաժամկետ միսիոներ ծառայելու ձեր ցանկության վրա:
Այն, ինչ դուք սովորեցիք Երկնային Հոր և Հիսուս Քրիստոսի մասին, որը կարող է օգնել որևէ մեկին ընտրել լիաժամկետ միսիա ծառայելը:

Երբ ուսանողները պատրաստվեն, յուրաքանչյուր զուգընկերությանն առաջարկեք բաժանել իրենց ուղերձը երկու մասի: Թույլ տվեք իրենք որոշեն, թե իրենցից ով որ մասով պետք է կիսվի: (Օրինակ՝ նրանցից մեկը կարող է կիսվել օրհնությամբ և դրա վերաբերյալ իր զգացմունքներով, իսկ մյուսը՝ կիսվել օրինակով և ասել, թե ինչպես կարող է օգտակար լինել Երկնային Հոր և Հիսուս Քրիստոսի վրա կենտրոնանալը:) Մտածեք՝ արդյոք ավելի արդյունավետ կլինի, եթե մի քանի զուգընկերություն կիսվեն իրենց պատրաստածով դասարանի առջև, թե ավելի լավ կլինի, եթե նրանք կիսվեն միմյանց հետ փոքր խմբերով: Եթե նրանք կիսվում են միմյանց հետ փոքր խմբերով, կարող եք կիսվելուց հետո հարցնել, թե ինչն էր իրենց համար կարևոր, որ լսեցին մեկ ուրիշից, կամ որով իրենք կիսվեցին ուրիշների հետ։

Ձեր որոշումը

Մի պահ փակեք ձեր աչքերը և մտածեք Երկնային Հոր մասին: Հիշեք Նրա սերը ձեր հանդեպ: Երիտասարդ կանայք, պատկերացրեք, թե ինչ կարող է Նա զգալ, երբ դուք ձգտում եք իմանալ Նրա կամքը միսիայում ծառայելու վերաբերյալ: Երիտասարդ տղամարդիկ, մտածեք այն մասին, թե ինչ կցանկանար Երկնային Հայրը, որ դուք անեիք հիմա՝ պատրաստվելու համար դառնալ արդյունավետ միսիոներ կամ լուծելու համար ցանկացած մտահոգություն, որ դուք կարող եք ունենալ ծառայության հետ կապված:

Խնդրեք Երկնային Հոր օգնությունը՝ ձեր ուսումնասիրության օրագրում գրելով, թե ինչ սովորեցիք կամ Նա ինչ կարող է ցանկանալ, որ դուք հիշեք այս դասից, երբ մտածեք Տիրոջը որպես լիաժամկետ միսիոներ ծառայելու մասին:

Կարող եք մի քանի ուսանողի առաջարկել կիսվել, թե իրենք ինչ սովորեցին կամ հասկացան այս դասից։ Ավելացրեք նաև ձեր սեփական մտքերը ու վկայությունը։

Օժանդակ նյութեր

Ի՞նչ է Տերն ուսուցանել երիտասարդ տղամարդկանց և կանանց՝ որպես միսիոներներ ծառայելու պատասխանատվության մասին:

Նախագահ Ռասսել Մ. Նելսոնը վերահաստատել է որպես միսիոներներ ծառայելու Տիրոջ կոչը։

5:34

Ես այսօր վճռականորեն վերահաստատում եմ, որ Տերը խնդրել է յուրաքանչյուր արժանավոր, ընդունակ երիտասարդի պատրաստվել և միսիա ծառայել: Վերջին Օրերի Սրբերի երիտասարդ տղաների համար միսիոներական ծառայությունը քահանայության պարտականություն է: Երիտասարդ տղաներ, ձեզ պահել են այս ժամանակի համար, երբ տեղի է ունենում Իսրայելի խոստացված հավաքումը: Երբ դուք միսիա եք ծառայում, դուք առանցքային դեր եք խաղում այս աննախադեպ իրադարձության մեջ:

Երիտասարդ և ընդունակ քույրեր, ձեզ համար միսիան նույնպես հզոր, բայց կամավոր հնարավորություն է: Մենք սիրում ենք քույր միսիոներներին և ամբողջ սրտով ողջունում ենք նրանց: Այն, ինչ դուք ներդնում եք այս աշխատանքում, փառահեղ է: Աղոթեք, որ իմանաք՝ արդյո՞ք Տերը ցանկանում է, որ դուք միսիա ծառայեք, և Սուրբ Հոգին կպատասխանի ձեր սրտին և մտքին: («Քարոզենք խաղաղության ավետարանը», Լիահոնա, մայիս 2022, 6)

Ի՞նչ է ծառայողական միսիան։

Արժանի երիտասարդ տղամարդիկ և երիտասարդ կանայք, որոնք ֆիզիկական, մտավոր, էմոցիոնալ կամ այլ պատճառներով չեն կարող ծառայել քարոզչական միսիայում, կարող են կանչվել ծառայելու ծառայողական միսիայում: Ծառայողական միսիայի միսիոներները կարող են ծառայել Տիրոջը՝ կատարելով բազմաթիվ հանձնարարություններ, օրինակ՝ բարեգործական կազմակերպությունների, Եկեղեցու գործառույթների և ցցի ընձեռած հնարավորությունների միջոցով: Օրինակը տեսնելու համար դիտեք «Service Missions: Elder Quade’s Story» տեսանյութը (5:19)։

5:19

Լրացուցիչ տեղեկությունների համար փնտրեք մանրամասներ, որոնք հասանելի են ChurchofJesusChrist.org/service-missionary կայքում կամ Gospel Library հավելվածում:

Լրացուցիչ ուսումնական վարժություններ

Միսիա ծառայելու պատճառները

Երբ ուսանողները կատարեն «Օրհնություններ, որ Աստված տալիս է իր միսիոներներին» աշխատաթերթը, կարող եք ցուցադրել հետևյալ տեսանյութերից մեկը: Առաջարկեք ուսանողներին փնտրել այն պատճառները, թե ինչու մարդը կարող է որոշել միսիա ծառայել:

«Value of a Full-Time Mission» (5:22)

5:23

Մի երիտասարդի օրինակ է, որը որոշում է՝ արդյոք ինքը պետք է միսիա ծառայի

Եթե օգտակար կլինի, կիսվեք մի երիտասարդի օրինակով, որը որոշել է միսիա ծառայել և վկայում է այն օրհնությունների մասին, որոնք ստացել է: Դիտեք երեց Գանեշ Վարդանապուի «The Decision to Serve a Mission» նյութը (Լիահոնա, մարտ 2020, միայն թվային տարբերակով)։

Խորհուրդ տվեք

Երբեմն Եկեղեցու ամսագրերը հարցեր են առաջադրում, և տարբեր երիտասարդներ ամբողջ աշխարհում գրում են պատասխաններ, որոնք կարող են օգտակար լիել: Առաջարկեք ձեր դասարանի ուսանողներին պատկերացնել, որ իրենց տրվել է հետևյալ հարցը. Ինչպե՞ս կարող եմ որոշել՝ արդյոք ես պետք է միսիա ծառայեմ: Տվեք նրանց մի քանի րոպե՝ գրելու պատասխան, որը ներառում է սուրբգրային հատված կամ մարգարեի կամ Եկեղեցու ղեկավարի խոսքերը: Այնուհետև առաջարկեք նրանց կարդալ պատասխանները «How do I decide whether to serve a mission?» նյութում։ (New Era, դեկտեմբեր 2019, 44-45)։

Եթե ուսանողները ցանկություն ունեն ծառայելու, բայց մտահոգվում են, որ իրենք չեն կարող դա անել

Եթե ուսանողները այդպիսի իրավիճակում են, կարող եք առաջարկել նրանց կարդալ Մատթեոս 28.19–20․1 Նեփի 3․7, Մոսիա 4․27 հատվածները՝ փնտրելով տարբեր սկզբունքներ, որոնք կարող են օգնել իրենց: Նաև բացատրեք, որ նրանք կարող են կիսվել իրենց մտահոգությամբ ծնողների, քահանայության ղեկավարների և առողջապահության ոլորտի մասնագետների հետ, որոնք կարող են խորհուրդ տալ, թե ինչ կարող են իրենք անել:

Փրկչին ավելի մոտենալն ինչպես է ազդում ավետարանով կիսվելու մեր ցանկության վրա

Եթե օգտակար կլինի, առաջարկեք ուսանողներին կատարել «Անհատական կամ զուգընկերոջ հետ ուսումնասիրություն» վարժությունը Քարոզիր Իմ ավետարանը գրքույկի երրորդ էջի վերևում։ Նրանք կարող են խորհել, թե Փրկչին ավելի մոտենալն ինչպես է ազդում ավետարանով կիսվելու և լիաժամկետ միսիա ծառայելու իրենց ցանկության վրա: