Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Zakaria 10–14: Hisy andron’i Jehovah ho avy

“Zakaria 10–14: Hisy andron’i Jehovah ho avy”, Testamenta Taloha: Boky torolalana ho an’ny mpampianatra seminera (2026)

“Zakaria 10–14: Hisy andron’i Jehovah ho avy”, Testamenta Taloha: Boky torolalana ho an’ny mpampianatra seminera

Hagay 1–2; Zakaria 1–4; 10–14: Lesona 157

Zakaria 10–14

Hisy andron’i Jehovah ho avy

"He Comes Again to Rule and Reign" by Mary R. Sauer. Jesus Christ is descending to Earth at his Second Coming. There are men, women, and children surrounding him. He is wearing a red robe and is looking down at those who are gathering.

Amin’ny alalan’ireo mpaminaniny no hanambaran’ny Tompo antsipiriany momba ireo zavatra hitranga amin’ny ho avy mba hahafahantsika mamantatra sy miandrandra azy ireo amim-pahatokiana. Naminany i Zakaria fa hiverina ny Mpamonjy ka hiaro ny olony amin’ireo firenena nivondrona mba hiady amin’izy ireo. Ity lesona ity dia afaka manampy ny mpianatra hahatsapa fahatokian-tena fa homba azy ireo ny Mpamonjy mandritra ireo tranga mialoha ny Fiaviana Fanindroany.

Fanomanana ny mpianatra: Asao ny mpianatra hamaky ny “Seconde venue de Jésus-Christ” ao amin’ny Sujets et questions (Médiathèque de l’Évangile). Amporisiho izy ireo ho tonga ao an-dakilasy efa vonona hizara ny zavatra nianaran’izy ireo na ny fanontaniana ananan’izy ireo.

Sahanasa fianarana azo atao

Fiandrandrana ny Fiavian’ny Mpamonjy fanindroany

Hevero ny hanomboka ny fotoam-pianarana amin’ny alalan’ny fangatahana ny mpianatra hieritreritra ireo tranga lehibe sasany izay antenain’izy ireo amin’ny hoavy, toy ny hoe mandeha manao fialan-tsasatra, na manao asa fitoriana, na manambady. Asao izy ireo hizara ny fahatsapany momba ireo tranga ireo.

Avy eo dia mampisehoa sarin’ny Fiavian’ny Mpamonjy Fanindroany. Asao ny mpianatra hitanisa teny maromaro eny amin’ny solaitrabe izay mety haneho ny zavatra mety ho tsapan’ny olona momba io tranga io. Mety ho tafiditra ao anatin’ilay lisitra ny teny toy ny hoe mientanentana, vonona, matoky tena, tony, na matahotra, misafotofoto, na mitaintaina, na tsy mahazo antoka.

Mba hanombanana ny zavatra tsapan’izy ireo momba ny Fiavian’ny Mpamonjy Fanindroany dia afaka manao izao manaraka izao ny mpianatra.

Valio ao anatin’ny diary fandalinanao ireto fanontaniana manaraka ireto:

Inona avy ireo teny izay mamaritra ny zavatra tsapanao momba ny Fiavian’ny Mpamonjy Fanindroany?
Inona no mitondra fiantraikany amin’ny zavatra tsapanao momba io tranga io?

Soraty izay fanontaniana anananao momba ny Fiavian’ny Mpamonjy Fanindroany.

Rehefa mandalina ireo tranga mifandray amin’ny Fiaviana Fanindroany ianao dia henoy ireo fahatsapana avy amin’ny Fanahy mba hahafantarana ny fomba ahafahanao mahatsapa fahatokian-tena kokoa fa homba anao ny Mpamonjy mandritra ireo tranga ireo.

Azonao atao ny manasa mpianatra hizara ny zavatra nosoratany. Amporisiho ny mpianatra hitady ny valin’ireto fanontaniana manaraka ireto mandritra ny fandalinan’izy ireo ny Zakaria.

Fanamarihana: Tsy mila mamaly ny fanontaniana rehetra momba ny Fiavian’ny Mpamonjy Fanindroany ianao. Raha te hianatra misimisy kokoa ny mpianatra dia azon’izy ireo atao ny mandalina loharanom-pahalalana toy ny “Seconde venue de Jésus Christ” ao amin’ny Sujets et questions (Médiathèque de l’Évangile).

Naminany momba ny Fiavian’ny Mpamonjy Fanindroany i Zakaria

Mba hanampiana ny mpianatra hahatakatra ireo faminanian’i Zakaria momba ny Fiavian’ny Mpamonjy Fanindroany dia azonao atao ny mamaky na mamintina ity andiam-pehezanteny manaraka ity. Azon’ny mpianatra atao ihany koa ny mamaky ny sasin-teny ho an’ny Zakaria 10; 12–14.

Naminany i Zakaria fa amin’ny andro farany dia hisy ady lehibe izay fantatra amin’ny hoe adin’i Hara-magedona (jereo ny Apokalypsy 16:16) hitranga eo akaikin’i Jerosalema. Ny firenena rehetra eto an-tany dia hiangona hanohitra an’i Jerosalema (jereo ny Zakaria 12:2–3). Ao anatin’ilay ady dia ho eo ambanin’ny fahirano i Jerosalema rehefa misy tafika hiodidina ny tanàna (jereo ny Zakaria 14:2). Avy eo ny Mpamonjy dia hiseho eo amin’ny Tendrombohitra Oliva (jereo ny Zakaria 14:4).

Rehefa vitan’ny mpianatra ilay taratasy zaraina dia asao izy ireo hametraka fanontaniana momba ny zavatra nohalalinin’izy ireo. Raha toa ka tsy azonao antoka ny valiny iray dia lazao azy ireo fa tsy fantatrao izany. Asao izy ireo hikaroka valiny. Azonao atao ihany koa ny mikaroka valiny miaraka amin’izy ireo mandritra ny fotoam-pianaranana na any ivelan’ny fotoam-pianarana.

Ity fanontaniana manaraka ity dia afaka manampy ny mpianatra hamantatra ireo fahamarinana avy ao amin’ny fampianaran’i Zakaria.

Inona no ampianarin’ireo andinin-tsoratra masina ireo anao momba an’i Jesoa Kristy?

Mandritra ny fifanakalozan-kevitra dia asao ny mpianatra hamintina ny zavatra nianarany momba ny Mpamonjy ao anatin’ny fehezanteny tsotra iray manambara fahamarinana. Mety hizara valinteny isan-karazany ny mpianatra, anisan’izany ny hoe: i Jesoa Kristy dia hiverina amin’ny andro farany ary hanangona sy hamonjy ary hiaro ny olony.

Misy hery tonga rehefa mahafantatra ireo mpianatra fa ireo fahamarinana ianaran’izy ireo avy amin’ny soratra masina dia porofon’ny fitiavana sy ny hery ary ny famindram-pon’ny Ray any An-danitra sy i Jesoa Kristy eo amin’ny fiainan’izy ireo. Izany fahatsapana izany dia afaka manampy ny mpianatra hahatsapa fifandraisana akaiky kokoa Amin’Izy Ireo.

Ireto fanontaniana manaraka ireto dia afaka manampy ny mpianatra hanana an’io fahatakarana io.

(Raha mila fiofanana fanampiny mikasika ny fametrahana fanontaniana izay mifandray amin’ny fitiavan’ny Tompo, sy ny heriny ary ny famindram-pony momba ireo fahamarinana ampianarina ao amin’ny soratra masina dia jereo ny “Ampio ny mpianatra hamantatra ny fitiavan’ny Tompo sy ny heriny ary ny famindram-pony eo amin’ny fiainan’izy ireo” ao amin’ny Fahaiza-manao ho fampivoarana ny mpampianatra.)
Ahoana no ahafahan’ny fahafantarana io fahamarinana momba an’i Jesoa Kristy io manampy antsika hiatrika amim-patokiana ny Fiaviany Fanindroany?
Inona avy ireo fomba sasantsasany anangonan’i Jesoa Kristy sy amonjeny ary iarovany ny olony amin’izao fotoana izao?

Anisan’ny valin’ilay fanontaniana teo aloha ny hoe: I Jesoa Kristy dia manangona amin’ny alalan’ny fanasana ny rehetra hanatona Azy, hanaraka ny filazantsarany, ary handray ireo fitahian’ny tempoly. Mamonjy Izy amin’ny alalan’ny fanolorana ny fanomezana ny Sorompanavotany sy ireo ôrdônansin’ny filazantsara. Miaro amin’ny alalan’ny fanambarana ny sitrapony amin’ny alalan’ireo mpaminany velona sy ny soratra masina Izy.

Zarao ny zavatra fantatrao

Vakio ny tonon-kiran’ilay fihirana manao hoe “O viens, toi, Roi des rois” (Cantiques, no. 29). Avy eo dia manorata andininy fanampiny amin’ilay hira. Ampidiro ao anatin’izany ireo fampianaran’i Zakaria mikasika ny zavatra nampanantenain’ny Mpamonjy fa hataony ho an’ny vahoakany mandritra ny Fiaviany Fanindroany, ary ny fomba hanampian’ireo fampanantenana ireo anao hahatsapa fahatokian-tena fa hiaraka amin’ny vahoakany ny Mpamonjy amin’ny andro farany.

Asao ny mpianatra hizara ireo tononkira nosoratany.

Azonareo atao ny miara-mihira ilay fihirana, ka atao tafiditra ao anatin’izany ny iray na ny maromaro amin’ireo andininy nosoratan’ny mpianatra.

Ho famaranana dia azonao atao ny mizara ny fijoroana ho vavolombelona anananao momba ny Mpamonjy sy ny fomba hanampiany anao hiandrandra ny Fiaviany Fanindroany amim-pitokiana.

Loharanom-pitaovana fanampiny

Inona no nampianarin’ireo mpaminany maoderina momba ny Fiavian’ny Mpamonjy Fanindroany?

Nampianatra izao ny Filoha Russell M. Nelson:

Hiverina any amin’ny tany izay nohamasininy tamin’ny alalan’ny iraka notontosainy tany nandritra ny fiainany an-tany ny Tompo. Ho avy indray ao Jerosalema toy ny mpandresy Izy. Hiverina ao amin’ilay Tanàna Masina Izy, manao akanjo mena fanaon’ny mpanjaka mba ho tandindon’ny rany, izay nitete teo amin’ny mason-koditra rehetra (jereo ny Fotopampianarana sy Fanekempihavanana 133: 46–48). Any Jerosalema sy any amin’ny toeran-kafa dia “hiseho ny voninahitr’i Jehovah, ary ny nofo rehetra hiara-mahita izany” (Isaia 40:5; jereo koa ny Fotopampianarana sy Fanekempihavanana 101:23). “Ny anarany atao hoe Mahagaga, Mpanolo-tsaina, Andriamanitra Mahery, [Ny Ray Maharitra Mandrakizay], Ny Andrian’ny Fiadanana” (Isaia 9:5).

Hanapaka avy ao amin’ny renivohitra roan’izao tontolo izao Izy: ao Jerosalema fahiny ny iray (jereo ny Zakaria 14) ary ao Jerosalema Vaovao ny iray hafa izay “haorina eo amin’ny kaontinanta Amerikana” (Ireo Fanekem-pinoana 1:10). Hotarihiny avy any amin’ireo ivon-toerana ireo ny raharahan’ny Fiangonana sy ny fanjakana. Mbola hisy tempoly iray hafa haorina ao Jerosalema. Hanjaka mandrakizay amin’ny maha-Mpanjakan’ny Mpanjaka Azy avy ao amin’izany tempoly izany Izy. Hisy rano hiboika avy ao ambanin’ilay tempoly. Hositranina ny ranon’ny Ranomasina Maty. (Jereo ny Ezekiela 47:1–8.)

Amin’izay andro izay dia hitondra anarana vaovao maro Izy ary ho voahodidin’ Olomasina miavaka. Izy dia ho fantatra amin’ny anarana hoe “Tompon’ny tompo sy Mpanjakan’ny mpanjaka …, ary haharesy azy koa izay homba Azy, dia [ho ireo] olona voantso sy voafidy ary mahatoky” (Apokalypsy 17:14) noho ny fahatokiany eto amin’ny fiainana an-tany. Dia “hanjaka mandrakizay mandrakizay” (Apokalypsy 11:15) Izy.

Haverina amin’ny toetran’ny paradisany sy hohavaozina ny tany. Hisy lanitra vaovao sy tany vaovao (jereo ny Apokalypsy 21:1; Etera 13:9; Fotopampianarana sy Fanekempihavanana 29:23–24).

Andraikitsika sy voninahitra ho antsika ny manampy amin’ny fanomanana izao tontolo izao ho amin’izany andro izany. (“Ny hoavin’ny Fiangonana: Manomana izao tontolo izao amin’ny Fiavian’ny Mpamonjy fanindroany”, Liahona, apr. 2020, 16–17)

Inona no zavatra mety ho tsapantsika eo am-piomanantsika amin’ny fiverenan’ny Mpamonjy?

Nampianatra izao ny Loholona Neil L. Andersen ao amin’ny Kôlejin’ny Apôstôly Roambinifolo:

15:54

Rehefa miaina fiainana marina isan-taona ianareo dia manome toky anareo aho fa hanamafy aminareo hatrany hatrany ireo zavatra iainanareo fa i Jesoa no Kristy. Ho mafy kokoa sy ho azo antoka kokoa ilay fototra iorenanareo ara-panahy. Ho faly ianareo fa nandefa anareo eto an-tany Andriamanitra mba handray anjara amin’ireo fanomanana farany ny fiverenan’i Kristy amim-boninahitra. (“Tadio ara-panahy”, Liahona, mey 2014, 21)

Mba hahazoana torohevitra fanampiny mikasika ny fomba hananana fanantenana eo am-piomanantsika amin’ny fiverenan’ny Mpamonjy dia jereo ny lahatsoratry ny Filoha Nelson hoe “Ny hoavin’ny Fiangonana: Manomana izao tontolo izao ho amin’ny Fiavian’ny Mpamonjy Fanindroany” (Liahona, apr. 2020, 7–11).

Aiza no ahafahako mianatra kokoa momba ny adin’i Hara-magedona?

Mba hisian’ny fifanakalozan-kevitra amin’ny antsipiriany momba ny adin’i Hara-magedona dia jereo ny Armagedon: A Prophetic View (Old Testament Student Manual 1 Kings–Malachi [2003], 291–95). Azonao atao ihany koa ny mandalina momba ity ady maneran-tany ity ao amin’ny Ezekiela 38–39; Zakaria 12–14; Apokalypsy 11; Fotopampianarana sy Fanekempihavanana 45:47–53; ary ny Torolalana ho an’ny Soratra Masina, “Hara_magedona” (Médiathèque de l’Évangile).

Sahanasa fianarana fanampiny

Zakaria 9:9. Faminaniana momba ny fidiran’i Kristy tamim-boninahitra tao Jerosalema

Azonao atao ny manazava fa ankoatra ireo faminaniana momba ny Fiavian’ny Mpamonjy Fanindroany dia nilaza mialoha ny tranga iray izay hiseho mandritra ny asa fanompoan’i Kristy eto an-tany i Zakaria.

Asao ny mpianatra hamaky ny Zakaria 9:9, ka hitady ny faminaniana momba an’i Jesoa Kristy. Avy eo dia asao izy ireo hamaky ny Matio 21:4–11, ka hitady ny fomba nanatanterahan’i Jesoa Kristy an’io faminaniana io. Mba hanampiana ny mpianatra haka sary an-tsaina ilay zava-nitranga dia azonao atao ny mampiseho ny “L’entrée triomphale du Seigneur dans Jérusalem” (1:22).

1:22

Azonareo atao avy eo ny mifanakalo hevitra momba ny fomba hanambaran’ny Tompo ireo fahamarinana momba ireo tranga amin’ny ho avy amin’ireo mpaminaniny sy ny zavatra ampianarin’izany antsika momba ny Tompo. Azon’ny mpianatra atao ny mitanisa ohatra hafa avy ao amin’ny soratra masina izay naminanian’ireo mpaminany momba an’i Jesoa Kristy. Azon’izy ireo atao ny mifanakalo hevitra momba ny fomba hanamafisan’ireo faminaniana ireo ny fijoroana ho vavolombelona ananantsika momba Azy.

Mivonona ho amin’ny Fiavian’ny Mpamonjy Fanindroany

Mba hanampiana ny mpianatra hahatsapa ho vonona amin’ny Fiavian’ny Mpamonjy Fanindroany dia azonao atao ny mampiseho ny iray amin’ireto horonan-tsary manaraka ireto na izy roa:

Israel, Israel, God is Calling—Highlight 1 (1:53): Ny Filoha Jeffrey R. Holland dia mizara hevitra mikasika ny fomba tiany ho hita rehefa miverina ny Mpamonjy.

1:53

The Righteous Need Not Fear (1:06): Mampianatra ny Filoha Dallin H. Oaks fa tsy tokony hatahotra ny olo-marina rehefa tonga ny Mpamonjy.

1:8

Mitady valiny amin’ireo fanontaniana momba ny Fiaviana Fanindroany ao amin’ny Soratra Masina

Mba hanampiana ny mpianatra hampiasa ny soratra masina mba hahitana ny valin’ireo fanontaniana ananan’izy ireo momba ny Fiaviana Fanindroany dia azonao atao ny mandamina ny kilasy ho vondrona kely ho an’ity sahanasa manaraka ity. Omeo ny iray amin’ireto fanontaniana manaraka ireto sy ireo andinin-tsoratra masina miaraka amin’izany ny vondrona tsirairay. Asao ny mpianatra handalina ny sasany amin’ireo andininy ireo na izy rehetra ary hanomana fampisehoana fohy momba ny zavatra hitany. Asao ireo vondrona mba hizara amin’ny iray kilasy ny zavatra nianarany.

Inona no hitranga amin’ny olo-marina sy ny ratsy fanahy amin’ny Fiaviana Fanindroany?
- Zakaria 14:12–13, 16
- Malakia 3:1–3; 4:1–3
- 1 Nefia 22:15–17, 19, 22–23
Ho eo ve aho rehefa hiverina ny Mpamonjy?
- Zakaria 14:5
- 1 Tesaloniana 4:14–17
- Fotopampianarana sy Fanekempihavanana 45:44–46
- Fotopampianarana sy Fanekempihavanana 88:96–98
Fantatsika ve hoe rahoviana no hitranga ny Fiavian’ny Mpamonjy Fanindroany?
Inona avy ireo famantarana hafa momba ny Fiavian’ny Mpamonjy Fanindroany?
- Ezekiela 47:1, 8–9
- Joela 2:30–32
- Zakaria 14:8
- Lioka 21:25–28