Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Jona: “Ianao dia Andriamanitra mamindra fo sy miantra”

“Jona: -Ianao dia Andriamanitra mamindra fo sy miantra,-” Testamenta Taloha: Boky torolalana ho an’ny mpampianatra seminera (2026)

“Jona: -Ianao dia Andriamanitra mamindra fo sy miantra,-” Testamenta Taloha: Boky torolalana ho an’ny mpampianatra seminera

Amosa; Obadia; Jona: Lesona 151

Jona

“Ianao dia Andriamanitra mamindra fo sy miantra”

Nanolotra ny sandrin’ny famindram-pony tamin’i Jona sy ny vahoakan’i Ninive ny Tompo na dia teo aza ireo fahadisoana lehibe nataon’izy ireo. Rehefa tsapantsika fa notolorana an’io fitiavana sy famindram-po io isika dia afaka mihiaka koa isika fa “Andriamanitra mamindra fo sy miantra, mahari-po sady be famindram-po” ny Tompo (Jona 4:2). Ity lesona ity dia afaka manampy ny mpianatra hahatsapa ny fitiavana sy ny famindram-pon’ny Tompo ho azy ireo sy ho an’ny hafa.

Ireo sahanasa fianarana azo atao

Ny fomba fijerintsika

Hevero ny hanomboka ny fotoam-pianarana amin’ny alalan’ny fanaovana sary ity mari-drefy manaraka ity eny amin’ny solaitrabe miaraka amin’ireo teny miaraka amin’izany eo akaikiny. Rehefa manontany ny mpianatra ianao hoe ahoana ny mety ho fahitan’ny hafa ny Ray any An-danitra sy i Jesoa Kristy dia ampio andalana vitsivitsy amin’ny toerana samihafa eo amin’ilay mari-drefy mba hanehoana ny valin-tenin’izy ireo.

Alaivo sary an-tsaina hoe maneho ny fomba fahitan’ny olona iray ny Ray any An-danitra sy i Jesoa Kristy io mari-drefy io.

Nahoana ny olona sasany no mety hahita Azy Ireo ho be fitiavana sy feno famindram-po ary hatsaram-panahy fa ny hafa kosa tsy mahita izany?

Mba hanampiana ny mpianatra hanombantombana ny fahitany ny Ray any An-danitra sy i Jesoa Kristy, dia hevero ny hanasa azy ireo hisaintsaina izao manaraka izao.

Saintsaino hoe aiza eo amin’ilay andalana no hametrahanao ny fomba fijerinao ny Ray any An-danitra sy i Jesoa Kristy. Eritrereto ny antony nisafidiananao izany toerana izany eo amin’ilay andalana.

Izao dia alaivo sary an-tsaina hoe maneho ny fomba fieritreretanao na fitondranao ny hafa izany mari-drefy izany.

Inona avy ireo antony mety hitondrantsika ny olona sasany amin’ny fomba iray, fa ny olona hafa kosa amin’ny fomba tena hafa tanteraka?

Rehefa mandalina ny tantaran’i Jona ianao dia katsaho ny Fanahy Masina mba hanampy anao hahita ny tena toetran’ny Ray any An-danitra sy i Jesoa Kristy. Eritrereto ny fomba fiantraikan’ny zavatra ianaranao momba Azy Ireo amin’ny fomba fijerinao, ny fieritreretanao, na ny fitondranao ny hafa.

Ny tantaran’i Jona

Vakio ny Jona 1:1–3, dia tadiavo ny torolalan’ny Tompo ho an’i Jona sy ny fomba namalian’i Jona izany.

Ahoana no fahitanao ny valin-tenin’i Jona mikasika ny zavatra tsapany momba ny torolalan’ny Tompo mba hitory amin’ny vahoakan’i Ninive?

Rehefa avy nomena fotoana hamitana ilay asa atao ny mpianatra dia asao izy ireo hametraka izay fanontaniana ananany na hizara ny hevi-baovao azony avy amin’ny fandalinana ity tantara ity.

Raha ilaina dia hazavao fa ny Jona 4 dia mampiseho fa na dia feno fankasitrahana tamin’ny famindram-pon’ny Tompo sy ny famelany azy aza i Jona, dia nahasosotra azy ireo toetra ireo rehefa tamin’ny vahoakan’i Ninive no nanehoan’ny Tompo izany. Nampianatra an’i Jona ny Tompo fa tena sarobidy Taminy mihoatra lavitra noho ny tanantanamanga ny vahoakan’i Ninive.

Hevero ny hanoratra eny amin’ny solaitrabe ity fahamarinana tsy feno manaraka ity. Asao ny mpianatra hameno ireo fahamarinana amin’ny alalan’ny fampiasana ny zavatra vao nianarany avy amin’ny tantaran’i Jona.

Ny Tompo dia …

Mba hahatongavantsika tahaka ny Tompo dia tsy maintsy …

Hevero ny hameno ireo fehezan-teny eny amin’ny solaitrabe amin’ny teny na andian-teny izay zarain’ny mpianatra, toy ny hoe:

Ny Tompo dia mamindra fo sy mamela heloka.

Mba hahatongavantsika tahaka ny Tompo dia tsy maintsy mamindra fo sy tsara fanahy ary mamela heloka tahaka Azy isika.

Azonao atao ny manasa ny mpianatra hizara ohatra manokana avy amin’ny tantaran’i Jona izay maneho ireo fahamarinana ireo. Azon’izy ireo atao ihany koa ny mizara ny antony ahatsapany fa manan-danja ho azy ireo ny mahafantatra ireo teny na andian-teny nosafidiany.

Nahoana no mety ho sarotra amintsika indraindray ny mitia na mamindra fo amin’ny hafa?
Miantraika amin’ny fomba fijerintsika, ny fieritreretantsika, na ny fitondrantsika ny hafa amin’ny fomba ahoana ny fahalalana momba ny famindram-po sy ny fitiavan’ny Tompo?

Lasa tahaka ny Tompo

Mety namantatra fahamarinana hafa ankoatra ireo voatanisa etsy ambony ireo ny mpianatra. Raha izany no izy dia hevero ireo fomba hampitomboana ny fahatakaran’ny mpianatra ny fahamarinana hitany. Ireto sahanasa manaraka ireto dia manampy ny mpianatra hahatakatra kokoa ireo fahamarinana etsy ambony sy hahatsapany ny fitiavan’ny Tompo ho azy sy ny hafa.

Azonao atao ny mandamina ny mpianatra ho tsiroaroa ary asaivo mamita samirery ny iray amin’ireo sahanasa ireo ny mpianatra tsirairay. Avy eo dia afaka mifampianatra ny zavatra izay hitany izy ireo. Na afaka mamita io sahanasa io ny tsiroaroa ary mifampizara ny zavatra nianarany.

Misafidiana iray amin’ireto rafi-tantara manaraka ireto:

Rafi-tantara A. Alaivo sary an-tsaina hoe manana namana iray ianao izay mahatsapa fa ratsy fanahy sy tsy mamindra fo, na tsy mamela heloka ny Ray any An-danitra sy i Jesoa Kristy.

Rafi-tantara B. Alaivo sary an-tsaina hoe manana namana iray izay manana olana amin’ny fanomezana famindram-po, hatsaram-panahy, na famelana ny heloky ny olon-kafa ianao.

Ataovy ireto manaraka ireto:

Mitadiava andininy iray avy amin’ny tantaran’i Jona izay hozarainao amin’ilay namanao. (Afaka mitady andalan-tsoratra masina fanampiny izay mety hanampy ihany koa ianao.)
Mieritrereta zavatra niainana iray ka mety hanampy. Ho an’ny rafi-tantara A: eritrereto ny fotoana nanehoan’ny Tompo fitiavana na famindram-po taminao na tamin’ny olona iray fantatrao. Ho an’ny rafi-tantara B: eritrereto ny fotoana nanampian’ny Tompo anao na ny olona iray fantatrao haneho fitiavana na famindram-po amin’ny hafa.

Inona no nianaranao?

Mba hanampiana ny mpianatra hahita sy hahatsapa ny fitiavana sy famindram-pon’ny Tompo ho azy sy ny hafa, dia hevero ny hanasa azy ireo hanao sary ao amin’ny diary fandalinany izay mampahatsiahy ny tantaran’i Jona, toy ny trozona na zavamaniry lehibe iray. Avy eo dia asaivo manoratra ny valiny amin’ny iray amin’ireo fanontaniana etsy ambany izy ireo, ao anatin’ilay sary na eo akaikiny.

Hevero ny hamaly ireto fanontaniana manaraka ireto ao amin’ny diary fandalinanao:

Inona no nianaranao androany ka manampy anao hahatsapa fa be famindram-po sy tsara fanahy ary mamela heloka ny Ray any An-danitra sy i Jesoa Kristy?
Inona no zavatra niainanao androany ka manampy anao hahatsapa ny fitiavan’ Izy Ireo ho an’ireo izay mety ho manana olana amin’ny fanomezana fitiavana na famelana?

Loharanom-pitaovana fanampiny

Inona no afaka manampy ahy hahatakatra ny toetra marin’ny Ray any An-danitra sy i Jesoa Kristy?

Nijoro ho vavolombelona toy izao ny Loholona Robert M. Daines ao amin’ny Fitopololahy:

10:23

Nampianatra ny Filoha Nelson hoe: “Arakaraka ny ianaranao momba ny Mpamonjy no mahamora ny fitokisanao amin’ny famindram-pony sy ny fitiavany tsy manam-petra.” Ary arakarak’izany no hahatokisanao sy hitiavanao ny Rainao any An-danitra.

Nampianatra antsika ny Loholona Jeffrey R. Holland fa i Jesoa dia nampiseho “antsika hoe iza ary manao ahoana Andriamanitra ilay Raintsika Mandrakizay, ary tena nanolo-tena tanteraka ho an’ireo zanany amin’ny taona sy firenena rehetra Izy.”

Nilaza i Paoly fa Andriamanitra dia “Rain’ny famindrampo [rehetra] sady Andriamanitry ny fampiononana rehetra.”

Raha amin’ny fomba hafa no hahitanao Azy dia tohizo foana ny ezaka ataonao. (“Tompoko, mba te hahita an’i Jesoa izahay,” Liahona, nôv. 2023, 14)

Inona no tokony hataontsika rehefa mahita an’ Andriamanitra mitahy ny hafa isika, indrindra rehefa mahatsapa isika fa tsy mendrika izany izy ireo?

Nanazava ny Loholona LeGrand R. Curtis Jr ao amin’ny Fitopololahy hoe:

Tsy misy fetra ny fitiavan’ny Ray any An-danitra ny zanany rehetra, ary tsy ilaina ny hasosorana amin’izany fitiavana izany rehefa miseho amin’ny fiainan’ny hafa. Maro sesehena ny fitiavana ho antsika, ary mahazo bebe kokoa amin’izany fitiavana izany isika rehefa hoe tsy vitan’ny mankalaza ny fiverenan’ilay zanaka adala fotsiny fa manampy olona betsaka araka izay tratra ihany koa mba hamerina azy ireo ho ao am-bala “soa aman-tsara” (Lioka 15:27). (“He Ran, and Fell on His Neck, and Kissed Him,” Liahona, Jan. 2015, 47)

Nampianatra ny Filoha Jeffrey R. Holland ao amin’ny Kôlejin’ny Apôstôly Roambinifolo hoe:

15:23

Hisy ny fotoana eo amin’ny fiainantsika izay hahazoan’ny olona hafa fitahiana tsy nampoizina na mari-pankasitrahana manokana. Miangavy anareo aho mba tsy ho tafintohina—ary indrindra mba tsy hialona mihitsy—rehefa mahazo fitahiana ny olona hafa iray. Tsy hoe lasa maivan-danja izany isika rehefa mahazo zavatra bebe kokoa ny hafa. Tsy mifaninana izany isika samy isika mba hahitana izay manan-karena indrindra na tsara tarehy indrindra na koa aza hoe izay voatahy be indrindra. Ny fifaninana tena ataontsika dia ny fifaninana hanohitra ny fahotana, ary azo antoka fa ny fialonana no anisan’ny tena mibahana indrindra amin’izy ireo. (“Ireo mpiasa ao amin’ny tanimboaloboka,” Liahona, mey 2012, 31)

Koa satria be famindram-po sy be fitiavana Andriamanitra, moa ve tena mila mibebaka aho?

Nampianatra ny Loholona D. Todd Christofferson ao amin’ny Kôlejin’ny Apôstôly Roambinifolo hoe:

13:12

Koa satria miantefa amin’ny zava-drehetra ny fitiavan’ Andriamanitra dia misy ireo izay milaza izany ho “tsy misy fepetra,” ka mety hanitatra ao an-tsainy izy ireo hoe ny dikan’izany dia “tsy misy fepetra” ny fahazoana ireo fitahian’ Andriamanitra, ary “tsy misy fepetra” ny fahazoana famonjena.” Tsy izany anefa. Ny sasany dia milaza matetika hoe: “Tia ahy amin’ny maha-izaho ahy ny Mpamonjy,” ary tena marina tokoa izany. Saingy tsy afaka maka antsika tsirairay amin’ny maha-isika antsika ho ao amin’ny fanjakany anefa Izy, “fa tsy misy zavatra tsy madio afaka mitoetra ao na mitoetra eo anatrehany” (jereo ny Mosesy 6:57). Tsy maintsy voavela aloha ny fahotantsika. (“Ny fitiavan’ Andriamanitra,” Liahona, nôv. 2021, 16)

Sahanasa fianarana fanampiny

Fakana sary an-tsaina ny tantaran’i Jona

Raha manampy ny mpianatrao dia hevero ny hampiseho ny “Jonah the Prophet” (2:30). Ity horonan-tsary ity dia afaka manampy ny mpianatrao haka sary an-tsaina ny tantaran’i Jona mialoha na aorian’ny famitan’izy ireo ilay taratasy zaraina.

2:30

Ohatra iray amin’ny andro maoderina momba an’i Jona

Ho solon’ilay horonan-tsary ao amin’ny fizarana hoe “Lasa tahaka ny Tompo,” dia azonao atao ny mizara tantara iray avy ao amin’ilay lahatsoratra hoe “Tsy tara loatra izao ho an’ny fahafahana mamerina miezaka indray”. Ity lahatsoratra ity dia ahitana ny tantaran’ny zatovovavy iray izay very fanantenana rehefa tsy nahomby tany an-tsekoly kanefa nahazo fampiononana sy fanantenana tamin’ny alalan’ny rainy. Rehefa avy nizara ilay tantara ianao dia azonao atao ny mangataka ny mpianatra hizara ny mampitovy ny Raintsika any An-danitra amin’ilay raim-pianakaviana ao amin’ilay tantara. Avy eo izy ireo dia afaka mizara zavatra niainana manokana momba ny fotoana nahatsapan’izy ireo fa naneho famindram-po na fitiavana teo amin’ny fiainan’izy ireo ny Ray any An-danitra.

Maneho fitiavana sy famindram-po amin’ny hafa

Ho solon’ilay horonan-tsary ao amin’ny fizarana “Lasa tahaka ny Tompo” dia azonao aseho ny horonan-tsary “Filoha Uchtdorf: Famelana ny hafa” (3:40). Ity horonan-tsary ity dia azo ampiasaina mba hanampiana ny mpianatra hahita ny maha-zava-dehibe ny famindram-po sy ny famelana ny hafa tahaka ny ataon’ny Tompo amintsika. Azon’ny mpianatra atao ny mijery ilay horonan-tsary sady mieritreritra olona iray izay mety ananany olana ny mitia na mamela azy.

3:40

Jona 2. Miaina ny famindram-pon’ny Tompo amin’ny alalan’ny fibebahana

Raha heverinao fa hahazo tombony ny mpianatra raha mandany fotoana misimisy kokoa hifanakalozana hevitra momba ny maha-zava-dehibe ny fibebahana dia azonao atao ny manasa azy ireo handalina tsiroaroa ny Jona 2:1–10. Asaivo mitady andian-teny ao amin’ny vavaka nataon’i Jona izay manambara ny fanirian’i Jona amin-kitsimpo hibebaka izy ireo.

Anontanio ny mpianatra hoe inona no porofo tao amin’ny tantaran’i Jona izay maneho fa namela ny helony ny Tompo satria nibebaka izy. Avy eo dia ampio ny mpianatra hamantatra ohatra hafa ao amin’ny soratra masina izay nahitana olona niaina ny famindram-pon’ny Tompo tamin’ny alalan’ny fibebahana amin-kintsimpo.