Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Amosa 3; 7: Manambara fahamarinana amin’ny alalan’ireo mpaminaniny ny Tompo

“Amosa 3; 7: Manambara fahamarinana amin’ny alalan’ireo mpaminaniny ny Tompo,” Testamenta Taloha: Boky torolalana ho an’ny mpampianatra seminera (2026)

“Amosa 3; 7: Manambara fahamarinana amin’ny alalan’ireo mpaminaniny ny Tompo,” Testamenta Taloha: Boky torolalana ho an’ny mpampianatra seminera

Amosa; Obadia; Jona: Lesona 149

Amosa 3; 7

Manambara fahamarinana amin’ny alalan’ireo mpaminaniny ny Tompo

Ao anatin’ny tontolo izay ahenoana feo mandresy lahatra maro dia mety ho sarotra ny mahafantatra hoe iza no feo azo itokisana. Soa ihany fa manambara ny drafiny amintsika amin’ny alalan’ireo mpaminaniny velona ny Raintsika any An-danitra sy i Jesoa Kristy Mpamonjy be fitiavana. Ity lesona ity dia afaka manampy ny mpianatra hahatakatra fa ny Ray any An-danitra sy i Jesoa Kristy dia manambara torohevitra sy fahamarinana amin’ny alalan’ireo mpaminaniny.

Ireo sahanasa fianarana azo atao

Famaliana ireo torohevitra avy amin’ny mpaminany

Ity sahanasa manaraka ity dia natao hanampiana ny mpianatra hisaintsaina ny fihetsik’izy ireo manoloana ireo mpaminany. Mety hanampy ny manoratra ireto famaliana amin’ny alalan’ny tambajotran-tserasera telo manaraka ireto eny amin’ny solaitrabe.

Ho solon’ity sahanasa manaraka ity dia azonao atao ihany koa ny manasa ny mpianatra haka sary an-tsaina fa nozarain’ireo namany ireo famaliana ireo rehefa avy nihaino ny lahatenin’ny mpaminany nandritra ny fihaonamben’ny Fiangonana maneran-tany na fampaherezam-panahy ho an’ny zatovo izy ireo. Azonao dinganina avy eo ny fanontaniana miaraka amin’izany.

Alaivo sary an-tsaina ny fahitana ireto manaraka ireto ho famaliana amin’ny alalan’ny tambajotran-tserasera:

“Tsy manana antony hiresahana momba izany izy. Tsy takany ilay izy.”

“Tsy mahafantatra ny tena zava-misy izy.”

“Amin’ireo zavatra hafa rehetra tokony hataoko dia tsy hitako ny fomba ahafahako mampihatra io torohevitra io amin’ny fiainako izay efa tena feno zavatra atao.”

Iza no mety resahina ao amin’ireo famaliana ireo?

Azonao atao ny mampiseho ny sarin’ny mpaminany velona ary manasa ny mpianatra haka sary an-tsaina fa ireo fanehoan-kevitra ireo dia famaliana eo anatrehan’ny zavatra iray nolazain’ny mpaminany. Azon’ny mpianatra atao ny mizara ny antony mety ananan’ny olona iray ny iray amin’ireo toe-tsaina etsy ambony ireo.

Hevero ny hampiseho ireto fanontaniana manaraka ireto mba hanampiana ny mpianatra hanombantombana ny fahatsapany momba ny fanarahana ny torohevitry ny mpaminany.

Makà fotoana hisaintsainana ny fomba fijerinao ny mpaminanin’ny Tompo ety an-tany amin’izao fotoana izao. Azonao heverina ny valin-teninao amin’ireto fanontaniana manaraka ireto:

Inona no fahatsapako momba ny torohevitry ny mpaminany? Miova ve ny zavatra tsapako miankina amin’ny torohevitra omeny?
Inona avy ireo antony homeko amin’ny fanarahana ny torohevitry ny mpaminany? Moa ve misy zavatra mampananosarotra ny fanarahako ny torohevitry ny mpaminany?

Rehefa mandalina ny ao amin’ny bokin’i Amosa isika androany dia afaka manampy anao hianatra kokoa momba ny maha-zava-dehibe ny tenin’ Andriamanitra izay omena antsika amin’ny alalan’ireo mpaminaniny ny Fanahy Masina. Azonao atao ny manoratra hevi-baovao na izay fanontaniana anananao rehefa mandalina ianao androany.

Manambara ny drafiny amin’ny alalan’ireo mpaminaniny ny Tompo.

Tamin’ny fotoana nanompoan’i Amosa tamin’ny naha mpaminany azy tao amin’ny fanjakana avaratr’i Isiraely, dia maro tamin’ireo vahoakan’ny fanekempihavanan’ Andriamanitra no niala Taminy sy tamin’ireo mpaminaniny ary nanaraka ny fomba ratsin’ireo firenena nanodidina (jereo ny Amosa 2:6–12). Nisafidy an’i Amosa mba hiantso azy ireo hibebaka ny Tompo. Naminany ny faharavana sy ny fahababoan’ny Mpanjaka Jeroboama II sy ny vahoakany i Amosa (jereo ny Amosa 7:8–9; 11, 17).

Vakio ny Amosa 7:10–15, ka tadiavo ny fomba namalian’i Amazia, ilay mpisoron’ny Mpanjaka Jeroboama II ny torohevitry ny mpaminany nomen’i Amosa.

Inona no hitanao?
Nahoana araka ny eritreritrao no nihevitra ny olona fa tsy “zaka[ny] ny tenin[’i Amosa] rehetra” (Amosa 7:10) izy ireo ary naniry azy handeha haminany any an-toeran-kafa (jereo ny Amosa 7:12)?
Nahoana araka ny eritreritrao no manohy mampianatra ireo mpaminanin’ Andriamanitra na diaamin’ny fotoana ahitan’ny olona sasanyazy ireo ho olona tsy malaza na tsy maharaka na tsy ilaina aza ?

Raha tsy milaza izany ny mpianatra dia azonao atao ny manontany ny zavatra nataon’i Amosa talohan’ny niantsoana azy ho mpaminany (jereo ny Amosa 7:14) sy ny zavatra nataon’ny Tompo ao amin’ny andininy 15 mba hiantsoana an’i Amosa ho lasa mpaminany. Hazavao fa toy ny tamin’i Joseph Smith sy ny hafa, ny Tompo dia tsy mitaky ireo mpaminaniny hoe mitana toerana ambony na efa nahavita zavatra betsaka alohan’ny hiantsoany azy ireo ho mpaminany. Raha mila fanampiana amin’ny famaliana io fanontaniana io ny mpianatra dia azonao zaraina ny teny nambaran’ny Filoha Nelson ao amin’ny “Loharanom-pitaovana fanampiny” ato amin’ity lesona ity ao amin’ny Médiathèque de l’Évangile.

Toko vitsivitsy talohan’izany, dia nanambara fahamarinana mahery vaika momba ny Tenany sy ny mpaminaniny tamin’ny alalan’i Amosa ny Tompo.

Ny Amosa 3:7 dia andalan-tsoratra masina fifehezana fotopampianarana. Hevero ny hanasa ireo mpianatra hanisy marika amin’ny fomba miavaka ireo andalan-tsoratra masina fifehezana fotopampianarana mba ho mora aminy ny mahita ny toerana misy azy.

Vakio ny Amosa 3:7–8, dia tadiavo ny zavatra ataon’ Andriamanitra mandrakariva amin’ny alalan’ireo mpaminaniny.

Mety hanampy ny mpianatra ny mahafantatra fa ny teny hafa ho an’ny tsiambaratelo dia ahitana ny hoe torohevitra na drafitra.

Inona no azontsika ianarana momba ny Tompo avy amin’ireo andinin-tsoratra masina ireo?

Mety hampiasa teny samihafa ny mpianatra mba hamantarana fa manambara ny drafiny amin’ny alalan’ireo mpaminaniny ny Tompo. Azonao atao ny mizara, ho ohatra amin’io fahamarinana io, fa talohan’ny nandravana an’i Joda sy Isiraely tamin’ny farany noho ny faharatsian’ny vahoaka, dia nanambara ny zavatra hitranga ny Tompo raha tsy mibebaka ny vahoaka (jereo ny Amosa 2:4–6, 8:11–12).

Rehefa mitohy ny lesona dia mitadiava fomba hanamafisana fa tia antsika ny Tompo ary te hitarika antsika Izy.
Inona no azon’io fahamarinana io ampianarina anao mikasika ny antony maha-zava-dehibe aminao ny mihaino ny mpaminany na manao ahoana na manao ahoana fihetsiky ny hafa manoloana ny teniny?

Manaraka ireo mpaminanin’ny Tompo

Ity sahanasa manaraka ity dia fomba iray hanampiana ny mpianatra hampitombo ny fahatakaran’izy ireo fa manambara fahamarinana amin’ny alalan’ireo mpaminaniny ny Ray any An-danitra sy i Jesoa Kristy. Hevero ny handamina ireo mpianatra ho ao anaty vondrona kely ary hampiseho tsikelikely ireo dingana atao ao amin’ilay sahanasa.

Tsarovy ireo fanehoan-kevitra ao amin’ny tambajotran-tserasera tany am-piandohan’ny lesona dia misafidiana iray. Ity sahanasa manaraka ity dia afaka manampy anao hiomana hanoratra valin-teny iray.

Avereno vakina ny Amosa 3:7 ary saintsaino ny fomba mety hanampian’izany an’ilay olona nanao izany fanehoan-kevitra izany. Vakio ihany koa ireto andalan-tsoratra masina fifehezana fotopampianarana manaraka ireto ka tadiavo ny fomba mety hanampian’izany. (Hevero ny hampifandrohy na hampifandray ireo soratra masina ireo amin’ny Amosa 3:7.)
- Ezekiela 3:16–17
- Fotopampianarana sy Fanekempihavanana 1:37–38
- Fotopampianarana sy Fanekempihavanana 21:4–6
Ampidiro ao anatin’izany ny fitahiana roa farafahakeliny izay afaka ny ho tonga rehefa mihaino ny mpaminanin’ Andriamanitra ianao. Afaka mahita ohatra ianao ao amin’ny soratra masina, na tantara avy amin’ny tantaran’ny Fiangonana, na fampianarana avy amin’ireo mpaminany amin’izao fotoana izao. Miezaha mizara ohatra iray izay nitondran’ny tenin’ny mpaminany fiovana tsara teo amin’ny fiainanao.

Azonao atao ny mizara ny sasany amin’ireto ohatra manaraka ireto amin’ny mpianatra, araka izay ilaina:

Tamin’ny alalan’i Noa mpaminaniny no nampitandreman’ny Tompo ny vahoaka fa raha tsy mibebaka izy ireo dia horavana amin’ny safo-drano (jereo ny Mosesy 8:22–30; Genesisy 7:17–24).
Naminany mikasika ny zavatra hiainan’ny Mpamonjy amin’ny alalan’ny Sorompanavotany ny mpaminany Isaia (jereo ny Isaia 53:3–5).
Ny fiangonana izay mifototra kokoa amin’ny tokantrano sy tohanan’ny Fiangonana dia “nanomana antsika … talohan’ny nitrangan’izay mety ho famantarana momba ny fisian’ny valanaretina iray, ka nahatonga antsika afaka niaritra ireo zava-tsarotra izay tonga teo” (Gary E. Stevenson, “Nahita sitraka fatratra tokoa tamin’ny Tompo,” Liahona, nôv. 2020, 103).

Ny valin-teniko

Amin’ny alalan’ny fampiasana ny zavatra nianaranao sy tsapanao androany dia manorata valin-teny mifono fanampiana ho an’ny iray amin’ireo fanehoan-kevitra tsy dia tsara tany am-piandohan’ny lesona. Ataovy izay hampidirana soratra masina iray farafahakeliny ary ohatra iray, izay mety ho zavatra niainana manokana.

Asao ny mpianatra vitsivitsy hizara ny valin-teniny. Hevero ny hizara ny zavatra nampianarin’ny Fanahy Masina anao momba ny fitiavan’ Andriamanitra sy ny fitarihany amin’ny alalan’ireo mpaminaniny.

Fanaovana tsianjery

Mety ho tianao ny manampy ny mpianatra hanao tsianjery ilay toko sy andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nandritra ity lesona ity, ary mamerina mijery izany mandritra ireo lesona hafa manaraka. Ny andian-teny manan-danja ao amin’ny soratra masina ho an’ny Amosa 3:7 dia ny hoe: “Tsy manao na inona na inona tokoa Jehovah Tompo, raha tsy milaza ny heviny amin’ny mpaminany mpanompony.” Ireo hevitra ho an’ny sahanasa fanaovana tsianjery dia ao amin’ireo fitaovana ao amin’ny tovana ao amin’ny “Sahanasa famerenana fifehezana fotopampianarana.”

Loharanom-pitaovana fanampiny

Nahoana ireo mpaminanin’ Andriamanitra no manohy mampianatra fahamarinana na dia amin’ny fotoana ahitan’ny olona sasany azy ireo ho olona tsy malaza na tsy maharaka na tsy ilaina aza ny olona sasany?

Nanazava toy izao ny Filoha Russell M. Nelson:

Indraindray izahay mpitarika ato amin’ny Fiangonana dia tsikerain’ny olona amin’ny fijanonana ho mahatoky amin’ny lalàn’ Andriamanitra, sy amin’ny fiarovana ny fotopampianaran’ny Mpamonjy ary amin’ny fanoherana ireo fanerena ara-piarahamonina amin’izao andro izao. Fa ny iraka nampanaovina anay amin’ny maha apôstôly voahosotra anay dia ny “handeha eran’izao tontolo izao hitory ny filazantsara[ny] amin’ny olona rehetra.” Midika izany fa didiana mba hampianatra ny fahamarinana izahay.

Rehefa manao izany izahay dia voampanga ho tsy miraharaha rehefa mampianatra ireo zavatra takin’ny Ray hahazoana ny fisandratana ao amin’ny fanjakana selestialy. Kanefa moa ve tsy vao mainka tsy miraharaha izahay raha tsy milaza ny marina—tsy mampianatra ny zavatra nambaran’ Andriamanitra?

Koa noho izahay mihevitra lalina tokoa ny zanak’ Andriamanitra rehetra no hanambaranay ny fahamarinany. Mety tsy hilaza amin’ny olona ny zavatra tiany ho heno foana izahay. Mahalana ny mpaminany no hoe tiam-bahoaka. Saingy tsy maintsy mampianatra ny fahamarinana mandrakariva izahay! (“The Love and Laws of God,” [Fampaherezam-panahy tao amin’ny Oniversite Brigham Young, 17 sept. 2019], 3, speeches.byu.edu)

Nahoana no misy fiarovana ao amin’ny fanarahana ny torohevitr’ireo mpaminanin’ny Tompo?

Nanazava toy izao ny Loholona Allen D. Haynie ao amin’ny Fitopololahy:

11:21

Manova ny zava-drehetra ny fahafantarana amin’ny alalan’ny fanambarana fa misy mpaminany velona eto ambonin’ny tany. Izany dia mahatonga ny olona iray tsy liana amin’ny adihevitra momba ny hoe rahoviana ny mpaminany iray no miteny amin’ny maha-mpaminany azy na momba ny hoe mahazo rariny ve ny olona iray amin’ny fandavana ny sasany amin’ny torohevitra avy amin’ny mpaminany. Ny fahalalana nambara toy izany dia manasa ny olona hatoky ny torohevitry ny mpaminany velona iray, na dia tsy takatsika tanteraka aza izany. Raha ny marina, ilay Ray any An-danitra tonga lafatra sy be fitiavana dia nisafidy ilay lamina hoe amin’ny alalan’ny mpaminany iray no anambarany ny fahamarinana amin’ny zanany. Olona izay tsy nikatsaka velively ny hahazo antso masina toy izany ary tsy mila ny fanampiantsika mba hahafantatra ny fahelemeny manokana. Ny mpaminany dia olona nomanin’ Andriamanitra manokana, nantsoiny, nahitsiny, notaominy fanahy, nolevileveny, nohamasininy ary notohanany. Izany no antony mahatonga antsika tsy ho azon-doza ara-panahy rehefa manaraka ny torohevitry ny mpaminany. (“Mpaminany velona iray ho an’ny andro farany,” Liahona, mey 2023, 25)

Afaka mampianatra antsika inona momba an’ Andriamanitra ny fitarihan’ny mpaminany?

Nampianatra izao ny Loholona Dieter F. Uchtdorf ao amin’ny Kôlejin’ny Apôstôly Roambinifolo:

Milaza amintsika ny soratra masina fa ny zavatra voalohany nataon’ Andriamanitra taorian’ny nahariany ny lehilahy sy ny vehivavy dia ny niresaka tamin’izy ireo. Nanana fampahalalana iankinan’ny aina sy torolalana sarobidy omena azy ireo Izy. Ny tanjony dia tsy ny hanavesatra na hampitahotra azy ireo fa ny hitarika azy ireo kosa any amin’ny fahasambarana sy ny voninahitra mandrakizay.

Ary vao fiantombohana fotsiny izany. Nanomboka tamin’io andro io ka hatramin’izao dia nanohy nifandray tamin’ireo zanany Andriamanitra. Ny teniny dia notehirizina sy notiavina ary nohalalinin’ireo mpianatra isaky ny taranaka nifandimby. Hajain’ireo izay mikatsaka ny hahafantatra ny sitrapon’ Andriamanitra izy ireny, ary mijoro ho vavolombelona ny amin’ilay fahamarinana hoe “tsy manao na inona na inona tokoa Jehovah Tompo, raha tsy milaza ny heviny amin’ny mpaminany mpanompony” (Amosa 3:7).

Izany no lamina hatrany am-boalohan’ny fotoana, ary mbola mitohy izany lamina izany amin’izao fotoana izao. Tsy hoe tantara mahafinaritra ao amin’ny Baiboly fotsiny izany fa fomba napetrak’ Andriamanitra hampitana hafatra manan-danja amin’ireo zanany. …

Anisan’ireo hafatra tena lehibe indrindra sy mankahery indrindra ary mahavelom-panantenana indrindra ao amin’ny Famerenana amin’ny laoniny ny hoe tsy matory Andriamanitra! Tiany ireo zanany. Tsy navelany hirenireny ao anaty haizina isika. (“Ny tenin’ Andriamanitra ho an’ireo zanany,” Liahona, mar. 2018, 4)

Sahanasa fianarana fanampiny

Manaraka ny mpaminanin’ Andriamanitra rehefa miatrika tsy fitovian-kevitra na fisafotofotoana

Mety ho manana olana na tsy miombon-kevitra amin’ny torohevitry ny mpaminany ny mpianatra sasany. Mba hanampiana ny mpianatra hianatra ny zavatra azon’izy ireo atao ao anatin’ireo toe-javatra ireo dia azonao atao ny mijery ny “Face to Face with Elder and Sister Rasband” manomboka amin’ny mari-potoana 18:26 hatramin’ny 21:34.

83:59

Rehefa avy nijery ilay horonan-tsary ny mpianatra dia azonareo atao ny mifanakalo hevitra momba ny fanontaniana toy izao manaraka izao:

Inona no fitahiana ananantsika amin’izao fotoana izao mba hahafahantsika mahazo matetika kokoa ny fitarihan’ Andriamanitra amin’ny alalan’ireo mpaminaniny?
Manao ahoana araka ny eritreritrao izany hoe mihaino ny mpaminany iray amin’ny “faharetana sy finoana” izany?
Inona avy ireo zavatra azontsika atao mba hanarahana ireo mpaminany velon’ny Tompo?

Ny fahendren’ Andriamanitra

Fomba iray hanampiana ny mpianatra hampitombo ny fahatokisany ny torohevitry ny mpaminany ny fanampiana azy ireo hahatakatra kokoa momba ny toetran’ Andriamanitra. Azonao atao ity manaraka ity ho fanampiana ny mpianatra hamantatra ny fahamarinana notsongaina ao amin’ny Amosa 3:7.

Asao ny mpianatra hamaky ireto andalan-tsoratra masina sy teny nambaran’ny Loholona Dieter F. Uchtdorf ao amin’ny Kôlejin’ny Apôstôly Roambinifolo manaraka ireto:

Nampianatra ny Loholona Dieter F. Uchtdorf hoe:

Misy loharanom-pahamarinana iray izay feno, marina ary tsy mety kosehina. Izany loharano izany dia ny Ray any An-danitra manam-pahendrena tsy manam-pahataperana sy mahalala ny zavatra rehetra. Mahafantatra ny fahamarinana araka ny toetrany taloha, sy ankehitriny ary ny toetrany mbola ho avy Izy (jereo ny Fotopampianarana sy Fanekempihavanana 93:24). “Mahatakatra ny zava-drehetra Izy, … ary ny zava-drehetra dia manodidina azy, … ary ny zava-drehetra dia amin’ny alalany sy avy aminy” (Fotopampianarana sy Fanekempihavanana 88:41).

Omen’ny Raintsika any An-danitra be fitiavana antsika zanany mety maty ny fahamarinany. (“Our Search for Truth,” New Era, Aog. 2020, 5)

vy eo dia azon’ny mpianatra atao ny mifanakalo hevitra momba ny fomba ahafahan’ny fahatakarana fa Andriamanitra dia mahafantatra ny zava-drehetra manampy azy ireo hatoky ireo mpaminaniny.